八歌仙 (家樂坊) (已結業)

旺角最近開左新嘅日式燒肉店🤩環境非常闊落，而且仲可以邊打邊爐邊食燒肉😋一次滿足晒你兩個願望！價格以牛肉種類同級數而定，小編當日揀左Set C，中午價錢係$568，間唔中食豪啲👻揀完餐後店員為我地送上剌身拼盤，有三文魚、八爪魚、北寄貝同帆立貝😋 帆立貝大粒而且鮮甜，其他質素屬於正常放題水準😙呢個就無得無限refill啦～小編試曬四款唔同部位嘅A5和牛，分別係和牛三角、和牛肩胛、和牛上脾同埋和牛背峰🥰 和牛雪花均勻，食落油香滿滿，近乎入口即溶🤤最肥美嘅和牛背峰係最印象深刻😍 不過食完真係有啲膩🤣食完燒肉緊係要打埋邊爐啦😎小編揀左壽喜燒同黑蒜豬骨湯底🤤兩款湯都好高質！壽喜燒湯最啱淥牛肉，食落甜甜地😋豬骨湯比較清淡，佢嘅黑蒜味好突出，淥菜會格外清甜🥬黑蒜更加係將味道昇華！除左燒肉同打邊爐之外，仲有海鮮、天婦羅、壽司卷物、自家串燒、一品料理等～ 超級豐富🤣 每樣試下都飽死

今日帶囡囡去旺角家樂坊辦換領新智能身份證，順便去埋同一座大廈嘅八歌仙食午市放題。餐廳環境超高級，好似日式庭園，卡位勁大，兩個人坐得好鬆動。揀咗set C既日本和牛set，有和牛上髀，和牛肩胛，和牛背峰，和牛三角，油脂非常豐富，雪花紋理好靚。除咗火鍋及燒肉，仲有刺身壽司，炸物，串燒及小食，真係唔驚唔夠食，只驚自己唔夠大食，超豐富。🥤加$38可任飲無酒精飲品， 飲左乳酸梳打，幾解渴。        坐低好快就奉上刺身拼盤，同和牛拼盤。刺身拼盤好豐富，有油甘魚，帶子，海膽，八爪魚，牡丹蝦等等。海膽超讚，飽滿鮮甜，大大粒，平時食要好貴㗎。火鍋鍋底揀咗海膽牛乳豆乳及壽喜燒，配料試咗廣島蠔同海蝦等，都好新鮮。❤️

位於旺角登打士街56號家樂坊8樓802號舖的八歌仙 (Hachikasen)，主打120分鐘日式燒肉及Shabu Shabu 放題。筆者今次和朋友選了最豪華的A5 熊本和王日本和牛餐 (C Set)。剛入座，先向店員點火鍋湯底，要了龍蝦蕃茄和升級版的海膽牛奶豆乳。之後，便可掃描QR code(二維碼)點菜。。餐廳走日式庭園風，而且桌子十分寛闊，不斷下單點食物也有空間擺放。特盛刺身拼盤來到了，筆者很愛吃珍寶大帶子，而朋友則相當欣賞厚切三文魚片。侍應先送上一盤A5熊本和王日本和牛精選燒肉拼盤。～A5仙台牛日本和牛三角～A5仙台牛日本和牛肩胛～A5仙台牛日本和牛背峰～A5仙台牛日本和牛上脾而筆者最喜愛的款式是日本和牛三角。牛三角是由牛第一根到第六根肋骨剔出的三角形部位，因而得名。一隻牛只能夠取出兩塊牛三角，珍貴稀少。和牛油分豐盈，令人吃得頗為滿足。首先把燒肉爐預熱，然後把左下角的牛脂肪小粒均勻地塗在爐面。筆者喜愛把燒肉烤至表面微脆，而朋友則喜愛烤至剛剛熟，豐儉由人。順道試了 Set B的BlackMore M9+澳洲和牛，和Set A的SRF美國錢標極黑和牛，預算有限的讀者也可以一試Set

朋友係燒肉愛好者，強烈推介我去呢一間家樂坊嘅八歌仙，係任食套餐所以會比較抵食，始終平時叫一碟靚和牛都幾百蚊，依家仲要可以任叫，做足準備先去😋俾個小貼士大家，想食多啲食回本，一開始用咗佢哋嘅火鍋淥左啲菜打咗底先，食燒肉嘅時候就會冇咁油膩，食多好多。一上枱就送咗個刺身，有三文魚，甜蝦，帶子鮑魚等等，刺身都幾新鮮，不過今日嘅重點係和牛。食完刺身嗱嗱臨入正題一開始梗係叫咗啲最貴最靚嘅和牛先，以下呢四款一定要叫，A5仙台日本和牛肩胛，A5仙台牛日本和牛上脾，A5仙台牛日本和牛牛三角，A5仙台牛日本和牛背峰 。咁多款我就最鍾意和牛肩胛 ，雪花超級靚，油脂比例六比四，食落去淡淡牛油香，真係入口即溶啊。朋友就最鍾意食和牛三角，呢款都係油脂會多啲就不過牛香比起牛肩胛更加香，同埋色水好靚，紅白分配。其實食完呢四款已經係好滿足，不過仲未完。原來呢個套餐set c ，原來仲可以有得揀A5熊本和王日本和牛肉眼野原燒，係成塊唔係講笑成塊肉眼俾晒我哋。超大塊，平時出去買$200走唔甩，用咗牛油輕輕燒咗個鑊底先，跟住職員仲會幫手燒呢一塊，時間控制得啱啱好，入口即溶，依家諗返起仲想食多塊，連呢一樣都係可以叫幾多塊都得㗎

新開張的時侯已經食過幾次，偏貴但性價比高的一間餐廳剛好因為有朋友生日，所以決定再去一次環境方面是日式建築風格，座位舒服，檯與檯之間有一定距離唔會太嘈唯一不好是近露台位如果有人出入會很明顯有熱風吹入來，但不嚴重重點先評食物品質首先係每檯都會跟既刺身盛，有赤蝦、三文魚、帶子、八爪魚赤蝦、八爪魚沒什麼特別，但帶子和三文魚係有驚喜帶子大大粒好飽滿，食起來口感很好，感覺新鮮三文魚也是水準以上，位置都好，無食到D奇怪既筋位然後到主角燒肉如果100分滿分，我俾夠200分因為本人係地獄廚神，成日火喉唔好，唔係燒柴就燒到痴底或者各種問題但今次雖然燒到換左兩次板，但都食得出D肉係靚野黎厚薄適中，油脂良好，不肥不瘦，食起上來真的不錯其他食物，我非常推介．壽司，其中吞拿魚軍艦、花之戀係無得輸．南瓜脆條，香口好吃，感覺無薯條咁油咁熱氣，但又有薯條既口感．金菇天婦羅，很奇怪的配搭但充滿魔性，令你食唔停口既野．冰菜（火鍋）好少地方有得食既野，係加分點我有懷疑過係唔係因為想你食少D肉所以越係飽肚既野整得越好食最後係邪惡甜品喜歡食甜品既一定要用另一個胃食哂佢蜜瓜好甜好好食，芝士蛋糕大大件本身以為會好膩但食起上來意外地好

今日森仔同女友久違去拍下拖仔。咁就更係要食好d，開心一下😍今次去到出名日式燒肉和火鍋🍲嘅旺角八歌仙，由油麻地地鐵站行過去大約5分鐘，十分便利😚餐廳🍴環境十分舒適，猶如日本🇯🇵嘅居酒屋🏮，有足夠空間，又有足夠光線，好清憂😍😍最正係玻璃窗外有一些綠化裝置，給人一種幽靜舒服的感覺👍🏻👍🏻食物方面，質素真的非常之高 。當日森仔叫嘅就係A5🇯🇵熊本和王日本🇯🇵和牛套餐$568，再加$48任飲無酒精飲品。套餐包括了各種高級和牛嘅不同部位：仙台和牛上脾，仙台牛肩胛，和牛背峰，和牛三角😍😍牛味特濃不在話下，口感亂畫程度也各有不同，各有特色👍🏻👍🏻👍🏻當中，我最愛和牛上脾及和牛肩胛。仙台和牛上脾: 牛味較清一點，但反而更淡淡的突顯和牛嘅牛香。同時，其相較多一點點🤏脂肪，口感更加香滑，入口即溶嘅感覺👍🏻👍🏻仙台和牛肩胛: 牛味較濃，脂肪比例較少，所以較有咬感👍🏻但是，和牛真係和牛，肉質都係非常嫩滑😋😋森仔食唔停口❤️❤️❤️刺身拼盤餐廳🍴真係超好，仲會送上新鮮嘅刺身拼盤😍😍入面有各種新鮮刺身，包括:三文魚，牡丹蝦，帶子，北寄貝和呑拿魚腩。森仔鍾意❤️食日本🇯🇵刺身，應該係人都知。但係入面有2款刺身真係令我幾驚喜。

#旺角 😎香港人真係好喜愛食燒肉同火鍋, 我唔例外😂🤣, 我計過, 一個月最少都會食2次🤫! 朋友話家樂坊有間放題好好食, 但係晚餐超多人訂位, 我哋只訂到食午餐! 🎎餐廳走江戶前時代風格, 以木為主要設計裝潢, 自然優雅清新, 座位寬敞,  空間感十足, 無濃烈油煙味! 📱以手機 QR Code 點餐, 所有食物無需自取, 乾淨衛生! 🥘先點湯底, 來個海膽牛奶豆乳湯 拼 龍蝦蕃茄, 滿滿的濃香鮮味! 🍣先來一客刺身拼盤, 😳厚切又大件, 好新鮮, 好鮮甜! 有帶子、 🦐牡丹蝦、三文魚、🐙八爪魚...等等! 🥩點選澳洲和牛精選燒肉套餐🤤 ~ 先來仙台牛日本A5和牛肩胛、牛三角、🐄背峰、🥩牛上脾... 仲有澳洲和牛, 🥩M9+西冷、牛肩胛、🐄M7-8 牛板腱、牛小排, SRF美國金標極黑和牛肉眼、牛頸、西冷等等!🍲隨咗燒肉仲有火鍋, 同樣食用和牛🥩....同一款肉, 不同食法, 食出不同味道🤗! 除此之外, 仲有🦪廣島蠔、扇貝、🦐大蝦、🍍菠蘿...等等! 🤤熱盤亦有很多選擇, 但燒肉食得太飽, 只試🍤炸蝦天婦羅及🐥雞翼, 炸漿薄, 蝦爽脆! 雞翼炸得剛剛好, 外皮香脆! 🍹+$48 無

老婆生日帶佢食好野. 睇 openrice 話訂位有任飲送, 就訂左呢間. 去到先知要食最貴個餐先有得送. 真係唔好咁 cheap.  唔寫明又顯得你小家.. 坐低好快來湯底, 但刺身同第一碟燒肉要等 15 分鐘後先到.  而點食物係要等第一碟燒肉到左先可以追加.  刺身新鮮好味但份量少.  牛肉係有水準, 燒完都多汁軟熟. 雖然有食物點左無來. 唔知係漏單定無貨.  食左四輪都飽飽. 餐後送芝士蛋糕同生果, 但都係要等好耐再追先有. 芝士蛋糕老婆喜歡就可以. 我唔係好鐘意食. 埋單 12XX.  食物高質, 服務有待改善.

週末放假去咗位於旺角家樂坊8樓的「八歌仙」品嚐日式燒肉+火鍋放題🔥一次過滿足晒兩個願望❤️餐廳裝修以日本和風為主，座位與座位之間相距甚寬，私隱度及空間感十足放題有三個Set可供選擇，我地揀左最貴嘅Set C套餐「A5熊本和王日本和牛」，可以任食日本、澳洲同美國和牛，正呀店員先會送上鴛鴦火鍋湯底～海膽牛奶豆乳(圖上)牛奶豆乳湯底呈奶白色，湯裏面加入咗海膽，充滿鮮味龍蝦蕃茄湯(圖下)湯底帶有濃郁蕃茄及龍蝦鮮甜味，真材實料極上刺身拼盤拼盤分別有刺身蝦、三文魚、北海道帆立貝、油甘魚、北寄貝。北寄貝口感彈牙；三文魚同油甘魚都好肥美油潤；帆立貝同刺身蝦夠晒鮮甜A5熊本和王日本和牛🇯🇵店員建議從右至左順時針方向品嚐：仙台牛日本和牛上脾、和牛背峰、和牛三角、和牛肩胛。和牛肉油脂分布均勻，燒幾秒已經半熟狀態，口感香軟，油潤肥美M9澳洲和牛肩胛&西冷🇦🇺 M7-8澳洲和牛小排、和牛板腱雪花油脂相比起日本和牛較少，肉質相對有彈性，油膩感較輕，牛肉味道濃郁美國金標極黑和牛西冷及肉眼🇺🇸雪花油脂分布同樣均勻，唔會太肥膩，帶有香濃牛肉味，好正！另加$48每位可享無酒精飲品放題，多款日式飲品任君選擇。巨峰梳打特飲(圖

旺角一向出名多放題任食餐廳，今次又繼續去睇下有咩新發現~ 餐廳裝修走和風風格，非常日系，入咗餐廳就好似去咗日本旅行咁😍，座位寬敞舒適，令食客坐得好舒服👍 店員嘅服務都唔錯~另外，俾我發現原來餐廳同 morokok, fongwaaparlour & sankalahk 係姊妹店! 😉 唔怪得之有一定嘅水準啦!😌👍餐廳提供以下三款和牛午市120mins放題: 1. Set C: 日本和牛 ($568/位)2. Set B: 澳洲和牛 ($398/位)3. Set A: 美國和牛 ($348/位)，另可加+$48/位任飲無酒精飲品~火鍋湯底可以6選2，我地揀咗龍蝦蕃茄&+$50 要海膽牛奶豆乳，龍蝦蕃茄幾香龍蝦味，酸酸地幾開胃~ 海膽牛奶豆乳真係飲到有好重海膽味，好足料，入口好Creamy!😜 🍣🐟刺身拼盤未食燒肉前，店員會送上一盤刺身，分別有大紅蝦、好大嘅帆立貝😍、北寄貝、八爪魚、三文魚，全部都好新鮮，鮮甜肥美!😍 不過就只得一盤無得encore🙊😂🇯🇵🐮日本和牛燒肉拼盤店員好細心咁建議我地由瘦至肥嘅順序開始食👍，首先食A4日本和牛上髀&和牛肩胛，最後食A5日本和牛三角&和牛背峰，A4和

家樂坊8樓有好多餐廳，八歌仙以竹林主題為主，感覺清幽，有江戶時代感覺。喺竹林食日式火鍋及燒肉放題，一次過滿足兩個願望，相當清新。涮涮鍋湯底有好多選擇，包括壽喜燒、牛奶豆腐、鰹魚昆布、香辣地獄豬骨湯等～我哋就揀咗泡菜配搭蕃茄湯，一邊就比較清新，另外一邊就比較香辣。仲可以有專係火鍋食嘅牛，冰菜呢啲特色菜，咁就唔使食得咁齋。餐廳收費雖然比平時出面嘅任飲任食貴少少，但係佢以放題形式無限供應靚牛、刺身、炸物及甜品等，仲可以同步打邊爐同燒烤，難得。最高級的Set配上日本直送A4+A5和牛，會見到佢嘅脂肪分布好靚，店員教我地要由右下角咁逆時針食，就可以由肉味重食到脂肪十足嘅部位。啖啖滋味，油脂十足，牛香濃郁，不同部位有不同的好食之處，建議可以每樣試少少，揀啱咗再重點encore。最高級嘅套餐亦都可以食埋其他套餐嘅肉，都試咗好多款澳洲M7-9和牛，牛味都好香濃，不過始終都係日本和牛比較啱食。刺身拼盤非常鮮味，特別係個帶子，非常鮮甜，仲有其他三文魚， 赤蝦，油甘魚，北寄貝，好肥美新鮮，一次性食物，喜出望外。另外不得不提係海鮮香草牛油廣島蠔，扇貝，燒烤完好香，牛油廣島蠔encore左幾次！雞軟骨串，雞腎串

自從連續好幾次的燒肉大餐後就開始有點心癮癮又想食所以今日拉咗個朋友陪我再戰💪🏻旺角「八歌仙」 不但只有燒肉更可同時享用火鍋🥘首先套餐方面有3種等級可選💁🏻‍♀️對我們而言 最喜歡當然是日本和牛set C另外火鍋湯底都可以6款裡選2種口味其中個人認為值得推薦龍蝦番茄湯🦞味道極之濃郁芳香🙌🏻配搭牛肉也非常匹配享用燒肉,火鍋前 餐廳會先奉上刺身拼盤包括：帶子,三文魚,赤蝦,北寄貝等雖然並非任點🔍但可能因此原由所以刺身質素也非一般放題可媲美十分鮮甜肥美🤤🥩和牛燒肉拼盤1️⃣ A4日本和牛肩胛油花分布均勻 油香與肉汁相繼湧出💦2️⃣A4日本和牛上髀肉質軟淋 嫩滑無渣 且入口即溶3️⃣A5日本和牛三角肥美潤喉🥰但又不會太過油膩4️⃣ A5日本和牛背峰油份含量相對豐盛 讓口腔充斥著脂香💋除了燒肉+火鍋外 更可同時任食放題食品壽司,海鮮,天婦羅,串燒,小食及熟食等👏🏻👏🏻🍤天婦羅全部都即叫即炸 熱烘烘的🔥外皮亦都不會過為厚身 夠香脆🍣壽司當中包括港人至愛的花之戀甚至多款火炙及特色類別可選🌟例如：黑松露油金魚壽司,牛油果軟殼蟹卷可見餐廳多麼用心製作每類菜式💕整體來說無論食物還是環境也相當推薦不但同時間可以迎合燒肉及火鍋愛

慶祝老朋友升職，就梗係要請佢去食好啲啦～～我揀左家樂坊呢間八歌仙，因為上網見到佢環境好靚 而且又可以任食和牛！ 餐廳門口已好靚，裝修風格勁和風，尤其係佢出面嘅竹林，好似去左啲園林賞景咁～～仲有座位同座位間好闊落坐得好舒服佢lunch 放題係 燒肉x sabusabu 有三款揀 set A,B,C set 分別係食 美國、澳洲同和牛 ；價錢係 $348/ $398/ $568 我地揀左set B 再另外叫一碟和牛、湯底 6揀2，我地叫左龍蝦蕃茄同加$50 海膽牛奶豆乳* 📍刺身拼盤揀好晒，店員再送上一盤刺身，刺身有三文魚帶子八爪魚，全部厚切鮮甜，但刺身係無得encore ga~📍和牛拼盤每款套餐入面會有4款同等級嘅部位，較高級嘅套餐可以食埋較低級嘅牛款。佢哋嘅每款嘅牛款都會有用嚟做燒肉嘅厚切又或者用嚟火鍋嘅薄切。📍日本和牛部位係有牛三角，牛背峰，牛上脾同埋牛肩胛，油香滿滿，入口即化📍澳洲牛我哋呢次就既澳洲M5和牛，佢哋嘅部位有肉眼，西冷，肩胛同埋牛小排。佢哋嘅油脂分布均勻適中，肉味會較香較濃～📍海鮮試完牛肉，就梗係試埋海鮮啦，款式有扇貝，花甲王牛油蒜香蠔等等📍串燒、炸物同蔬菜牛油金菇好味

裝修十分精美, 日本風,地大, 坐得舒服.呢到係爐再加火鍋, 但我估大多數都人都係偏好燒肉個邊.燒肉爐幾好燒, 唔易焦, 夠熱, 燒牛特別好.和牛質素高, 肉味濃, 油脂味重, 雖然任食其實大多數人都唔中意叫飯/烏冬之類.但我覺得和牛太油, 始終都係要配D飯先好食, 可以中和過重既油花味. A5油脂味會更重, 如果就咁食燒肉, 好快就會好濟.我比較推薦牛三角, 油花味同肉味均衡. 應該比較岩大部分人口味.如果大家覺得A5,A4和牛比較油, 推薦可以試下M9澳牛, 呢d油花味就完全係輕返好多.反而係注重牛味, 同肉感多d. 如果唔中意食太肥既人M9會比較好.M9口感比較爽口, 肉味好濃, 油花味唔重. 無咁易濟.呢到sushi其實都唔錯, 尤其火炙比較好味.質素新鮮, 同肉質都高, 唔會用平料.呢到既刺身都係十分新鮮,  三文魚鮮味好重, 蝦都比較鮮甜,比較推薦三文魚,蝦事後仲有日本進口密瓜, 甜得黎甜度唔會過重.芝士蛋糕就相對會濟返小小, 比較甜, 口感油濟小小.整體價錢合理, 但質素都高, 服務好, 環境好. 

餐廳的地理位置方便，一入門口有一個打卡位，佈置很日式，可以在門口位打卡！而餐廳的坐位距離寛闊和有窗簾格開，私隱度高，環境很用心佈置！在食物方面有多款食品和飲品，可以同一時間一邊燒肉一邊打邊爐很方便。餐廳食物上菜速度很快！壽司刺身很新鮮。小食也很好味😋 賣相精美！但是一樣令我失望的是有部份肉未完全解凍就上台，需要自己等待融雪，以及飲品味道一時很甜，一時很淡味！甜品是每人一件cheese cake ！最後這裡的員工服務態度很好👍🏻！