加藤壽司 (已結業)

試左如下sushi，肥金槍魚、左口魚邊、油金、左口、黃魚子、赤貝，好味程度順序，不過全部都新鮮肥美、剌身大大片、且非常厚身，質素比一般店零舍唔同，最貴既肥金槍都係四十，加埋牛舌串燒，每人二百，真係好抵食呀。肥金槍非常鮮味豐腴，食落口腔甘甘地，有陣幸福感覺，真係唔捨得吞。左口魚邊比魚肉更加好，除有魚味外，仲加上爽脆。油金亦比一般更有魚味。d啡薑果然比一般紅色既更清新。我都覺得食sushi 好過sashimi，口感豐富d。牛舌三大片，又係好厚身，好有牛味，有肉汁，但唔夠香口，覺得和三郎既好味d，但佢抵d。唔得，下次試下set lunch，要坐bar 檯睇表演。