加藤壽司 (已結業)

同吉他老師兼老友食個遲來的開年飯，因為大家都鍾意飲清酒，所以決定食黎呢度食靚靚壽司同刺身。星期二晚七點三左右黎到，只有兩位坐吧檯o既人客，正在同加藤師傅對酌。由於冇左對正加藤師傅工作位置o既吧檯位，我地就坐左卡位，靜靜地，都幾好傾野。兩個人叫左唔少，壽司、刺身同蟹籽沙律係一貫o既好水準，今次就唔評啦！由於叫左兩支惠比壽啤同一支750 o既久保田，所以都叫左D支豆、串燒同鹽燒魚黎送酒。不過支豆味道麻麻，唔係好靚，亦灑唔夠鹽；串燒係一般水準，鹽燒o既唔夠乾身，汁燒o既就好少少，OK啦；個鹽燒魚就好唔得，太濕同冇鹽香，不過就未至於難食。兩個人傾傾講講，飲下酒、聽下老友新作o既曲，都好寫意。埋單要成1200，都唔平，不過以壽司同刺身o既水準黎講，仍然係值o既，不過就唔好叫熱食啦！今個食評只係評佢o既熱食。