北斗

营业中

休息中

對自己好一點系列慢慢omakase兩小時，食物讓我快樂！午市分別有三款，$480「北」，$680「斗」，$980「極」。下面介紹的是「斗」，八樣類別，共十四道食物。隨後有五款醬汁讓客人隨心意地配搭，有檸檬柚子芥末、芝麻醬、白豉油芥末、炸物汁、胡椒鹽。食完一道接一道，日本師傅築島介紹到聊天，記得食到刺身第二道時他問我 “you happy?” 我好肯定地回答 “yes”，然後忘記為口裡的深海池魚拍照……人均：$748.先付-淮山、蘿蔔蘿蔔開胃，淮山好特別，黏而口感帶爽，淡淡Wasabi令淮山容易入口。.前菜-海膽豆腐十分透心涼，質感滑而厚實，海膽好鮮。.湯-大蜆湯蜆肉肥大，加點蔥花，清甜順口。.刺身-柚子帶子、池魚、火炙魚、拖羅卷柚子令帶子鮮味再出，池魚入口鮮美，充滿口腔，後者兩款火炙方法令魚脂感更豐富，爆發在口腔。.串揚-茄子、沙錐魚、鴨胸、鮑魚食完一道即炸另一道，所以每口都熱辣辣，鴨胸串揚第一次食，好驚喜，給十分，而鮑魚，師傅說將熟成的調味，炸完不用醬汁都好好食，確實是，彈牙有飽魚味！.合肴-龍蝦海膽龍蝦半生熟配上海膽，層次豐富。.食事-烏冬/湯飯選擇了野菜烏冬，去到這裡，已經很滿足

第一次食OMAKASE, 食完先知這店是主打串揚.晚餐，三千六有點貴，同埋太飽，下次不叫「極」叫「斗」。海膽豆腐大蜆湯北寄貝池魚灸燒池魚腩拖羅卷生蠔櫻花蝦希靈魚串揚沙椎魚串揚炸螺炸慢煮鮑魚炸蝦串揚鴨胸串揚海膽龍蝦燒龍蝦(因召喚師不食牛)燒和牛茶漬飯時令柿子

店子不大，座位有限，但時令美食非常新鮮，由第一至最後的菜式，均是非常有水準，用心的烹調和詳盡的講解，滿足了味蕾的享受，和豐富了對食材的瞭解，總括而然，多謝築島先生和陳先生的款待。店内は小さく、席数も限られていますが、旬の食材はとても新鮮で、最初から最後まですべてが定番で、丁寧な調理と丁寧な説明が味覚を満足させ、食材の味わいを豊かにしてくれます。一言で言えば、つくばさんと陳さんのおもてなしに感謝します。

Omakase令人愛上既原因係因為有驚喜，今次專程黎到九龍城呢間小店原來小店係日本師傅主理，好期待呀北斗有 3款 Omakase供應，我就揀左中價果個包括左前菜、湯品、刺身及炸物各4款，熱食，主食同埋甜品前菜係海膽蟹羔豆腐，上面舖左海膽同刺身蝦肉個豆腐味道好濃郁又好滑，好驚喜既味道之後就會上個湯清一清口腔裡面濃濃既味道係梅子湯，咸咸酸酸既味道都幾特別之後就會上刺身，4款刺身分別係鮮北寄貝、拖羅、生蠔，另外一款我唔太肯定，但魚味好香4款刺身都好新鮮之後就到炸物，分別有炸希靈魚， 煙鴨胸，魚仔同蟹鉗我覺得炸希靈魚比較特別，而且佢地會配上特別既醬汁食用，味道豐富之後就會有一款熱食，係上湯龍蝦球，係真龍蝦肉黎好彈牙，配上呢款上湯食味道都唔錯最後就係主食，我就揀左 烏冬，最後會上埋甜品甜品係蜜瓜喔，個蜜瓜好甜，好完滿既一餐

最近九龍城開左間新日本餐廳，嗰日放假就約咗朋友去食lunch😋Lunch menu有三款，我就嗌左 $480 嘅「北」餐～ 枱面放左幾款唔同嘅醬料，可以根據自己嘅口味配搭返。蕃茄菠菜配芝麻醬 — 好似件藝術品咁，將菠菜壓成一柱，再將蕃茄切成一口size，點埋芝麻醬食就好開胃柚子味帶子 — 師傅將帶子𠝹開條紋，再掃上柚子汁，令整隻帶子都有柚子嘅香味。我自己就覺得唔洗再點側邊嘅豉油，唔係嘅話反而搶左佢嘅鮮味吞拿魚刺身 — 雖然呢舊刺身唔算好肥美，但其實幾啱我口味，少啲脂肪反而食得出魚嘅味，唔會食到成口油火炙深海池魚 — 呢舊係我咁多道菜中 最喜歡嘅一碟✨ 刺身輕輕一燒，帶出好香嘅魚油，上面再放左啲蟹子，食落口有爆汁嘅感覺炸魚春串 — 炸得香脆，而舊魚好有咬口，食落好彈牙，配埋沙律醬同木魚食，好有大阪風味🤣食到咁上下，最後以日本蜜瓜作結，超級香甜、軟熟同多汁🍈👍🏻👍🏻

呢間位於九龍城嘅小店主打串揚，午市嚟食Omakase，服務好而且好有日本感覺。全程由日本師傅主理☺️揀咗$680啲餐😍先付、前菜、湯、刺身、串揚、合肴、食事、甜品▶️海膽豆腐面上有海膽同魷魚，非常鮮味，豆腐充滿海膽味，賣相靚味道好！▶️梅子湯開頭睇落去好似一粒雲吞，但係其實係一粒梅子，味道酸酸甜甜，好開胃～▶️北寄貝刺身呢一隻北寄貝夠新鮮，爽口鮮甜▶️白身魚肉質爽爽地，幾厚身！▶️拖羅厚切，魚油夠多，好肥美！▶️生蠔🦪好肥美，夠creamy鮮甜帶有海水味▶️希靈魚串揚估唔到希靈魚串揚外皮脆，入邊希靈魚卜卜脆，口感幾得意~▶️鴨胸串揚鴨胸味好濃郁，夠林，炸咗幾好食！▶️沙鯪魚串揚魚肉肉質林滑，炸到成條都食得▶️海膽蟹鉗配上海膽好鮮味，蟹鉗肉幾鮮味，炸蟹鉗好好食！▶️龍蝦肉龍蝦半生熟，口感幾爽，面上有蔥花更香▶️野菜烏冬食完已經相當夠飽～▶️日本蜜瓜🍈好甜好好食～完滿嘅一餐

早排見到九龍城開左1間新嘅“我呀媽家姐”, .於是襯今日放假就決定食好d! 一入到餐廳就見到張長長嘅吧枱, 前面亦有日本廚師為你準備食物! 餐廳提供3種價錢嘅omakase, 小妹揀左680蚊嘅set嚟試下! 今日嘅先付係牛蒡, 山藥同蘿蔔漬物, 牛蒡同蘿蔔都好脆，而山藥都好爽口, 用嚟幫個胃「熱身」岩哂!😆前菜:海膽豆腐海膽鮮甜, 豆腐軟滑, 一放入口基本上係由條脷直到喉嚨湯:梅子湯木魚湯底, 微酸帶甘甜, 而且有陣陣紀州梅子既梅香北海道帶子好大隻肉厚鮮甜深海池魚🐟油脂好厚, 入口質感爽脆, 夾雜住微微鮮甜中拖羅🐟魚腩既中後位置入口即溶而且魚味好濃北海道北寄貝肉質肥美爽脆，味道甘甜炸茄子🍆外層脆卜卜肉身多汁, 清清地順便可以清下味蕾炸沙錐魚🐟平時食都係煎, 用嚟起肉炸都係第一次, 沙錐本身肉質幼嫩而廚師將佢起左肉, 完全冇骨, 一啖一件炸松葉蟹鉗一啖一隻, 食落啖啖肉, 味道鮮甜炸煙鴨胸炸煙鴨胸比較少見, 鴨胸本身點帶咸味, 加上鴨既油脂食落幾香口合肴:濃湯半熟龍蝦加櫻花蝦龍蝦肉質爽彈, 味道鮮甜, 加上櫻花蝦既咸香味, 一試難忘可選茶漬飯/烏冬茶漬飯用玄米茶做茶底，加上飯素同明太子

依間日本菜唔係咁多人提及過，但係我偶爾經過見到裝修好似幾靚，就入去試吓，價錢唔平㗎，但係佢嘅質素都對得住佢嘅價錢，等我講吓佢嘅嘢食先。首先前菜已經好有驚喜，佢係茄子又用豉油制過，配日本芝麻醬，感覺好fresh,又有新意。而另外一個前菜係由牛蒡，蘿蔔等等醃製過嘅，我最鍾意就係食佢嘅牛蒡，因為一啲都唔會苦，而且牛蒡好健康。熱梅湯好大陣梅味，第一次飲梅湯，通常飲梅酒，所以感覺幾新奇。之後就到刺身，佢嘅帶子超級鮮味，日本師傅就話佢係北海道新鮮運來嘅帶子，都食得出，因為夠鮮甜。拖羅刺身同埋燒拖羅都好正，入口即溶，脂肪平均。Tempura有魚有茄子，炸粉唔會太多，食落好香脆。海膽蝦肉海膽超級鮮甜，配上蝦肉爽口日本烏冬用嚟暖胃同埋填肚就啱晒。甜品厥餅好似車厘子形狀，好得意，配埋黃豆粉食落更佳。

今日朋友放假，佢話帶我去食好嘢。去到門口就覺得好日本田園feel，入到去就見到一幅好colourful嘅手繪雀仔，好靚。餐牌上有三款午市套餐，分別係北、斗同埋極，我就揀左斗。呢間係由日本人主理嘅餐廳，由廚師發辦。先付 - 淮山、牛蒡同蘿蔔，味道酸酸鹹鹹，爽口。海膽豆腐 - 入口幼滑冰凍，海膽味超濃。上面另有海膽，魷魚再鋪上金箔，有檸檬同柚子嘅味道，好清新。梅子湯 - 初嘗梅子湯，感覺幾好，酸酸甜甜，都幾開胃。剌身深海池魚及拖羅：入口新鮮之餘帶薄薄油脂，勁正！北海道帶子： 味道甜甜凍凍，有鮮味。北海道北寄貝： 咬落去比較爽甜，唔錯。炸物 各款炸物炸粉薄薄，入口鬆脆。上炸物嘅時候會放响麵包上，麵包要黎吸多餘油份，唔會食到滿口油。炸茄子：唔太乾，帶濕潤。炸沙椎魚：骨炸到都脆晒，可以成條食。炸蟹鉗：有睇頭，肉厚。炸鴨胸：啖啖肉帶薄油脂，唔太鹹，估唔到咁好食。龍蝦：口感結實，配上櫻花蝦做上湯，好鮮味。茶漬飯：飯鋪上明太子，加上味素配上上湯，飯煮到唔硬唔淋，好入味。柚子雪葩：口感細滑，充滿柚子味道，甜味剛好，食完好滿足。

師傅發板通常都是以鮨物為主，以炸物跟刺身為主打的真的少之又少環境：非常有鮨店的風格，連師傅也是日本人！服務：正常鮨店的服務水平套餐 斗 ＄６８０前菜三品牛蒡 蕎頭 山藥甜而高纖，牛蒡口感煙韌，蕎頭酸甜非常開胃梅子湯一顆漬梅子為清澈的湯頭帶來咸香，難得地清新又帶點酸，開胃海膽甜蝦冷豆腐非常清甜的海膽，加上彈牙得很的甜蝦，鮮味濃厚，配以胡麻醬非常出色！北海道帆立貝柚子鹽調味，酸中帶帶子甜香，口感軟稔，十分正深海池魚口感爽而入口帶甜味，鮮味，濃而不膩，正中拖羅非常豐富的油脂感，脂香夠重，微微鮮味，入口即溶，正！大拖羅卷無負大拖羅之名，入口即溶，魚油豐富至極，加上吸油的紫菜非常好吃醬汁（炸物）檸檬汁 胡麻汁 Wasabi白豉油 吉列豬扒汁 黑椒碎炸物希靈魚串揚 櫻花蝦 木魚絲非常彈牙，幾乎像玉子一樣的口感！甜美！鴨胸極端juicy的鴨胸，原來可以外脆內彈得那麼利害！炸沙錐魚鹹香濃郁的炸沙錐魚，完全沒有腥味，很出色海膽蟹鉗另一道鮮味+鮮味的搭配，很不錯伊勢海老半熟伊勢海老意外地清甜，放湯中吃特別鮮美烏冬簡單的主食，非常彈牙的烏冬，完全滿足了胃納靜岡蜜瓜超甜，非常多汁的靜岡蜜瓜，很久沒吃了！

日本師傅奉上Menu，午市有三個套餐分別係北、斗、極，當中包含咗唔同嘅餐點數量，當然亦都同價格相等～淮山牛蒡蘿蔔～前菜都帶酸咸，完全做到開胃嘅功效，當中比較喜歡淮山，帶有黏口嘅汁液，亦都有爽口嘅口感，係養生佳品！海膽豆腐（冷盤）～豆腐帶有鮮甜既海膽味，真係精心傑作！而且賣相非常吸引！梅子湯～精緻嘅湯品，清澈得嚟非常夠味，而且有梅子嘅酸味，胃口頓時大開！北海道帶子～由於帶子已撒上青檸果皮，完全唔需要再用豉油，就可以提升到帶子嘅鮮味！深海池魚～魚肉非常之Rich，加上芥末嘅點綴，令人齒頰留香！拖羅～入口即溶，絕對係呢件拖羅比我嘅感覺！油脂感,令人回味無窮!炸茄子～炸物都會用麵包吸油，炸粉都非常之薄，絕對可以食到茄子嘅原味！略略加上檸檬汁已經非常出色！炸沙椎魚～魚肉非常嫰滑，而且肉厚！魚尾都可以食埋，原汁原味！炸蟹鉗～完整嘅蟹鉗肉，披上薄薄嘅炸粉，可以講係將蟹嘅精華直接咬入！感覺非常滿足！烏冬～烏冬非常爽口，而且湯底清澈，帶有菇香、菜香，當中青蔥嘅角色亦都十分重要！柚子雪葩～夏日炎炎，食雪葩係第一選擇，柚子口味可以清空之前食炸物嘅輕微油膩感！立即煥然一新！

我會嚟食呢間餐廳嘅原因係之前食過佢隔離間餐廳個質素好好，見佢哋新開左呢一間北斗，Omakase既，仲要喺正隔離專食，於是就嚟試吓啦！餐廳嘅師傅叫築島San，黎左香港39年，但係佢係唔識講廣東話㗎😂 可以用英文或日文同佢溝通。佢好nice好鍾意同人傾計架。😊我今日係食lunch，有3個set揀。分別係: 北 $480 | 斗 $680 | 極 $980北: 3 sashimi, 3炸物斗: 4 sashimi, 4炸物極: 5 sashimi, 5炸物😊我係揀咗 <斗> $680先付,前菜,湯,刺身,串揚,合肴,食事,甜品豆腐海膽豆腐好嫩滑，配日式芝麻醬好夾，海膽好creamy. 👍🏻梅湯佢唔會好似出邊啲餐廳淨係比麵豉湯你飲。佢呢個湯係用魚再加埋粒咸梅去煲既，第一次飲呢個湯，幾特別幾好飲。北海道帶子刺身上面加咗啲柚子鹽，唔需要再點豉油同Wasabi。直接食已經鮮味十足。縞鰺刺身呢隻魚我第一次食，個師傅仲專登Google俾我睇係邊一款魚。原來係池魚類入面最矜貴嘅品種，食落口感爽脆，魚油甘香 。拖羅刺身呢個正呀真係！入口即溶，好肥美🤤燒拖羅刺身另外呢款就係燒過嘅，油脂味會更重

而家有港鐵站，去九龍城方便到不得了。同閏蜜黎呢度尋寶，尋到呢間評價唔錯嘅日式餐廳。玄米茶加自家漬物做opening，已經好期待跟住落嚟嘅菜式～由淡至濃，刺身相當鮮味肥美，魚油喺口中慢慢滲出個種滋味超正。時令刺身都講究部位，例如5、6、7月時令係深海池魚，背部做刺身，腩肥美嘅油做炙燒，用最適時當造嘅食物，配上恰當烹調，可算係omakase嘅精粹。師傅用自家磨天婦羅小麥粉，所以炸物嘅外層係非常薄脆，有馬花椒日本鴨胸、醃製蟹籽夾醋青魚，當中少少岩鹽少少自己調味，每口食得出烹調嘅細膩，尤其鴨胸，香脆表面內藏厚實嘅鴨胸，相當好味！呢個季節最適合飲梅子湯，大大粒梅子，慢慢越來越濃嘅梅子香味，岩哂我！啖啖肉三倉伊勢龍蝦，連湯飲埋，厚實多肉爽口，有少少湯嘅咸味，超級好味！我揀咗明太子茶漬飯，辣辣地又有鮮味，好岩食嘅夏天漬飯。甜品係檸檬雪芭，冰涼又酸酸地，仲有兩粒精緻嘅麻薯，完美呀。日本廚師Watanabe san好nice，講左好多佢地日本有報嘅嘢比我地知。笑下食下，靜靜地好enjoy呢餐美味嘅尋寶之旅。

九龍城除左泰國餐廳多，其實日本餐廳都好多。咁我同朋友今次就搵左呢間新開主打omakase嘅餐廳。佢由日本人主理，成間舖都係坐吧台位，大約有10個位度。細細嘅舖面拉近左我哋同師傅嘅距離，可以睇到佢準備野食嘅過程同埋由佢親自上菜同講解。雖然日本師傅嘅廣東話同英文唔係好好，但佢都好盡力咁解釋俾我哋聽，又會同我哋傾下計講下笑，好親切。呢度嘅節奏較慢，每道菜之間個銜接時間比其他omakase餐廳長，因為佢要你食完一道先再即炸另一道俾你，咁可以慢慢享受同朋友相聚嘅時間。佢lunch有三個價位嘅set選擇，分別為$480/$680/$980。呢個價錢嘅omakase午餐黎講算好平，性價比一流。我同朋友就分別揀左$480同$680。兩個set雖然差左$200，但就足足差左三道菜。佢檯面有preset 左五種醬，有胡椒、豬扒汁、白醬油、胡麻醬同埋柚子汁，師傅喺上菜個時會建議你點咩醬或者叫你唔好點，咁當然你都可以跟自己喜好點。一黎就俾左先付，有醬油醃牛蒡、醃黃蘿蔔同芥末淮山。三樣野都好爽口，當你等緊下一道菜嘅時候可以止下口痕又清一清口腔。前菜上左一個蕃茄同菠菜嘅冷盤，佢將啲菠菜排到好似一條竹嘅形狀之後再喺

依排好多慶祝活動，所以食既好西都多左好多餐🤣🤣去左九龍城食omakase,一個餐680午餐，算係中價位，以omakase 黎講啦當然係但我同朋友由頭話好食到甜品🤣點可以唔同大家分享呢真係前菜都頂呱呱佢係海膽豆腐，本身舊豆腐已經唔簡單，勁滑仲有d咸味，配埋海膽既鮮味，真係好好食日本梅湯我一黎就食左舊梅，好咸🤣🤣🤣但個湯一d都唔咸！好重梅味，日本師傅話梅肉係好健康，但我就冇食梅啦，飲湯就ok刺身係我最鍾意既拖羅同燒拖羅！勁高質，唔會太膩，好推薦！Tempura有好幾款，最深刻係個茄子，因為佢爆汁，好誇張！估唔到茄子炸到岩岩好得黎仲會有汁！海膽配海鮮有海膽既唔會放過佢🤣🤣一大啖食晒，佢既海鮮好爽口，食得出新鮮！明太子湯飯其實已經飽，食得一半，但就食哂明太子因為好香，配飯一流！甜品勁中意佢個柚子雪芭！撈埋厥餅！🥰🥰🥰好味