勝記海鮮酒家

营业中

休息中

難得星期日黎西貢食海鮮, 緊係揀間好嘅其實我都唔識, 朋友請食嘅, 聽過好食又野食比較少油唔重口味話明唔好食要佢回水椒鹽蒸鮑魚緊係要試招牌菜, 椒鹽味與鮑魚鮮味好夾, 口感又正 仲食左好多野, 食得海鮮緊係食蟹, 鹽焗奄仔蟹 , 夠多膏口感一流酒糟帶子夠鮮味, 美極豉油皇煎蝦 味道真一流好有蝦味仲有炒聖子入味又彈牙骨湯娃娃菜 , 食咁多海鮮正好食下新鮮蔬菜中和掛住食, 都無咩點影相, 有D相有人樣又唔方便出街每人都成600蚊, 不過都值得的, 總之勁好食

老公生日＋皮婚週年紀念 - 第一餐老公W仲有幾日就牛一，同日都係我地結婚週年紀念日，慶祝兩樣野要豪D 佢話想食海鮮，仲指定要龍蝦，今日去咗坑口避靜，咁就一於去西貢啦！諗咗/搵咗好耐，最後揀咗全港唯一的摘星海鮮酒家食，5點多就到咗 揀咗最平的2人餐......但轉咗個蝦做龍蝦 1斤1O両加$910好好食帶子好大粒，我覺得蒜蓉好食D，不過酒漕係哩度先有點都要試下龍蝦好新鮮個菜嚴格嚟講唔算係菜，生蠔我冇食，老公W話ok食到哩度已經飽咗8成，唔記得仲有條魚 蒸得好靚益力多榚同柚子榚好好食，桂花雖然一樣好食但被比下去overall,食物質素一流，坐得好舒服，佢原本比地下近門口枱我地，我問可否坐樓上，佢就帶我地上2樓窗口枱廁所都比一般海鮮酒家乾淨serve 我地嘅待應哥哥亦好好禮貌，有問必答，有耐性，仲送多一碟甜品比我地各方面都符合米芝蓮水準 ，包括價錢 埋單2人1710，偶然豪下冇所謂，人生有幾次米芝蓮祝老公W生日快樂，我地繼續甜蜜

工作關係常要東奔西走，今次就誤打誤撞來到西貢勝記！由於事前小妹對此酒家的米芝蓮評級毫不知情，所以此趟美食之旅絕對是驚喜發現！話說，小妹向來很著重海鮮酒家的空氣質素，因為海鮮酒家，每每有一種海水的腥臭味，聞完渾身不自在...可是一蒲入勝記！空氣質素正常，沒有任何異味，餐桌地面亦算整潔，所以環境的第一印象已令勝記加分。然後，入戲肉！一入廂房8碟菜已在恭候。由於是工作關係，所以菜式只是一般，不過名菜倒是有的1. 缽酒煮蠔蠔夠肥，酒味濃而不嗆，炸過的蠔鮮味保存得好，不過不愛缽酒的食家或會感到味道奇怪。 2. 酒槽粉絲蒸元貝粉絲不硬不乾，而且完全吸收酒槽及帶子的精華，味道一個字：棒！ 3. 椒鹽鮮鮑好大隻，炸皮薄而香口，鮑身咬下去質感軟彈 4. 炸鮮魷 & 炸粉絲餅芝士汁蟹鮮魷大塊，不難咬亦不太鹹。炸粉絲餅市面難見，唔油，芝士味香。 除以上之外，還有炒飯、蒜蓉白菜仔......菜式雖然簡單，但味道倒是不錯，不然也不會吸引我搜尋其他菜式，從而發現他是米芝蓮評級若有假期，找一天與朋友到西貢走走，再到勝記拆餐海鮮，應該是個很正的安排！還有！叫多一個老火湯（唔知有無）暖暖胃，飽住走，單是幻想也不錯呢.

今晚原來準備在西貢的小巷中尋找西餐的蹤影， 但經過勝記門口， 摘星的海鮮中餐廳不多， 無疑摘星是對餐廳和廚師的肯定。 好奇之下由西餐轉為中餐， 想親身體驗星級餐廳的美味。餐廳的裝修比一般的海鮮餐飲有講究， 座位也相對寬敞。 炸墨魚餅很多餐廳都做得不錯， 勝記的優勝處是一點也不油， 令煎炸食物相對健康而不失口感。我最喜歡椒鹽鮑魚，是一道很特別的菜餚。 一般做法都是清蒸的， 椒鹽會比較乾， 但勝記的椒鹽鮑魚是令人有驚喜的。 酥脆的外皮下是鮮嫩的鮑魚肉，椒鹽將鮑魚的鮮味提升了新的層次。比魷魚的口感更好更鮮， 很難忘很回味。 我很喜歡這樣的創意。勝記上菜速度相對比較慢， 但可以感受到廚師的用心，一道上湯菜心比很多出名的酒家都做得出色。 蔬菜在大家心目中是配菜， 很容易被忽略， 做得出色是值得一讚的。 另外幾道小菜， 粉絲桂花蚌， 山楂骨， 和聖子相對而言就前三道小菜那麼出色了。 當然勝記也是海鮮價， 但是值得一試的海鮮料理。他比一般的海鮮酒家多了一份對美食的用心， 讓提升了海鮮的鮮味， 讓我們的味蕾多了一份回憶。

數數手指，都差不多3年無來西貢食海鮮以往都是到海鮮街的酒家，今次行多兩步，到了西貢大街的勝記食飯前大伙兒到了附近的巷仔行了一會，遇到一位健談的婆婆，佢知道我地將會去勝記食飯，同我地講佢成日幫襯勝記，因其食物比其他酒家的少油和淡，較健康到底係咪真係咁..? 就真是要食過才知道喇餐前小食- 手打墨魚餅熱辣辣的手打墨魚餅，口感彈牙夠香脆，配上酸甜醬 (食一舊是不夠喉的)椒鹽鮮鮑魚蒸鮑魚食得多，椒鹽的還是第1次試此乃勝記的招牌菜之一，質素當然有保證~椒鹽味不會太重，所以沒有蓋了鮑魚的鮮味炸蠔炸蠔一上，大家都十分興奮，因為蠔很大隻食落就更肯定蠔是本身大隻，不是落厚粉扮大隻炸蠔外層口感鬆脆，食落蠔味重，正!豉椒炒蜆蜆很乾淨，無沙但味道偏淡，重口味的我覺得可以重手少少芝士龍蝦伊麵龍蝦十分足料，肉很多很大件，肉質也很好且有鮮味但略嫌芝士味不夠炸子雞又是另一招牌菜! 雖說是來食海鮮，但我不得不封這味炸子雞做當晚最美味的菜式皮薄且十分香脆，是非一般的脆，實在很好奇是怎樣做到味道來說，今次無其他菜式般淡味，咸的程度剛剛好雞肉質也很不錯，不會太肥，很少肥膏當晚還吃了其他菜，但特別pick了幾款分享另外想特別推

選擇這店原因是環境舒適，絕對適合大小聚會，而且食物質素高，最重要系價錢公道！我們一行5人又想食得多啲款，訂位時告知經理，經理也非常樂意幫我們安排，結果我們連甜品合共11款菜，埋單每人$800。你哋睇吓經理為我們的細心安排吖。

終於100篇啦！是日有客戶從國外到公司拜訪。陪完客戶到處逛，傍晚開車到西貢睇景食海鮮去。boss一早BOOK左呢間，說呢間是米芝蓮的哦！其實點左好多野食，不過由於大家文化不同，不便拍得太多照片，所以只講有拍到的吧！椒鹽鮑魚香氣滿溢，入口咸香，鮑魚咬落去味鮮，肉質嫩!椒鹽瀨尿蝦，很大隻，一開三，炸得略嫌過火，肉質略乾，椒鹽也很香。辣酒煮螺非常香辣，螺肉非常新鮮，入味。蒸魚大大條，但肉質略 “鞋”，應是條魚太老啦！奄仔蟹非常多蟹膏，，味濃，滿口蟹膏，實在一流！沙薑雞腳，印象深刻，但無影到。雞腳好靓仔，無爛，非常咸香，皮滑夠淋配上沙薑十分香。

「椒鹽鮑魚」作為米芝蓮入圍餐廳，出品有一定程度的保證。我特別喜歡它不會墨守成規，是會設計一些有別於傳統做法，又好吃的海鮮。除了「酒糟粉絲蒸元貝」，我喜歡它的椒鹽鮑魚，一來夠香口，二來炸過的鮑魚肉質不會味如嚼蠟像吃擦子膠般，仍保留了鮑魚彈牙的重點，可以說是廚功的表現。

一去到見到個到間鋪好靚 仲寫住米芝蓮 就咩都無理入左去（因為人地請）嗌左個海鮮拼盆食 嘩 好新鮮 簡直一流三文魚生片切得好厚 無偷工減料而且係好有口感我地一班人去食一陣就無哂D炒飯金香 唔油身 乾身 又係一粒粒食落味道岩岩好唔會話為左香就好咸咁好高水準架可樂汽水係枝裝 好飲好多

Lunch有啲時間可以食耐啲！心血來潮揸架車嚟西貢勝記試吓有幾米芝蓮！首先叫曬椒鹽同紅炆兩款鮑魚！椒鹽好香口、鮑魚又多彈牙唔韌！紅炆鮑魚直情有糖沁嘅口感！再用番佢啲鮑汁撈飯！有媲美五星級酒店嘅中菜廳！象拔蚌刺身呢次叫佢地切條！美中不足係唔夠冰鎮！不過夠新鮮好味！另外值得一讚係個炸墨魚餅！好有墨魚味又夠彈牙完全唔覺係麵粉嘢！炸得外脆內軟唔油唔乾！呢個可以encorn！

有朋友係外國返黎當然要帶佢去西貢食下海鮮啦!些網睇左好多食評就簡左勝記!朋友好鍾意食貝殼類,所以特意叫左聖子同炒蜆.外國比較少食到呢D咁有丟味既野D海鮮真係好新鮮,又大隻!同埋無沙!!!聖子一人一隻,食落好爽口!朋友都話正!

是日與友人行完西灣，浪茄，萬宜水庫，六個鐘無間歇，腳軟到癱，一定入西貢好好補償自己！不喜嘈雜的路邊環境，於是行入避風塘內里，一座古色古香的小樓躍然眼前，夥計都幾樸實真誠，裝修也嶄新乾淨無油煙，於是便行上二樓二人枱，好幸運無book枱都有嘢食！~~~~~餐牌有幾個套餐可以選擇，598都可以有個好豐富的二人晚餐，不過我向來鍾意自選菜色，不過又未有能夠分辨海鮮的能力，於是乎沒有自己落樓下親自挑選海鮮，便交由師傅處理。~~~~~首先要了一碗海皇湯，無添加任何味素之天然口味，純粹的湯色，暖暖鮮鮮的口感，令人放鬆滿足！BTW，店家特意準備的西式餐具用來食海鮮也很貼心~如果不習慣中餐的大快朵頤吃相，可以優雅地使用刀叉享受海鮮都幾有趣味，可以邀請西洋友人同來。美極豉油煎蝦~ 蝦是我的最愛，無論系屋企自己煮飯，或者去食日本料理，都一定不忘記叫蝦。蝦料理的方法有多種，美極豉油的香味最是令人難以抗拒，新鮮的蔥花，配上煎得金黃的大蝦，真是不捨得落下每一滴醬汁，怎麼能夠如此咸香~ 不過下次會試下叫中蝦，試多幾隻，就算送白飯都系人間食之幸事！傳統中式酒樓竟然有如此精緻之活魚刺身，真是大有驚喜！擺盤之亮眼，味道之新

一直都唔知原來勝記有米芝蓮一星.咁岩個晚朋友來HK,就睇下邊間好食最後都係決定試下呢間有一星既海鮮!係門口揀海鮮個陣已經見到好多種類,好新鮮同埋大隻重點推介呢隻花彫蛋白蒸蟹(唔鍾意花彫同揸車既朋友最好就唔會要花彫,因為油味都幾重)D蛋好滑...送飯一流而隻蟹絕對係啖啖肉,真係幾抵食!

勝記自從得到米芝蓮一星之後，已經想試好耐，咁就襯住聖誕加紀念日嚟勝記慶祝一下。一去到餐廳門口就經侍應帶我們去選擇海鮮，今晚海鮮就選擇左瀬尿蝦，鮑魚，奄仔蟹，同比較特別既紅毛鏡。另外加兩味依度既拿手小食，香脆墨魚餅同脆皮滑豆腐。咁開心既日子梗係要開枝酒慶祝下，三百幾蚊一枝白酒，入口有果香味，幾好飲為依餐海鮮餐增添歡樂氣氛。首先嚟既係椒鹽瀨尿蝦，瀨尿蝦夠大隻，而且有膏，蝦肉又夠厚肉彈牙，椒鹽夠多夠野味。跟著嚟既就係兩個餐前小食，香脆墨魚餅同脆皮滑豆腐，墨魚餅炸得夠脆又勁彈牙，用來送酒就一流。至於個脆皮滑豆腐，豆腐炸完竟然可以咁香滑，又有豆香，值得推薦。椒鹽鮑魚係經理既推介，話到好好食咁，咁就叫嚟試下。 鮑魚炸完味道香口，唔會過靭依然非常軟稔，算唔錯。油鹽焗奄仔蟹，奄仔蟹一分為二，一開就見到充滿蟹膏，食落蟹膏充滿口腔，感覺十分滿足。最後既係蒜泥粉絲蒸紅毛鏡，第一次食紅毛鏡，肉質比元貝更鮮更彈牙，侍應話依個紅毛鏡比較難找，所以較值得試，蒜泥粉絲落得夠多，必食推介。依餐除左價錢稍貴，其餘尚算滿意。

摘星不易，要連續摘星更是難上加難。西貢的勝記海鮮在2015米芝蓮餐廳中再奪一星榮譽，可見此餐廳的確真材實料。第三次到勝記食飯，還是頭一次坐到貴賓房，環境氣氣都一流。這次飯聚，彷如手信集中營，台灣洪瑞珍三文治、紫芋卷、日本綠茶小食等等，朋友們實在很貼心。正式開飯前，先來點餐前小食，沙薑雞腳、脆皮滑豆腐、手打墨魚餅都是心水之選，尤其推薦滑豆腐，外層炸得脆薄金黃，內裡的豆腐滑溜富豆香，是相當不俗的小食。　新鮮大蟶子以涼伴的方式上台，肥美爽嫩的蟶子配上惹味的醬汁，好味到令人停不了口。　很久前便被呈酒紅色的自家製酒槽粉絲蒸元貝吸引，今次再試，味道依然鮮甜。　這道勝記鮑魚二食絕對算得上是勝記的必食之選，伴碟的椒鹽鮑魚外層酥脆，內裡依然保持鮮嫩；石鍋中的鮑魚配秘製醬汁，非常入味，鮮甜迷人。吃罷鮑魚，還可以用剩下的醬汁來撈生麵，實在一流。　沙參玉竹海龍皇湯清潤順喉，難得的是湯中不帶一點油花。　海螺甜心以海鮮醬調製，味道鮮甜，不過食海螺，個人還是比較喜歡辛辣的爽勁。　嗜辣的人一定會喜歡這道黃金霸皇蟹，外殼的黃金層咸香十足，大蟹經秘製的辣度來得剛剛好，惹味但不會太嗆，美味。　天婦羅炸桶蠔肉厚肥美，當紅炸子