二家姐正宗原味麻辣火鍋

营业中

休息中

麻辣火鍋有好多，夠麻夠辣又正宗的，真係要搵搵啦。有好既湯底， 更重要既係食材夠新鮮。最近，食到間不錯的火鍋，有麻辣湯底，仲可揀藥膳湯底，有特別既食材，麻辣加新鮮既食材，真係絕配，值得推介同老婆點左個麻辣加藥膳湯底，這餐廳並不是用一般常見的太極鍋，而是高低鍋，好處係最到尾都唔會兩個湯底滾成一個湯底，值得一讚。湯未滾開，點左兩個小食，琥珀合桃同蜜椒雞翼，雞翼夠脆，多面有一層蜜糖包住，做法有啲似拔絲，創新好味主菜出場，不多說，直接睇相。選擇多，夠新鮮，夠麻夠辣火鍋真係無得輸

吃了幾天日本菜，想瘋狂一下，刺激味蕾，去文英街吃火鍋。整條街都是食肆，又是串燒，又是火鍋，一落車已感受到豪遇奔放的激情。這一夜，決心要盡情放肆。醬料每人＄15，這收費倒是第一次見。重慶麻辣鴛鴦鍋先點湯底，衝著麻辣火鍋而來，可選BB／小／中／大辣，店員建議先點小辣，可以先試試再加辣。點個鴛鴦鍋，配不同的餸，可以多個選擇。原來鴛鴦鍋的中間，是人蔘湯，還真有兩片人蔘載浮載沉，清湯的人蔘幾清香。餐牌有麻辣小食，各款牛肉，除了必備的手切牛肉，還有牛鞭，牛肺，牛骨髓等。海鮮有近20款，常見的原條桂花魚，花膠桶，帶子，魷魚，至少見的魚卜，烏頭扣，一應俱全。花雕豬腦，鵝血，羊肉卷，夠特別。最後交由男友點菜，都是大路菜。黑豚肉（西班牙）肥瘦平均的薄切黑豚肉，濃而清的肉香，夾雜淡淡的油香，煮太久也不嚡不韌，冰豆腐吸滿湯汁的冰豆腐，一片片，帶少少嚡的口感，配哪個湯底都好吃。必食蝦餃皇其實味道不錯，蝦肉爽口，只可惜試了三粒都未能準確地控制時間，全都太熟，把蝦餃皮碌得太腍，第一次還爆開了。皮太腍，沒有了煙韌的口感，只怪自己廚藝太差。臺灣香菇貢丸浸過麻辣湯底的貢丸，又爽又辣，咬下去滲出充滿油香的汁，十分惹味。自制

我有大家姐也有二家姐，這間餐廳叫二家姐真係好搞笑，矛頭直指我的二家姐，我們就去了吃火鍋了！湯底一向不是我最重視的節奏，反而食材是否新鮮會很影響我對火鍋我感覺。不少得吃海鮮，是次選擇了聖子皇，份量大大件，煮熟之後非常爽口彈牙，裡面也沒有沙，吃起來非常乾淨。新鮮白柏葉也是另一很爽口的食物，雖然是白色的但是口感也很爽，爽得來帶點脆口，不會咬不下。白柏葉不但顏色好看，原來還夠新鮮！有時覺得手切肥牛/美國安格斯肥牛有點貴，會選擇滑牛。這個招牌秘製鮮牛咸香十足，而且沒有很多鬆肉粉的情況下也能夠好滑好香，真是百吃不厭。韭菜餃大大隻，外皮都算得上是薄，差點就要爆了餡出來。裡面韭菜有好多，也有一些豬肉之類的，不要當作是素食。味道好香濃，有少少爽但又有點油膩，中和後也不錯。炸脆響鈴是剛剛好弄好的，非常脆口，另外油香十足，每件的大細都是差不多的，有好多層，幾好味。金香肥鵝腸算是乾淨，起碼吃起來完全沒有奇怪的味道，最重要是很有彈性，咬下去很爽但又不會太煙韌。是次晚餐吃了好多好爽口的食物，味道也不錯，值得一試。

其實好多香港人都中意麻辣火鍋 ，就其近呢幾年開得特別多呢類型既餐廳。今次就等我做白老鼠，睇下呢間野有幾突出先。首先大家要帶定「現金」 ，沒現金可以附近7-11 取錢 。「最好訂位 」上次walk-in 等左我45 分都係沒位架，有定心理準備。我坐既位置係一入門口既左身邊 ，因為門不斷拉開，怕熱人最好坐入面 。地方算空曠沒乜壓迫感 ，張椅係長方型 似乎要做到古色古香既感覺。食物方面：丸類：濃芝士蝦丸- 食過無數呢種丸 次次都中招 因為出面大部分用親都係拉芝士 但我仍然被芝士2個字吸引我去食 ，一咬落去 有d 料喎 如果沒食錯 應該加左巴馬臣芝士 🙈中意食芝士 值得一試 。的確對得住個名魚旦：超彈 豬肉腸：新鮮 唔肥 細細條 值得一讚 海鮮方面：你問我新唔新鮮 我話呢刻新鮮 你去食唔新鮮 咁都沒辦法😂肉方面：手切「牛肉 」$248 確實手切，沒乜特別 。 牛脊肉 冰鮮算係好食 ⋯⋯ 咁人地都唔係食牛既地方 咪要求咁高 湯底先係主題湯底：叫左個麻辣鴛鴦火鍋 中間係放藥膳 ，建議叫左小辣先，唔夠先再加辣都可以 不過不失既麻辣 算出色 藥膳就比較淡 不過可以清清d 辣 個胃沒咁辛苦。價錢方面：

放假與老公輕鬆遊,夜晚預約了一間麻辣火鍋獎勵一下平時努力工作的他這間火鍋是新開的,但評語也不錯,一於試下,店内佈置裝潢令人有舒服既感覺,環境乾淨火鍋選擇了鴛鴦湯底-上面的是藥膳湯底,下面的是麻辣湯底,店員介紹咁樣既設計,麻辣的味道唔會滲左係藥膳度,真細心點了兩款餐前小食,蜜椒雞翼及琥珀合桃,推介雞翼外面包著一層類似拔絲的外皮,味道甜甜的,加上又脆又香口,十分好味。海鮮選擇左店員介紹既聖子皇同蝦,果然十分新鮮,既彈牙又爽甜安格斯牛頸脊(中)肥瘦平均,輕輕涮幾秒已經食得,配上麻辣湯底,好好味喔爽脆的豬黄喉 總括海鮮食物也新鮮,連餐前小食也不馬虎。值得一讚這店的服務態度十分好

朋友生日食飯，又中意食辣野，一於揀麻辣火鍋食啦，一班人叫食物又方便，又快食得！食物種類都好多，而且價錢都唔貴，一於要放縱一下！美食大多不能盡錄，但有幾樣真心值得一提。麻辣鍋非常香，聞到時已經有刺激到口水開始流緊，而且未食已經一睇就知辣度十足。牛肉脂肪比例都算平均，切得夠薄，淥一淥就食得。麻辣黄金皮蛋，辣得來真係有少少麻痺感覺，而且蛋黃有少少流心，正呀！平時好少會叫豬皮，原來配麻辣湯可以咁入味，完全吸收湯底味，愈食愈辣，多惹味！響鈴係我至愛，放炸到脆身響鈴入鍋吸一吸麻辣湯即時放入口，半脆半軟口感只得食火鍋響鈴先感受到！總括來講食物都幾新鮮，有機會會再來！

是日活動係約埋d同道中人一齊去組團食辣，今次就黎到二家姐依到試下佢有幾辣！店舖裝修好中式，d燈好有創意，係好似中式既燈籠既形狀，牆身仲有d古代既畫作添！辣椒粒同其他醬料放曬係自己枱上面，夠曬齊全同方便，唔洗周圍騰，而且仲可以溝到想要調味料 睇個湯底就知唔好當二家姐係流加！睇到湯底都滴曬汗，肯定會辣得好過癮！試落口真係冇估錯！麻辣湯味道夠曬濃，而且係正宗辣到個喉嚨好痕個隻，好正😍😍😍美國雪花肥牛睇落唔錯，雪花分佈均勻，肉顏色都好靚，食落好嫩，牛味濃，有入口既溶既口感雞好滑好嫩，又唔太肥，將個雞放入個麻辣湯到煮耐少少，吸曬麻辣湯既精華，好惹味好似食緊麻辣雞煲甘。黃金皮蛋晶瑩剔透，一睇就知係靚皮蛋😍係糖心皮蛋黎架！！個辣度都好夠，配埋d芫茜真係不得了！但個辣汁如果可以再多d 就好啦！午餐肉切到好厚，啖啖肉而且肉味好濃，睇黎係靚牌子既午餐肉。貢丸好彈牙，有好香既香菇味。蟶子王真係冇改錯名，好大隻！食落都好鮮甜，個種鮮甜味久久係口腔內不錯。而已夠爽口彈牙，最重要既係食落一d沙都冇，夠曬乾淨芝蝦丸推介！首先唔係度度有得食，而且蝦丸彈牙不在話，入面d芝士一咬就流曬出黎，好正！😍😍蝦丸同芝士既味好夾

We were really looking forward to the spicy soup base, as it says "authentic" Sichuan soup base. However, there was nothing authentic about it. Soup base was watery and not rich at all, only spiciness but not flavorful at all. Anyone who has tried and loved spicy hot pot in Sichuan will be disappointed in this soup base. $900 something for two, food was fresh but nothing out of the ordinary. Beef was tough and hard to chew. Very disappointed to say we won't be coming back again.

睇到openrice食評形容有幾好食 一心試下一行五人 有食得辣有唔食得 所以叫左鴛鴦鍋 芫茜皮蛋同麻辣鍋！鍋底上枱感覺好似唔錯 之後落調味料就知伏左半 所有醬料好求奇 蔥蒜指天椒都岀水 大細形狀差得遠 豉油無味道！好啦 諗住呢d無味唔緊要 個湯底會愈滾愈辣(事前問左佢地員工 佢地話係) 點知結果係唔食得辣嘅朋友都覺得無味 ！完全感覺唔到係食緊麻辣火鍋 ！原全中伏嘅感覺岀哂黎 最慘係食物種類唔多 但又好多都賣哂 唔明點解 結果叫左嘅野唔多(十二樣普通野左右)埋單一千四百幾 海鮮都無嗌過都可以收到過千👍🏻 依間野虛有其表 真心難食 5人行 無一個係話得嘅 ！整體黎講 係乜味都無 如果想食無味麻辣火鍋 一定要去

朋友知道我喜歡吃辣，推介了在佐敦的二家姐正宗原味麻辣火鍋給的，店內裝修甚有風格，環境非常舒適。 前菜先點了正宗川北涼粉（$38） 涼粉嫩滑惹味，涼粉醬汁調教到恰度好處，又香又惹味！ 湯底選了重慶麻辣駌鴦鍋（$98） 麻辣湯底選了大辣，味道不會很辣！麻辣香料、辣椒放入鍋內，紅卜卜的，很香！ 中間的不是清湯，而是藥膳湯底，那濃濃的藥膳味道香味突出，味道足夠！ 配料方面，都選了較特別的！特選黑柏葉（$58） 黑柏葉不是很多地方可以吃到的，黑柏葉煙韌爽脆。 必食蝦餃皇（$48） 想不到蝦餃也可以打邊爐，蝦餃皇吃上來超像平日吃的點心，蝦餃皮軟滑，內餡鮮蝦和筍加起來很香，配埋麻辣汁味道一流呀！ 魚卜（$48） 新鮮大粒，食落膠質夠高，美味可口！必食豬黃喉（$68） 豬黃喉是白色的，質感爽脆，很滋味呢！ 必食花雕豬腦（$58） 豬腦平日較少吃到，朋友非常喜歡，質感有點像豆腐，配上麻辣汁還不錯的！ 紅薯粉（$28） 唐生菜（$28） 蔬菜放在藥膳湯底中最好味！ 吃麻辣不少得點支可樂（$10/枝）呢！

我和朋友都很喜歡吃辣，之前在佐敦吃過一家麻辣火鍋味道很正宗，今天便到朋友到這裡試試。重慶麻辣駌鴦鍋（$98）麻辣湯雖然底選了大辣，但味道味道不會很辣，可能是我們吃辣程度太高了！多種麻辣香料、鮮紅色的辣椒放在鍋內，香味撲鼻！如果你以為中間的是普通清湯，那就錯了，是藥膳湯底，藥膳味道濃郁可口，湯頭非常鮮甜。特選黑柏葉（$58）比起平日吃到白色的更加爽口。豬黃喉（$68）是豬的喉嚨，白色切成一片片的，質感爽脆，伴上豉油一流呀！花雕豬腦（$58）平日很少吃到的豬腦，加上花雕浸醃後嫩滑可口。還有必食蝦餃皇（$48），感覺超像吃點心呢！魚卜（$48）新鮮大粒，雪白通透，很想再來一碟！唐生菜（$28）放在藥膳湯底中最好味！

一班人最岩就食火鍋，二家姐火鍋第一次去，環境都幾肆正。牆壁d畫好有藝術氣息，唔講真是不知道去左食火鍋。配料好豐富，有７樣，當然也有醬料費是常識吧。大大個menu一開始就要先選火鍋湯底，揀左雞湯湯底，d雞肉係我地面前放，數量一目了然，當然不少得吸味的粟米和補身紅棗，生雞肉看起來已經好滑，放一陣就熟，湯底味道滿清的，雞件夠滑有鮮味！芋絲最主要吸左雞湯的香味，又不會過於濃郁，淡淡的又爽口好好吃。娃娃菜非常方便，好大堆頭，揀貨都幾乾淨，無黑色位，爽口又易熟，有甜味。芝士腸，好低Ｂ但幾好味，裡面有少少爆芝士，外脆內熱，好香。食丸好彈牙，朋友叫的呢個丸大大粒，仲有少少醬爆，咸香十足，味道不錯。普通美國肥牛比較便宜，所以脂肪分佈無貴野咁靚，食起來沒有雪藏味，已經OK。雖然依個火鍋唔太熱氣，不過都要飲返杯涼茶下火～

正宗四川火鍋, 絕對令人著迷, 麻香撲鼻而來, 不會死咸死辣, 吃完不口乾的真材實料麻辣鍋, 聲稱不落味精, 實在要推介!!! 香港幸好現在都有數間四川火鍋, 此間新裝中國風餐廳, 絕對再加點分數! 小食: 黃金皮蛋, 不是每間店也有黃金皮蛋, 比普通皮蛋味道較清, 少黏口, 沒有很重石膏鹼水味。 黃金皮蛋, 比傳統皮旦的更易入口,配上蒜香辣豉油醬汁,開胃小吃。必點雙拼鍋! 中間少少藥材清湯, 絕對也不容錯過!!! 清香的藥材鍋, 有杞子, 北芪, 配清菜是最好配搭! 不肯停下喝湯, 它強調沒有下味精, 就算麻辣湯底也一樣,所以亦沒有其他地方吃完麻辣鍋口乾! 麻辣夠香, 嗜辣如我就覺不夠辣。2人叫了什菜籃, 金菇, 薯仔片, 金菇薯仔放在麻辣鍋最吸收麻辣精華。雞件叫了半隻, 也新鮮。另十分推介薯粉, 與其他餐廳提供的薯粉不同, 很寛, 很煙靭, 由由於接觸辣湯面較廣, 充滿麻辣香。店內提供的是雪花牌啤酒, 之前從其他餐廳中得知是四川啤酒, 味道易入口, 徹整頓川菜。整體而言, 這間餐廳會再encore, 環境算坐得舒服, 有特色。 而且, 要找不下味精的麻辣鍋, 一想便聯想到這裏了。

上星期日，夜晚放工後，尼左呢間麻辣火鍋店朝聖，一向好鍾意食麻辣火鍋但香港唔係好多間做得好食。地點唔太近佐敦地鐵站，不過行下行下都好快搵到。服務人員既態度係非常好，我地2個人，係我地要求之下都轉左張4人大檯比我地坐。樣樣野都好食，最正係肥牛，凍豆腐，凍豆腐索晒麻辣湯底既惹味，好食到震！可惜鵝血賣晒，好彩有豬血。炸魚皮好脆，唔會好硬。D 碗碟好乾淨，只係張椅坐得唔舒服，食物樣樣都好滿意。冷氣又夠大，又有電視睇。

今晚經過佐敦見最近天氣涼了一點，心想不如打火鍋，聽一些朋友話二家姐火鍋不錯，就行去試試。由於吃不到辣，本身想吃小辣，由於未食過，穩陣起見，湯底便選了藥膳清湯，入口十分清甜，又夠養生，絕不比麻辣湯底遜色。餐前小食點了招牌麻辣黃金皮蛋，皮蛋晶瑩剔透好像啫喱般，蛋黃好金黃色，還有點溏心，吃上去很有麻辣油香，辣度剛剛好，不太辣，真係好惹味，吃過不停吧！飲品方面點了汽水和啤酒，入口十分冰涼解渴。打火鍋當然不少得牛肉，點了本地一級手切牛肉，切得厚薄適中，牛肉很鮮美、香濃。鮮雞半隻分量比我想像大，幾抵食，雞肉鮮嫩，好有雞味，唔會有雪藏味。希靈魚墨魚丸，這個配搭幾特別。希靈魚入口很爽口好味，墨魚丸亦很彈滑。食咁多野當然要點份唐生菜，清清腸胃，菜看來都很新鮮，洗得乾淨 ，食得夠清甜。