再來一煲 (好順景大廈1座)

营业中

休息中

喺鳳攸南街嘅一條小巷入面，搵到嘅呢個火鍋小店，鋪位唔算大，但環境都整潔，入去嘅時候唔會煙霧離漫。先揀左鍋底，叫左半隻雞配胡椒豬肚湯，賣相擺盆唔錯，湯底飲落幾濃味，不過胡椒味唔算重，驚胡椒味嘅人都啱食。呢間店嘅叫法唔係放題形式，係以逐碟叫嘅方式。豆腐紙幾有驚喜嘅一味食品，因唔係間間火鍋店有提供豆腐紙，浸湯幾秒即可，非常掛湯吸味，叫左一份份量算多。安格斯牛小排融雪做得啱啱好，唔會太冰亦冇出血水，牛味唔算濃郁，但脂肪分布均勻，勝在入口即溶。手切本地牛相比牛小排厚切，較重牛味同埋有咬口嘅質感。即炸響鈴有別於平時盒裝果款響鈴，而係店鋪即叫即炸，所以都幾鬆脆可口。然後菜類叫咗娃娃菜同金菇，前者幾新鮮同有光澤，而金菇都夠爽口同肥美。有點可惜嘅係罐裝飲品類算係少，而點餐時見唔到飲品有檸茶等即沖飲品，之後先見到其他枱原來有得叫凍檸茶/水，大大杯咁好吸引。

元朗開雞煲都開咗好多間，今日呢一間雞煲可以講得係比較細規模，但係美味指數佢毫不輸蝕。原本book咗8:15 ，但係發覺原來8:30係會做優惠，所以同朋友一齊等多15分鐘先入去。老闆娘同老闆都好好人，叫我哋早5分鐘入去坐定諗定叫啲咩嘢食。小辣雞煲（半隻）雞煲配菜都好足料，自己唔係好鍾意食勁胡椒八角嘅味道，所以呢個雞煲啱晒我。醬汁調味不太鹹，所以覺得好好味。火鍋配料——牛肉拼盤，炸響鈴我哋嗌左個牛肉拼盤，入邊包含咗五至六款牛嘅部位，份量適中都抵食嘅，牛嘅質素方面，全部都唔太肥膩，入口即溶。呢間舖頭有個特色，飲品方面除咗有罐裝之外仲有一個重量級嘅凍檸茶或者凍檸樂，啱晒打邊爐。平時要飲兩三罐可樂嘅我，索性一次過嗌重量級，一杯搞掂晒，爽！

今日近近地揀咗元朗嘅再來一煲食雞煲兼打邊爐，雖然天氣未係好凍，但係我對打邊爐嘅愛係唔會減退嘅😍我哋叫咗招牌魔鬼雞煲，可以自選辣度，另外再加咗鮑魚、鴨舌同魚標。炒雞嘅時候陣陣嘅香料味撲鼻而來。對於唔係太食得辣嘅我黎講，辣度岩岩好，香口得黎又唔會辣到要飲水😋而最令我深刻嘅配料就係魚標，平時都比較少食到嘅食材，口感有少少似花膠，充分咁索哂啲雞煲醬，好夾。牛胸爽都唔錯，輕輕一淥就食得，口感彈牙，爽而不韌。蝦滑份量十足，口感爽滑，蝦味香濃。蜜椒薯仔牛柳粒係我每次去大排檔都必點嘅嘢食🙈估唔到呢間餐廳都會有，口痕點左一份黎做小食。牛柳粒重肉味，咬落去香軟，薯仔係金黃色，外脆內軟，沾滿哂蜜糖😋😋手打烏冬Q彈，係我鍾意嘅口感😋😋最後叫咗一杯珍寶凍檸樂，成餐飯好滿足😋😋而且可以大量加芫荽😋😋好幸福啊❤️❤️

去咗YOHO MALL window shopping，晚餐就選擇咗鳳悠南路嘅‘再來一煲’好在早到又訂左位，6點幾開始食由未有人 7點已經坐滿人鋪頭大概有7-8張枱唔算大入座短短半小時已經門庭若市，當然第一時間點咗個雞煲先之後再打邊爐啦，今次我地選咗一直食開嘅中辣…點知招牌雞煲 半隻 $198 （加魚鰾$58，加鮑魚一隻$12）當雞煲放喺我哋面前嘅時候，主理人好細心咁幫我哋處理，當打開蓋嘅時候一陣剌鼻嘅氣味湧出嚟，係辣嘅氣息。我奇怪點解中辣會有咁濃烈嘅味道。當我四處找尋嘅時候發現牆上面貼咗張辣度對比圖，而呢度係用印度辣椒，比起普通辣椒高幾班！而且我發現雞煲嘅調味係有別於市面上其他雞煲佢味道無出面咁濃，而且無乜味精，特別之處重放咗少量檸檬草吊味感覺好另類好好味食完雞煲當然要加湯打邊爐啦，老闆都用心係加佢哋自家制高湯俾客人牛脷托 $88 黑毛豬肉片$780.03紙豆腐 $28醉雞子 $58 油麥菜$28佢哋用料好新鮮，食物色澤鮮嫩 ，尤其是醉雞子味道係最好味，佢吸收咗花雕嘅精華再加上雞子獨特嘅味道真係一試難忘大大杯檸樂 配黎食辣一流多種配料選擇食物：8/10價錢：7/10 環境：7/10

招牌雞煲上枱稍為加熱，濃郁呢香味撲鼻而來，令人流晒口水。配料豐富，檸檬葉、薑、洋蔥、蔥頭、蒜、唐芹、豆卜等，唔怪得香味咁濃郁。醬汁濃稠惹味，雞肉索晒啲汁，嫩滑入味。我哋只係叫咗小辣，但已經好麻辣下，但就好刺激食慾。份量多，啖啖肉，四個人食都好夠。蜜椒薯仔牛柳粒牛柳粒外表微焦香脆，口感油潤Q彈，味道適中。配菜三色椒同薯仔，外皮脆，香甜可口。椒鹽鴨舌炸到酥脆無比，連骨都食得，入面肉質就好嫩滑，濃郁嘅蒜香，惹味香口。食完雞煲，加個湯底就可以轉做打邊爐。豬牛羊海鮮各式丸類蔬菜等打邊爐料都有。我哋點咗牛筋丸、貢丸、手切本地牛、黑毛豬肉片、鴨血、牛柏葉等。牛筋丸堅爽口彈牙，仲會爆漿。鴨血嫩滑，手切本地牛肉口感煙韌有嚼口，黑毛豬肉爽口，肉味濃郁。皇帝菜同娃娃菜新鮮爽甜。雞煲加邊爐好滿足。

餐廳位於元朗雞地附近除左打邊爐仲可以食雞煲/烤魚一次過滿足你幾個願望👍🏻🐔招牌魔鬼雞煲（小辣）雞煲剛煮好一打開蓋已經香味四溢未食已經流哂口水, 當食第一件雞時已經覺得雞肉好嫩滑味道有少少微辣同甜味, 但因為醬汁越煮越久會令到湯底越咸和越辣的關係已經覺得雞件好麻辣但又好過癮, 所以就算辣都會忍唔住食多幾件😆🐄蜜椒薯仔牛柳粒招牌菜之一薯仔的皮層烤到好脆身, 內層薯肉好林仲食到有蜜糖甜味好吸引, 牛柳粒面層煎到個顏色好靚, 當咬入口時肉汁好夠越食牛味越出😋椒鹽鴨舌👅估唔到整左椒鹽之後成條鴨舌都可以當薯片甘樣連骨食埋🤣 開頭會擔心椒鹽一定會好咸, 但事實原來相反鴨舌味道只是香口而鹽味適中, 仲好適合用來佐酒食😬🐮手切本地牛顏色鮮豔奪目的牛肉, 根位唔多脂肪少肉汁都算多, 就算煮耐左都唔會太“鞋”口🐷黑毛豬肉片豬肉片本身肉的顏色都好粉紅好嫩,油脂分佈仲好平均味道好鮮,但可能湯底麻辣味太出的關係所以有點蓋過豬肉的味道😬鴨血食麻辣湯底當然一定要食鴨血啦！因為鴨血配麻辣一齊食係真係好夾的！ 鴨血好新鮮好滑有少少入口即溶的感覺😋🥗鮮准山片 娃娃菜 皇帝菜 粟米🌽打邊爐食甘多肉一定要食菜平衡一下啦！ 每款

同朋友系網上尋找雞煲 發現呢間雞煲既相望落好吾錯 就決定山長水遠都入黎試下 店門系巷子入面 門口有燈牌寫住店名 但收工之後店主會收起個牌 如果你就咁望入條巷 根本吾會發現佢😂（門口系擺紅色櫈側邊）我地叫左招牌雞煲小小辣 但吾食得太辣既我都系覺得太辣 奉勸完全吾食得辣既朋友吾好叫辣 （雖然辣得惹味） 如果叫左原味覺得吾夠惹味 可以用醬汁搭救 個辣椒醬好正 系mix埋xo醬既感覺🤩雞煲足料 好香 雞都嫩口 再叫左一個小食 鴨舌大推 好味😍😍😍將雞煲轉火鍋既配料我地都揀左吾少😂牛肉食落咬口好好 有啲’根‘咬下😂鴨血勁厚片 但煮完都軟硬適中 不過就吾系好食到雞煲陣味冬菇配雞煲乃絕配🥳 叫哂啲精華 正！個人覺得牛筋丸好味啲 雖然個樣同瀑布牛肉芝心丸一樣😂🤣即叫即炸好優秀 所以食落吾會有陣油‘益’味👍🏻👍🏻呢個紙豆腐真系打卡必推 post上網吾講好少人知系豆腐😂😂 望落好堅挺 但一擺落煲就一秒淋哂 變魔術咁 不過食落口感普通另外太辣既我叫左兩支飲品 佢既飲品多出自健康工房 每支$18 小貴 但系餐廳都預左環境方面 鋪頭吾大 啲位有啲迫 但店員好niceee 會過黎幫你but走浮面既油🧐

尋日18:53 訂位，明明確認左座位，今日16:39 先指取消booking，指其他原因，要9:00 先有枱，但係又唔打番黎，好無交帶🥱。要記得隨時可能比人取消訂位既心理準備！

元朗YOHO行左陣街，過埋條天橋，行多一陣好快就來到呢間元朗再來一煲。調味醬料麻辣烤魚:麻辣味香濃吸引，表面有不少蔥段、芫茜，本身配菜有金菇、青瓜、芽菜、豆卜，少許薯粉墊底。烤魚好大一條，表面烤得香脆，魚肉嫰滑。牛魔王拼盤:各種牛肉都有些，包括牛小排、封門柳、牛頰片、牛胸爽、牛脷托、新鮮滑牛、牛丸等，睇落雪花紋都好靚﹗店員細心幫我地將加蛋嫰滑牛肉撈勻自己最鐘意食牛胸爽，食落爽口且牛脂味重。鴨血:鴨血果然同麻辣最夾，煮到入晒辣味，仲保持內裡嫰滑口感鮮鮑魚$12x2:$12一隻又幾抵食，彈牙爽口﹗最後飲返枝竹庶芧根海底椰，可以清潤解辣

2021年10月18日 晴連續兩日入元朗, 今次就去食雞煲餐廳位置比較隱蔽, 揾左一陣先見到基本火鍋配料都有, 芫茜, 蔥, 炸蒜 辣椒必落 招牌雞煲 - 半隻 bb 辣 $198朋友唔食得辣所以叫左bb 辣, 但佢都係覺得辣, 唔食得辣ge 朋友要留意下雞煲好香, 炒完雞肉都嫩, 好味椒鹽鴨舌 $78好好食啊 上面兩支炸到好脆,下面就淋淋地, 而且好多炸蒜, 好香口,  正即叫即炸脆響鈴 $38炸到脆卜卜, 打邊爐必點之一0.03紙豆腐 $28呢個平時好少見, 幾特別。個豆腐真係好薄, 成張紙咁。放落去一秒就淋曬, arm 曬連響鈴都要淥到淋曬ge 我不過食落就唔算好有驚喜, 正正常常la 手切本地牛 - 例$188牛肉食落有dd筋, 但幾好咬口而且牛味好足, 好食爆汁牛筋丸 - 半份$48真係會爆汁, 彈牙得黎仲好多汁, 好味瀑布芝心牛丸 - 半份$48相比之下芝心牛丸就比較失色, 冇牛筋丸咁出色, 但都唔錯牛柏葉 $48份量好多, 正嫩鴨血 $48食落好滑, 而且大大舊, 好食仲叫左好多餸, 食到超飽, 下次再入元朗都可以再食多次

元朗雞地啲餐廳我都可以話食過晒😆今次就係冷巷嗰度見到間裝修望落都幾舒服嘅餐廳，見入面當有啲人喺度食，相信都應該唔錯🤫🤫呢度就主要食烤魚煲或者雞煲，之後就嗌餸打邊爐，我哋就叫咗招牌雞煲（一隻）$288，之後仲追加咗鴨舌 魚鰾 鮮鮑魚😝😝 雞煲上枱後都要再煮下，不過店員會全面handle，所以我哋都係等佢搞一陣就可以食得🙇🏻‍♂️ 呢個雞煲份量真係唔少，啱晒我哋四個人食，味道方面就醬汁香濃，啲雞又啖啖肉，食得好滋味😆 而呢個雞煲都有一個特別嘅地方，就係佢加咗啲檸檬葉，所以食落都感覺到清新，冇咗肥膩感👍🏻👍🏻而我哋就揀啲配料都非常對版，鴨舌夠多仲要係原隻嗰款，魚鰾雖然本身冇味道，但佢可以慢慢索啲汁，而且佢口感軟糯，值得一試😝食雞煲嘅同時，亦都叫咗碟蜜糖薯仔牛柳粒做小食，蜜糖包住牛柳粒同薯仔，非常香甜，而且佢炸到兩樣嘢都外脆內軟😋火鍋配料質素唔錯，尤其係佢個牛魔王拼盤，有多款牛肉款式，試勻晒都夠哂喉了，不過個別款式就切得比較細塊，所以食落都唔夠暢快😗 但佢個蝦滑絕對值得一試，爽滑彈牙，蝦味濃郁，好少喺街有咁嘅質素，一定要嗌😍😍 而佢都有啲過癮野，就係0.03豆腐，望落就好似蛋卷咁，佢大概同響鈴差

我同朋友嚟到元朗附近想搵雞煲食，咁啱就嚟到呢間再來一煲，舖頭係小巷入面，跟住Google map搵用咗啲時間😂一開始叫咗招牌雞煲半隻，我哋叫咗小辣，裡邊有好多配料，特別中意佢哋落咗好多紫洋蔥、雲耳、豆卜，煮腍咗索晒啲雞煲汁幾好食！啲雞肉幾有麻辣味，肉質幾滑。可以追加魚鰾，幾有鮮味，唔會有腥味，又厚身又好有口感，之後加湯打邊爐啦！打邊爐點可以冇炸響鈴，呢到係即叫即炸，索晒啲雞煲汁好好味😋推薦手工韮菜餃，入面勁爆多韮菜；手打蝦滑幾彈牙爽口；鴨血味道都唔錯打邊爐必叫！新鮮滑牛啲肉好滑嫩；封門柳肉嘅肉味夠晒濃，推薦呢到啲肉都唔錯。凍檸茶$38夠晒大杯，夠飲足成餐飯！整體來講呢間係元朗嘅小店，麻辣雞煲味道係唔錯，特別鍾意佢哋啲呢到嘅魚鰾，真係幾好食好有口感，平時都係加花睇多，試吓新嘢都唔錯。同埋啲牛肉都好新鮮，下次經過都會試多次。

今日7點半到，好彩地落雨唔使等位，但呢句說話遲5分鐘講就要排隊🤣一嚟就揀好個招牌雞煲bb辣加配魚標、鴨吞同鮮鮑魚，鮑魚真無得輸 $12就有一隻大大隻，好爽口彈牙唔會韌👍🏻👍🏻 另外，見到個變態辣 辣指數好高，唔個有無人真係敢挑戰呢🙊🙊魚標好重膠質，啖啖都會痴住個口，我就好鍾意呢個感覺，但同行朋友就唔鍾意，睇個人口味😀唔記得講，一揀好雞煲就會有6格調味俾你溝醬汁，左上角似係自家製xo 醬，偏辣野飲試咗特飲，jumbo真係好jumbo，上枱大到嚇咗嚇 係一杯巨大牌檸樂🤪🤪食完雞煲就轉打邊爐，加叫咗鴨血、腐竹、0.03紙豆腐、牛魔王拼盤、本地牛胸爽同蝦滑😋😋牛魔王拼盤好抵食，有成7款牛嘅唔同部位，個人最鍾意牛胸爽，廚師厚薄控制得好好，淥大概10秒就有爽口嘅感覺😚 忍唔住單點多一碟😬蝦滑由粒粒蝦打到起膠，有啲仲係原粒，食起有幾重口感，推介鴨血好似啫喱咁，唔會硬到咬唔開，Live Photo 可以見到彈下彈下🤣 0.03紙豆腐真係簿到一張紙咁，望落似蛋卷，食落似腐竹，會吸曬啲湯，所以建議湯清啲嗰陣食，感覺無咁肥🥳🥳叫咗咁多餸，驚太飽只叫多一個小食，揀咗蜜椒薯仔牛柳粒，實在揀得太啱😆 牛柳粒加

今日去了元朗找朋友吃晚飯，她是元朗人一定識得帶我去吃好嘢啦！大家很久都沒有吃火鍋了，所以她推薦了一間吃雞煲小店，可以一邊吃雞煲一邊吃火鍋一舉兩得。再來一煲為於元朗鳳群徑的一條小行裏面，小店地方不算大但坐位都舒服。小店有兩款鎮店之寶，胡椒豬肚雞煲和招牌雞煲選擇，因朋友不吃得太辣所以今次點了，胡椒豬肚雞煲（半隻雞）做湯底。餐前小食點了一份～～椒鹽粟米椒鹽粟米灑了炸蒜粒很惹味，椒鹽味道突出又香濃，帶點微辣相當刺激，粟米外層乾爽，裏面保持水份。胡椒豬肚雞煲老闆話佢地湯底是用雞件熬製而成，當湯煲滾了頭淡湯一定要試試味道，胡椒香四溢, 湯底清甜又濃香, 材料豐富, 更有不同的味蕾刺激。雞肉滑溜，除了口感嫩中帶彈性外，也非常厚實，與爽滑的豬肚一起越煮越入溜味，越吃越上癮。原味品嘗完後，我們就可以開始加入菇類、蔬菜、丸餃類與其他肉類，享受不同食材與湯底的搭配。精選雜丸類拼盤（一份）可以試不同口味的丸類。白菜餃裏盛載著滿滿的白菜碎，口感爽口之餘也非常豐富。 蘿蔔味道很鮮甜，基本上胡椒湯底拿來涮黑毛豬肉片也很對味，吸附湯之後不沾醬就很好吃。小店所有火鍋配料都很新鮮。珍寶檸水很有份量。今餐大家都吃到肚子滿滿

朋友生日 ，同愛好雞煲既佢慶生，又小店食品一般會比大型連鎖店更特色驚喜，就來了一試。入座後，店員殷勤介紹菜式，又仔細建議食法。原來除咗招牌雞煲外，更有較少食店有供應嘅魚煲。壽星心血來潮想試，就揀咗魚煲。魚煲以原條鉗魚製作，肉質細滑，少骨。鋪滿酸菜、芽菜等伴菜，味覺視覺豐富。特別推介蝦滑，超爽口彈牙，仲真係好有 粒。粒 蝦肉在內!鮮味口感極佳，必點之選!其次係台灣大甲芋頭，粉絲必點!真正台灣產的大甲芋頭 ，愛好台灣美食又暫未能親嘗，正好解解饞。仲有新鮮鱔片，肉質鮮嫩，無細骨，完全不遜色於主角菜式。反倒有啲變“全魚宴”，有啲意外驚喜。最後係飲品，有“King size”既杯裝飲品，基本上可以“一杯到尾”，唔使慳，全程“豪飲”，食完整餐煲煲火鍋後都夠飲。