北斗

营业中

休息中

我特別鍾意喺午市時間食Omakase🤫 主要係因為性價比較高，而且少人去，今朝早喺九龍城附近做完嘢，就入咗去呢一間北斗試試佢😋午市佢有兩個選擇，NORTH（北） VS TUSSLE（斗）。我就食豪啲啲嘅TUSSLE🤩 因為有刺身😋先付：海膽白子豆腐- 其實我真係鼓起左無限嘅勇氣先咁放落口，因為白子係魚內臟，而我個人平時係唔食內臟，放落口，係滿滿嘅鮮味，同啲海膽好夾。前菜：海螺刺身- 食omakase 刺身真係唔需要點豉油Wasabi嗰啲，因為廚師已經預先幫你調校好味道，呢個係有清新嘅檸檬汁加少少鹽味清湯：魚菌湯- 鮮甜刺身：全部都好新鮮，醬汁配搭得剛剛好，特別出色嘅係火炙大拖羅，個油膩嘅味道，令人繞梁三日串揚：炸物新鮮好味燒物：伊勢龍蝦，鮮甜度依世都冇得輸食事：泡飯，應該都係驚你食唔飽，所以最後整個泡飯俾你，都係好味，雖然好飽都會食埋佢甜品：靜岡蜜瓜，呢個都唔使講啦，香港人（at least me lol) 至愛

平時黎九龍城都係為左食泰菜多，即使有他菜系，都係就朋友地點先會揀九龍城，好少會慕名而黎。不過最近聽食友介紹，哩度有間由日本人主理嘅廚師發辦，菜式精緻特別，仲可以一次過食勻刺身同串揚，所以就趁放假黎試下。北斗以日本古代房屋做門面，行過都幾突出。店面唔大，大約只坐倒十位食客。不過最特別係佢地有一個日本師傅坐陣，築島師傅由日本黎香港已經有三十年，佢嘅英文比我地認知嘅日本人好好多，所以上菜時師傅都會用英文作簡單介紹。聽店長解釋，師傅而家已經冇親自落手落腳，主要係做監督同研發菜式嘅角色。每個位都有一個調味碟，左面係日本椒鹽，右面係檸檬汁加芥辣，基本上大部份野食都有調味，如果真係覺得唔夠味先蘸，我自己就冇用到。吧檯上面放左漬物，係紅酒漬蕎頭同木魚花醬漬蒜頭，我特別鍾意後者，鹹鹹辣辣好惹味。中間塊麵包唔係用黎食，而係用黎幫陣間嘅串揚吸油用嘅。北斗嘅廚師發辦分左兩個餐，分別係北($580)同斗($880)，今次我地就揀左貴啲嘅斗，佢包左刺身同串揚各四款，另外仲有前菜、湯、飯同甜品，非常豐富。前菜 - 下面唔係普通豆腐，而係白子豆腐，上面係白蝦肉，旁邊係澤蟹，白子豆腐好滑溜完全唔腥，白蝦肉口感似甜蝦，不

屯馬開通之後，各式各樣嘅食店都進駐九龍城，呢一間係特色嘅日式小店，食嘅係廚師發板菜單。午市會有兩個選擇：一個係純串揚 ；另一個係有埋刺身嘅。我就揀咗有刺身嘅。😜首先黎嘅頭盤係海膽白子豆腐，其實之前係從來都冇試過白子，但係今次佢做到成舊豆腐咁樣的確令人驚喜！🤩眼睇平平無奇嘅豆腐，食落去居然係有好鮮嘅魚味😋😋跟住嚟嘅海螺刺身好鮮味，而且本身加咗檸檬汁同埋鹽，完全唔使點任何嘢都覺得好好食👍再嚟嘅魚菌湯，青得黎好香亦好鮮甜。之後既魚刺身亦都好新鮮，廚先預先配搭好醬汁都一流。成餐最令人回味嘅，係火灸大拖羅！！脆脆嘅紫菜，包住入邊一舊入口即溶既大拖羅😍😍😍邪惡感十足，成口拖羅油嘅感覺，簡直係極級享受🤪食完刺身之後就會到串揚，廚師處理炒粉非常之好，薄得很。🧐而且一睇就知道唔係返用油，炸出嚟嘅全部都係金黃色。燒物係用咗伊勢龍蝦，味道鮮甜，亦都撈左一啲烏魚子醬😋食到呢度其實都已經飽飽地，但係仲有碗泡飯。🍚最後送上靜岡蜜瓜作為甜點🍈為呢餐廚師發板畫上完美句號。整體來講成個用餐經歷豐富，食物做到多樣化，亦都食得出食材全部都係新鮮嚴選👍比起純粹食壽司嘅廚師發板，呢個係一個新選擇。

I was clearing leave today and my wife asked me to join her for lunch near her workplace. Since she can have a longer lunch break today, she suggested Hokuto as it was highly recommended by her colleague. It was located at Fuk Lo Tsun Road, few minutes walk from Sung Wong Toi MTR.The entrance and decor of the Japanese restaurant looked similar to those at Japan, with traditional theme used. They were able to sit around 10 person, all at bar table. The head chef of the restaurant was from Japan,

舖位不算起眼，坐位不多，全bar位，厨師同客人有很好交流食材不算名貴，但制作和調味很是合適，看似簡單，但吃下又覺很是特別，食材也很新鮮，很好的1次 Omakase

師傅係日本人，每道菜式都會介紹一次。招呼好，食物又好味，每一道菜都有驚喜。一定會返轉頭再食。😆😆😆😆😆😆😆😆😆😆😆😆😆😆😆😆😆😆😆

之前響YouTube睇微辣介紹過，但無諗過響九龍城都會有高質嘅omakase ，🥰仲要好冷門咁主打係食串揚嘅，預早一星期book 定食lunch。2點去到，能現己經係full house(長枱坐8個客左右🧐)坐低當然叫支sake 飲下先😛，再叫佢menu內嘅$980 set最記得個由前菜開始，已經感到好驚喜，海膽豆腐，黐線咁好食😋之後食嘅串揚亦都相當唔簡單，最難得嘅係響炸完之後，中間仍然保持新鮮嫩滑果下先可以睇到師傅真正嘅功力👍🏼如果鍾意食拖羅嘅朋友，紫菜包火炙拖羅，真係冇得輸，入口即溶，因為本人太愛拖羅，所以成為menu中最難忘嘅一道菜🥰🫶🏻其後可能飲左sake又溝下啤酒🤭，淨係記得成餐飯好開心咁由頭食到落尾，簡直無懈可擊🫶🏻（唯一美中不足係張 bar枱太高，未能夠仔細欣賞廚師嘅手藝。）😌

第一次晚市去食Omakase，既然有人埋單當然食最貴果個set - 極 $1580（另收加一）.前菜-湯-刺身-串揚-合肴-燒物-食事-甜品入座時見到桌上有淮山及芥末醃過的牛蒡，幾好味。另外旁邊有塊麵包，原來不是食用的，而是用作吸油。另外有五款調味醬料，其實我好似全晚都無乜點過。前菜是蟹肉玉子豆腐，面頭有少少魚子醬，鮮拆蟹肉，口感滑溜的玉子豆腐，加埋芝麻醬稍濃但好味。.湯是清甜的魚菌湯，舊魚大件得黎又幾滑。刺身有北寄貝，深海池魚，火炙獅魚(油甘魚)配芥末籽，紫菜夾火炙拖羅配芥末，以及令和怪物。獅魚油脂豐富，炙過更能帶出油香，有少少入口溶化，好肥美，正！令和怪物夠大隻，仲有海膽，海葡萄同紫蘇，唔係特別覺得好夾，但隻蠔係正既，濃厚蠔味，唔會好重海水味或腥味。至於其他刺身無乜特別。揚物首先有籽昆布，是直接地把産在飛魚籽的昆布炸，再加上櫻花蝦，第一次見但食落唔算特別。炸鯛魚白子亦不太常見，外層脆皮包住嫩滑白子，有少少似炸鮮奶。炸牧丹蝦賣相幾靚，每條蝦腳都酥脆可口，蝦肉彈牙，外脆內軟。炸蜆及炸榮螺無咩特別，感覺太多炸物，少少油膩，而且感覺上海鮮不是應該吃鮮味，不新鮮的才拿去炸的嗎？合肴是伊勢海老

見到食評非常好，所以一試。選擇了$680的廚師發辦，所有食物的質素一般，份量亦非常少。店舖專程請了一位日本人站於吧內，負責倒啤酒及端出食物，但全程沒有參與任何食物製造過程，亦沒有介紹菜式。日本人所穿的制服亦非常殘舊污糟，看來亦不太衛生，令我懷疑這位是否真正日本廚師。店內所售賣的清酒，價錢非常貴，所以只叫了兩杯啤酒。店內大約有10個座位，全部吧枱，環境比較逼夾，因為有客人坐在吧枱後，後面走廊不足夠一個人經過。

看了OpenRice食評和用了app作預訂，非常方便，留意是要每位留$300 deposit的。我們是叫了$680的套餐食材如下：白蝦蟹味曾豆腐-這個作為開場果然提高了期望，白蝦甜味配蟹味豆腐質感，吃到平時少見的前菜。梅子清湯-比起一般omakase的味曾汁較為特別。深海池魚-質感較爽口，醬汁作為點綴。火炙油甘魚-稍為燒過表面，帶出油香，也是不用沾醬油。吞拿赤身-界了交叉花文，醬油輕易掛上提鮮。火炙大拖羅-紫菜包住燒過的大拖羅中和了油膩感。希靈魚-這個做法較特別，加上櫻花蝦和沙拉醬，象吃海鮮卷的感覺沙椎魚-外脆內軟，沾鹽和檸檬汁較匹配。魷魚-生炸，內部不會過熟，但較普通。鴨胸-厚切，炸完鴨皮也容易入口。龍蝦-加明太子忌廉的湯汁，肉質也不會過熟。茶漬飯明太子-象是飯素鰹魚湯飯加了明太子，內容普通。蕃茄密瓜-作為甜品更是極之簡單。全程日籍師傅只是在傳菜和招待客人，很少展示功力。菜色都是店員和廚房出的，串揚omakase真的是第一次試，這個價錢卻沒有什麼驚艷食材，無海膽，無帶子，無蝦，無蟹，無鮑魚，無貝類，個人還是比較喜歡傳統的omakase

刺身非常新鮮，有原隻新鮮海膽刺身最緊要係新鮮，甜味，太多調味就會影響刺身既肉質炸鮑魚係我覺得最好食既，中間軟芯牛，係近江牛，有名既，好過用不知名既九州牛或鹿兒島牛，熊本牛九龍城另一間壽司刺身omakase鮨勝，本應重點係新鮮，可惜因只著重玩論味，刺身質素平平。反而北斗係另類omakase ，食物質素更好

北斗係一間串揚嘅Omakase餐廳，午市Omakase Set都係$480起，Lunch Set有齊刺身同埋串揚，好滿足！串揚用嘅調味料，有Basic嘅鹽同胡椒、點炸豬扒專用嘅酸醬、鮮味出眾嘅日式高湯、濃郁嘅芝麻醬、同埋又酸又刺激嘅檸檬芥末！斗 Tussle Lunch Set $680先付、前菜、湯、刺身、串揚、合肴、食事、甜品漬物有三款：牛蒡、洋蔥、蒜頭蟹肉蟹味噌豆腐濃郁豆香嘅豆腐，加上大量嘅鮮拆蟹肉同埋麻醬，頗為滋味！梅子清湯清清地咁有梅嘅香氣滲出，幾好飲！帶子刺身軟腍清甜，唔錯！火炙深海池魚刺身塗少少醬油之後再炙燒，既有醬香，又有魚油香！火炙油甘魚刺身火炙嘅油甘魚多咗一份口感，魚肉嘅甜味更見突出！火炙大拖羅刺身拖羅燒出油份好肥美！仲有炸到卜卜脆嘅紫菜！茄子串揚粉漿薄而脆，茄子皮預先𠝹好花，方便咬開，這個心思值得一讚！配日式高湯可以提升鮮味！沙錐魚串揚做到魚肉嫩滑同埋多汁，真係炸得唔錯！簡單配鹽同埋胡椒已經好夠味！希靈魚串揚熟咗嘅希靈魚子變得超級彈牙！大量嘅櫻花蝦、木魚絲同埋沙律醬令味道變得很豐富！魷魚海膽串揚用魷魚卷埋紫菜同埋海膽，所有嘢都係炸到啱啱好，熱辣辣又保留到鮮味！配日

九龍城嘅北斗，係一間主打串揚嘅Omakase日式餐廳！Omakase Set同時包含刺身及炸物串燒！由日本人Serve你，更有氣氛！枱面齊晒5款串揚用嘅醬汁，左起嘅係鹽同胡椒、日式炸豬扒醬、出汁、麻醬、檸檬芥末！北 Lunch Set $480先付、前菜、湯、刺身、串揚、食事、甜品先付 - 漬物有麵豉蒜頭漬、牛蒡漬、紅酒洋蔥漬用嚟開胃同埋間場！前菜 - 蟹肉蟹味噌豆腐蟹肉鮮味突出！蟹味噌豆腐豆味都幾濃香，Good Start！湯 - 酸梅清湯帶住梅嘅香氣，仲有梅嘅清新！刺身 - 帶子加咗少少柚子皮，感覺更Fresh！刺身 - 火炙深海池魚輕輕炙過皮嘅位置，魚油香郁甜美！刺身 - 火炙油甘魚火炙後肉質變得彈牙，油脂甘香出眾！串揚 - 茄子厚切嘅茄子一咬即爆汁，滋味十足，用出汁帶出茄子嘅甜美！串揚 - 沙錐魚炸到外脆內軟，魚肉保持滑嫩，簡單配鹽同胡椒已經好美味！串揚 - 希靈魚炸過嘅希靈魚，魚子更加爽彈！櫻花蝦同埋木魚絲豐富咗口感，就咁食都好夠味！食事 - 野菜烏冬烏冬滑溜，勁多菜同菇，好健康！也可選擇明太子茶漬飯！甜品 - 蜜瓜香甜多汁！

難得同朋友聚餐，梗係要搵啲舒服啲嘅地方坐低慢慢傾偈食過午餐，知道朋友鍾意食廚師發板，見到門口裝修得好日式化嘅北斗，就決定入去試吓啦！一位男士原來是日本人，用日文向我哋講出禮貌用語，然後給予我們兩杯茶及餐牌選擇套餐。最後我哋就揀選左比較多款式嘅極套餐，這一款有蟹膏製成的豆腐，望落去都覺得好滑，配上黏口的白蝦肉、鮮甜無比的日本海膽，以及新鮮的松葉蟹肉碎🦀️，口感更添層次。踏入秋冬天氣最啱飲一碗暖湯暖胃，這一碗梅子湯很特別，飲完令我胃口大開。刺身方面分別有炙燒及原件刺身，當中的深海池魚腩位經過火炙燒皮，所以就散發着好香煙燻味道，有入口即溶的口感，另外的黑木魚刺身也燒得好香，配以醬汁點綴令我食得咁滋味 炸物方面即叫即炸、新鮮又美味，當中這一款睇落去比較厚身d的炸魚子昆布 ，啖啖爽靱，仲有一粒粒彈彈粒，有櫻花蝦喺面頭聞落去仲香，食落去更加有咬口。另外炸日本煙鴨胸點胡椒或者芝麻醬令味道更新鮮，鍾意有半肥瘦嘅位置，口感好有咬口。海鮮迷一定好喜歡這一款半熟龍蝦，好似食緊刺身咁，又好似食緊熟龍蝦咁，煮得恰到好處剛剛好。最後食埋碗湯烏冬，清清地湯底好鮮甜，而且烏冬嘅份量啱啱填飽我嘅胃，食完真係要捧住個肚出門

聖誕、新年特別多飯局……😁😁😁12月26日朋友就帶我嚟呢間食個 Omakase Lunch......可能由於聖誕節，大家玩得太夜，Boxing Day 無人咁早出街。。。結果我同朋友可以包場食晏。。。一入到去師傅好細心，叫我哋選好食邊個餐，再問我哋有冇咩係唔食或食物敏感。。。呢個值得讚！因為這樣就不會浪費食物或令客人有尷尬嘅情況發生。先嚟前菜。。。再續度菜慢慢上。。。繼梅湯後，再上刺身。。。先說北海道活帶子刺身，味道鮮甜爽口。。。口感跟我們平時食的急凍帶子刺身很不同。。。魚刺身也很新鮮。。。而且師傅說他們都是不時不吃的。。。他說這款魚的刺身也不是時常有的。。。接著就是炸物。。。海膽魷魚炸物。。。正！其他炸物也不錯！跟住再來 my favorite 龍蝦。。。龍蝦爽甜美味。。。明太子茶漬飯。。。都好好味！最後嚟埋個日本蜜瓜做甜品。。。成餐飯一個字講晒！正！！！雖然好飽。。。但我哋都食晒所有嘢。。。呢餐飯真係超滿足！