八歌仙 (家樂坊) (已結業)

見到呢間放題好多人介紹, 見價錢地點都ok, 一於去試下喇🤭餐廳位於旺角家樂坊旁, 都幾方便! 上到去門口感覺真係以為去左🇯🇵日本, 裝修簡約十分舒服😎叫左最平既一個放題, 其實只係牛既種類唔同, 其餘既都應該一樣☺️ 幾款牛肉都好香牛味, 燒一燒 / 淥一淥就食得, 翻點左好多次🤭 回本呀! 另外仲有刺身, 壽司, 炸物, 海鮮, 打邊爐, 仲有任飲添.. ..最驚喜係最後既甜品, 非常精緻, 仲要好食! 真係好似喺日本食左餐咁😎

無諗過可以搵到一間有齊：日式燒肉🥩火鍋串燒壽司串燒嘅餐廳❤️‍🔥位於旺角家樂坊🤍一入到門口經過竹林見到寬敞園林景觀🎋真係好似置身京都一樣🇯🇵有別於其他燒肉放題店，呢度環境優雅、極級乾淨加上餐桌都係非常寬敞！估唔到旺角放題都可以做到別緻高級燒肉店嘅感覺～我地今次決定Lunch試Set B M5 澳洲和牛精選燒肉拼盤放題~ 再加多一碟A5日本和牛精選拼盤試試質素🥩❤️‍🔥刺身一入座店員就會送上刺身拼盤🐟拼盤有三文魚，大粒帶子，新鮮大頭甜蝦，北寄具等🙌🏻全部都好新鮮～❤️‍🔥A5和牛燒肉拼盤八歌仙除咗有優質環境！食物質素以呢個價錢亦算物超所值☺️A5和牛入口即溶，每塊燒肉厚度適中！和牛油花香而不膩🥩性價比極高❤️‍🔥M5澳洲和牛精選燒肉拼盤唔好以為Set比較平～ 澳洲和牛就會比下去，M5澳洲和牛入口鬆軟，牛味濃郁～雖然油花感不及日本和牛🤣不過以呢個價錢都算係性價比之王🥩❤️‍🔥火鍋湯底sukiyaki相對其他餐廳，偏鹹而不算太甜～而香辣地獄豬骨湯底，如果辣少少會更好😙而主角牛方面：M5和牛都係入口即溶，牛嫩肉滑🥩不禁而狂食真係回本不是夢🥳而店員亦會悉心標示牛的位置～❤️‍🔥其他配料除咗有得任食燒肉及火鍋配

今個假日去咗旺角嘅八歌仙去試下佢地個lunch 😙 見到佢個menu乜都有，可以照顧到唔同偏好嘅朋友，所以就揀左嚟試下🥶我地揀左set B M5澳洲和牛精選燒肉拼盤，覺得係3個set中cp值最高🥰$488一位！🥩特盛刺身拼盤雖然餐廳主打食牛但刺身質素比我想像中高全部都好新鮮肥美 有驚喜😗🥩M5澳洲和牛精選燒肉拼盤入面包括左肉眼、西冷、扁脊同小排全部都肉脂分怖好好 肥瘦均勻保留到肉質嘅彈性 又好重牛味🥰🥩燒肉部分除左套餐所提供比較高級嘅牛其餘嘅牛質素都好平均 不錯值得一提係佢每款牛均有標記名字 非常細心❤️其他燒肉配料 例如海鮮 都中上水平🥩火鍋火鍋湯底都好多 我地就揀左壽喜燒湯底質素同外面嘅火鍋放題店差唔多 選擇又多燒肉同火鍋夾埋一齊又幾過癮🤣🥩熟食放題選擇多不勝數 而且質素都好平均自己最鍾意佢個芝士年糕😂天婦羅都整得不錯 炸漿唔會太厚基本上其實會太飽試唔哂佢啲放題嘢食 不過我覺得佢所有野都處理得不錯🥩甜品拼盤拎出嚟已經覺得好靚估唔到食放題都有咁高質素嘅甜品芝士蛋糕又唔會太漏太甜❤️蜜瓜係又fresh又甜 好正🥶整體係環境裝修、服務、食物質素都好好，而且選擇多到眼花撩亂😂勁啱一班fd一齊嚟

价格與食物比例都好好，M5和牛好好味，多飲品選擇。佢個牛奶豆腐火鍋好入味，豚肉辣湯都唔錯，但我哋喜愛燒烤多啲😋我哋會再幫襯💪🏼如果廁所唔駛係外面就梗好，約埋三五知己食係好舒服

一向對旺角的餐廳沒太多好感，但朋友今日帶我來八歌仙，令我大開眼界。原來家樂坊樓上開了一些精緻的餐廳，八歌仙的裝潢設計，令我彷彿回到日本，來吃一間心水燒肉店，有空間感，有旅行感覺，令人放下煩惱好好享受一餐。我們選擇了A5日本和牛精選燒肉拼盤LUNCH SET$478這裡的鐵板和火鍋同時進行，首先選火鍋湯底，我們選了壽喜燒和香辣地肉豬骨。鐵板夠熱，而不會燒得很多黑焦，爐子同時有吸風設計，所以不擔心大油煙味。湯底方面，壽喜燒比較有日本風味，香辣地肉豬骨，意外地是韓風味道，辣度不算太高。首先上來前菜，特選刺身拼盤和蔬菜拼盤。前菜和蔬菜是可以再叫的，前菜有中華沙律、牛蒡漬和芥辣八爪魚，和朋友各有所好。刺身有赤蝦、三文魚、八爪魚、北寄貝、帶子，說真的，如果可以再吃一定想再吃，因為刺身的確新鮮，最喜歡帶子、赤蝦，鮮味突出，而每件都大隻，口感比較好，不會瘦瘦削削。然後就是最期待的和牛，共有四款，包括:A4日本和牛上髀、A4日本和牛肩胛、A5日本和牛三角、A5日本和牛背峰，識食的就由最少油脂的開始食，靚和牛千萬不要烤太過，每邊4-6秒就可以，保留嫩嫩的肉質口感。和牛上髀肉味較濃，和牛肩胛有迷人的和牛脂香

😡相當失望，非常不值。見到網上介紹結果選擇了＄488 +10%加一的澳洲M5和牛套餐。燒肉、牛舌難咬，轉用火鍋牛肉燒，但牛肉切得太薄，煑完全部是碎、就算火鍋或燒都是碎濕濕，不能完整一片片；比肥牛還要差😪連帶所有醬油連鹹味都沒有，鹽及黑椒樽都是壞的，磨不出來。飲品沒有罐裝，全是杯上，感覺全是平宜貨，不值得吃。魚生新鮮但是配給不是放題(只得一次）熟食可以接受：新鮮及熱。接近尾聲，更常甩單。不再幫襯。

環境十分好，裝修非常日式，如置身。我坐不是卡位但空間很大自成一角。入座後冷氣很大風，待應馬上調校多次，令我們坐得舒服。送食物的速度除了第一次稍慢外，其餘也很快沒漏單(不像其他食評般有漏單情況)。我們選 $488澳洲和牛餐，味道不錯，其餘天婦羅壽司也好味， 芝士蛋糕非常好味 ， 可惜太飽沒整個吃完 ，而拉麵就麻麻， 可以不叫。總括 來說是不錯的晚餐， 由於食物太多，兩小時稍嫌不夠，多卅分鐘就好了。

雖然近來沒辦法去旅行，只好來到位於旺角家樂坊的一間日式燒肉店「八歌仙」，當如去了日本旅行。裝潢仿照江戶前時代室內設計，環境簡潔，座位寬闊舒服，是最佳與友來共渡愉快週末及品嚐美食的好地方。餐廳以放題形式無限供應，主打「兩食」概念，有燒肉及火鍋放題提供，每個放題套餐均包括前菜小食拼盤、特選刺身拼盤及蔬菜拼盤，更有日本直送新鮮水果。火鍋提供壽喜燒、牛奶豆腐、鰹魚昆布及香辣豬骨4款湯底，可自選兩款。牛肉則供應厚切及薄切兩款，方便火鍋及燒肉時使用。是日點了「A5 日本和牛精選燒肉套餐」，每位四百七十八蚊，中午特惠價67折，90分鐘，再加88蚊可無限暢飲。A5 日本和牛精選燒肉套餐包括有A5日本和牛三角及牛背峰，以及A4是牛肩胛及牛上髀。我最愛A5牛三角和牛背峰，油脂豐富，入口即溶，質素不錯，追加多次包你回本。而A4是牛肩胛及牛上髀，牛肉香滑，脂肪平均，輕輕烤熟，鎖緊肉汁，味道更可口。刺身由日本直送，鮮甜肥美，還記得新鮮蔬菜籃。另有小食天婦羅、清酒煮蜆及串燒等等，食物款式選擇多元化。最後還會送上甜品，每位附上日本當造水果及自家製蛋糕一份，簡直是一個完美的作結。

本身比個裝修幾靚吸引左，環境幽美、又低密度無咩人用餐，所以選擇入去午餐。但啲食物完全無水準不在話下，無味又凍，白飯就好大碗。冷氣風口又吹到正個位。食完一陣有啲唔舒服，想吐🤮無下次。完全浪費左間餐廳本身既優點，好奇怪點解可以唔理食物質素，連觀察食客用餐情況亦欠缺，因為成餐飯連一隻匙羹都無。堅失望。只係一間日式裝修但無靈魂無質素的餐廳，毫無水準毫無專業。除左環境裝修係讚之外，其餘都無地方值得欣賞，只覺得好可惜。老闆要多加留意喇

尋日放假緊係去搵好嘢食啦😋就搵左呢間首先地點方便，又可以食放題又可以燒肉又可以打邊爐嘅「八歌仙」，一次過可以滿足到三個願望😝我哋叫左個Set A $328加一嘅套餐，一個人$400有找，抵到爛啦！有咁多嘢食，有刺身有燒肉有打邊爐，真係好滿足🤤值得一提，現場嘅環境氣氛都好好，令人有好放鬆嘅感覺，可以盡情咁去食食食😂味道：😋😋😋😋/5環境：😋😋😋😋😋/5服務：😋😋😋😋/5價錢：😋😋😋😋😋/5翻食：😋😋😋😋😋/5

寫第一篇食評俾大家知唔好中伏Book左枱食最貴90分鐘日本和牛放題，一直都想試下。可能我會錯意啦，468原來已經69折左嘅價值仲要加一，唔緊要啦，食日本和牛都值呢個價嘅講環境嘅話，裝修日式係幾靚嘅，冷氣都夠，座位又夠大，整體都有特色，不過我食lunch第一輪，啱啱打開門做生意，地下係跣嘅，油淋淋嘅，啲紙巾係梅嘅跟住就好多古惑野啦一入座就開始計時90分鐘，係你未揀食乜餐，入到去帶你開左位計 好啦，要等佢上晒頭盤，刺身，第一輪嘅牛肉拼盤，先會俾個QR code你自己落其他野，個時一掃入去，倒數得番60分鐘落左小食呀，野飲呀，次次都有啲漏單，入座率得個5成都可以漏單，如果有機會爆場就應該60分鐘食到少少就要趕你走啦食到尾啦，張poster就話明有日本時令生果蛋糕拼盤，叫啲staff 上埋啦。上左兩舊芝士蛋糕，咩都無講，我以為一陣上埋生果啦。過左陣問佢，佢話今日無生果㗎但我見到後面個枱有咯，早走我哋10分鐘咋喎，再講我俾左500幾食放題，包埋生果(黎之前都幾期待個生果) 你無都要講聲掛？就咁質兩舊芝士蛋糕搏懵，我第一輪已經咁，之後啲客點算？得一樣野係可以讚嘅就係啲牛，係正嘅食到最後懶得影，無曬

今日同大家介紹呢間係位於旺角主打日式燒肉+火鍋放題嘅餐廳😁一開始比佢個名吸引咗🤣因為個名同日本嘅一間好出名嘅燒肉店好似😉同埋香港好少有火鍋同燒肉一齊食嘅餐廳☺️感覺好特別，所以就去試吓啦☺️餐廳提供三個set(有最平$328至最貴$628😉食邊隻就視乎你想食邊隻肉同埋自己嘅budget啦🥰)，而我哋今次食嘅係Set B- M5澳洲和牛精選燒肉拼($488+10%)😍除咗燒肉set，仲可以揀火鍋湯底打邊爐🍲咁我哋今次就揀咗Sukiyaki 壽喜燒同埋香辣地獄豬骨🥰另外加咗$38 嘅無酒精飲品放題😊🐾環境一入門口見到店內裝修好有日本風格，優雅嘅日本風庭院內景🎋令人好似身在日本咁(疫情期間冇得飛，嚟到呢度就當自己去咗旅行😭) 另外，食燒肉同打邊爐最怕食到成身燒肉味散唔走😵大家唔使擔心，呢度嘅通風做得好好，而且冷氣都幾大，食完都唔會有味😛🐮主角-M5和牛😍擺盤精緻，油花分佈平均，咬落好鬆軟😋雖然唔係A5和牛，但都入口即溶🤤牛肉無論食火鍋定燒肉都好好食，燒嘅香口🥰淥嘅嫩口😛而且牛味非常濃郁，食多幾舊真係食到回本不是夢！🐟刺身刺身拼盤有三文魚，大大粒帶子，大頭甜蝦，北寄貝等等😋全部都好有鮮味同香甜🥰

㨂左$488個個任食澳洲和牛 肉眼西冷好食。至於火煱個啲牛就一般 ，其他小食麻麻地 。今次兩人食大約$1100 ，尼個價錢可以接受。服務態度好的 ，入座識講歡迎光臨 ，職員主動介紹怎樣點菜， 離開時識講多謝晒，禮貌比其他食肆好。

CP值極高既午市放題。環境超級寬敞，坐得好舒服。聊天私隱度高。一心食燒肉放題，沒預期有刺身，刺身真係估唔到咁肥美，讚！食物選擇算多，炸物有驚喜，吉列蠔最推介😘安格斯牛小排油脂分布最靚，用來燒一流，係四款入面最好食！（不過呢，牛脂粒漏左單，燒到最後沒油用）最後有清甜既蜜瓜同蛋糕仔。二百幾蚊落樓，物有所值！

夜晚去食喺OpenRice訂位送咗冇酒精嘢飲任飲(本身好似要加幾十蚊)食咗最貴嗰隻日本和牛放題由坐落嚟嗰刻開始覺得服務唔錯啲服務員態度幾好又會介紹下食物介紹埋枱面嗰啲汁和牛放題佢一邊可以燒烤一邊可以火鍋成個過程我淨係覺得好忙碌😂😂 和牛 我都係鍾意燒烤會香啲同埋啲油脂 好似會燒走啲咁燒之前佢會比一舊牛嘅脂肪你燒雖然睇落好似好多油脂但係食落唔會好油火鍋方面揀咗壽喜燒同埋香辣地獄豬骨湯底壽喜燒湯底 味道不太出香辣地獄豬骨反而有驚喜👍🏿 不太辣另外仲有一盤刺身最突出的是帶子刺身但放題裏面冇刺身叫 只有刺身壽司落單係用手機落每次落10樣 一片牛肉就當一樣佢個炸墨魚咀不錯芝麻雞翼即係平時嗰啲一樣炸雞軟骨都好食佢仲有個甜品個人來講覺得嗰粒抹茶雪糕糯米糍係最好食始終和牛都係會有啲膩嘅感覺 食唔到咁多所以如果我下次嚟呢度食會吃食午餐set就夠真係無需要食放題 因為根本食唔到咁多❤️溫馨提示：手機唔好放枱面因為會油唒