六叔燒鵝 (已結業)

燒鵝河粉😉$35 (下午茶)阿哥介紹我去🤣佢下午茶竟然食到燒鵝髀😮結果我即刻走去試吓😬可惜我無呢個福份🥲整體都唔錯，而且包埋飲品😋我見到早餐都有供應😂仲平過下午茶添😝六叔燒鵝 (土瓜灣)土瓜灣馬頭角道50號迎豐地下12號舖

媽咪最鍾意食燒鵝，而朋友介紹我土瓜灣一間新開嘅燒味店，星期日上完堂，就行過去土瓜灣買佢哋嘅招牌燒鵝拎返屋企今晚加餸啦。門口櫥窗燒味都已經非常吸引，如果唔係今晚嘅目標係燒鵝，我都想試吓其他燒味。燒鵝非常飽滿，皮脆而有光澤，充滿油香。燒鵝散發陣陣清香，燒鵝肉多汁，而且帶韌。我特別想店員俾多幾包酸梅醬，因為燒鵝點甜甜嘅酸梅醬特別好味。由於我係外賣，店員將一杯嘅燒鵝汁，分開盛載，教我要喺食之前先將燒鵝汁淋上，果然令燒鵝嘅香濃味道更突出。

經過土瓜灣整電單車，搞掂都已經買唔切餸，就係諗住買餸斬料今晚番屋企食飯。你開車店下一個路口，燈位前面就見到呢一間新派裝修嘅燒味店，感覺乾淨企理，門口嘅燒鵝都油光滿面，漲卜卜，好吸引。燒味嘅種類款式包羅萬有，最後我揀咗男朋友最鍾意食嘅燒腩仔同燒鵝，燒鵝可以一隻/半隻/上庄/下庄咁買， 我買咗個下庄，1/4隻左右，但係包到燒鵝髀；燒腩仔就買咗一份細嘅， $60 ，俾你例牌再細少少。外賣包裝得乾淨企埋，連裝醬料嘅盒仔都好密實，開電單車由土瓜灣返到沙田都冇漏。燒鵝肥瘦均勻，肉又唔痴骨，餓油好香；燒腩仔返到屋企塊皮都仲好脆卜卜，肥膏又唔算多但係又肥瘦均勻，佢幾分鐘就食晒成兜。

係附近同網友交收完海港城優惠卷，反正坐屯馬線反屋企幾方便，見呢間燒味店乾淨企理就索性係到買埋外賣反去加餸堂食燒味碟頭飯選擇類別頗多，仲有例湯送添，早餐同下午茶時段好抵食，下次再經過會試下堂食，睇下有幾大碗先揀左好耐都係決定買燒鵝🌟下庄 $140 ，比左3包酸梅醬同一盒汁，原來呢間店新開，暫時只收現金反到屋企一打開，就聞到好香燒鵝味，外皮好有光澤，我用焗爐輕輕焗反熱嚟食。皮脆肉嫩，鵝肉肥美嘅油脂香味，令人回味無窮

自屯馬線開通後，沿線也有新店子的出現。我今天來到土瓜灣，便順道去了開舖不久的六叔燒鵝店斬料加餸。～明爐燒鵝 今天選的是比較多肉但又有骨頭吃，以鵝胸和翅膀為主的上庄。這即場燒製、新鮮出爐的燒鵝燒得顏色均勻，看見鵝皮燒到有一格格網紋，頓時令人食慾大增。準備晚餐的時候，我將附送的原汁原味的汁料淋在燒鵝上，味道便更突出，但又不會過鹹，非常難得。上庄鵝胸果然皮薄肉厚，肉質比較結實，而脂肪亦較少，所以吃起來啖啖肉，一點也不會覺得肥膩。這賣相和味道也不俗的燒鵝配上甜酸梅子醬，真令我們吃得津津有味，吃個不停。～蜜汁叉燒除了燒鵝，我還買了四十元叉燒試試，感覺不錯。叉燒燒得剛好，顏色均勻又有微焦，油光亮澤，非常理想。切得整齊的叉燒片肥瘦均勻，吃起來啖啖肉，鮮嫩多汁，肉質又不會乾硬。淋在叉燒上的汁料香味四溢，頓時為醃得入味的肉條再加多了分數。叉燒的香和麥芽糖水的甜配合得宜，非常滋味。

今日同阿媽去舅父土瓜灣屋企食飯，自從疫情後呢年半都無去過雖然舅父話唔洗買野，但總不能兩手fing fing去，於是係落車附近買左生果，同諗住斬d燒味加餸就係欣榮花園附近就見到呢間「六叔燒鵝」望落好似新開，之前都唔多覺有！比門口既燒鵝吸引左，用得燒鵝做招牌，應該靠得住既叉燒目測都幾靚，有燶邊肥瘦適中；d雞色水唔錯，好肥美入面重可以堂食環境望落乾淨衛生主打就是燒味！款式好齊買左半隻燒鵝$250未食已經聞到好香，摸上手盒鵝係好夠熱！食完後悔了很後悔只買了半隻無買一隻！！！唔夠食呀個個話好食，然後你一舊我一舊夾夾夾，然後，就沒有然後，食曬了舅父重問我係邊買點解佢無食過呢間真係皮香肉嫩、鵝味出眾，肉質夠結實，加上沒有過咸，所以無遮蓋本身既鮮味就算唔係脾位，都一樣好味

在家附近有新開張的燒味店，有堂食早午晚餐，店舖內環境舒適乾淨， 看見店舖內有廚房直接製作燒味，今次就試了早餐。 早餐價錢實惠， 主食連飲品一杯也是约26元， 我們點了叉燒米線和燒腩仔公仔麵， 加奶茶。叉燒肥瘦適中不會太鹹，肉質夠諗， 燒腩仔脆皮可口，肉汁豐富，好新鮮。這樣的價錢，性價比高。 奶茶都可以。另一讚的是， 店員姐姐有禮親切，精神奕奕。她說這是他們第一間店舖。坦白說，我是頗看重服務質素的客户，若服務差，價錢便宜都不會光顧。今次，食得很開心。