二家姐正宗原味麻辣火鍋

营业中

休息中

呢度係一間有特色嘅打邊爐小店，鴛鴦湯底嘅鍋好特別，有啲似係台灣食過麻煩火鍋嘅感覺！油炸鬼蝦滑香口之選，打邊爐特別美食。出街打邊爐最鍾意食每一間店舖自製嘅美食，呢啲功夫自己係屋企食唔到冰豆腐又係另一個吸味道之選！豆腐呢種食物本身營養價值高，最啱打邊爐食咁多油淋淋嘅嘢，食飯健康啲中和一下。夜媽媽如果想打邊爐去佐敦呢個地方真係啱晒，呢度有酒飲，啱晒同朋友傾計。

佐敦柯士甸站附近除咗知名商場圓方之外，行遠少少有條食街，雖然時間夜一夜！但係呢條街都有唔少好嘢食。今晚一於試吓打邊爐啦。午餐肉近年打邊爐必叫！貪佢夠吸味珊瑚蚌唔知都唔多人知道，呢一種美食其實係海參嘅腸。但係食落煙煙銀銀，爽口又脆卜卜鮮淮山打邊爐除咗食一般餸菜類之外，今年又興起食淮山，夠晒正氣又健康！肥牛打邊爐喎，點少得肥牛！呢度嘅夠新鮮，肉味濃！琥珀合桃好驚喜，合桃整得食真係好真係難搵到，明顯呢度嘅合同係自家製，唔會太甜，但係送酒一流。

香港人好鍾意食麻辣火鍋，一路食一路流鼻涕，愈食愈刺激，很過隱！身為本土滋味派，我跟友人很喜歡找尋香港最棒滋味火鍋，要數到最難忘的，莫過於「二家姐正宗原味麻辣火鍋」了！一進火鍋店，接侍員親切介紹是日精選火鍋菜式，包括爽脆非常的脆鯇腩，新鮮聖子，野味田雞，三寶手打丸，脆炸響鈴、新鮮牛肉、珍寶帶子、羊肉卷及豬黃喉！下單後等了不久，前菜冷盤麻辣豬耳便上台了，上菜速度很快！這冷盤值得一讚，豬耳爽口，麻辣汁麻而不膩。至於火鍋湯底，我們5個友人選了鴛鴦銅，中間是清湯，四周為麻辣湯，中間清湯水位較周邊高，避免麻辣湯沾染清湯，設計體貼！至於食材方面，最為深刻是厚切豬黃喉，黃喉較其他餐廳厚身，極有咬口！新鮮牛肉不用說了，簡直要Encore多一碟。另外，我要強調脆鯇腩是鎮店之寶，沒有講笑，腩骨是「真，脆」，很好吃！這火鍋店價錢中等，位置偏遠，但總有些另你難忘的食材，我會選擇再來這店丫！

呢排見天氣涼番小小就想去打邊爐，雖然總係好熱，但心血來潮好想食麻辣野，於是搵搵下就見到呢間二家姐火鍋又有麻辣湯底就試下啦！一入到去冷氣好充足，咁就唔怕食麻辣野食到成身汗，裝修有花心思，牆身好有中國特色！叫左個中辣麻辣湯底，好重麻味，辣味都幾香，都幾油，但係食麻辣湯無油就唔正宗啦，最多都係食肥小小！叫左個珊蝴蚌，尚算新鮮爽囗，溝埋個麻辣湯底食香之餘食落又有口感！呢個爽脆肉鯇魚最值得推介，夠新鮮，爽口咬落口有魚味，唔腥！最重要呢碟價錢合理抵食！總有呢個招牌麻辣黃金皮蛋，皮蛋幾香，辣辣地不過就唔會好太油，當小食送下汽水都唔錯！叫左個韮菜較，呢個味道普通，但係都幾大粒，幾飽肚！最後打邊爐又點小得肥牛呢，切得幾薄身，食落唔靭，雖然係麻辣湯底,但都總食到有牛味，唔會被湯底蓋過！

大學同學聚會，旺角、佐敦從來是不二之選，地點就腳嘛！今次一行六人，有朋友好想食辣，就搵到呢間專食麻辣火鍋既！雖然是閒日，但都是預先卜定枱穩陣d!店鋪裝潢走中國風，樓底高之餘座位也不會太擠，感覺挺舒服的！除了一般餐牌，牆上的寫了每日有的其他配料或海鮮，選擇頗多的呢！因為在座不是每位都吃得辣， 所以就叫了一個招牌重慶麻辣鴛鴦鍋（中麻辣配藥膳）醬料有鼓油、醋、辣椒、蒜蓉、芫荽、香蔥，每位$15。呢個鍋真係唔睇得少！好多辣椒、麻籽，辣得過癮呀！湯底雖然辣，但不會過鹹，辣完之後都不會太口渴的。不過由於唔係個個食得辣，我地一致決定先把配料在藥膳湯底煮熟，想吃麻辣的話就再自行把食物放在辣那邊！最後，藥膳湯底，因為充滿了各食材的精華，超甜超好喝呢！至於材料，特別推介爽滑脆腩！鯇魚新鮮，而且真的非常爽脆！我地忍不住encore 了兩碟呢！吃芫荽的話，配上鯇魚腩味道不錯呢！本地一級手切牛肉，好有牛肉味，但不要滾太久，否則一過熟就un了。三寶手打丸因為想試試不同的款式，就叫了拼盤。有鯪魚丸、蝦丸、墨魚丸，肉丸打至起膠，非常彈牙，個人特別鍾愛墨魚丸之後還叫了其他肉及菜類，但忙著吃就沒有再拍照了。（太辣了）總結

其實我又怕辣 又鐘意食辣野...因為真係好爽皮  (人真係犯賤 哈哈)今日放左工同朋友聚一聚...大家一致讚成食麻辣火鍋上網睇一睇...原來係佐敦新開左呢間"二家姐正宗原味火鍋"因為怕要等位 所以預先book枱會比較好!一入到去見到裝修好有特色 有心思..因為兩邊牆身有中國畫 好有Feel 環境好舒服, 我哋一行八個人...坐長枱一啲都唔迫先黎食個黃金皮蛋先..開一開胃佢個蛋黃好似糖心蛋咁Yummy!我哋叫左一個藥膳清湯...一個麻辣湯底我當然痴住麻辣果邊啦  真係好香麻辣味極力推介1. 聖子皇!!!真係好新鮮好大隻...卓一卓就食得好爽口彈牙 極力推介2. 爽口脆鯇腩!!!開頭食覺得好硬...原來我6得耐左之後就識喇...千萬唔好6咁耐鯇腩冇骨 好香魚味...真係口感超脆口!! 極力推介3. 笑芝士蝦丸!!!如果鐘意食CHEESE的話一定要試下呢個同普通芝士丸唔同架...蝦丸彈牙見到D芝士咇出黎 見到都好興奮....哈哈哈仲有肥牛 珊瑚蚌好多好多野食都好新鮮出門口時個嘴仔辣到腫左 哈哈多D人食到多D唔同野...食飽飽Share返都係每人二百幾蚊 值得一食!

佐敦文英街一直有好多好野食，夜晚食肆夠集中，計熱鬧唔會輸比旺角。繼上次夜晚出到旺角無啖好食，今次係旺角附近再次深夜覓食。我同朋友就簡左坐的士比司機決定，佢就車左我地黎文英街。果然係好多野食，有串燒，火鍋，curry，咩都有。一於下次要試哂呢度所有餐廳，咁我今次就試下麻辣火鍋先。入到黎都好有中國風情，好乾淨既感覺。叫左個麻辣湯底，試下佢有幾正宗先？我地簡左小辣，不過都係朋友都係覺得好辣，我就接受到呢種辣，已佢既麻就有d似我以前去重慶食既麻辣湯底，重重既油香，果然係幾正宗既麻辣湯底！不過我朋友就唔係咁鍾意呢種味既麻辣，覺得好有少少so味唔太慣呢d香料，所以口味既野都係見人見志！好彩，我地係叫左鴛鴦湯底，有個唔辣既藥膳湯比一個朋友仔玩。食材方面，海鮮選擇都算多，難能可貴既係，咁夜都仲有咁新鮮既海產，貴少少都要一試。呢份蟶子好大份厚肉，好鮮，我無點任何醬油就食左！肉類方面就最欣賞牛脊頸同豬潤。牛脊頸切得厚肉，食落唔會un，又有少少雪花，唔會好肥。豬潤夠新鮮，夠粉，放係個麻辣湯到滾，索一索d辣油咁食係新食法！若然要簡蔬菜，金菇係麻辣湯愛好者必點。原因係佢可以索味，我放左所有金菇落麻辣湯到滾，滾到

二家姐火鍋係我幾日前食既一間火鍋邊爐店，環境好，四周有好多掛畫，餐廳裝飾得好食野都特別開心。今次去就叫左個焉鴦湯底，唔辣果一個係藥膳湯底，有少少藥材，但唔會話太苦或者甘，都算清清地，好適合小朋友或者老人家。另一個係小辣麻辣湯底，雖然只係小辣，但已經辣得好緊要，如果食得辣既朋友應該會好中意，因為佢唔係得辣，而係有麻痺既感覺，湯底全部都係辣椒，好足料，但食唔到辣既就建議食藥膳湯底啦。今次試左佢既海鮮，聖子好好好大隻，而且唔痴殼，好新鮮，食落口口感足，海水味唔濃，價錢黎講都大眾化，一人一隻都食得幾滿意。但我比較中意食佢既一桶蠔，桶蠔其實都係一蝶上，一蝶8隻，每隻都有三分二隻手掌咁大，味道偏濃同咸，淡既湯底都唔會太搶味，但如果係辣湯底就可能會搶啦。如果係平價配菜既話，我推介三色丸同雜茶桶，三色丸雖然唔知係未手打，但唔算好粉，同埋都新鮮既，平價配茶黎講算係穩打穩陣。雜菜桶有娃娃菜，生菜，菜心之類，一家人唔想叫咁多款菜既話可以考慮下，打邊爐無菜真係太肥膩啦。

同班朋友黎哩度試下食麻辣火鍋😊 本身個人唔算好食得辣但佢地好有興趣 咁就不妨一試 我地3個人黎到 嗌咗個鴛鴦火鍋湯底 🍜🍜費事過辣我地食唔到😅 同埋覺得一半半比較好 聽侍應講唔辣個邊既湯底係藥膳 有藥材既用料 飲落唔苦之餘仲好易入口 麻辣個邊就辣得好有後勁 屬於四川式既辣味 除咗火辣辣之外 仲麻得好刺激 我地一致都覺得正😀😍餐具一早就放哂係枱面 仲會有六款唔同既調味料可以加😊 有辣油蒜泥個幾款式 都係好齊全一開始就緊係由小菜食起 我地就嗌咗份麻辣豬耳🐖🐷🐽 雖然唔算太大份 但辣得好入味 又好麻 食到我地都要飲多幾啖野飲 不過認真夠麻 食完個口仲會有一陣濃濃既麻辣感😆😆由於夠哂辣既關係 嗌可樂飲就係必備既 有得飲玻璃樽可樂真係好幸福 夠氣又夠可樂味🍸蟶子💕係我地3個人好想嗌既海鮮 聽侍應講個晚既蟶子好新鮮😃 所以我地就嗌咗5隻 隻隻都夠哂大隻又本身就離哂殼 一放落去就離咗殼 過一陣就已經熟咗可以撈起 食落又有鮮味又好爽甜 同埋算係好乾淨 值得一嗌👍👍👍三款唔同既丸都各有特色 我地覺得幾新鮮 都幾彈牙爽口味 同埋都幾真材實料 又可以一次過食到唔同口味既丸 又岩哂我地3個人食😋

身邊的朋友很多都不能吃辣，難得約了一班好辣之友，於是就去嚐麻辣火鍋。在柯士甸和佐敦之間的二家姐，開左美食街中，一入去就很香麻辣味，於是急不可待地點了一個招牌麻辣鍋。餐前小食點了麻辣黃金皮蛋，很香的麻味，不會很辣。琥珀合桃是必點的小食，甜甜的蜜糖包裹著鬆脆的合桃，吃不停口。安格斯牛頸脊肥瘦分佈平均，看到瘦肉和脂肪的分佈，灼一會即可食用，牛味濃郁而香軟。不知幾時開始，午餐肉成了火鍋必點的配料，雖然是簡單的午餐肉卻香而不膩。吃火鍋也少不了海鮮，大大隻帶子和聖子王，新鮮而嫩滑，入口彈牙肉鮮。竹笙十分爽脆，把辣湯的精髓完全吸收。

話說小妹同呀媽都極中意食麻辣鍋。今次黎到佐敦食街，揀左間號稱重慶辣鍋的二家姐試下😌小妹二話不說黎個辣鍋先。原來都要差唔多一百蚊一個...侍應好殷勤咁招待我地。醬料多就多款啦，要十五蚊一位既。而小妹叫左支烏龍茶都係十五蚊支。王老吉十二蚊罐。小妹急不及待叫個竹笙啦。因為竹笙會索哂D麻辣味！最爽就係咁！竹笙係新鮮既，既能索到麻辣汁佢紋理清晰，算係比較珍貴的食材！然後黎個手打墨丸。小妹覺得試左好多樣野食最難忘竟然係個墨丸，個料真係真材實料既，脆口。👍🏼小妹因為慳慣，所以無叫好多勁野，烏冬午餐肉呀鵪𪂹蛋呀同埋佢地招牌菜—麻辣皮蛋，皮蛋係值得一試既！因為佢有種香料好正！我諗同佢個鍋底一樣辣椒用牛油炒過👀至於火鍋重點安格斯牛肩肉，唔算太貴。牛味幾濃，香滑，相信配麻辣味係最出色都係大眾化口味！值得試。店員介紹左是日海鮮，小妹揀左聖子黎試。因為聖子好大隻，好比小妹的手指公呀（如圖）大隻爽口既，四十八蚊一隻，所以小妹只可以一嚐滋味啦。講起小食，佢隻核桃都值得一試既。因為甜核桃工序繁複。唔係自己係屋企就整到架！可以一試。最便就係佢啦，三十八蚊。

麻辣湯底，揀咗小辣，真係做到小辣程度，食到半路先至開始流少少鼻水，但都唔會辣到中途放棄。海鮮，絕對係無得彈，又鮮又美。朋友們激讚烏魚扣，鵝腸，尤其豬腦，好食到無朋友（但我唔識貨，唔敢放入口）。牛和豚，欠軟熟嫩滑既口感，來貨選材有待改進。温馨建議：食麻辣鍋，係要用油炸鬼吸咗啲辣擺落口先至夠過癮，而醬料最好再有多啲選擇...例如炸蒜，麻醬等等，最後提議如果有埋特大凍檸茶，鹹檸七，酸梅湯，就更Perfect喇！還要讚讚服務態度唔錯，服務員有熱誠又細心，而且仲有位靚靚小姐負責收銀位添呀！！

約了為食辣妹來了佐敦來吃一間新開的麻辣火鍋。店內裝潢中國味重，牆上壁畫都充滿中國特色。湯底來到前先點了些餐前小吃。琥珀合桃 $38在等食物時店員推介了小食。這款小食從小至大都很喜歡，這家火鍋店竟有得吃，很是驚喜呢！從雪櫃拿出來，吃下去涼涼的。沾過蜜糖的核桃特別脆，灑過些少芝麻後更香。招牌麻辣黃金皮蛋 $38皮蛋夠煙韌，雖然不算很入味。但辣油都算香。來到當然要點麻辣鍋！招牌重興麻辣鍋 $98/份聞湯底便有香料味，看樣子紅噹噹也好像很夠辣呢！店員說這是牛油香，香得來味道偏羶，愛吃羊肉的朋友必定喜歡。安格斯牛頸脊 $188牛肉味夠，肥瘦適中，肉質偏稔。但置底的牛肉卻偏肥了點，肥膏佔多。有瘦有肥才可以乎合每個人的口味呢。冰豆腐 $28這是我最喜愛用作打邊爐的。永遠不會差的冰豆腐，可以吸收精華的湯汁之餘，又可以嚐到豆腐的豆香。店員大力推介海鮮，我們也相信店員的推薦。元貝 $48/一隻大大隻的元具也廷新鮮，要注意不要放在湯底太久呀，否則會太老變韌。聖子皇 $48/一隻聖子也不錯，夠大隻又有鮮味。海鮮的確是不錯呢！夠新鮮，沒有沙之餘亦夠大隻。不過我自己就最愛那小吃琥珀核桃了，畢竟不是很多地方都有售了

諗住去食糖水雄，就決定去附近食晚餐，周圍行吓睇下有咩啱食，見到呢間新開嘅係正宗麻辣火鍋好似好正，於是就決定入去試吓佢哋嘅位置唔算太多，但係環境裝修得非常有特色，有濃郁嘅中國古典風味有好多唔同嘅配料可以自己調教豉油，覺得唔夠辣嘅仲可以加辣油鴛鴦鍋（$98）7/10麻辣鍋（小辣）同藥膳湯底，藥膳湯底有濃郁嘅藥材香味，而且好清甜。麻辣湯好香麻辣味，飲一啖湯個口都麻痹咗一下，好爽麻辣豬耳（$38）6/10中意食辣野既我就叫咗個麻辣豬耳，好香嘅麻辣味加上豬耳本身既軟骨好有咬口，越食越想食，香口小食招牌麻辣黃金皮蛋（$38）6/10皮蛋嘅蛋黃好creamy，從來未食過蛋黃有咁特別嘅質感，皮蛋外層幾爽口，加上麻辣香味，口感非常豐富美加桶蠔（$158）8/10桶蠔非常肥美，啖啖肉，一咬落去裏面嘅蠔汁必晒出嚟！好鮮甜！！珍寶帶子（$68/1）帶子非常新鮮、大粒，咬落去幾爽口同埋好鮮甜，仲好有口感！用藥膳湯底火鍋配料更加能夠保留原有嘅風味，而用麻辣湯底雖然未能夠突出海鮮嘅鮮味，但係就有另一種辣既享受。店員嘅服務態度非常友善，好細心咁留意客人嘅需要

今日係辣辣朋友聚會，之前佐敦成日食四川加串燒，所以今次朋友話有間野未食過梗要去試下先！～去到可能早關係人就吾係好多，冷氣足又有電視睇，坐得都幾舒服下。今次我地3個人吾係多，叫野食都吾敢叫太多，但當然招牌麻辣黃金麻辣鍋就吾該黎個先，黎到因為叫中辣關係，一食已覺得十分足料，而再繼續食落去我地都已經覺得吾夠辣，原來同待應講都可以加辣。同這裡的加的是高湯而吾係水都幾好喎！～醬汁方面都係以豉油，蒜茸和醋為主，因為我地食辣野就只要醋和蒜茸已十分足味道了。朋友想食海鮮見價錢又合理所以叫左聖子皇和元貝，見到都吾細隻而且仲幾新鮮，十分鮮甜～當然要叫我最愛安格斯牛頸肉啦，黎到色澤同脂肪比例都吾錯，食落去好香牛肉香而十分軟熟，而且佢份2層，下層脂肪會多少少，但也因如此牛肉味更加鮮甜和香。菜方面我地叫左萵荀和生菜，價錢沒想到幾抵食同份量多，菜都新鮮而乾淨。有辣鍋點知吾叫炸魚皮喎，這裡炸魚皮份量都吾少喎，脆口同新鮮吾會淋晒合桃，分蹄和辣皮蛋…秘制合桃凍凍又甜和香合桃味好味道，辣皮蛋用比較少出面人地的黑色，這款有點流心又滑都吾錯，但吾夠辣。分蹄較厚身和吾太入味，只屬一般。最尾我地叫左紅薯粉，份量偏少同可能煮得太耐