三川居酒屋 (已結業)

今日同朋友來銅鑼灣食日本野，餐廳位於永光商業中心的地庫，門口好顯眼易搵，門口到餐廳內𥚃都係用木的裝修，簡約的日式風格。食日本野一定會叫的梅酒，冰凍可口，清甜香醇，好甜的梅味。冰頭，好爽脆，夠冰凍，咬落好清甜。鰻魚牛油果加州反卷，每件都好大件，份量多，飯粒軟熟香甜，包住鰻魚同牛油果，惹味中帶點清甜，味道好夾。三上雜錦刺身（上），有6款刺身，三文魚厚身嫩滑，魚味香濃，帶子大粒厚身，好鮮甜，吞拿魚腩肉質嫩滑，唔腥，爽口，池魚係原條即切，咬落好有口感，彈牙清甜。厚燒牛舌，好厚身，多汁鮮甜，燒得剛剛熟，牛肉味濃郁。串燒活白鰻，鰻魚肉質呈白色，新鮮嫩滑，入口即溶，外皮燒得好香脆，咬落口感特別，燒汁都好惹味。汁燒銀雪魚，肉質嫩滑鮮甜，好軟稔，魚香味濃郁，無⻣，入口即溶。燒手羽先，雞皮燒得好香，油脂味散發，雞肉嫩滑多汁，燒得夠入味。

今日去銅鑼灣行街餓餓地，見到sogo旁邊商場地庫有間居酒屋，就近去食個晚飯。兩人位其實都幾舒服，雖然唔係好大，但係乾淨企理。試下個冰頭前菜先，入口超爽，凍凍地，有d酸有d甜，好開胃。食完前菜梗食刺身，平平地叫個雜錦魚生（並），百多蚊就有五款刺身，每件新鮮鮮甜唔腥，抵食呀！之後就係串燒時間，雞皮脆脆，雞肉彈牙，叫左一客竟然兩串，有d驚喜！大蔥燒，爽得黎充滿水份，一d都唔乾，師傅有水準！最後蟹肉炒飯，蟹肉一d都唔少，飯粒粒粒分明，咸度適中，飽肚又滿足。

上次同老公無book檯食唔到，今日特登早d book，閒日食飯拍拖開心❤一坐底即刻叫左個海膽杯，好新鮮，值得推介👍🏻燒魚好出色，味道好正宗，不錯, 跟住叫左串燒，有我鐘意既雞皮同菇，雞皮好似話唔係日日有，燒得再燶D會仲香。但最想推介個鰻魚飯，呢個真係超好食，我係見到好多檯都叫，我地又試下，個飯賣相靚之餘，真係好好味，汁又夠，鰻魚燒到恰到好處！👍🏻大師級水準，兩個人食左差唔多$600，銅鑼灣食到呢個水準，呢個價位，性價比高👍🏻會再黎的。

好耐無黎啦！😌食物依舊令人心動💗每次黎都會食大size 蠔，因為夠大隻同鮮甜，今日試下呢隻店長推介的細碼，不過都喜出望外呀😍，估唔到入口個味道咁好，個sauce 唔會蓋左蠔既鮮味，好味再叫左個海膽刺身同三文魚籽壽司，完全感受到呢間店的刺身好新鮮，好想食完再叫😌不過今日得一個人，如果唔係都再叫🤣唔記得影低杯梅酒，不過送酒都要食返兩串既，個燒牛舌燒得好好，口感一D都唔{UN}💪個雞翼可以重味返D, 整體都好好，D同事仲會問你味道點？我覺得都幾好，感覺好珍惜客人，會繼續支持的💓💓💓

今日約左個客1點銅鑼灣，但被人飛機左，就梗系周圍搵下好野食拉。路經一間日本餐廳，見到蕎麥麵，就即刻入左去🤣超愛日本菜，佢系地庫位，有探險既感覺，空間五系好大，但d卡位都系全木設計，天花又有五少稻草裝飾，日本居酒屋既感覺好強烈。前菜好開胃，日式青瓜同帶子邊咸咸酸酸幾正，仲要有沙律，好豐富。主菜蕎麥麵用圓竹碟上，上面仲有紫菜絲，賣相誘人。配上一大碗特製醬汁，冰冰涼涼甘浸一浸，食落去好舒服，簡直是夏天必食😋之後我再落一大舊芥末落個醬汁度，重口味更岩我🤣食蕎麥麵食得太忘我，完全五記得左個餐仲有季節限定壽司，錦上添花😎好抵食

中午自己一個人吃午飯，想了許久，最後試一試這間新開的日本餐廳。餐廳位於地庫，一路走下去倒是覺得很寧靜。餐廳燈光微暗，環境寧靜。以棕色為主調，配搭木質的桌椅，令人感覺舒適。翻開餐牌，選擇眼花撩亂，有石頭飯、烏冬、定食、鍋物等，價錢由$70多至$150都有。⭐️三文魚、甜蝦雙式刺身（各三件）$58三文魚入口軟腍，油脂充沛。甜蝦新鮮爽脆，大件兼抵食，哈哈！⭐️特鮮丼$118這個午餐配上沙律、麵豉湯和前菜，頗豐富喔！沙律配上芝麻醬，新鮮爽口。特鮮丼是海鮮大整合，有甜蝦、三文魚、吞拿魚蓉、油甘魚、三文魚籽和八爪魚。我最喜歡吞拿魚蓉，入口啖啖魚肉，再灑上芝麻，魚油滲進飯裏，入口香嫩！還有八爪魚爽口有有嚼感，三文魚籽配上白飯增加口感，油甘魚脂肪細紋分布平均，入口細緻滑溜，魚味很濃郁呢！

銅鑼灣日本野多不勝數，要選擇其實好易；不過要吃到平靚正，又要有水準，又不會排到七彩的，就有難度。我最喜歡居酒屋感覺的地方，地方小但食物選擇多，又不會太過貴，而且，酒杯碰酒杯，一個小食，和朋友談天說地，像深夜食堂般就是最好。久未兩個人撐枱腳，簡單吃了一餐便飯。星期五，非常熱鬧，人很多，但服務還是好。先來個雜錦魚生，價錢不貴，不過當然唔會係超級貨色，但我會接受到其質素。明太子燒玉子燒，玉子燒得不錯，雖然老左少少，但還是甜美，如果醬汁少點，應該更好。剛撞到朋友，佢話呢度串燒不能錯過，叫了雞翼串燒試試，真係幾好，最喜愛燒得脆脆的雞皮。燒白鱔也是不錯，不過我就覺得還是醬汁太多，食物好而且燒串燒技巧係不需要懷疑的。最後的冷烏冬是正常不過的，無驚喜，也無驚嚇~不過一位都是二百多，已經係刺身主食串燒都有，說真的，你還求什麼？

銅鑼灣返工，食飯鐘數，置於商廈樓層的餐廳，可謂要經過一場電梯之爭（在這兒的上班族必有同感）。Sogo 附近一間地庫餐廳，進出方便，也偏離嘈吵。步下梯級，推門便見一列列的酒櫃；以及一間VIP大房。轉左便進飯座。映入眼簾是一卡卡的飯座，掛上燈籠，日系氣氛十足。恬靜舒適感覺難得。午市餐單中有冷丼、季節鍋物、貴族特選、御定食、手打烏冬、石頭飯和一品料理。我和家姐各選下市場四色丼和季節壽司配蕎麥麵各一客。 市場四色丼($108)系列配有前菜沙律和小食蘿蔔辣味螺肉，和一碗味增湯。丼物上鋪有四款魚生：三文魚、帶子、甜蝦及劍魚。無論飯嘅分量同魚生數量都是均稱，飯我也吃剩些少。魚生也算新鮮，尤其至愛三文魚及帶子。而甜蝦則霧面感很趣致；劍魚也是厚切的來，不過略粗糙。 四色丼，集合了我的至愛。而季節壽司配蕎麥麵($98)，同上都跟有前菜小食。 一柱蕎麥麵浸下冷麵汁，不過不失。壽司則有油甘魚、吞拿魚、三文魚及劍魚，還有一份三文魚刺身。 麵同刺身一個餐就可以享受到啦！

入到呢間居酒屋第一個感覺真係好舒服啊!佢完全係日本居酒屋風格,岩晒我呢啲放左工想relax下嘅打工仔啊~睇睇menu, 都好多唔同種類嘅野食, 刺身、壽司、燒物、串燒、丼飯等等...最後就揀左啲刺身串燒同鰻魚飯等。京都玉子鰻魚飯($138)切開充滿蛋香嘅玉子鰻魚飯,可見鰻魚厚度中等, 薄薄一層蛋皮加上鰻魚汁,配上珍珠米飯, 賣相味道都十分唔錯!大蔥豬腩味噌燒($42)豬腩肉掛上味噌, 意想不到咁夾!由於豬腩肉燒走多餘嘅油份,所以食落一啲都唔油膩~大蔥燒至微焦, 焦香大蔥配上味噌醬,大蔥裡面嘅汁混上味噌醬,完美組合!原板海膽刺身($168)青瓜絲下面鋪滿一板海膽,爽脆嘅青瓜絲同甘香海膽配埋一齊,清新嘅青瓜味更突出海膽甘甜鮮味煙肉燒年糕($42)煙肉唔會燒到太乾, 仍有小量油份,裡面嘅年糕口感煙煙韌韌,煙肉同年糕嘅味道相輔相承, 值得一試三文魚腩刺身($98)三文魚腩, 油脂分佈平均, 唔會有筋食入口魚嘅油份慢慢滲出黎,又唔會有油膩嘅感覺鳥手羽串($42)雞翼外皮燒至金黃色, 雞皮微焦香脆,優質牛柳串($45)牛柳肉質燒到剛剛好, 成舊牛柳粒都充滿肉汁,加上調味唔會太重手,食得出啖啖牛味!

餐廳位於係銅鑼灣Sogo隔離，但位置唔太顯眼，所以成日行過都留意唔到。如果唔係朋友講，可能一直都唔知有間居酒屋係呢個位。餐廳風格非常日式，店内環境以木為主，比人感覺好柔同舒適。而且同一般居酒屋一樣，燈光偏昏暗，好適合一班人黎飲酒暢談。餐廳人太多(坐滿)，所以不便影相。赤貝刺身睇個顔色都知係新鮮，色澤亮麗，咬落肉質爽口，鮮甜得黎又帶點海水味。牛柳串燒得好好，咬落去會見入面係岩岩熟，仲見到鮮嫩既顔色，肉質嫩滑，完全食到牛既鮮味。大蔥豬腩味噌燒豬肉肉質軟綿但唔油膩，大蔥又吸收左豬肉既味道，正！汁燒帆立貝呢個相對其他菜式就較爲失色，但都唔係唔好食，只係無驚喜。角切魚生丼材料都幾豐富，個飯鋪滿三文魚，吞拿魚，章魚，蝦，青瓜等，份量都幾大。而且d料又新鮮，唔會話角切就比d唔靚既位你。鍋燒湯手打烏冬湯底清甜，烏冬偏軟，如果中意食彈牙d既就建議唔好煮咁耐先食。可能因爲個湯底好，所以d材料煮完都有種淡淡既甜味，幾正。食完成個胃都好暖，正。黎居酒屋又點可以唔飲酒嫁，所以就叫左壺清酒，味道較一般清酒淡，但飲落清香，而且散發住淡淡既甜味。其實平時行完街行到有d攰都可以過黎飲杯酒食下串燒，位置方便，而且食物質素

這晚下班已是深夜，我和同事決定吃宵夜。崇日的同事介紹了「三川居酒屋」，就它吧！地點也方便。店面：裡面感覺不錯：餐單印刷精簡：原本同事來這裡是為了晚上9時半後的優惠，但問了店員後，發現有關推廣已經完結。我們決定選自己愛吃的。三文魚刺身$70很新鮮，肉質鮮嫩。幾乎入口即溶！簡單配上醬油已經很足夠。煙肉烏賊卷$42外面是煙肉，裏面是烏賊。裏面的味道比想像中淡，口感還可以。汁燒雞丸$30很好吃，所以我們前後點了兩碟。很彈牙，有肉味。每人兩串，分量剛剛好。大阪難波牛肉石頭飯$128有泡菜、洋蔥、牛肉，非常豐富。份量比想像少，幸好有其他食物搭救，才令我們得到溫飽。有另一些碗提供，兩個人share沒難度：很貼心的服務。本來想點波子汽水的（$28），但已經沒貨了。唯有喝餐廳提供的綠茶：不錯，很消滯，喝後齒頰留香。埋單$330，平均每人$165，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

朋友知道我鐘情日本居酒屋，介紹一間特色日本菜，於是就來了懷緬一下旅行光景。餐廳在sogo附近，落一層的地庫位置，寧靜的環境與街上熙來攘往的街道成對比。木製牆身加稻草屋頂，簡單得來又有特色。以木系為主調，感覺柔和舒適，而且設有兩間房子，數人聚會時就更添私隱度。原版海膽刺身$168貫頭貫尾將海膽的鮮香充口腔每一個空間，那份獨特的香濃鮮味，份量多👍三文魚腩刺身$98三文魚腩超好食！因為油脂比例非常好，教人食滿足👍京都玉子鰻魚飯$138美味軟滑的蛋漿煎成玉子，口感一流，包裹著肥美的鰻魚，配鰻魚燒汁，必點👍優選牛柳串$45剛剛燒熟的牛柳，入口油花滿口，簡單的黑胡椒鹽已經很美味。鳥手羽燒$42燒得出色的雞翼, 將雞翼打開來燒, 更能掌握, 吃得也方便, 雞翼燒得皮脆肉嫩, 又多汁, 兩下就骨肉分離。煙肉燒年糕$42煙肉燒年糕外面包著燒得香口的煙肉，加上軟腍年糕，令到口感相當豐富。大蔥豬腩味噌燒$42火喉剛好，唔會太乾身，口感juicy燒大蔥雞串$42雞肉嫩滑，串燒的水準好高，而且加埋環境服務，真係好似身處日本，在銅鑼灣區價錢相當抵食，我們兩人連加一，共$679，食物質素好高，滿足。

日式風格居酒屋🏮最適合約朋友吹水，不過今天我地以茶代酒，更健康。朋友從美國返香港探親，約左我出來吹水，真系好耐冇見。呢間店好有日本特色，店鋪細細，但別俱風味。佢有五六張卡位，可惜我地冇提前book位，所以只坐到單邊沙發位。餐牌都零舍有特色。我地點左d串燒同壽司雞翼串，用左日式燒計，甜甜的醬油，雞翼很嫩，灑上檸檬汁提味，令燒物更有味道。煙肉烏贼卷燒，煙肉串有兩個選擇，一個糸煙肉卷年糕，一個系煙肉卷烏賊，我地揀左烏賊。配有豆豉醬，放少少就夠了，因為有d咸。煙肉薄薄一層包住烏賊，燒至正好火候，營造出外脆內Q的口感。很不錯。蟹籽鳗魚牛油果卷賣相靚靚，鰻魚十分肥美，加上牛油果的清新好正！

銅鑼灣sogo都去得多，今日一齊行街既sister 同我講隔離開左新既日本野，咁就決定晚餐係個度食啦！呢間餐廳係地庫既，入面既格局好有日本風情，以木為做主題，感覺好似去左日本小店咁！饅魚牛油果加洲反卷，我覺得饅魚同牛油果味道非常搭配，多左份柔滑既口感，好味！炎燒車海老，即係燒大蝦，非常大隻，燒到紅卜卜 好吸引，蝦肉爽彈又新鮮正！辛味豚肉鐵板豆腐帶點香辣味既豚肉，肉質嫩滑，加埋肉藻鋪面，醬汁好惹味 非常好下飯！蟹肉蟹膏炒飯蟹膏味非常濃郁，搭配埋滿滿既蟹肉，非常鮮味，特別仲用左鐵版黎上，我喜歡！呢度咁方點，下次同friend血拼完再黎就岩哂

早前趁放假, 同好友去了銅鑼灣的三川居酒屋食午飯, 之後再行街. 估唔到星期六都多款定食選擇. 最後, 我選了我最愛的極上厚燒牛舌定食. 另外, 多點一份鹽燒鯖魚. 店員先奉上前菜, 沙律和麵豉湯. 前菜的酸蘿白和青瓜我最鍾意食, 甜甜酸酸, 好開胃. 沙律的蔬菜幾新鮮爽脆. 鹽燒靖魚. 以鹽燒方法我自己覺得最好味, 最能帶出魚的鮮美. 而魚的肉質幾尚算嫩滑. 稍等一會兒, 主角終於上枱. 賣相幾精緻. 牛舌尚算厚身, 食的時候較有口感, 幾彈牙, 調味也適中. 牛舌與飯係最佳拍檔.