勝記海鮮酒家

营业中

休息中

今日忽然想食海鮮，男朋友就open rice 下有邊間吸引。見google第一位係勝記，就決定試下。我地試左個2人餐好好食， 用左新鮮墨魚肉，表面炸得好脆，又啖啖肉加埋個醬，唔停口。 幾特別，個汁好濃，份糧岩岩好比2個人食。最鐘意清蒸魚，石斑好新鮮， 一條新鮮，就算清蒸都好鮮味。

真心一句今日食左接近12000我都唔知食左d咩,一早訂左個湯佢話石頭魚湯我問幾錢佢話1280,心諗石頭魚既湯應該幾好飲點不知我見唔到條石頭魚只見到一隻烏雞囉收我呢個價我已經想爆粗,之後來d野愈來愈過份來既次序全部錯曬刺身叫一條感覺只比半條鮑魚炸完上來應該係熱但佢就凍既聖子皇叫11隻我都唔信佢比左幾多我總之一定無11隻總之我就覺得呢間係係一間不受歡迎店舖,希望全港既朋友見到我甘寫唔好再來比人呃

黎食中秋節飯，媽媽想去西貢食海鮮，因為六福已食過，所以今次揀勝記。脆豆腐: 因為大家都懶得剝蝦殼，又要就同行既3歲小朋友，所以將白灼蝦轉做脆豆腐，係會蝕左但都算啦。呢個六福都有，個人中意六福多d，勝記的脆豆腐較易夾斷。酒糟粉絲蒸元貝: 少見但好味，元貝大隻而剛熟椒鹽鮑魚: 和六福相比，內裡不夠juicy清蒸海斑: 嫩滑但魚較細條金不換蟶子皇: 味道好而入味，連洋蔥都好食豉椒炒蜆: 味道正常而少許偏辣椒鹽鮮魷: 好香，一放檯就聞到蒜浸白菜仔：不過不失，可以細棵d會好d勝記炒飯：海鮮炒飯，也炒得乾身甜品：杞子桂花糕，益力多糕和柚子糕，益力多糕較受歡迎，而柚子糕則少見。整體而言，勝記味道幾好，但感覺六福好食d，而六人餐份量也偏少。

朋友生日，一行四人去左勝記食海鮮。出去海鮮檔order左蟶子，瀨尿蝦，鮑魚，龍蝦，花螺，奄仔蟹。都幾有水準、不過就越食越貴。但環境同質素，呢度係高班d既。攞過米芝連，都唔差得去邊。不過龍蝦就覺得好似比人扣起左d。唔知係唔係自己多心。爪同頭都唔知去左邊？不過算啦！食得開心。當豪比佢。最正係奄仔蟹。好想食多一次丫。

遊完船河chur 晒成身力，真係要食餐好既慰勞下自己！！！！西貢咁多海鮮食，就一定食海鮮gala. 但咁多間餐廳花多眼亂點簡好？朋友就話必定要簡勝記啦我地一班人order 左個8人餐，都幾好味同抵食最鍾意就係個龍蝦伊麵，d 龍蝦好堅，啖啖肉，又彈牙，好新鮮其他都好滿意，個個食到捧住肥走👍🏻

今日嚟系西貢嘅目的就係順便嚟食海鮮嘅！！聽講呢度有間米一星嘅，中午人唔系好多，服務員得閒仲會同我地傾下計添，上菜嘅順序同時間都掌握得幾好~~兩個人點咗一份海鮮炒飯、菜心、芝士龍蝦伊麵、脆皮滑豆腐同鮑魚！！！海鮮炒飯有切碎咗嘅菜心、蝦肉，炒飯比較乾身，不過味道淡咗啲..木耳菜心，木耳俾咗好多，菜心兩個人食份量啱啱好，菜心煮得幾淋芝士龍蝦伊麵，麺嘅感覺比較脆，芝士食多咗會幾漏下~~龍蝦配芝士好味！！脆皮滑豆腐，入面嘅豆腐系日本豆腐，表面脆脆地，有種入口即化嘅feel。鮑魚！好大隻！！，鮑魚系炸過嘅，不過鮑魚嘅鮮味就少咗啲啦~~

眾所周知嘅，平時大家都系春夏之間是海鮮系最好嘅，不過對於我哩啲實在係對美食唔識高級品嘗嘅人，梗系跟住大部分人嘅腳步喇，所以聽講話結隊去食海鮮，就啦啦聲去喇。鮑魚系每次都必點嘅，鮑魚雖然其貌不揚，不過營養價值真系高，哩度嘅鮑魚都好肥司大只，食到好飽。關鍵系食飯嘅時候氣氛好熱鬧，蒸元貝好犀利，好大，價=價錢絕對唔高，好抵食，酒味岩岩好，系去除腥味嘅同時又保持系一個度入邊，犀利。蟹同大龍蝦相比我揀蟹咯，蟹膏都好多，而且蟹肉十分新鮮，龍蝦都俾唔上，簡單調味就已經好好食咯。

今日我爺爺生日,我同成家人一齊去西貢呢間《勝記西貢海鮮食府》首先,我哋叫咗呢個墨🐟餅。都👌,但唔算好好食。然後,佢送咗個炸豆腐,裏面D豆腐好滑。之後,叫咗個瀨尿蝦,雖然冇膏,但係D殼比較軟,好咬D。然後叫咗個象拔蚌刺身,一D都冇腥味,但色澤唔太好,唔太好吃,但買相大大加分。之後咗有個膽,我最食呢個！我媽咪叫咗個螺,因為我唔食得辣,所以無辨法評分。然後還有通菜。之後還有🐟,其實係幾好食,不過係我唔係幾鍾意食。最後，仲有個燒春雞,真係好好食啊!個look都好搞嘢！仲送咗個甜品,有益力多味&柚子味&桂花糕。都👌桇！ 今次六個人都係五千蚊,算抵啦！

母親節前兩日訂了呢度吃飯，平時多數去西貢其他海鮮飯店，因為母親節，想帶媽咪試間新餐廳。原本想訂七點，被告知六點半會好一點，因此改訂六點半。今天六點半凖時到，帶位伙記（四眼身型稍肥）表示要等。雖然估不到第一輪枱都要等，但因為是母親節都可以理解。於是我先生問可否帶小朋友去附近店鋪睇下嘢，帶位伙記表示無問題。佢地行開之後都未有有枱跡象，而這位伙記一直表示唔知幾時有枱，除非我地肯坐戶外街邊枱，最離譜係之後話我地人唔齊唔可以安排入座！！！同佢理論時發現佢原來記得我地係預計時間的確人齊，其餘人是在未有安排入座、知會咗佢並得同意後才去附近小逛。未坐低已經決定不會再來的感覺其實並不好，一直諗萬一好好吃豈不是損失。好在「萬一好好吃」也並沒有發生。

每次入西貢想食海鮮，第一時間也會想起勝記，他們的出品永遠也能保持水準，從沒有失望過。 勝記的位置雖然比較隱蔽，但是如果想食的話也需預早book位。另外他們亦歡迎客人自備海鮮帶來加工。這次人少少一行三人所以沒有自備海鮮，就當試試他們的海鮮是否新鮮吧！酒糟粉絲蒸元貝以自家製酒糟來蒸元貝，外面比較少機會可以品嚐到，粉絲吸收了酒糟及元貝的精華，滲出淡淡的酒糟香及元貝的鮮甜，元貝大大粒火候剛好非常嫩滑，肉質豐腴鮮甜，廚師上枱時已經細心地把元貝與殼分離了，吃起來相當方便。椒鹽賴尿蝦賴尿蝦大大隻一隻可以分開三件來品嚐，椒鹽分佈在蝦殼的每一個部份但又不會過咸，吃完不會感覺口喝，而且鑊氣十足炸得非常脆身，肉身相當肥美帶有蝦膏，最驚喜的是連腳爪竟然也有肉可吃。脆皮滑豆腐主打吃海鮮的勝記，海鮮以外的小菜也絕不遜色，這碟脆皮滑豆腐，外脆內滑，外層的粉漿非常薄透而鬆化，內裡每一磚豆腐也完整無缺，而且嫩滑程度可媲美豆腐花，可見廚師的超班技巧。酸甜山楂骨中式烹調卻以西式擺盤方式來上枱，未吃已被它的賣相吸引着，雖然山楂味不算太重，但入口酸酸甜甜帶有少少果香十分開胃，肉質亦很嫩滑。最後真送的甜品有三色糕，包括桂花、益力

三日假期本想去離島鬆一鬆、出發前聽收音机有位主持人說離島己被國內人淪陷了、因國內人旅遊方式轉變了、喜歡“深度遊“、拖行李車行山、露營…、到抵幾時還回香港比我們呢！！有見及此、即刻由Ｐｌａｎ　Ａ轉去Ｐｌａｎ　Ｂ，决定西貢一天遊、至少親親狗狗好過比行李箱輾親腳。去西貢食海鮮例必指定行程。一行三人、套餐湊唔點數、唯有散叫。沒有明碼實價、只有口頭問價、心中有數被宰、但一埸來到、去盡吧！豉油皇大蝦、肉質爽脆彈牙、確新鮮。粉絲蒜茸蒸帶子、鮮甜嫩滑、粉絲入味。豉椒炒蟶子、椒絲惹味、啖啖肉。蝦醬炒通菜、通菜有點老、蝦醬完全無味、相信不是上等蝦醬。紅燒玉子豆腐、只見厚厚的漿粉一堆堆、吃了一件己放棄。奉送甜品有桂花糕、柚子糕和益力多糕、每款都清甜可口、不錯。

復活節大假期，想同屋企人入去西貢食下海鮮，係openrice 度睇食評，見呢間餐廳大部分食評都好好，咁就試下先酒樓位置比較入，行完成條海鮮街先到，一不小心就會入左其他酒樓平時通常係西貢都係散叫，不過無三千都落唔到樓，今次睇食評話呢間叫餐都唔錯，咁就一於試下叫餐酒糟粉絲蒸元貝第一次接觸酒糟，通常都係蒜蓉粉絲蒸，酒糟原來其實無酒味，反而係一點甜味然而帶起元貝鮮味，套餐黎講，元貝算唔細隻，熟度剛好鮮甜好味金不換聖子皇沒有太大金不換既味道，聖子抄得爽脆芝士蝦伊麵芝士味香濃但唔會溜蝦爽脆，但份量略為小砵酒煮蠔砵酒味好香，蠔都幾大隻，有6隻椒鹽鮑魚我最期待既一味菜，外脆內軟，唔會有多餘調味粉係面，唔會令人覺得乾呢味係跟餐既菜冬菇淋但唔係好入味，菜份量好似小得制因為太小菜，我地叫多一碟菜心，好甜，不過貴左d $78生抄骨醬唔會太多，但抄得唔夠香，肉質都林身清蒸海班所有送都食完一樣就上第二樣，但魚就隔左好耐先上，肉蒸得剛好，但唔係好甜最後甜品有益力多糕，桂花糕同柚子糕，3樣都ok,唔散都唔會太甜最終埋單$1780，以套餐質素黎講算唔錯，起碼樣樣都新鮮，但如果多番d菜中和下會更好

當進入這勝記，説真的並沒有太大期望，只是想試試一間未曾去過的餐館。但當菜式一一放在枱上，首先賣相巳經十分吸引，像法國餐的碟上設計，每一度菜都像一幅畫，再逐一甞試後，味道還是沿著中式烹調的味道，集色香味於一身的勝記，確實是米芝蓮的得獎者，由香茶，服務，裝修，和食品質素，實至名歸，十分推薦！秘製菜膽蚝油冬菇，冬菇腍甜，菜膽爽甜帶甘，而且還是熱的，廚師心機十分了得！菠蘿咕嚕肉，咕嚕汁不多不少，只僅僅包著食材，味道酸中帶甜，酸甜各半，菠蘿還是新鮮的，棄用罐頭，十分欣賞。招牌菜-椒鹽鮑魚，幾乎每張枱上都可以看見，要把鮑魚先灼熟，然後炒勻椒鹽，再放回殼中，烹調技巧少一分功力都不可，而且味道是剛剛好，惹味之餘，不會嗆著喉嚨，風味一流。

這天中午來到，原來勝記是連續數年得米芝蓮一星級的餐廳呢(左下) 招牌菜椒鹽鮑魚，好好肉，不會太咸，挺特別又好吃，因為平日吃的鮑魚都會有種很”結”的汁，這椒鹽吃飯還是頭一次(左上) 帶子肉質不錯亦新鮮，不過我的是離殼的，而上面的粉絲有點奇怪的紅色我没有吃，大概是醋吧(左下) 龍躉抄西芹，魚肉無骨，鮮甜，炒法跟外邊酒樓無異(左上) 芝士蝦，好肥的芝士呀，鮮甜的蝦，旁邊的像雙面黃，不過我没有吃，光吃芝士要覺得很肥很不健康了哈哈“企鵝雞”，上菜時大家都嘩一聲，拿出來大家拍完照，便拿回去幫我們斬件，餐廳稱是新鮮雞呢，有雞味，亦很香口整體來說海鮮全部都新鮮好味，服務周到，只是價錢偏貴了一點點

西貢真的沒來過多少次，最近來的也只是公司的Outdoor Training，一早已聞西貢吃海鮮一流，今天有幸朋友帶我去一嚐滋味。她選擇的勝記海鮮酒家。椒鹽炸鮑魚仔: 蒸鮑魚就吃得多，炸鮑魚也是第一次，這次的做法令鮑魚非常酥脆，椒鹽令鮑魚份外香口惹味。可是卻不及鮮甜。椒鹽瀨尿蝦: 蝦殼香脆滿是椒鹽香，相當香口惹味。而瀨尿蝦啖啖肉，肉質爽口彈牙，蝦肉亦富鮮甜的肉汁。蒜蓉蒸蟶子: 蒜蓉蒸蟶子是吃海鮮幾乎必吃的菜式，簡單以蒜蓉和粉絲來蒸便能勾出其鮮味，粉絲亦吸收了兩者的鮮甜，蟶子不夠爽口，味道雖好，但不突出。