加藤壽司 (已結業)

再次得到kc兄指點迷津大除夕黎到遠離繁囂(當然係比起當日既銅鑼灣同中環黎講)的北角朝拜呢間正宗壽司店搵左一陣先搵到正確位置一入門就見到有兩檯日本客可惜隔離檯似乎係自由行…比較嘈不過都唔打緊先叫一個竹盛合七點一人一件三款白色魚(嘻,唔識分) 魷魚、拖羅、三文魚、同甘蝦要肥美既有肥美要爽口既有爽口當然唔夠喉再叫一客甘蝦壽司甘蝦相當好食又甜又多羔如果早知$80二人前既刺身有咁多隻就叫埋啦蒸蛋雖然要四十幾蚊但絕不欺場起初只係以為有一片魚蛋但軟滑之餘竟然有蝦同其他配料係入面原來蒸蛋都可以飽肚天婦羅烏冬天婦羅最緊要脆之餘又保持得到鮮味小店就有呢個好處一炸起就上檯非常好食烏冬亦好彈牙唔係一般貨色錫紙燒帶子都好大份好好食招牌既魚精(??!)就唔夠膽試咯…我地可能食壽司比較少埋單覺得好平抵讚服務唔差環境不豪華但充滿日本風味係咁特別既日子加少少想像力就猶如係日本啦係咪?

2005年9月17日長假期第一天，預算先吃一頓美味午餐才去淺水灣。午餐選擇很多，最貴的才百多元。我點了壽司拼($75) - 有吞拿魚、油甘魚、鯛魚、左口魚邊、玉子、三文魚子、熟蝦和吞拿魚卷等，十分豐富之餘又十分好味，魚很新鮮甜美，左口魚邊尤其不可錯過。本身壽司拼中有三文魚，我不喜愛吃三文魚，店方也肯換。x2點了魚生拼($75) - 基本上魚生的種類和我的壽司拼差不多一樣。小店位於一個小商場一樓，價錢平但質素高，下個月就開業滿五年。一點鐘開始有日本客來到坐sushi bar 和加藤師傅傾計。另外有一檯熟客和女經理說在有馬吃了一頓$1980的套餐，不過又唔話當中有什麼食，又無話好唔好食- 最緊要的資料居然不提，立即失去興趣聽。食完就下起傾盆大雨，只好打道回府。

If you are a non-smoker, better not to go to this restaurant. Last night, we four people went to this restaurant to have dinner. Not many people, about 8 people only (excluding us). But most of them smoked. Therefore the environment was very worse for non-smoker. The food was OK. Sashimi was fresh expecially for 三文魚，池魚，鰻魚手卷，牡丹蝦，but稻亭烏冬was not good. This morning when we read newspaper, we heard that 豐壽司was closed with bad hygiene reason. So we were lucky we were still OK!

我見d度評d間好似好好咁..所以我同我女友專登去試一試..佢地個lunch..^^...先講環境..真係幾好..waiter d 服務都幾好..我地叫左兩個餐..一個壽司餐同烏冬餐..佢地d魚真係幾新鮮..唔錯..但佢d飯真係酸左幾多下.師父重手左^^..但佢d飯入口都好軟....另外個烏冬就都ok既..我都係覺得d飯出左少少問題..如果有3.5分比就好丫..哈

魚生的確一流，中拖罹、牡丹蝦、左口魚邊、油甘魚和海膽都美味非常。左口魚邊的口感幾特別，硬中帶爽，而且脂肪成份應該幾高，所以咬後有少少即溶的感覺（其實很難形容!)。海膽是老闆娘推介的，果然不錯，一點苦澀味都沒有，而且有鮮味，在香港十分難得。熟食（試了照燒牛柳和麵豉醬茄子）則普普通通，麵豉醬茄子的份量更少得很，$70只有兩小件（兩件的總體積比女成年人的拳頭之一半還要小），而醬的味道又不覺特別出色。

雖然我只係食過佢D外賣壽司,但一入口己經既感覺係:喺北角和富道個咁既商場仔有間咁正既壽司?佢唔平架! 圍起成十幾廿蚊一件,不過食過會覺得佢係值卅蚊一件囉!我仲未有時間,一有機會要親自踩上去再食過.北角真係好多超值超正既食店,住係哩區真係正.

同吉他老師兼老友食個遲來的開年飯，因為大家都鍾意飲清酒，所以決定食黎呢度食靚靚壽司同刺身。星期二晚七點三左右黎到，只有兩位坐吧檯o既人客，正在同加藤師傅對酌。由於冇左對正加藤師傅工作位置o既吧檯位，我地就坐左卡位，靜靜地，都幾好傾野。兩個人叫左唔少，壽司、刺身同蟹籽沙律係一貫o既好水準，今次就唔評啦！由於叫左兩支惠比壽啤同一支750 o既久保田，所以都叫左D支豆、串燒同鹽燒魚黎送酒。不過支豆味道麻麻，唔係好靚，亦灑唔夠鹽；串燒係一般水準，鹽燒o既唔夠乾身，汁燒o既就好少少，OK啦；個鹽燒魚就好唔得，太濕同冇鹽香，不過就未至於難食。兩個人傾傾講講，飲下酒、聽下老友新作o既曲，都好寫意。埋單要成1200，都唔平，不過以壽司同刺身o既水準黎講，仍然係值o既，不過就唔好叫熱食啦！今個食評只係評佢o既熱食。

今晚去左依度食晚餐\，係因為open-rice 的介紹及好評，所以決定去試下。我地晚上7時到，時間尚早大把吉位，揀左坐壽司吧位，於是就對住加藤師傅指手畫腳，不過原本佢\係識講中文架，交談間先知佢\黎左香港生活已經20年，佢\嘅家鄉係喺日本青森縣，以前喺東京ANA HOTEL 工作過。壽司及刺身幾新鮮，尤其是牡丹蝦，夠爽甜，蝦頭好大，我地之後用左佢\黎煮麵豉湯。左口魚刺身好鮮好滑，同左口魚邊係兩個唔同嘅口感。吞拿魚腩好正﹗加藤師傅嘅手勢好純熟，感覺十足十喺日本食壽司一樣，加上又有好多日本食客呢﹗係，仲有窩仔稻庭烏冬都好正﹗食完之後覺得好飽足，值得一讚係啲侍應們好好人，好有耐性地介紹我唔明的食物及日文﹗

因事關係未來數日皆要在北角炮台山一帶活動，因利成便底下又可以試試呢一帶既名食店了。由於一早決定第一餐要己壽司做頭，搵左無耐就到了加藤了。望望錶己近兩點，係人客唔多既原因。點了壽司+喬麥麵（$75)，只見師父收到order 後就將飯搓將起來，架勢十足。餐連潰沙甸魚，潰物自己一向都甚喜愛亦沒多研究，只知就算連sogo又售既罐頭潰物自己亦食得津津有味，此處亦然。己經忘記一客壽司係五件定六件，但深印像既係玉子同三文魚，玉子一向非吾所好，但此處既做得實在出色，厚厚長長既一件玉子，甜味適中之餘亦不失蛋香，真不錯；三文魚就係三文魚，理應驚喜欠奉，但是日咬落的卻異常地有口感，爽口且油香極重，吃後不禁暗暗歡呼一聲。其餘的三款則水準平平，鯛魚既面積竟比壽司飯差不多，跟長長既玉子有說不出既不調；熟蝦則跟平日吃既差不多，沒期望亦沒失望。用來飽肚既喬麥麵最後才吃，湯底用鰹魚昆布等煮成，清清甜甜的亦算討好，但自己一向不知何謂好的喬麥麵，吃飽就是了。隨餐既雪糕絕不馬虎，有多達六款既選擇，但由於己經幾飽同侍者讀得太快關係，只要了大路既綠茶味。相信係我食過既綠茶味雪糕中最淡既一次了，淡得似雲呢拿雪糕一樣，實不敢恭維。埋

老友轉新工後，因為一D office politics的事而心情欠佳，想擦番餐靚sushi/sashimi減下壓，就同佢黎左呢間由食友推介的小壽司店。七點半左右黎到，都幾多人，好彩重有兩個吧檯位，否則就唔可以欣賞加藤師傅的手勢了。食壽司最鍾意就係睇個師傅的刀工同手勢，此外，望住櫥內的魚生點來食亦係幾開心的。老友係一個極有食力的苗條靚女，真係估佢唔倒可以食咁多架，次次叫野食都令侍應們大開食界。兩個人各自叫鍾意的壽司，其中最正的要數蔥吞拿魚腩手卷，勁多料，非常好味！此外牡丹蝦大大隻，雖然略嫌咬落有少少碎冰，但真係好鮮甜，不過叫壽司其實好難handle，因為成隻上，下面有一小團壽司飯，拆得個蝦頭來已經整散晒舊飯，都係叫刺身比較好。其他如海膽、帶子等都幾新鮮，而且魚生切得好厚身，俾足料。蟹子沙律係即叫即整的，所以唔會水溜溜，蟹子亦落好多。由於係坐吧檯位，可以清楚見倒加藤師傅用料好嚴謹，不時將D大大件、冇咁新鮮的魚生丟棄，而且整鐵火卷、切粒魚生飯等都係用serve刺身的材料，絕唔係D頭頭尾尾貨色，真係好好！此外，我地叫左一個什錦天婦羅，呢一味就真係好唔掂，麵衣毫不鬆化，而且好油。睇黎都係專食壽司

是夜，同Olivian前後腳去呢度，不過因為有約，7:30pm就走人。走之前都仲係得我一個客…真係嚇人，你試下比2個師傅3個waitress招呼就會明。由於事前做過功課先來，經歷比上次好好多。牡丹蝦大大隻、安康魚肝好味。沙典魚刺身咩汁都唔點最好。至於燒牛利、魔鬼魚乾等就可以不理。整體來講係好食的，因為，我又單拖食到4人前的份量…

O尋晚朋友搞house warming，我已預先問了我o地一位資深的食家，介紹附近有咩好野食，佢就大力推介呢間。唔講唔知係呢個商場，竟然有間有水準的日本料理，真係學資深食家話齋臥虎藏龍。先講刺身，我一坐低已問有冇牡丹蝦，我d朋友都讚好鮮甜，完全唔駛點醬油，我就略嫌細隻左少少。另外一碟14件的刺身併盤，買相不俗，我只食了一件吞拿魚，切得好厚身好有質感。而壽司方面，散叫加州卷、toro、左口魚、魴鮄魚同海膽，每人各一件。我o地大家一致認為海膽係至正，外層紫菜又爽脆；我本人覺得其次就係左口魚，肉質好爽，剛巧o尋晚我o地另外有一位食家都有去食，佢就認為左口魚唔得milky；toro50蚊一件，因為size唔細，所以都唔算太貴，老公覺得最好食，我認為雖肥美但唔夠鮮甜，始終念念不忘孝勢的toro；而壽司唯一缺點係d飯唔夠醋味。小食叫了串燒牛舌、雞軟骨及鰻魚卷，牛舌燒得剛剛好，肉質唔會un，其餘兩款小食都是普通，沒有驚喜。因為有幾位男士，所以再叫刺身飯、天婦羅稻庭同牛肉稻庭。刺身飯料好多，仲有海膽同一片薄薄的toro。而稻庭烏冬本身麵質一般，不太突出。而朋友就話牛肉好食。另外對於我o黎講最驚係就係d

就一定唔係呢度。但係海膽和蟹羔壽司吃得過，吃多幾個都得。其他鴨胸啊，炸物啊咪制。烏冬個賣相唔錯，但係烏冬本身唔靚。似現成買的。我本係諗住，有人同我講北角城市花園有間猛料地道餐廳食豬扒飯的，到底係邊間呢？

試左如下sushi，肥金槍魚、左口魚邊、油金、左口、黃魚子、赤貝，好味程度順序，不過全部都新鮮肥美、剌身大大片、且非常厚身，質素比一般店零舍唔同，最貴既肥金槍都係四十，加埋牛舌串燒，每人二百，真係好抵食呀。肥金槍非常鮮味豐腴，食落口腔甘甘地，有陣幸福感覺，真係唔捨得吞。左口魚邊比魚肉更加好，除有魚味外，仲加上爽脆。油金亦比一般更有魚味。d啡薑果然比一般紅色既更清新。我都覺得食sushi 好過sashimi，口感豐富d。牛舌三大片，又係好厚身，好有牛味，有肉汁，但唔夠香口，覺得和三郎既好味d，但佢抵d。唔得，下次試下set lunch，要坐bar 檯睇表演。

自上次試過稻菊後，那次主要試天婦羅，壽司嘛，只是淺嚐，吃過了便算，印象不算深刻，對上一次認真品嚐壽司的話，已是大半年前的事了。早前，在料理店待過些日子，當中最難忘的，自是見識過港式刺身的真面目，現在想起來還尤有餘悸，本打算借此機會戒掉吃刺身料理這奢侈的玩意，但人算不如天算，老頭子為證明白草根也可吃到出色的平價料理，遂語重心長（長篇大論是也）的描述了加藤壽司出色之處，閱畢，比老頭子精彩的描述打動了（那比論文還長的介紹，就是說若你看後不去，會不得好死．．．），惡男的食根因此此再被挑起，唉．．．這回真的是「純男守唔到寡」，戒不掉、忍到亂，老頭子，偶真的敗給你啦．．．偶由西門町出發，看地址該是北角A2出口最近，也就由北角出，當走到和富道才知被耍笨啦！那是街尾來的，熱天走這段路，就的有夠爽說！老天爺也真的夠體貼，知偶走的一身汗，於是來個地下爆破，街道都被大水浸過啦，本想跳過水潭說，可惜人太笨，跳不過，還被弄的滿身是水，真的涼透說．．．由迷宮般的地鐵站鑽出，後經一番波折，終可「順利」到達，一輪體力勞動後，若不快快吃好點子，真的會餓趴說，老頭子文中不說由炮台山B出口出會比較近，看來就是想傢伙們走個死