全記海鮮菜館

营业中

休息中

因而喺某媒介睇到人食龍蝦剌身, 引到我口水長流, 所以諗起全記, 因為呢度上次食嘅象拔蚌剌身好正, 相信啲龍蝦剌身都唔會差得去邊, 所以就趁放假去食!!!!嘩!!!到咗全記, 真係同上次閒日嚟相差好遠!!!上次閒日嚟就會被其他食店嘅店員拉晒手入去店舖入邊, 但係喺星期日入去同一地方, 啲侍應根本忙到不可開交, 完全唔會有人得閒拉你入去!!!!!好彩入得好晏, 所以唔駛等都有位!坐定後, 就立即落番地下嘅魚池睇下有咩好食!當然, 第一時間睇下啲龍蝦同象拔蚌仲有無啦!!!!無錯!係睇下有無而唔係睇下靚唔靚, 因為真係好旺!!!今日令我最失望嘅係無海膽剌身, 上次食過, 真係好正!!!有個女賣手問我幾多人食, 我話得兩個咋! 佢就立即同我搵咗一隻一斤半嘅象拔蚌同一隻兩斤多啲重嘅龍蝦比我睇, 完全無話特登搵啲大大隻嘅掠我水, 抵讚!!!!我重要話隻象拔蚌咁細可能唔夠食, 佢同我講「夠架啦, 你得兩個人食, 仲要食下其他嘢架嘛! 無理由只係食啲涷嘢架!!!生冷呀!!!」嘩!!!!呢番說話真係體貼, 而且俾到我一個非常好嘅印象, 就係佢哋唔係掠水嘅!!!!!佢仲提我, 話個龍蝦兩食架嘛, 個頭另外

三人套餐，海鮮不新鮮，好重梳打粉味，炒菜好淡，同員工講：佢話佢哋啲廚師係比較淡，叫我下次要求咸啲。鬼知你哋廚師咩，應該係由你地調出適中的味道嗎!仲有，雖然係套餐，不應用一些不新鮮概海鮮，可用不貴的但要新鮮，仲要加重梳打粉，比一般屋邨酒樓還要差。仲話係一間出名海鮮酒家。

同女朋友兩個人去咗西貢食海鮮,搵咗幾間最後決定去全記,初時諗住叫餐,不過最後都係出咗去睇下有咩好食,但食完後就真係覺得好正,1. 豉椒炒蜆 - D蜆好鮮味,而且炒得好正好惹食2. 蒜蓉粉絲蒸聖子 - 蒸得老咗小小,但聖子加蒜蓉真係一絕,食到唔想停3. 清蒸龍躉尾 - 之前諗全蒸條魚,完全無諗過會叫,但佢講到用佢公司名譽保証好好食就試下.一食就覺得真係好正,D鮮味同其他魚真係完全唔同,完全唔會老4. 薑蔥桶蠔 - 全晚唯一的敗筆,蠔唔夠鮮味,同出面食差唔多,下次都係唔好再試好D

一行16人抱著擦餐勁的心態,7點開始坐底開餐啦由食家朋友打點一齊1.兩盆什錦魚生2.鹽水雞腳 好入味正3.沙薑雞 有咬口,有雞味4.上湯龍蝦伊麵底 保持彈牙鮮甜味5.椒鹽瀨尿蝦 OK!6.粉絲蒸扇貝 細隻左D7.薑葱蒸鮑魚 超大隻8.豉汁炒螲子 有大有爽口9.香酥魷魚 一D都唔硬超正10.花鵰蛋白蒸花蟹 OK!11.清蒸東星班 蒸得光光好,肉質滑12.椒絲付乳炒通菜13.楊州炒飯14.魚形狀芒果布丁15.水菓超滿足的海鮮餐.

郊遊後的西貢午餐 (已經係2:15pm) ! 終於都是全記….八人餐可自選7大海鮮….. + 菜 + 沙薑雞腳另加汔水, 找數都係每人 $190!!!正在享受美食時, 被公司同事撞上…..竟說食晏食海鮮咁豐富, 點解唔食點心??一早已發現四周都是食點心當食晏, 不過為掩飾大家嘅 “過分”; 強說食點心係西貢居民, 食海鮮 (只得我們一枱) 係遊客。請大家做個評論, 我們是否“過分”了!!!八人餐白灼東風螺 = 豉油調味, 螺肉結實彈牙白灼蝦 = 量多且彈牙鮮味川泡墨魚 = 唔太油且惹味….OK椒鹽瀨尿蝦 = size大! 共三隻瀨尿蝦三件開, 啖啖肉也! 椒鹽味足, 但唔覺油膩!! 清蒸鮑魚 = 鮑魚大隻 ! 肉厚嚼勁且鮮!! 薑葱絲令鮑魚更鮮味!!!薑蔥炒蟹 = 羔羔羔…蟹細但D羔多到唔識點形容!! 整個蟹蓋正正是 “滿堂羔”, 連蟹蚶都 “必” 出羔; 應該是奄仔蟹……肉質都算鮮甜!!! 蒸魚 = 泥味重…..即養魚…..魚滑 & 鮮…..美味!!但不是原條上, 有點美中不足!!!!蒜蓉炒白菜仔 = 清清清清…. 滿是蒜蓉味。鹽水雞腳 = 雞腳淋, 我無點任何醬汁, 都覺美味。

今日同女友下午悠遊入西貢...行過全記海鮮....留意到好耐冇返既海膽王已返貨. 之前同朋友一行入黎食過一次. 十分鮮味. 不過好耐冇返過. ..而驚見到既特惠價....忍唔住走埋佢問....我要一隻買走係咪都係呢個價呀? (因為驚只可以堂食)...點知個員工好好咁答我...係呀...買一隻都係呢個價...(我再小人d問多一句)....係咪開埋?係...梗係幫你開埋啦!就咁樣我就要左一隻買返屋企食....一開出黎....好肥..好香.....最後我都冇拎到返屋企...因為唔洗2分鐘已經比我兩條油消滅左!!!!!! 正. 比d相大家分享一下.

一直相信食海鮮一係自己煮，貪平就不如唔好食。當然，價錢一定要合理，有預算，唔好比人扼啦。唔識自己揀海鮮，不過我就係咁問哥仔邊D靚同幾錢。最後佢幫我揀完比個List 我一共幾錢 ($870)，另加工費約$50一款。Confirm ok 去馬! 豉椒炒大聖子 ~ 聖子夠大隻, 好肉 x 6椒鹽瀨尿蝦 ~ 大隻軟殼瀨尿蝦勁多糕，連殼都可以食埋x 2薑蔥蚊鮑魚 ~ 好味過蒜蓉蒸x 6蒜蓉粉絲蒸加拿大扇貝 ~ 夠大隻x 3避風塘炒蟹 ~ 個樣好靚，不過蟹無肉(近來D蟹都是這樣)x 1蒜蓉炒唐山生菜 x 1白飯 x 1可樂 x 23 人行 免茶免加一$1269.00可能是星期四，所以非常少人，樓面服務好好，埋單會多次提醒你免茶免加一。

次次都係做野先同客人／內地廠啲人入黎大吃大喝......食阿公嘅時候，每每都喺度諗，下次一定要帶阿媽入黎食餐好嘅！難得今日蛇早走２粒鐘出黎，同阿媽搭最後一日嘅紅磡渡輪，夜晚又無約，一於帶阿媽入全記食！有時真係要學吓＂捨‧得＂！要捨得放下工作；先可以得到天倫樂！時間，是自己擠出來的！由於今次只有我同我阿媽２個人，以往一定叫嘅椒鹽瀨尿蝦、豉椒炒大蟶子、花鵰蛋白蒸花蟹、上湯龍蝦、蒸魚......我都無叫，因為驚食唔晒。所以我只叫了其中一樣招牌菜椒鹽瀨尿蝦，再加油鹽水雞腳、薑蔥桶蠔、花竹蝦剌身(蝦頭仲拎去煲粥)。值得一提嘅係，雖然我今次唔係成一、兩圍入黎食；只係２個，但伙計態度都算ＯＫ！睇得出佢地忙都嘔，加茶／換碟慢啲都算啦。我地食得果２隻蝦，佢都問我拎唔拎去煲粥。我心諗，得果２隻，你都同我攪，攪到我都有啲唔好意思！小弟年中呢啲飯局都食唔少；龍蝦都成日食，不過唔係我俾錢，始終打工仔，都無話事權嗌食乜野架啦！成日都講嘅，又唔駛我埋單，又點會挑剔呢？今次終於可以話事叫大花竹蝦啦！平時同客人／內地廠啲人食，係要食蘇眉；食龍蝦先夠體面。我覺得其實大嘅花竹蝦如果做剌身係仲甜過用龍蝦架！另一樣我阿媽都讚嘅

係西貢都食過好幾間海鮮店, 食得次數最多就係此店, 係西貢要食海鮮, 此店確實係一個好選擇, 當然唔好望記book 位la!!鹽焗雞腳 ~ 入晒味, 仲好淋, 好容易食!!豉椒炒大聖子 ~ 聖子真的好大隻, 爽口, 都好滿足....!!kkkk焗芝士龍蝦伊面 ~ 龍蝦兩斤, 芝士汁好香又多, 龍蝦好爽口, 伊面夾着芝士汁, 食到舔舔舌!!!!椒鹽瀨尿蝦 ~ 原本size 好大隻, 店子一開二再炸, 淡淡肉, 唔會覺得好油, 辣辣地!!薑蔥膏蟹 ~ 要咗1隻男1隻女, 蟹膏金黃油亮, 猶如鹹鴨蛋黃, 蟹膏幾乎爆滿蟹蓋, 蟹肉好鮮甜!!薑汁芥蘭&炒白菜 ~ 無乜特別!!

話說周日同食家兩個人去行麥理浩徑第三段﹗遲左起身，兩點半先出發在西灣亭開始行，由於怕入黑關係，高速前進，最後五個鐘的行程三個半鐘完成﹗行完山梗係食在西貢，心郁郁想食海鮮，去了名氣最大的全記﹗周日關係，全場爆滿﹗要搵個位都好難﹗多人來食九成九要等位，好在我地兩個人，細枱侍候簡單得多﹗兩個人當然係食二人餐啦﹗佢個名都勁過人，叫溫馨二人世界餐﹗$348全包﹗九款海鮮揀四樣，我地揀左薑蔥蟹、白灼海螺、白灼蝦及鮑魚﹗先來的是灼海螺，本來以為有花螺食，點知係冬風螺﹗街市$20有一斤，呢度半斤都唔知有冇﹗份量很少﹗好在螺肉都好結實彈牙，吃得出是新鮮貨，只係一人十隻都無有0的唔多夠喉吧﹗白灼海蝦﹗份量又係一人份量似的﹗最近街市0的游水蝦貴得要命，閒閒地都成四十幾蚊斤﹗蝦細隻，勝在彈牙鮮甜，剝兩剝唔洗五分鐘就食哂喇﹗清蒸鮑魚，每位有兩隻﹗九孔鮑，肉質很煙韌彈牙，豉油亦吊出其鮮味，食家最滿意呢樣海鮮﹗薑蔥炒蟹，蟹仔一隻，睇見唔開胃﹗細隻得要命，食家最憎食細蟹，食極都無啖肉﹗四個海鮮後的是蒜蓉白菜仔，清甜好吃﹗老早都知出街就唔應該食海鮮架喇，食得餐亦都預左用料唔方好得去邊，不過食完成個餐好似無野落過肚咁，呢

假期的黃昏時份, 兔和我在西貢海旁漫步, 有很多溜狗人士, 也有一家大小在放風箏, 很假日的感覺 冬天的夜晚來得特別早, 六點多一些天已經全黑下來, 於是我們便順道找地方晚飯.經過萬年街的全記, 人頭湧湧座無虛席, 當然人多不一定好吃, 但多少有點信心, 反正已經多年沒有幫襯過, 踏入兔年算是重新開始我們的關係 等了5分鐘已經有枱, 露天座位更有風味; 坐定後便開始點菜, 來到西貢一定不會選擇套餐, 付少一倍以上的價錢可以吃到貴一倍有多的質素, 我不會相信天下有這樣便宜的事, 要吃好吃的, 還是老老實實自己到魚缸揀海鮮吧. 餐廳自設魚缸, 海鮮種類繁多, 真的眼花撩亂, 今次緊緊記著兔大人的口味, 不會像上次一樣糊亂點了她不吃的海鮮, 免受責罰... 選了龍蝦, 扇貝和魚, 再加一個蔬菜, 兩個人差不多了.龍蝦用上湯伊麵底上, 龍蝦肉質爽甜, 上湯茨汁的濃度剛好, 能襯托出龍蝦的鮮味, 伊麵味道OK, 但稍嫌麵質過腍, 可以做得更好一點.輪到蒜蓉粉絲蒸扇貝, 一上檯已經聞到濃濃的蒜香, 粉絲吸了蒜蓉汁滑溜兼好味, 扇貝鮮甜爽口, 每人兩隻剛剛好.上湯三色蛋浸白菜仔大大碟好足料,

原來全記都有茶飲架!星期六同至愛入西貢拍拖, 行下行下去到海邊, 發現原來海鮮街的食肆大部份都有做午茶.兩個人食左八個點心加一個甜品, 埋單只係二百蚊, 點心又好食, 真係抵呀!煎薄撐, 煎得香脆, 咸咸香香真好食! 鮮蝦菜苗蝦, 大大隻爽肉蝦, 迫到爆既菜苗! 脆皮蝦腸, 原來係腸粉皮包住鮮蝦春卷, 夠晒特別!流沙奶黃飽, 好正, 真係好正, 奶黃甜度剛剛好, 真係keep到流沙口感, 推介!其他點心都係水準之作!唯一要彈係客人太多, 環境太迫, 樓面既服務真係照顧唔切... 但食物質素同價錢真係滿分!

上星期六帶埋家人, 一行五人, 入西貢食海鮮, 之前已經做晒research 所以唔洗搵, 一心一意直去我心儀的食店, 爸爸話去到咁遠食拍夜, 所以叫我book早d, 所以我地book左6:00pm, 我地5點幾就入到西貢, 間食店咁早都冇咩人, 所以一入去就有位, 坐定之後, 問下家人有咩想食, 爸爸想食象拔蚌, 媽媽想食蠔, 奶奶就冇所謂, 我就同老公出去門口選海鮮啦, 好多品種呀! 真係花多眼亂呀! 我地要左一條3斤幾嘅象拔蚌(做刺身), 要左一杯美國蠔(做薑蔥蚊), 要左兩斤花甲(做豉汁炒), 要左3大隻賴尿蝦(做避風塘), 又要左一束聖子王有7大條(加粉絲豉汁蒸)1)象拔蚌刺身 -- 超正! 好新鮮!2)薑蔥蚊蠔 -- 正! 不過一人得一隻好似少D!3)豉汁炒花甲 -- 一般! 炒得老左少少! 過左火!4)避風塘賴尿蝦 -- 超正! 好鮮味, 啖啖肉!5)粉絲豉汁蒸聖子王 -- 正! 好好味!另外仲加左幾個小食, 有椒鹽豆腐, 滷水鴨舌, 炸雲吞, 和一個鮮蝦全記炒飯添!~ D小食都OK架! 個炒飯炒到一粒粒, 媽咪話個炒飯炒得好靚喎! 埋單成為

當日慶祝長輩壽辰，訂了位吃晚飯，身為當地居民，確實知道哪間海鮮酒家比較一分錢一分貨。而且大部份酒家的海鮮套餐，通常都必需抱著對套餐要求不要有超值或驚喜既心態，但多年來如果家人要出外吃海鮮，而且是套餐，就大多數選全記，因為物有所值，好味、鮮味(養魚除外，因為有些有電油味)、份量足、貝類食物清洗乾淨....。套餐有生果、菜、魚、沙羌雞腳......，但燒味及雞是散叫的!後記 : 幾年前，有一次與朋友食晚飯，散叫海鮮及燒味，八位"每人"約$700幾 .......，可能唔識嗌餸呱?!?!

是日朋友生日，所以人多可以食多Ｄ款既海鮮，聽聞食套餐會細碟, 所以都係散叫海鮮, 而且佢地服務都幾好, 樓面D姐姐又好識做, 本來只有生果或甜品, 見我地有人生日, 主動話俾生果同埋甜品我地, 都算係咁囉~ 仲免加一添。好喇, 講下D餸先。椒鹽瀨尿蝦　　　(超好味, 炸到好脆, 但佢個椒鹽似七味粉, 都好好味既)椒鹽鮮魷　　　　(一般啦)清蒸青衣　　　　(初初蒸得未夠熟, 樓面話再蒸就唔好食, 所以再淋多次熟油, 都好滑)蒜蓉粉絲蒸扇貝　(蒸耐O左, 粒扇貝好”UN”)油鹽花甲加粉絲　(好味, 粉絲入晒花甲D鮮味, 而花甲亦不會太熟而難食)果皮蒸飽魚　　　(唔覺有果皮香味, 一般)酥炸生蠔　　　　(炸得好乾身, 又唔太多粉醬, 好正)豉椒炒聖子　　　(啖啖肉, 好味)薑蔥炒蟹　　　　(OK~蟹膏頂晒蓋)