令和鍋物酒場

营业中

休息中

被芫荽湯底吸引而來，book左位都等了20mins, 見冇book枱的應該要等好耐個鍋幾好味! 不過如果配一半雞一半牛肉會好D。湯底比想像中淡，看似好容好濃，但係overall, 係正既其他都很有驚喜，估吾到。刺身好新鲜，sake 生蠔超正，瘋狂encore 3次!!! 燒物都吾錯，不過不失。下次會來試壽喜燒。性價比高，service不錯的一間店。員工好快手之於，都好友善

日本居酒屋好多都係串燒串燒同串燒呢一間居酒屋除左有串燒仲有好多特別既小食或主菜首先一定係一試難忘既石板燒👍🏻👍🏻👍🏻👍🏻👍🏻今次叫左日本A5和牛 都已經入口即融 牛味係嘴入面充斥住🤤🤤石板燒仲可以加多少少錢有蟹膏飯同麵豉湯怕剩食牛太膩都可以用飯送第二個我最愛就係清酒生蠔🦪生蠔食得多 呢個係將生蠔放落清酒浸十幾秒再連埋一齊放入口 佢地相輔相成 超級夾而且佢既蠔十分肥美每次去都要食番兩三隻另外我叫左個和牛他他 底係酸酸地既洋蔥唔夠飽再食多個壽喜燒和牛烏冬

自問唔係芫茜黨員，但被朋友‘鼓勵’ 下勇闖呢個芫茜鍋🤣先講講呢個湯底，對於我黎講係岩岩好，淡淡既芫茜香但又唔駛咬到佢既葉&莖，我覺得係👌🏻既，另外呢個鍋包埋雞肉及蔬菜盤，食起上黎都唔會有太重罪惡感，推介大家試下會唔會做到黨員啦😬

放工同朋友去旺角食飯，呢到有串燒又有火鍋。燒鳥拼盤 (共5串) 手羽、雞皮、雞軟骨、白蔥雞肉串、免治雞肉串同朋友都好鍾意食雞肉，叫個拼盤真係滿足，串燒外層燒得香脆，味道適中，唔會太鹹，免治雞肉串，啖啖肉，入味得來好Juice和牛鍋燒烏冬，烏冬Q彈滑溜又彈牙，和牛份量多，仲有大大隻溫泉蛋。蝦天婦羅，炸粉唔太厚，蝦大件又多肉。同朋友嚟食大餐又點少得叫個鍋物，叫左個美國安格斯牛肉跟配野菜豆腐盤簡左清甜嘅壽喜燒湯底，牛肉片油脂分布平均，每塊厚薄度適中，肉味香濃，仲有好多新鮮蔬菜，豆腐又滑。巨峰提子乳酸梳打，食完咁多嘢飲番杯帶清甜味嘅梳打真係好舒暢。

呢到裝飾得幾有心思，入門仲有同事擊鼓歡迎。地方大坐位又寬敞。黎得居酒屋緊係唔少得飲番支清酒la~ 依加仲有半價優惠。我地叫左支雪之茅舍 純米大吟釀，入口清爽香氣更加豐富，口感帶有點辛辣！但余韻不會太長，朋友飲第一口已讚口不絕。令和玉子燒 咬落厚實香甜 金黃色印有令和字樣賣相唔錯串燒拼盤 (共8串) 手羽、雞皮、雞軟骨、大蔥豚肉串、金菇牛肉卷、秋葵、煙肉車厘茄、大蔥 。串燒火候控制得好好，雞翼香脆，咬落仲有肉汁，金菇肥牛卷，乾身得來有咬口。煙肉車厘茄值得一讚，外層香脆，車厘茄又多汁清甜。美國安格斯牛肉250g (跟配野菜豆腐盤)$218 壽喜燒 湯底呢個鍋十分足料，蔬菜新鮮又清甜，湯底味道濃郁，牛肉片份量都唔少，兩位食用都幾足夠。

又黎我既最愛黃店令和食和牛鍋，次次想食和牛就黎呢度。食物質素水準保持高質，刺身仲進步左。A4日本黑毛和牛鍋 $298和牛一如以往咁嫩滑，未肥到入口即溶，但呢個口感剛剛好，軟綿綿但仲有肉既咬口，今次冇點蘭王蛋，加啲岩鹽仲吊到牛味。蔬菜好新鮮，清清地既壽喜燒湯底食出菇菌豆腐既原味。本身仲跟左啲薯粉，所以我哋都冇加到其他碳水化合物。帶子好巨型，切開左一半剛好一啖過，超級鮮甜，仲食到一梳梳既 texture。前菜叫左煙燻牛舌番茄沙律，牛舌切條，配蕃茄又幾特別。味啉日本雞泡魚乾，燒得夠火候，惹味，想食多碟但又驚熱氣。所以叫杯熱菊花蜜下火，好清甜，調味岩岩好。巨峰提子碳酸梳打好大杯，酸酸地開胃。#test_mk#test_yellow______________________________🏠 令和鍋物酒場 💛💵 $300 per head📍 旺角彌敦道613號飛達商業中心1樓______________________________........#hkfood #hkfoodblogger #foodiehk #nomnomnom #hkfoodie #foodstagram #eatst

餓底👭今晚去居酒屋🍶現場氣氛好好 色彩繽紛好似置身在日本一樣😎做緊過百款清酒🍶全場半價👍啱哂鍾意平時飲兩杯既朋友🍶🍻食物款式多 價錢合理石燒 鍋物 串燒 刺身……等仲有芫茜控必試嘅火鍋呀😚今晚叫咗串燒肉鍋物🍢🥘#燒和牛舌厚切軟嫩爆汁😋#燒多春魚焦香脆口👍#燒冰火菠蘿唔夠焦糖化 當生果食也不錯👌#牛肉可樂餅鬆脆 牛肉多啲會更好👉👈#美國安格斯牛肉火鍋250g壽喜燒湯底 唔醎味道啱啱好👍牛肉油花幾靚 肉質偏軟有彈性灼到7~八成熟 食落滿口甘香🤤飲品都抵飲#青檸梳打#自家梅酒

旺角的令和鍋物酒場，在門口已感受到日本的氣息。餐廳主打食物有刺身、石燒、鍋物、爐端燒、一品、炸物…等等，都很多選擇！飲品清酒過百款，當中全場枝裝清酒還做特價，半價哦！！澳洲M6 和牛100克 $108 要了個一人前石板燒，澳洲M6和牛及日本A4和牛，鐵板燒是由侍應將一個小巧的鐵板燒放到枱上，再於枱上即場製作，我們要了七成熟。澳洲M6 和牛七成熟剛剛好， 和牛 肉嫩多汁， 再隨自己的喜好再放些 岩鹽及七味粉，食落感覺牛味香濃，高質美味。石板燒 日本A4和牛100克$158 日本A4和牛在鐵板上煎得滋滋響聲，真乃令人心動垂涎，A4和牛有入口溶化的感覺，食落感覺滿口油香！！以上另加$25元可追加一份蟹膏飯、野菜沙律及麵豉湯，抵食。鹽燒蜜柑鯛頭 $88本來要了鹽燒三文魚頭，但已經沽清，所以改了要鯛魚頭， 鯛魚頭燒得很香口，點上跟配味。燒廣島生蠔$48$48可食到燒廣島生蠔，都算平民，廣島蠔雖然不是很大隻，但可以食到廣島蠔的特色味道！自家梅酒$38餐廳話明是酒場，當然想試下這裏的酒，要了自家梅酒及可樂，梅酒入口隻覺酒香中帶著甜及梅子的酸，酒味入口甘醇香甜，酸酸甜甜的味道，真正的梅酒味道！ 日本焦

有個鍾意食芫荽嘅朋友，只有一個方法就係帶佢黎食芫荽煲！🤣 佢話:食左呢半年嘅份量🤣雖然我都鐘意食芫荽但第一次咁變態食咁多，仲以為會中伏唔好食，點知食落去一d都唔抗拒。只能說地俾嘅芫荽真足料，我地仲另外追➕左一份芫荽，真的好多好多。呢個鍋本身就配左一份蔬菜同雞肉份量都好足！食材新鮮，雞肉嫩滑，另外我地仲追加左黑毛和牛，入口即化入口有陣牛奶味。食芫荽鍋必不可少嘅就係特飲芫荽梳打易入口，並冇想像中咁難飲。唔錯👍🏻今和玉子燒唔似係自家整嘅，味道都算ok天婦羅(中規中矩）總的來說，性價比高，人均200左右。

太耐無去旅行，好掛住日本的味道，一於去日本居酒屋，解解思念之情。今日同家人黎到令和鍋物酒場食晚餐，到達餐廳已感到滿滿日本風情。電話掃一掃QR Code就有電子餐牌，一見了然，電子自助下單，十分方便。我們點選了美丈夫氣泡柑橘酒 ($239)，五色刺身盤 ($195)，清酒生蠔 ($28/隻)，燒廣島生蠔 ($48)，芝麻雞翼 ($38)，角切雜錦魚生丼 ($118)，炸櫻花蝦 ($58)，鍋-A4日本黑毛和牛 ($298),  (追加)鍋-油揚 ($18)，生雞蛋 ($10)，串燒拼盤 ($138)及一口燒蕃薯仔($15)。黎到居酒屋當然要叫返支酒先盡興啦! 宜家令和鍋物酒場食全場酒類半價，咁抵當然要試一試啦! 職員推薦左美丈夫氣泡柑橘酒俾我地，原價$478，半價後$238。平時都偏愛柑橘味產品，這支氣泡酒正合我們心意，原材料是高知產柑橘，酒精濃度是微微的6%，適合我這易醉人士。入口果香味濃，配上冰球，飲落夠凍先夠爽，真心無介紹錯！雪櫃酒類繁多，可以慢慢挑選自己喜愛的酒。食物方面，職員先送上五色刺身盤 ($195)，有三文魚，吞拿魚，油甘魚，石蝦同帆立貝，刺身厚切口感十足，且食材新鮮鮮甜

之前做過下資料搜集，覺得呢間日本餐廳無論食物同環境都幾高質素，所以一早bookmark左。今日友人生日，當然要帶佢黎呢到食返餐好嘅盡興一下😎餐廳內裡環境都裝修得幾唔錯，幅璧畫幾靚，另外仲有幅牆貼滿酒嘅LABEL，幾有FEEL😍入座時職員會打下個鼓通知其他店員有客人，幾得意幾有氣氛😄見佢新MENU有莞茜食品推出，不過我唔食莞茜，唯有友人將就一下😜呢到除左可以睇實體MENU，仲可以用手機掃QR CODE後自助落單，介面簡單易用，而且D食物都圖文並茂，價錢顯示清晰👍🏻今次落ORDER我地叫左 美丈夫氣泡柑橘酒500ML($239)、炸櫻花蝦($58)、串燒拼盤($138)、燒廣島生蠔($48)、清酒生蠔(一本)($28)*2、芝麻雞翼(三本)($38)、一口燒蕃薯仔($15)、五色刺身盤($195)、角切雜錦魚生丼($118)、日本A4黑毛和牛野菜豆腐盤(200G)($298)、 油揚($18)、生雞蛋(蘭王蛋)($10)而家全場清酒做緊半價優惠，抵😉咁就一定要叫返枝酒CHILL下先得🥰呢到有好多唔同酒類選擇，花多眼亂，中意飲酒嘅朋友仔見到咁多款可以揀一定勁開心🥰美丈夫氣泡柑橘酒500ML：

期望愈大失望愈大😔餐牌嚟睇就好似好多野食，但叫就無咩揀得落手，最後揀左個特色芫茜鍋，蔬菜盤同雞件比較普通，雞件用左好多酒辟雪味🙄自製清酒淡而無味，支裝酒半價都唔抵飲，搞到一班酒鬼轉場再飲。蝦天婦羅同日式炸雞正正常常。蟹肉可樂餅不無所謂，慘過食屎；刺身帶子質感勁假，伏中之伏。只有味琳雞泡魚和廣島焗蠔比較出色。店內特色擊鼓迎賓，會失驚無神嚇你一驚。侍應只有賣酒時比較積極，其他時間行行企企。總結各有各口味，但我就無下次。

因為令和鍋物酒場樓上樓下既餐廳我都幾中意去食, 每次食親就一定會見到令和, 見佢餐廳環境氣氛好好, 已經PLAN好搵日要黎試下!入店既時候店員會擊鼓歡迎, 好攪笑~~ 入面環境真係好濃厚日式居酒屋風, 由其中意佢掛起唔同造 形既燈籠, 又靚又得意。M7澳洲和牛野菜豆腐鍋澳洲和牛大塊有油花, 酒脂適中, 入口軟腍。野菜豆腐鍋好足料, 滿滿一盤乜都有D, 菇類, 紫洋蔥, 豆腐, 娃娃菜同埋粉絲等等。而壽喜燒湯底味道岩岩好唔會過淡咸, 個人認為食鍋物一定要配番個烏冬先係最完滿~~ 另外仲加左油揚豆腐, 除左本身既豆香再加上索哂甜甜咸咸既湯, 正~~三文魚DON三文魚切碎上, 加上味素好好送飯, 一啖接一啖好快KO左!最後飲埋杯透心涼既青檸SODA同烏龍茶, 大滿足!

令和鍋物酒場 (旺角).全場sake半價，一支720ml 九頭龍純米先$229，比起好多出面嘅餐廳都算實惠嘅價錢，入口偏辛口，但飲多兩啖又可以.霜降和牛洋蔥沙律-黑醋沙律再配上切片嘅雪生牛肉，解凍時間剛好，可以一試.燒鳥拼盤-每串串燒只有一串，分別有京蔥，雞皮，雞軟骨，雞翼以及雞軟骨棒，好吃，配酒必備.M6澳洲和牛壽喜燒鍋-鍋物都算抵食，有蔬菜🥬盤以及牛肉一份，金菇冬菇京蔥紅蘿蔔菜等.清酒生蠔-生蠔新鮮，價錢實惠，就算喜好清酒嘅人都可以當佢普通生蠔食. 荔枝/柚子乳酸梳打- 如果大家唔鍾意飲酒，還覺得呢兩杯飲品非常之推薦！ 我哋大家都一致好評覺得乳酸梳打好好飲！ .令和鍋物酒場 (旺角)旺角彌敦道613號飛達商業中心1樓.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn #令和鍋物酒場#旺角美食

令和鍋物酒場 (旺角).呢到間直係可以輕輕幻想下自己置身日本，最吸引嘅係sake半價！我地叫左支720ml 九頭龍純米，入口清澈，頭一啖可能偏辛口，但係再嗒真啲會發現易入口左.🔹霜降和牛洋蔥沙律🧅🔹.之前食過類似嘅和牛係好有雪藏味同偏生，但呢個唔會，沙律係黑醋沙律🥗勁開胃(˶‾᷄ ⁻̫ ‾᷅˵).🔹味淋雞泡魚乾🔹.價錢偏貴，$88份量少但又真係夠濃味燒得啱啱好，有少少煙韌！.🔹M6澳洲和牛壽喜燒鍋🔹.湯底唔算好濃郁，因為唔知點解豆腐唔入味，但其他金菇蔬菜等又可以，牛肉都可以，未算入口即化但都算有牛肉味(˶‾᷄ ⁻̫ ‾᷅˵)配壽喜燒湯底真係好夾.🔹清酒生蠔🦪🔹.非常非常推薦大家吃，生蠔好新鮮，店員表示將蠔放入清酒浸30秒到一分鐘即可進食，大家視乎想要嘅清酒味濃郁程度調節！我地一人encore左每人吃了兩隻(⁎⁍̴̛ᴗ⁍̴̛⁎)—————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️. 📌 令和鍋物酒場 (旺角)旺角彌敦道613號飛達商業中心1樓.—————————————————————-#hkig#hkigfood#hkfoodie#foodie#food#f