影片
电话号码
27911195
27926938
开饭介绍
多款海鲜靓菜日日新鲜出炉，喜欢食蟹的这里有海胆重皮蟹粥，重皮蟹膏多，用来煲粥非常甜美；另有蛋白姜蒸石蟹，制法新鲜，非常滑口。
继续阅读
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
睇咗好多差评都系食300蚊一个人的套餐讲真300蚊食海鲜你想食到啲咩海鲜吖仲要拣大濑尿虾, 成本都200蚊一只, 点会1人畀到1只你食300蚊想食花足虾, 东星斑, 澳龙, 南非鲍吗.....冇可能㗎嘛一定系畀草虾, 黄立仓, 波龙, 大连鲍你食所以我去一定唔会叫套餐, 不过埋单1000蚊一个人, 但系好食嘅今次食咗车蚝288一斤, 东星500元一条, 长颈濑尿虾380一斤2只, 奄仔蟹1只服务几好嘅, 花生食晒可以再添 (可能因为唔系叫套餐)结论: 要食海鲜就唔好悭钱, 唔好贪平食套餐
继续阅读
西贡系食海鲜出名地方老公放假就会得闲揸车入去饮茶😍最钟意食海鲜嘅我😜油盐水蝴蝶蚌系至爱，够鲜甜👍👍椒盐濑尿虾，喺屋企根本唔会整到嘅味道😋象拔蚌刺身超鲜超爽虽然价格系偏高，但系物有所值保持新鲜水准另外仲有点心都好食必食虾饺，皮薄虾爽👍仲要坐海边，可以欣赏海景仲可以带埋宠物去放松一下逢假日有机会都会去休闲💕
继续阅读
今日同屋企人到西贡走走，到埗后即到全记留台，12 点 5 位到咗 12 点，门口知客个样已经炆炆憎憎，然后问我哋系咪 12 位，我哋话 5 位 12 点，佢就粗声粗气个样好满意咁叫我哋入座-点咗 8 款食物，虾饺大粒饱满，虾肉鲜爽；腊肠卷有浓郁肉香，包体几松软绵密，推介！芋头腩肉芋头够粉；笼仔蒸饭龙趸雪白爽弹有鲜味；奶黄流沙包好香奶黄同咸蛋黄味道；叉烧肠质感较湿同淋，叉烧冇蜜汁香同较干柴，整体食物质素唔错，系服务态度有待改善
继续阅读
成班旧同事约咗7:30入西贡饮早茶，坐喺户外睇住个太阳慢慢升起真系大癫。同埋好钟意佢有点心档，可以喺出边自己拣点心，细个时就系钟意逐个逐个揭，睇吓有咩惊喜。蒸饺、虾饺、粉果啲皮都做得够薄，馅料都好饱满。唔知系咪本身做开海鲜档，觉得佢啲虾饺真系特别饱满。啲炸嘢都唔会食到成口油。排骨唔会剩系得啲骨。肠粉就正常发挥，反而几钟意佢个鸡丝粉皮，个馅啲味调得几好。不过个碎牛粥就有少少失望，似食碎左㗎牛肉球，唔系平时粥舖啲免治牛。最后要赞吓佢个咖喱土鱿，真系挂到汁比起早排去其他酒楼食，呢度真系做得好好。同埋值得一赞啲员工，坐出面个太阳升紧嘅时候，佢就将啲太阳伞就住个太阳升到咁上下再移位，惊会晒到啲客，呢方面系几窝心嘅。事次用餐为自费。
继续阅读
二人套餐差到可以闹街，唔知点有勇气开落去嘅，仲米芝莲，好评边度嚟嘅？ 海边海鲜仲可以咁唔新鲜身，都冇我街市买嘅新鲜。 不知你哋嘅海鲜系边度嚟嘅？ 冰柜度新鲜攞出嚟嘅酒吧？ 龙虾好苦，海虾细到以为系北极甜虾。 老板侍应态度恶劣。👍👍👍👍店大欺客，附近好多分店，档口都好大，但睇本地人都系喺食点心。 海鲜总之套餐千祈唔好食，食完你会觉得不如饿住。 同老板反馈食材问题只收钱唔做任何表示，牛气冲天🤷🤷🤷 食饭冇食饱气饱咗
继续阅读