影片
更多
2004-12-03
31 浏览
O尋晚朋友搞house warming，我已預先問了我o地一位資深的食家，介紹附近有咩好野食，佢就大力推介呢間。唔講唔知係呢個商場，竟然有間有水準的日本料理，真係學資深食家話齋臥虎藏龍。先講刺身，我一坐低已問有冇牡丹蝦，我d朋友都讚好鮮甜，完全唔駛點醬油，我就略嫌細隻左少少。另外一碟14件的刺身併盤，買相不俗，我只食了一件吞拿魚，切得好厚身好有質感。而壽司方面，散叫加州卷、toro、左口魚、魴鮄魚同海膽，每人各一件。我o地大家一致認為海膽係至正，外層紫菜又爽脆；我本人覺得其次就係左口魚，肉質好爽，剛巧o尋晚我o地另外有一位食家都有去食，佢就認為左口魚唔得milky；toro50蚊一件，因為size唔細，所以都唔算太貴，老公覺得最好食，我認為雖肥美但唔夠鮮甜，始終念念不忘孝勢的toro；而壽司唯一缺點係d飯唔夠醋味。小食叫了串燒牛舌、雞軟骨及鰻魚卷，牛舌燒得剛剛好，肉質唔會un，其餘兩款小食都是普通，沒有驚喜。因為有幾位男士，所以再叫刺身飯、天婦羅稻庭同牛肉稻庭。刺身飯料好多，仲有海膽同一片薄薄的toro。而稻庭烏冬本身麵質一般，不太突出。而朋友就話牛肉好食。另外對於我o黎講最驚係就係d
先講刺身，我一坐低已問有冇牡丹蝦，我d朋友都讚好鮮甜，完全唔駛點醬油，我就略嫌細隻左少少。另外一碟14件的刺身併盤，買相不俗，我只食了一件吞拿魚，切得好厚身好有質感。
而壽司方面，散叫加州卷、toro、左口魚、魴鮄魚同海膽，每人各一件。我o地大家一致認為海膽係至正，外層紫菜又爽脆；我本人覺得其次就係左口魚，肉質好爽，剛巧o尋晚我o地另外有一位食家都有去食，佢就認為左口魚唔得milky；toro50蚊一件，因為size唔細，所以都唔算太貴，老公覺得最好食，我認為雖肥美但唔夠鮮甜，始終念念不忘孝勢的toro；而壽司唯一缺點係d飯唔夠醋味。
小食叫了串燒牛舌、雞軟骨及鰻魚卷，牛舌燒得剛剛好，肉質唔會un，其餘兩款小食都是普通，沒有驚喜。
因為有幾位男士，所以再叫刺身飯、天婦羅稻庭同牛肉稻庭。刺身飯料好多，仲有海膽同一片薄薄的toro。而稻庭烏冬本身麵質一般，不太突出。而朋友就話牛肉好食。另外對於我o黎講最驚係就係d薑，除了附壽司在薑配之外，我仲問佢扲左兩碟薑食。
张贴
