八歌仙 (家樂坊) (已結業)

呢一啲係自助餐真係品種好豐富💕，除咗有日式刺身之外，更加有得燒肉🥩同埋打邊爐。唔同嘅品種，真係食得好盡興！燒肉方面我最推薦佢哋嘅和牛系列，其中和牛三角同埋和牛牛上脾，😙非常香滑，而且仲有大大塊嘅澳洲和牛西冷，🐮油脂分佈均勻，食落去非常之滋味。燒咗之後，🔥好香口好濃郁。而海鮮方面最推薦嘅，係佢哋嘅香草牛油廣島蠔，非常之肥美，而且加埋牛油，🦪特別香滑。🍢自家串串燒都好唔錯，叫咗雞軟骨串，脆口得嚟，肉質都好實淨，咬起身好爽口。一品料理嘅醉酒花螺好特別，濃郁嘅酒味，加埋爽口嘅花螺，😘口感好爽脆。

呢度嘅放題分三個級數，揀咗最貴個級數：A5 熊本和王日本和牛任食，午市$568一位。加$48飲品可以任飲。有果汁、汽水、茶類、乳酸梳打等等。基本上呢度嘅食物種類超級多，有燒肉、火鍋、炸物、壽司、小食、串燒等等，一定食到你飽飽。首先有刺身拼盤，有三文魚、北寄貝、帶子蝦、榮螺。刺身夠凍冰冰、新鮮。我鍾意帶子夠大粒。榮螺都爽甜。燒烤方面，呢度嘅和牛種類都多，如果鍾意食牛嘅人真係好抵！和牛有油分，充滿牛油香。除咗牛我仲叫咗唔少海鮮，有生蠔、蜆、蝦、扇貝。扇貝都幾大隻，蠔幾肥美Juicy。呢度可以一邊燒烤、一邊打邊爐，可以滿足晒兩個願望。炸天婦羅種類亦都好多，夠脆，我鍾意食炸蝦🍤另外仲有辣酒花螺等等。真係非常豐富！

一句講哂, 合理的自助餐!! 任食A５日本和牛， 每人七百元！12人共兩檯, 有房， 兩小時, 最後半小時last order, 有D趕！地方nice place, 員工無停手。讚賞！有品！食物， Ｄ牛任食， 出得快，無停， 但真係無ＭＵＧ味， 油多到暈！魚生SUSHI, 天婦羅 唔錯！其它海鮮一般！！無飲野， 因為唔係人人想加錢飲！總結。。。如果你諗住七百蚊可以食到A５日本和牛又好似去日本食到果D， 岸九啦你！！自己出去SOGO睇下一塊靚Ａ５日本和牛要幾錢?？五至七百元左右。做生意比呢D你食? 你地瞓醒未?？唔好成日話唔抵彈人呢樣果樣！！我朋友全部都係食家， 唔好唔食， 出來都係為了聚聚， 預咗係唔好食，公道D， 七百元呢間overall算唔錯。  要想好食又正， 你比三四千per head啦。 可能你會滿意！！

今日放假去咗食好野 就訂咗哩間日本放題試試 未入座已經有驚喜 裝潢設計好似去咗日本咁 一點都唔馬灰 真係可以一解大家嘅思鄉病 選擇咗Set C A5 熊本和王日本和牛精選燒肉拼盤 用餐時120分鐘 火鍋+燒肉 湯底就選擇壽喜燒同埋黑蒜豬骨首先上一個刺身拼盤 刺身有三文魚 帶子 鮑魚 甜蝦都好新鮮好鮮甜同分量好足大大件之後主角到場熊本和牛 睇相就會知質素👍🏻👍🏻啲油花勁靚 大家想像下舊肉會係幾滑幾淋同埋啲油香😋😋講都流哂好水 由於Set C 係可以叫埋Set B嘅澳洲和牛所以都叫咗來試試 雖然油花冇咁多 不過都好嫩滑 肉味都會重 唔想食咁油 可以選擇澳洲和牛 同樣咁正 餐廳都非常細心 有張貼各食物種類燒烤時間 照住時間燒就唔會燒過濃仲有如果燒到悶悶地仲可以燒埋串燒 正正正除此之外都叫咗小小薄切澳牛 shabu shabu火鍋配料大致齊全 海鮮 丸類 蝦滑 烏冬 蔬菜咩都有都算多選擇 質素都幾好熟食方面 壽司都幾多款識 味道都唔錯 新鮮天婦羅都香脆可口 炸物即叫即炸熱辣辣冇得輸 一口牛舌 清酒煮蜆 辣酒煮花螺都有驚喜 樣樣都好食總括覺得呢個價錢可以食到咁多咁有質素嘅食物絕對係CP值高 食完

正當同老公諗緊究竟食燒肉定係火鍋嘅時候,就經過家樂坊見到呢間八歌仙,見到佢可以一次過滿足晒我地2個要求,有齊燒肉同火鍋放題。我地揀咗中等價錢嘅澳洲和牛放題,揀完套餐之後店員即刻送上日本A4和牛同埋刺身拼盤,不過呢2款拼盤就冇得encore。本身我哋叫嘅套餐澳洲和牛亦都好高質,油花分佈平均,好香牛味。佢哋個爐好方便,可以同時火鍋同燒肉。火鍋湯底亦都有6種選擇,我哋就揀咗黑蒜豬骨同埋龍蝦蕃茄。除咗火鍋同燒肉之外,仲有任食壽司,天婦羅,炸物,一品料理同海鮮,超級豐富。佢哋嘅天婦羅都非常之高質,炸粉好薄。炸物新鮮熱辣辣,最鍾意食就係芝士年糕同蒜片雞軟骨。海鮮方面,我哋都encore左好幾次帆立貝同番薯蜆,帆立貝好鮮甜,番薯蜆亦好大粒,而且吐晒沙。

同男朋友期待左好奈話想食第一次食諗住叫個中間價錢既澳洲和牛同加左4x蚊既無限暢飲試下先一開始黎個碟有5款和牛好普通 冇咩牛味之後再落單想再叫其他款牛同熟食小食但好多都冇哂 叫唔到 變相得好少野食叫之後叫既牛 雪都未溶好 成舊冰咁樣一樣冇牛味 而牛舌咬都咬唔到野飲梗加唔再講 自家調製完全唔知飲緊d咩連可樂都覺得伏 不如做番包裝飲品個d仲好總之咩都好失望 是旦叫左d野塞飽左就算數走人埋單連加一 $600一位 一d都唔值真係唔會再有下次

一間可以同時烤肉同打邊爐嘅放題餐廳😍😍滿足兩個願望，但缺點就係限時兩個鐘有少少唔夠😭隻手都唔知忙得啲乜嘢。考肉就必點入和牛，仙台牛日本🇯🇵和牛好好淋，容易入口一試就返唔到轉頭🤪相對等級冇咁高有美國，澳洲和牛。如果budget許可可以食日本🇯🇵和牛😍而燒肉方面，熊本和王的確係好吸引，但係店舖冇大把既鉸剪去處理，我覺得有啲可惜會浪費咗塊和牛。三角同背峰比較岩我多啲😍😍😍但火鍋方面呢就比較遜色少少，牛肉質會偏薄，個人覺得冇乜口感。相對之下豬肉比較好食。火鍋配料選擇唔算好多但係有日本蛋。亦有串燒，壽司，炸物等。由於我係上網book訂位可以免費飲品任飲，否則就每位要加$48😨其實總括而言我覺得如果係好食嘅日本和牛每位688加一都值得，不過時間三個小時會比較好，搞到全程兩個鐘都手忙腳亂咁食飯。而鋪內裝修既別緻，有日本和風感覺。另外一提我覺得落單方面比較混亂，而經常要追單，好多單都落漏晒 。其實有好多點咗嘅嘢食都冇黎到🤷🏻‍♀️令我有啲失敗。其實講環境同質素，八歌仙係唔錯嘅選擇。只係員工會容易疏忽咗客人嘅要求，同埋上菜嘅速度太極端，同經常漏單🥲

見到佢個餐牌好吸引咁，諗住慶祝結婚紀念，揀左最貴嘅日本和牛set，首先一入到餐廳就已經好大陣味，抽風做得好差，到上第一碟刺身前菜，雪都未融哂，第一碟牛有5個部位，頭三個部位都好鞋好硬，另外兩個部分好少少，但隨後上果d多筋多到乜咁，有大半都食唔到，火鍋和牛片仲衰，聲稱A5和牛級別，但塊塊都又鞋又硬，食左一塊已經唔想再食，諗住算啦唔食牛食其他熟食，點知清酒煮蜆同煮花螺都好難食，最後淨係食左d丸同菜同烏冬就走人。呢個價錢同質素完全唔係正比，我唔知係我咁岩唔好彩，定係佢真係咁差，真心就算唔洗錢我都唔會再食。

Set c 日本和牛晚餐，送清酒和鮑魚，1500蚊價錢兩位，這個價錢可惜限時2小時，太 匆忙。自己覺得日本和牛牛肩胛最好味。日本和牛可以任叫，而刺身拼盤只有一盤，生蠔好和帶子大隻。

半年前嚟過之後對啲牛念念不忘，環境寬敞舒適，可以同時鐵板燒及打邊爐，今次終於有機會再嚟喇！OpenRice 仲要做緊優惠，可以任飲非酒精飲品。每人都有既日式蒸蛋，張相冇落filter，真係橙色咖。估計係因為佢加左海膽落去，唔算大杯，但好滑，用嚟做前菜好夠喇。之後就到刺身喇，帆立貝好厚身，好開心！其他刺身都好新鮮，夠凍，啲冰又唔會好快溶，抵讚之後到主角喇，佢會每款牛都先上一份，之後就自己再加單，不過我地太肚餓，唔記得左呢個arrangement, 變左一嚟就好多，張枱唔夠位放咁滯，唯有燒快啲，雖然佢每碟都有個牌仔標名係咩部位，但因為太快既關係，結果都唔太知自己食緊邊塊。不過件件都入口即溶，油份剛剛好。 食到少少膩，我地就開始淥菜食，我推介唔係度度都有既冰菜。冰菜上面啲泡泡本身就有鹽分，食落去唔洗加調味料都有少少鹹味，不錯咖！食完啲菜之後冇曬油膩既感覺，又可以再食過啲牛喇🤣 最後仲有蜜瓜同甜品，美中不足係蜜瓜唔夠甜，不過總括黎講今餐好滿足，可以下次再encore!

早前同朋友食飯，佢介紹話旺角家樂坊8樓果間日式🇯🇵燒肉放題「八歌仙」好正！所以琴日下午同屋企人去左試下😍入到餐廳，有D日本庭園風既裝潢，環境的確幾舒服而且好有空間感，絕大部分都係卡位，坐得好闊落👍🏻放題有三個價錢可以選擇，今次就同屋企人試左最豐富既「A5熊本和王日本和牛🐮」午市放題！呢度好特別，可以同一時間一邊燒肉一邊食火鍋😯 除咗燒肉火鍋，仲有刺身拼盤、海鮮、串燒、天婦羅、壽司等等都係任食！真係可以一次過滿足晒幾個願望😬 火鍋湯底仲可以六選二，我地叫左蕃茄龍蝦湯同黑蒜豬骨湯！先黎既係一盤非常新鮮嘅刺身拼盤，三文魚好肥美，帶子又大粒又鮮甜👍🏻 正！之後就送上非常吸晴既A5和牛拼盤😍😍🐮🇯🇵和牛拼盤，包括：A5熊本和王A5熊本和王日本和牛上脾A5仙台牛日本和牛背峰A5仙台牛日本和牛肩胛A5仙台牛日本和牛三角每一份牛既唔同部位都切得好靚，每一件和牛都佈滿雪花，油脂豐盈，分佈均勻👍🏻我最鍾意既部位係牛背峰同牛肩胛🥩「牛背峰🥩」油脂比較豐富均勻，入口肉質比較軟嫩，好香好juicy! 而「牛肩胛」既油脂就相對少一點，但口感相對結實一點而且肉味比較濃👍🏻 呢兩個部位我最愛😗之後仲叫左D澳洲和牛同

踏入11月生日月，好姐妹一早book定我想食左好耐嘅八歌仙，餐廳喺旺角家樂坊嘅8樓，行入餐廳就有種返左家鄉嘅感覺🇯🇵裝潢以傳統日式設計，座位濶活舒適，枱與枱之間空間感十足！120分鐘任食放題，首先喺門口先揀定放題嘅套餐同湯底，一共有三個set選擇，分別係$438嘅美國金鏢極黑和牛餐、$498嘅澳洲和牛餐，同$688嘅A5熊本和王日本和牛餐！套餐包左蔬菜拼盤、刺身拼盤、和式前菜小食、水果及甜品！任食嘅種類除左🥩🍖肉類之外，仲有🦞海鮮、🍤天婦羅、🍤炸物、🍢串燒、🍣壽司卷物、🍲火鍋配料等！實在太豐富！超長嘅餐枱，係一邊燒烤爐，另一邊打邊爐！超級精彩！🥩 我地揀左Set C🥩: A5熊本和王日本和牛，湯底就揀左sukiyaki 同昆布湯底🍲 首先上菜嘅係🐚冷盤鮑魚同🍣刺身拼盤，拼盤有三文魚、牡丹蝦、帶子、八爪魚同北寄貝，仲有🥚日式茶碗蒸！鮑魚同刺身都厚切又新鮮甜美！用黎做頭盤真係冇得彈！主菜登場～～～🥩A5熊本和牛拼盤🥩，店員細心介紹要順次序食，分別有仙台和牛上脾、仙台和牛肩胛、仙台和牛三角同仙台和牛背峰！呢四種都係切到厚度相約，牛肉味香濃，油脂香口而不膩，每㮔都有唔同口感最後要講嘅梗係”熊本

人生若只如初見總是美好，記得第一次食呢間餐廳，無論服務態度和食物質素都令我驚喜。所以今次個仔生日，都選咗呢間餐廳嚟慶祝。但想唔到短短幾個月，無論食物質素及服務態度，非但不能夠保持，還下降了不少。首先講服務態度，上一次嚟嘅時候，侍應會好殷勤咁介紹枱上面嘅醬汁同調味料應該點用，但今次係完全冇介紹。跟住燒肉上枱，其中一款和牛肩胛嘅肉色同其他三份明顯有所不同，侍應話可能係解凍問題。但在我要求下總算幫我換過另外一份，但可惜換過都冇用 ，因為所有燒嘅牛肉  (不同部位) 都完全部冇牛味, 如同嚼蠟。結果我好快叫佢幫我熄咗塊鐵板。另外我一坐低叫咗四杯飲品，但係要催三次，過咗半個鐘頭之後先送上枱。另外作為結尾的蜜瓜竟然熟到變咗味，向侍應反影都係冇反應,唯有叫佢收走。我第一次同第二次嚟呢間餐廳都係食set B，雖然火煱牛肉和刺身尚能保持水準，但都應該再冇下次。

🎏️ 食盡油尖旺 — 八歌仙✨ 必定會回頭嘅日本料理🤤🙌🏻#90cp旺角篇 #90cp日本篇➖➖➖➖➖之前上網見到呢間日本菜 集火鍋 燒肉 壽司於一身🇯🇵🤩 個名都有幾分似日本嘅六歌仙😂雖然就冇乜關係 不過質素都好好 好值得推薦🙌🏻美味指數 😋: ⭐️⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)🥩燒肉 - 重點推介🥩✨A5熊本和王日本黃牛佢呢一個嘅燒肉拼盤啲牛真係好靚🤩 拼盤合共有5款牛 A5牛上脾同牛三角分別都有入口即溶嘅感覺 口感冇得輸🙌🏻 牛肩胛同埋牛上脾肉質就比較厚實 食落口感會紮實一啲😆 當然唔少得仲有重量級嘅熊本和王!! 大塊到傻😱 過呢塊就真係多脂肪 食落口感會相對比較油膩 個人就比較鍾意其餘4塊牛片多d🥰 呢間野最正嘅係除咗燒肉之外都仲有打邊爐🍲 仲可以揀兩個湯底 我哋就要咗最愛嘅壽喜燒 同埋一個龍蝦蕃茄🦞 湯底都唔錯而且配料都相當多 除咗肉類仲有大量蔬菜同埋海鮮魚蛋等等🤫更加唔少得嘅係佢嘅刺身🍣 非常之鍾意佢嘅油甘魚 好肥美同新鮮🤤 刺身拼盤亦都有三文魚 北寄貝 八爪魚 扇貝

正正因為佢同日本六歌仙個名好似，所以吸引左我同朋友黎試一試!呢度主打熊本和牛，而且可以一邊食燒肉一邊打邊爐，夠gimmick!頭盤有刺身，每一款都厚切，入口味道鮮甜，食得出來貨新鮮!除左冷盤，亦有熱食茶碗蒸加左海膽，味道特別鮮甜! 漬鮑魚夠入味，質感彈牙除左燒肉，仲可以揀兩款湯底，揀選都好多先上一份燒肉拼盤，有齊各款高質和牛俾我地小試一口，再選擇鍾意邊款再落單咁多款肉我最鍾意和牛上脾! 肥瘦適中唔會過份油膩!其他四款肉都係入口即溶，鍾意牛肉油脂既人一定超鍾意! 但應該都食唔到太多，始終油份居多另外都試左兩款打邊爐既和牛加上日本直送雞蛋，爽!牛肩胛肉味較重，牛小排肉質較嫩，兩款都好食!另外海鮮都好抵食，尤其係扇貝，超大粒!我同朋友都唔想慢慢燒，直接放入湯底煮熟，無沙無渣，味道鮮仲有各式天婦羅同炸物，首推芝麻雞翼! 炸得通透，香脆可口最後仲有密瓜同cheesecake，豐富又飽滿既一餐~