令和鍋物酒場

营业中

休息中

疫情問題真係好耐冇去日本好我鍾意食日本菜既我就會經常去搵下有咩正既日本料理餐廳今次我朋友就帶咗我哋呢一度呢度氣氛好熱鬧仲搵左呀bao 幫佢地牆上畫壁畫我哋就點左三樣嘢食刺身厚切，都幾新鮮壽喜燒牛肉嘅脂肪分布平均入口即溶蔬菜煮耐左又吸晒湯嘅味道，好入味 好正👍🏻幾下就食得我個人最鍾意就係呢個蠔鍋湯底非常濃郁嘅蠔味入邊仲有好多藉口大隻既蠔煮完之後都冇特別縮細，咬落口啖啖肉非常好食仲係要烏冬底，烏冬吸晒湯嘅精華超正另外，呢到既店員亦好有禮貌環境人，食物又唔錯係一個好好gathering嘅地方

今日經過旺角，突然想食魚生飯，上咗去呢間餐廳，我見佢門面幾靚，又咁啱有丼飯食，唔洗等位，於是入咗去試吓。侍應安排咗我哋係一張4人枱，搭枱，隔離位食緊shabu shabu，d熱氣湧哂過來，餐廳冷氣又不夠冷，結果全程熱到出汗。本來想食丼飯，但原來今日冇供應（餐牌上冇寫），咁唯有食刺身啦，嗌咗個三色刺身，非常非常失望，三文魚冇油脂，吞拿魚好似食緊橡筋，另外果隻不知名魚反而好啲。得罪講句，爭X仲好食過佢😓其他熟食唔錯，特別是爐端燒，但環境同魚生真心失望

今日黎到旺角一間樓上居酒屋，餐廳裝修好日式，坐位好闊落，好岩同朋友飲野傾計，一有客人到，店員會打起太鼓，取代平時日式餐廳講歡迎光臨(日文)，幾有趣🔸刺身 - 赤蝦、三文魚我地淨係叫左赤蝦同三文魚兩款，赤蝦大大隻，三文魚都厚身，好新鮮🔸壽喜燒-A4日本黑毛和牛200g（追加)-A4日本黑毛和牛(100g)、稻庭烏冬份量比想像中多，仲另外追加左一份和牛，性價比好高，睇雪花紋就知牛肉入口即化，肉味非常濃郁，好值得都試，另外配埋大量野菜同追加既烏冬🔸燒和牛舌、白蔥豚肉串、鹽燒雞翼、燒雞肉串另外叫左幾款串燒試下，整體水準中上，覺得牛舌比較出色，白蔥豚肉串都唔錯，豚肉包住白蔥食落爽口🔸石-澳洲M6和牛(150g）店員會先用牛既油脂燒熱鐵板，之後再放上和牛，牛肉都唔會太薄身，食落有咬口，肉味雖然都濃郁，但相比壽喜燒既和牛，壽喜燒更有驚喜🔸野莓乳酸梳打、蜜桃乳酸梳打、青檸梳打

太耐無去旅行，一直好掛住日本既居酒屋，雖然我唔係好飲得酒，但就係鍾意果種氣氛！進場時店員會打太鼓，再講歡迎光臨，即時好有氣呀。坐底第一時間就點左飲品先，去居酒屋第一條規舉就要叫飲品，由於我們今天唔想飲酒，所以叫左三杯梳打。🔸野莓乳酸梳打 / 蜜桃乳酸梳打 / 青檸乳酸梳打自己飲左蜜桃乳酸梳打，桃同乳酸味都幾明顯，不過甜左少少，等d冰溶番少少就岩岩好。食串燒、燒肉、鍋物飲番杯凍野，真係好夾。🔸刺身： 三文魚、赤蝦呢度既刺身可以自己散叫，而且價錢唔貴，自由組合想食既刺身。 三文魚切得好厚，赤蝦超級大隻，兩者都好鮮味。🔸串燒： 和牛舌、白蔥豬肉串、鹽燒雞翼、燒雞肉串每樣串燒都叫左少少，和牛舌夠爽口、燒雞肉串原來仲有大蔥，有大蔥加持下即時變得清爽。白蔥豬肉串、鹽燒雞翼🔸壽喜燒：A4黑毛和牛(200g+追加100g、烏冬)只係唔洗$300已經有壽喜燒食，仲要係黑毛和牛都算幾抵，牛肉好大片，入口好重油脂味，而且比想像中有牛味！！三人都大讚牛肉係今晚最回味既食品之一，好彩我地驚唔夠食已經早早追加100g牛肉。套餐仲會配一份蔬菜，追加部份除左牛肉外仲可以再追加其他配菜，其中推薦要加烏冬！吸收晒湯汁後烏

上次卡米拉到過令和的尖沙咀分店，今次再來旺角的分店。天花有很多旗幟很有特色。由於今晚全場滿座，所以也沒有特別拍很多環境的照片。環境是和尖沙咀店近似的，有卡座也有普通的枱。顧客是用手機點餐，茶水也是自助。實際食品賣相比程式內的照片好多，建議店家可更新食物圖片來吸引顧客。職員先送上前菜，是頗健康和清新的啊!枝裝清酒有半價，選擇也很多的。這個炸池魚仔($38) 是絕佳的佐酒小食，入口啖啖鮮甜的魚肉、酥脆無骨。今天特價的大拖羅 ($58/兩切，原價$148) 彷如雪花脂肪肥美甘香，入口即溶。(認真mode) 我真的想多點十碟。野莓乳酸梳打(左，$33) 及蜜桃乳酸梳打(右，$33)，兩杯也是很清新的夏日飲品。帶著微甜微酸的果味，在悶熱的夏季令人精神一振。有點可惜的是今天海膽沒有來貨，丼的選擇不多。卡米拉點了最簡單的角切雜錦魚生丼（$118）。刺身的質素當然不能和大拖羅比較，各款刺身也很鮮甜，無論份量和味道也比預期中理想。鹽燒蜜柑鯛頭 （$88）比較難在其他地方吃到，鯛頭燒得很香，不過魚肉略微硬，配上的蜜柑汁及沙律很清新，燒過後油脂也不算十分多。蒲燒鰻魚丼（$118）相對下比較普通。鰻魚份量不少

今日放工想食日本野， 見到呢間個招牌好大，又閃閃下咁，超搶眼！咁有日本style就入去試下啦！上到一樓，裝修真係好日式！清酒煮蜆$68呢個清酒煮蜆都幾香清酒味！一上黎就聞到！而且啲蜆都幾多！ 唔大隻但係隻隻都冇沙！幾正嫁！啲蜆肉都新鮮同鮮甜既，可以一試清酒生蠔$28/1pc呢個好抵食！28蚊有隻咁大既生蠔！佢係比埋杯清酒你，放隻生蠔落酒浸30秒，再一啖食晒佢！超正！隻蠔好肥美好甜！加埋清酒吊番啲甜味出黎！一定要食！串燒叫左雞翼、雞皮、牛舌， 個牛舌好好味！燒完都仲好juicy好林！雞翼就乾身左少少，雞皮都唔錯！總體黎講係值得食既！

今晚和乾女兒一起晚膳，她很喜歡吃日本料理，便和她來到了這裏。油甘魚$105，魚肉味道鮮甜，解凍做得十分之好，不會過硬或過軟，只需加些醬油和日本芥辣，味道已經很好。鹽燒油甘魚鮫$128，油甘魚味道香甜，魚的脂肪味道甘香，不需要加任何醬料，只需加些檸檬汁，便可以吃到魚的鮮甜味道，而沒有油膩感。燒冰火菠蘿$25，菠蘿外表有香脆的糖漿，加上菠蘿的酸甜味道，兩者配合得天衣無縫。雜菌牛油錫紙燒$48，牛油的濃郁味道， 盡被雜菌吸收，始終吃些菌類，都會對身體健康有幫助。燒茄子$48，木魚絲的香氣非常配合茄子的鮮甜味道，日式的燒茄子和四川的燒茄子，各有各的特色，都是個人的最愛。芝麻雞翼$38，芝麻的香配合雞翼皮的脆，互相輝映。Suntory 500ml $68，日本冰凍的啤酒，配合日本料理，另有一番風味。

最近看到這裡的食評，知道推出了一道特別的菜式，今晚便專程來到一試。蕯摩赤雞窩物$268。日本三大名雞之一的鹿兒島薩摩赤雞，雞隻飼養有嚴格要求，飼料是純天然穀物，喝天然河水，需有足夠活動空間，肉質富彈性，脂肪少而味道特別濃郁。芫荽湯底內芫荽份量很多，而且豬骨味道十足，加上芫荽的香氣，是一道芫荽控必點的湯底。雜菜鍋內有冬菇、豆腐、金針菇、洋蔥、大蔥和靈芝菇，吃完蕯摩赤雞，可以吃些蔬菜，感覺非常健康。鹽燒豬芫荽卷$28，豬肉燒得很香甜美味，配上芫荽，口感清甜，想不到芫荽用來串燒，感覺另一番滋味。銀雪魚西京燒$118，已經很久沒有點過這道美食，因為在很多了日本料理都吃不到期望的味道，不過由於太渴望尋回過去的味道，始終點了一客來吃，想不到這裏的味道，就是當年的美味，令到再度燃起對銀鱈魚的希望。令和玉子燒$42，蛋味十足的玉子燒，雖然是簡簡單單的一道菜，不過要做得好，是有一定的難度，這裏就做得很花心思，值得推薦。奇異果梳打，味道不似奇異果，反而更像蜜瓜的甜味，不過都很配合日本料理的。

今日朋友請食飯， book咗呢間餐廳，好彩有book，如果唔係一定等唔到位一上電梯已經好有氣氛，好大幅壁畫做招牌餐廳入面嘅裝飾都好有日本氣氛，仲用咗啲清酒招紙做牆紙，天花嘅布都好特別一個二人餐唔算太貴，四百幾蚊就OK，而且分量非常多，但係前菜嘅炸雞已經意想不到。皮脆肉嫩又多汁。另外呢碟麥粒味噌青瓜都幾得意，青青地又帶點濃厚嘅味噌，口感豐富仲有唔少得主菜牛牛鍋，分量足，牛牛新鮮另外仲有一份小食天婦羅，特別炸蝦又大隻又鮮味燒物都唔錯，金菇牛肉卷又大隻又多汁，燒雞翼一啲都唔乾，多汁嫩滑當然居酒屋就點少得飲品杯酒類，青檸味嘅係我最愛，加上少少燒酎，真係好開心

有一日男朋友帶我去食，有卡位坐十分之好，環境都算十分之舒服😌 而且當日不用排隊排好耐，好快就已經可以入座。而且間舖頭可以QR code落單，好方便。- 二話不說，當然叫咗- 堂煮壽喜燒，係二人份量，女仔就會夠食，如果男士可能要追加一點。-開頭有靚女開鍋，會教我哋點樣燒，教我地個火喉應該要幾，而自己煮時行過會幫我地落多少少醬汁，服務態度很好👍🏻-牛滋味好重，啲肉好新鮮，個醬汁好正，整體真係好好味，好希望可以同屋企人食多次。

星期五晚當然要飲一杯來到了令和店內氣氛很好🍴酒盜芝士、安康魚肝、螺肉先來佐酒的小食酒盜芝士 酒盜其實是鰹魚的內臟 十分鹹香芝士軟滑 和酒盜同吃非常夾安康魚肝有肝獨特的味道但不夠綿滑🍴清酒生蠔生蠔肥美飽滿 加上清酒同吃 海水味夾雜著酒的清香一咬 生蠔的鮮味在口中爆發🍴壽喜燒A4和牛有七八片 每片都十分完整和牛倒上一點壽喜燒汁同燒入口融化 肉味濃厚 齒頰留香蘸上生蛋汁同吃 中和了壽喜燒汁的膩吃過牛肉後加湯煮蔬菜蔬菜拼盤新鮮 用壽喜燒汁煮熟後特別甜🍴燒蠔燒蠔的汁個人不太喜歡還是生蠔比較好吃🍴牛舌、忌廉蟹肉餅牛舌厚身 火候剛好 吃起來爽彈忌廉蟹肉餅沒特別🍴煙肉蕃茄串、白鱔串、雞翼串串燒都熱辣辣煙肉鹹香 咬下去 蕃茄爆出甜甜的汁白鱔肥美多汁 有炭烤的香味雞翼把皮的油分逼出 皮脆肉嫩整體每一樣質素好尤其欣賞壽喜燒店員好好服務咁教同落手幫忙燒（所以影唔切相🥲）頗有日本居酒屋風味的一家店

/ $400有找既壽喜燒 /見好多人介紹過呢間平民價sukiyaka今次平日放假book左17:30仲有正價85折A4日本黑毛和牛壽喜燒 $398 店員會幫你燒牛 之後再變火鍋和牛大約有12片 肉質軟嫩有牛香 不過有少少筋壽喜燒醬汁略鹹 燒既過程落少少糖可能好d野菜豆腐盛合 索左壽喜燒汁好香甜煙韌既葛絲特別入味另外有一個$298既A4和牛鍋物set 就淨係得打邊爐無左壽喜燒個part日本A4和牛石板燒 150g $218 和牛同menu相係色澤同紋路有少少差別不過燒完加少少鹽 味道同肉質都唔太差既油份高 每人2件就夠喇 唔係就會太漏

同朋友相約係旺角，我就推介呢間餐廳食晚餐，去到發現餐廳內都差唔多滿座，好彩剛剛都入座到。一路點食物時聞到隔離枱食火鍋同石燒牛真係超香啊！點完食物後，店員仲同我地講清酒半價，就去咗揀咗支純米大吟釀嚟邊飲邊食。鈴鹿川飲落好順喉，唔會嗆，甜甜地，平時唔飲清酒嘅朋友都話唔錯啊！最先到就係日本A5石燒和牛，和牛油脂分佈均勻有致均稱、粉嫩嘅色澤真係超誘人！燒後好香外面帶點焦脆，內層仲粉嫩，唔會燒到過熟，仲可以配搭撒上飯素嘅蟹膏飯真係好滿足啊！燒廣島生蠔有滿滿醬汁，內裡蠔肉都幾飽滿又鮮嫩。多春魚天婦羅有4大條，入面係滿滿嘅魚子啊！食完石燒牛唔夠喉梗係要食埋火鍋，嗌咗個M7澳洲和牛壽喜燒(200g)，塊塊牛都好大片，擺入鍋中都鋪滿鍋面啊！和牛肉味香濃又夠大塊，食落好爽！當然要加個稻庭烏冬吸下湯，烏冬超配壽喜燒，壽喜燒湯底甜甜嘅味道加埋烏冬煮後帶點通透又煙韌，飽肚又美味！串燒都係必點啦，鹽燒雞皮同埋燒和牛舌都好正，牛舌又厚又爽彈，雞皮好香脆呢！除左清酒外，佢地嘅鮮檸檬燒耐梳打都好多人點，酸酸地檸檬香勁出，但飲落酒味都唔少架！甜品仲有黑糖布丁配和菓子、日本焦糖布丁，造型好可愛呢！整體係滿足幾個願望啊，大部

日本妹朋友話食過呢間餐廳幾次，覺得好好味帶我我試吓🐣呢度最出名嘅當然係食鍋物🍲我地叫左手作壽喜燒-日本A4黑毛和牛🐮+$398另外追加左到庭烏冬$28見到鍋中無湯底，我仲傻傻下以為漏咗，原來唔係平時嘅壽喜燒咁簡單🤣係sukiyaki!😍首先，侍應幫我哋熱好個鍋，首先燒咗兩塊俾我哋試吓～🤩果然係A4黑毛和牛😍切得又大塊又薄，雪花分布平均✨加入少少壽喜燒豉油，兩邊剪煎熟✨食落口既感覺係好嫩滑，啖啖牛香，再加上尾隨既油脂感，好幸福啊🤤🥰野菜豆腐盤🍲有娃娃菜，金菇，豆腐，菇，紅蘿蔔，粉絲加入左壽喜燒湯底之後，蔬菜入味，甜甜地，豆腐又滑😋燒冰火菠蘿🍍$25有一層脆蜜糖鋪喺面，冰冰涼涼，又juicy ，好適合做飯後果☺️令和玉子燒 $42🐣厚實，咬落去綿密實在，啖啖蛋香✨白啤$68🍺見到人人都叫，我都忍唔住叫返杯爽一下🤣好大杯，其實兩個女仔share都得😌柚子乳酸梳打 $33 有少少甜左d～乳酸味比較重～

係彌敦道成日都會見到呢間大大既招牌，無得飛日本，繼續同日系朋友探索一下香港既居酒屋！畢竟呢個朋友食野唔多，但係有酒同佐酒小食佢會超開心一入座店員會為客人打太鼓 比起就咁rap一句日文既歡迎光臨，呢個gimmick感覺好有誠意哈哈。呢度裝潢比較暗，適合大家飲酒傾計，頭頂上就吊左好多彩色既紙燈籠，東洋風重，其實都幾靚居酒屋既地方，就係有好多花款，呢間除左刺身🍣之外，連燒肉同鍋物都有好多選擇，一次過滿足哂三個願望  仲有好多佐酒小食🧀同串燒🍢配埋幾個櫃既日本梅酒清酒啤酒選擇🍻最岩今晚飲返杯-先黎每枱都有既免費小食：螺肉，爽口再加埋脆青瓜，好開胃同埋都幾岩送酒芥末八爪魚仔 ($28)芝士酒盜 ($48)於是就將呢兩個超級佐酒小食同埋個螺肉放埋一齊影（佢地係朋友）。有睇過我寫HOKAHOKA就知道呢兩款比較authentic既日本小食：芥末八爪魚仔同芝士酒盜，真係唔係度度都有得食，而呢度都算做得唔錯，而且價錢好相宜Suntory~The Premium Malt ($68/500ml)有佐酒小食就必須酒～飲得既話可以嗌500ml超大杯，夠凍夠滑，日本啤麥味唔會太濃，好易入口。三色刺身盤 ($88