北斗

营业中

休息中

今日朋友放假，佢話帶我去食好嘢。去到門口就覺得好日本田園feel，入到去就見到一幅好colourful嘅手繪雀仔，好靚。餐牌上有三款午市套餐，分別係北、斗同埋極，我就揀左斗。呢間係由日本人主理嘅餐廳，由廚師發辦。先付 - 淮山、牛蒡同蘿蔔，味道酸酸鹹鹹，爽口。海膽豆腐 - 入口幼滑冰凍，海膽味超濃。上面另有海膽，魷魚再鋪上金箔，有檸檬同柚子嘅味道，好清新。梅子湯 - 初嘗梅子湯，感覺幾好，酸酸甜甜，都幾開胃。剌身深海池魚及拖羅：入口新鮮之餘帶薄薄油脂，勁正！北海道帶子： 味道甜甜凍凍，有鮮味。北海道北寄貝： 咬落去比較爽甜，唔錯。炸物 各款炸物炸粉薄薄，入口鬆脆。上炸物嘅時候會放响麵包上，麵包要黎吸多餘油份，唔會食到滿口油。炸茄子：唔太乾，帶濕潤。炸沙椎魚：骨炸到都脆晒，可以成條食。炸蟹鉗：有睇頭，肉厚。炸鴨胸：啖啖肉帶薄油脂，唔太鹹，估唔到咁好食。龍蝦：口感結實，配上櫻花蝦做上湯，好鮮味。茶漬飯：飯鋪上明太子，加上味素配上上湯，飯煮到唔硬唔淋，好入味。柚子雪葩：口感細滑，充滿柚子味道，甜味剛好，食完好滿足。