八歌仙 (家樂坊) (已結業)

好友提議到旺角家樂坊嘅“八歌仙”食晚飯，因為佢食過話性價比好高。 我哋叫咗【A5熊本和王日本和牛】套餐，120分鐘任食，包括前菜、刺身拼盤、和牛主食、蔬菜拼盤等等，一邊可以食SHABU SHABU一邊可以燒肉，真開心。 另外仲加咗飲品放題，估唔到真係好豐富，好高質。 嚟之前都睇咗食評話有漏單情況，但我今日係無漏過單，服務仲好好添！首先食鮑魚同蒸蛋做前菜，鮑魚軟腍鮮甜，蒸蛋亦夠嫩滑。 之後再食埋刺身拼盤做熱身，有五款刺身，擺盤幾靚。想食得多啲，要有策略！我地先食海鮮：海中蝦、花甲王、扇貝都有，除咗花甲王係一份，其他都係按件數點，回本之選。 我就鍾意食廣島蠔，用香草牛油浸泡，放上烤爐，好快就食得，味道非常好！ 仲有清酒醉蝦，醃得好入味，陣陣酒香。 之後再食天婦羅、串燒、一品料理、壽司卷物，蔬菜有冰菜同埋開胃菠蘿都要試吓。 不過紫心甜薯配咗香草牛油汁，味道就唔係好夾。食到中段先開始食牛肉，A4同A5級嘅雪花和牛，品種多，油脂超豐富，入口即溶！和牛肉質嘅甜味同牛油香氣完全融合，絕對美味。飲品放題有汽水、果汁、茶類、乳酸、梳打、可爾必思等等，選擇好多，不過全部都係凍飲，如果有埋熱飲就好喇，熱抹茶

與朋友去咗旺角食燒肉+火鍋午市放題，餐廳環境好有日本feel，座位寬敞舒適，有置身係日本用餐嘅錯覺🥰餐廳提供三款和牛放題，分別係日本和牛($568/ 位)、澳洲和牛($398/ 位)及美國和牛($348)，另可加每位$48任飲無酒精飲品！.每款放題都可於6款火鍋湯底中揀2款，我哋分別揀咗鰹魚昆布及龍蝦蕃茄！鰹魚昆布味道較清淡，而龍蝦蕃茄相對香濃，味道會較出色！🔸刺身拼盤刺身有6款，分別有紅蝦、北寄貝、八爪魚、三文魚、帆立貝及油甘魚，刺身味道如賣相一樣新鮮且鮮甜，質素唔錯😋🔸日本和牛燒肉拼盤店員建議由瘦至肥順序開始食，最先食A4日本和牛上髀，最後係A5日本和牛三角；A4嗰兩款和牛脂肪比例平均，肉質細嫩，而A5嗰兩款和牛嘅油花比較多，口感較膩，但牛味較濃及香甜，各有各好食😋🔸澳洲和牛燒肉拼盤呢幾款燒肉中，我比較鍾意澳洲和牛肩胛，肉質結實有彈性，而且肉汁又豐富😋另外必食嘅係牛舌心，食落爽口嫩滑，牛味又濃郁，正👍🏻而薄切嘅澳洲和牛小排口感肥嫩柔軟，最啱打邊爐！🔸美國和牛燒肉拼盤我哋只試咗其中兩款，分別係SRF美國金標極黑和牛西冷及SRF美國金標極黑和牛頸脊，感覺牛頸脊相對好味，呢個部位運動量較

香港人鍾意日式火鍋同燒肉，喺商場見親呢類餐廳都大排長龍。今日我就去咗旺角家樂坊嘅八歌仙，因為呢度可以滿足晒我兩個願望，就係和牛火鍋+燒肉放題～有別於一般火鍋/燒肉放題餐廳，呢度和風裝潢環境優雅，而且座位寬敞，點菜用手機掃碼點餐唔駛出自助區同人逼，簡直係享受呀～我哋叫咗C餐【熊本和王日本和牛】精選燒肉拼盤，湯底就揀咗個【海膽牛奶豆乳湯】，有香甜嘅牛奶豆乳同鮮甜嘅海膽味道，一定要試～放題食足120分鐘，+$48就有埋飲品放題，唔係普通罐裝或紙包飲品，係有乳酸梳打、焙茶等等，飲兩杯都已經回本啦～先嚟一大盤刺身拼盤，全部厚切大件～打頭陣整個燒肉拼盤先，叫咗A5、A4和牛各兩款，睇啲油脂分布已經知咩料啦～A5肉質粉嫩，一放入口就油香十足，食嗰陣真係心花怒放；A4和牛亦高質，肉味同油脂更平衡～咁靚嘅牛燒一陣就食得，多啲嚟密啲口又好快回本啦～食完燒嘅就試吓淥～澳洲和牛+SRF美國金標極黑和牛，又係淥一陣就食得，雖然冇燒出嚟咁香口但配海膽牛奶豆乳又係另一番風味～一牛兩食實在太滿足啦！同樣容易回本嘅就係海鮮啦～海中蝦、廣島蠔、扇貝等等又係任點。全部大大隻又好新鮮，要燒定係淥就悉隨尊便，我就鐘意燒多啲，香

八歌仙今次食嘅係Set C嘅日本和牛精選燒肉拼盤 價值$628嘅放題套餐🥩首先拼盤包括有▪️特盛刺身拼盤 ⭐️⭐️⭐️⭐️拼盤上所有刺身整體都十分新鮮 最突出係生蝦同帶子 好清甜▪️A5日本和牛背峰⭐️⭐️⭐️⭐️🌟和牛肉質入口即溶 好重牛味 可以見到所有牛肉脂肪雪花紋分佈都十分平均▪️A5日本和牛三角⭐️⭐️⭐️⭐️⭐️而Kala喺呢四款和牛裏面最最最喜歡就係牛三角 因為佢相比起其他三款 脂肪冇咁多 真係食幾多塊都唔會覺得漏同肥膩啊！▪️A4日本和牛肩胛⭐️⭐️⭐️🌟▪️A4日本和牛上髀⭐️⭐️⭐️🌟另外兩款A4和牛都睇得出十分正 相比起普通燒肉店嘅和牛肉 真係出色好多！呢度最特別嘅，係燒肉同時可以喺隔離打埋邊爐。而我哋選擇嘅湯底係壽喜燒同香辣地獄豬骨湯▪️Kala覺得邊爐最好食係M5澳洲和牛小排 嫩得嚟好香牛味🙌🏻建議大家+$38 叫佢個無酒精飲品放題 好多嘢飲都好好飲💰最後買單加一後$733一位又可以燒肉又可以打邊爐 仲可以食到優質和牛 $733一位算係超值 加上環境服務各樣嘢都100分 所以 大家不妨可以去試下🙌🏻

今次食嘅係Set C嘅日本和牛精選燒肉拼盤 價值$628嘅放題套餐🥩首先拼盤包括有▪️特盛刺身拼盤 ⭐️⭐️⭐️⭐️拼盤上所有刺身整體都十分新鮮 最突出係生蝦同帶子 好清甜▪️A5日本和牛背峰⭐️⭐️⭐️⭐️🌟和牛肉質入口即溶 好重牛味 可以見到所有牛肉脂肪雪花紋分佈都十分平均▪️A5日本和牛三角⭐️⭐️⭐️⭐️⭐️而Kala喺呢四款和牛裏面最最最喜歡就係牛三角 因為佢相比起其他三款 脂肪冇咁多 真係食幾多塊都唔會覺得漏同肥膩啊！▪️A4日本和牛肩胛⭐️⭐️⭐️🌟▪️A4日本和牛上髀⭐️⭐️⭐️🌟另外兩款A4和牛都睇得出十分正 相比起普通燒肉店嘅和牛肉 真係出色好多！呢度最特別嘅，係燒肉同時可以喺隔離打埋邊爐。而我哋選擇嘅湯底係壽喜燒同香辣地獄豬骨湯▪️Kala覺得邊爐最好食係M5澳洲和牛小排 嫩得嚟好香牛味🙌🏻建議大家+$38 叫佢個無酒精飲品放題 好多嘢飲都好好飲💰最後買單加一後$733一位可以燒肉又可以打邊爐 仲可以食到優質和牛 $733一位算係超值 加上環境服務各樣嘢都100分 所以 大家不妨可以去試下🙌🏻

一行4人食C Set,人均消費$649,換來一肚氣,服務差,漏單情況嚴重,18:00坐底,18:45三吹四請才上刺身,20:00要交枱,19:45才上甜品,又吾執枱,又吾加茶,4個人又俾3支牙籤,咁既收費竟如此差勁,絶無下次

第二次食呢一間旺角嘅燒肉火鍋放題店，今次坐嘅位置環境更加靚，座位超寬敞，好似去左日本用餐咁。📍刺身一入到去佢就會上一大大盤嘅刺身，刺身喺呢度最好食嘅嘢，有肥美嘅🦐、三文魚腩、帶子、三文魚，厚切又鮮甜！相對之下，🦑就失色咗少少。可惜，刺身唔可以任叫。📍燒肉有四款燒肉，牛肩肉同牛小排油脂分泌幾好，我哋再額外點多咗兩盤。📍放題熟食吉列蠔相當juicy ,我食咗三粒。另外炸芝士都唔錯，不過記得要趁熱食。今次天婦羅麻麻哋，隻蝦柴咗少少，其他熟食和壽司都係一般。📍甜品時間上次嘅蛋糕我覺得麻麻地，但今次嘅芝士蛋糕有驚喜，我成個食晒。蜜瓜係我最期待嘅東西，非常鮮甜，又夠凍，係圓滿嘅句號。📍整體午市人均$250左右埋單，我覺得勝價比都唔錯，主力食個環境、刺身同埋燒肉（火鍋我冇咩理佢），如果對熟食期望高就未必適合。

老老豆豆，呢個價錢食哂刺身，火鍋，燒肉都算係咁，但只會食一次。環境衛生：一般啦！成間餐廳有噏味，坐位有油漬無清潔好。枱腳會充滿黑色既油漬，餐廳用毛巾放起枱腳吸油。食物質素： 一般啦！燒肉口感係可以既，但老實講肉係無味道，全部款都一樣，食完都唔知食緊咩肉。火鍋都係一般，火鍋湯底麻麻，無咩味，壽喜燒湯似糖水，香辣猪骨湯似食杯麵湯底，配料唔係好新鮮，牛肉都係無味。服務態度：幾好！店員都好樂意解答問題，落單都齊料。總結，心思思想試既話，一次好了。想食燒肉去番大家成日去個間啦😂，今次係朋友介紹，經過呢次我會封佢為「劣食達人」。🥳

餐廳環境看起來很好，之前都有係youtube見過，但係食完，只諗到「金玉其外敗絮其中」呢8個字，用來形容真係最恰當不過了😅😅真係好唔抵1.同樣嘅budget可以係一間好餐廳食到質量更加上乘嘅牛肉，頭盤牛肉混雜普通牛肉，得一兩塊達到水平；2.飲品加左太多冰，飲到最尾都變成水；3.用手機掃碼點餐，數量都是1，每次最多點10單位，限制客人點餐，經常漏單；4.價錢偏貴，就係好似比你200蚊，要你食薯片（普通薯片）食到回本咁……..

總結：三個人埋單16××。呢個價位，好尷尬。食牛肉，佢D牛肉第一轉OK，之後不如食某D出名嘅和牛店。食放題，我又覺得咁使貴。我寧願食某D知名酒店嘅buffet做得好：1. 一開頭個刺身拼盤夠大份2. 最尾送嘅蜜瓜好甜好食3.手機落單好方便4.位夠闊落有待改善：1. 有漏單情況，有D食物Delay得好緊要，最尾一炮過上曬，根本食唔落2. 炸野基本上可以pass3. 話就話送無酒精飲品，現實係仲慘過去大x屋D野飲。無罐裝飲品。唔會再來。

食咗M5牛好難食..(我食咗幾塊就冇食亦都冇番叫)..得炸野(未去到即炸.但仲脆).醉蝦(同醉雞整法個種味道一樣)同手打蝦肉(唔肯定係未現成品定佢地自家手打.似蝦餃入面個種味).暫時得e幾款比較好..最後未夠飽唯有叫烏冬放落壽喜燒湯底到(好慘竟然烏冬係今日MVP..)..咁你自己諗值唔值得去食.我為大家試完叫大家慳返筆錢食其他野好過.服務方面..後面叫上甜品叫咗第一次冇上5-6分鐘後再叫等咗5-6分鐘都冇.好失望

成日行過家樂坊都留意到八歌仙，因為同新宿港人旅客最愛既六歌仙個名太似又係食牛肉，係經過第n次後終於約左牛魔王朋友一齊上去。我好鐘意刺身，燒肉同shabu shabu,好少有機會可以滿足晒咁多個願望仲要有返咁上下quality。呢到除左個名似之外，同六歌仙一樣都有晒燒肉火鍋烤物性格比都好高，大家去到一定會感受到咩係眼闊肚窄。壽司可以任點但刺身只限一開始頭盤既份量，好好既朋友唔食刺身所以我一個人清晒赤蝦，三文魚，帶子，魷魚同蟹子。我地點左最貴既餐為左慶祝難得放肆一下，無論係燒定火鍋我都覺得係肩胛係比較好食。主打燒肉既話強力推介牛舌芯個彈性同口感不得了，食完覺得薄牛舌反而唔洗點咁多。如果係好鐘意食牛又想一次過滿足晒咁多個願望又想打下卡既話絕對可以試下！要留意返因為一張枱又要放燒烤爐又要放火鍋爐，叫野食時都係少量多次咁叫會舒服d。

環境：坐得幾舒服，枱與枱之間相隔都算遠，4個人去都比6人枱服務：店員態度都唔錯，佢會先介紹枱面既醬汁，然後都好好見有吉碟都會收，以免阻礙枱面位置上菜速度：適中，無話特別慢或者特別快，漏單情況都好似無食物：頭盤先黎一盤肉，牛都幾有牛味，脂肪味較少，肉上灑上小許鹽調味，味道正常。無話特別柴，會評分為正常刺身都幾新鮮好味，可惜無得續盤，只是頭盤贈送。牛舌心 都幾好味，將外皮燒脆，然後放旁邊慢慢燒熟中間，因為都幾厚，所以都需要點時間燒熟，但牛舌心真心幾好食。打邊爐叫左壽喜燒湯底同香辣湯底香辣湯底真係有辣，湯底食落都好食，滾娃娃菜都幾吸收到湯底既辣味。壽喜燒差小小，湯底唔夠味，甜味都不足，有日本蛋叫，但因為湯底無咩壽喜燒湯底味，所以沾蛋黎都不太好味，只能說雞蛋真係日本雞蛋，好味既（雞蛋）但牛滾完呢個湯底就一般般，甚至唔太好味。天婦羅，即炸，炸粉都唔算太厚，我食既係炸南瓜，真心唔錯，放題質素黎講，食得過。甜品，送哈密瓜同芝士蛋糕。芝士蛋糕好味，哈密瓜都好味。哈密瓜有甜味，芝士蛋糕就有芝士味同質感都唔錯。另外，我地加左酒精放題，有種啤酒飲落同1664味道相似，都幾好飲，如果仲意1664既人，絕對岩你

今日下午同朋友去食，食物質素還可以（午肉），朋友食M5和午（唔錯）我食黑豚燒肉及雞肉串燒(認真嫲嫲)。第一次去食，本以為有人代燒不用自己嚟，但原來要自己燒，但只有一套燒嘢餐具而且服務差，茶餐廳放嘢飲都會放個客面前，佢哋就放旁邊，坐咗10分鐘都冇嘢飲，餐送汽水但係一罐都唔俾你。最恐怖係搭lift，離開時約14:30，等咗15分鐘都答唔到捏（滿座）最後要搭貨𨋢， 但要等5分鐘。真係冇下次如果喺旺角食嘢周圍都滿座，八歌仙絕對係一個上佳選擇

服務好，食材新鮮，👍值得吃的晚餐，環境都ok!員工其實都有禮貌細心，食物落單後很快到，又吃火鍋又燒肉，跟本就應接不暇，最重要刺身帶子壽司，千萬不能錯過，因為又厚又大粒，最重要是新鮮👏🏻