影片
更多
2011-03-07
143 浏览
話說周日同食家兩個人去行麥理浩徑第三段﹗遲左起身，兩點半先出發在西灣亭開始行，由於怕入黑關係，高速前進，最後五個鐘的行程三個半鐘完成﹗行完山梗係食在西貢，心郁郁想食海鮮，去了名氣最大的全記﹗周日關係，全場爆滿﹗要搵個位都好難﹗多人來食九成九要等位，好在我地兩個人，細枱侍候簡單得多﹗兩個人當然係食二人餐啦﹗佢個名都勁過人，叫溫馨二人世界餐﹗$348全包﹗九款海鮮揀四樣，我地揀左薑蔥蟹、白灼海螺、白灼蝦及鮑魚﹗先來的是灼海螺，本來以為有花螺食，點知係冬風螺﹗街市$20有一斤，呢度半斤都唔知有冇﹗份量很少﹗好在螺肉都好結實彈牙，吃得出是新鮮貨，只係一人十隻都無有0的唔多夠喉吧﹗白灼海蝦﹗份量又係一人份量似的﹗最近街市0的游水蝦貴得要命，閒閒地都成四十幾蚊斤﹗蝦細隻，勝在彈牙鮮甜，剝兩剝唔洗五分鐘就食哂喇﹗清蒸鮑魚，每位有兩隻﹗九孔鮑，肉質很煙韌彈牙，豉油亦吊出其鮮味，食家最滿意呢樣海鮮﹗薑蔥炒蟹，蟹仔一隻，睇見唔開胃﹗細隻得要命，食家最憎食細蟹，食極都無啖肉﹗四個海鮮後的是蒜蓉白菜仔，清甜好吃﹗老早都知出街就唔應該食海鮮架喇，食得餐亦都預左用料唔方好得去邊，不過食完成個餐好似無野落過肚咁，呢
遲左起身，兩點半先出發在西灣亭開始行，由於怕入黑關係，高速前進，最後五個鐘的行程三個半鐘完成﹗
行完山梗係食在西貢，心郁郁想食海鮮，去了名氣最大的全記﹗
周日關係，全場爆滿﹗要搵個位都好難﹗多人來食九成九要等位，好在我地兩個人，細枱侍候簡單得多﹗
兩個人當然係食二人餐啦﹗
佢個名都勁過人，叫溫馨二人世界餐﹗$348全包﹗九款海鮮揀四樣，我地揀左薑蔥蟹、白灼海螺、白灼蝦及鮑魚﹗
先來的是灼海螺，本來以為有花螺食，點知係冬風螺﹗
街市$20有一斤，呢度半斤都唔知有冇﹗份量很少﹗好在螺肉都好結實彈牙，吃得出是新鮮貨，只係一人十隻都無有0的唔多夠喉吧﹗
白灼海蝦﹗份量又係一人份量似的﹗
最近街市0的游水蝦貴得要命，閒閒地都成四十幾蚊斤﹗蝦細隻，勝在彈牙鮮甜，剝兩剝唔洗五分鐘就食哂喇﹗
清蒸鮑魚，每位有兩隻﹗
九孔鮑，肉質很煙韌彈牙，豉油亦吊出其鮮味，食家最滿意呢樣海鮮﹗
薑蔥炒蟹，蟹仔一隻，睇見唔開胃﹗
細隻得要命，食家最憎食細蟹，食極都無啖肉﹗
四個海鮮後的是蒜蓉白菜仔，清甜好吃﹗老早都知出街就唔應該食海鮮架喇，食得餐亦都預左用料唔方好得去邊，不過食完成個餐好似無野落過肚咁，呢個餐既份量就有點那個了﹗
$348全包，早知同食家去鋸扒啦﹗
返到屋企仲要淥多個麵先叫做有食野，真係.........
不是唔好食，係份量太少，食海鮮還是自己去街市買來煮好一點﹗
食店地址: http://smallsmalllin.openrice.com/
我的飲食微博: http://t.sina.com.cn/smallsmalllin
张贴
