三川居酒屋 (已結業)

行過銅鑼灣sogo，周圍搵野食填肚。行前少少睇到有間食日本料理既餐廳，有lunch set. 都幾多款野食揀，所以決定食呢間。落一層就係，餐廳環境都幾特色，木系既日本風格，播d日文歌。感覺幾休閒咁！天氣咁熱唔係好想食熱野。決定食冷麵！😋解解暑！☀！呢個set會包前菜，沙律。前菜係 螺肉，辣辣地好開胃。沙律菜就加左d胡麻醬，甜甜地好清新。仲有碗味噌湯。喬麥麵🍝 將芥辣紫菜放哂落個汁度調味！令到個汁有少少既辣味，沾一沾個麵黎食。好味😋個汁夠哂味，所以個喬麥麵唔會覺得無味！亦唔會覺得太鹹。岩岩好！份量都多。再配埋三塊既三文魚刺身同4舊壽司刺身都好新鮮肥美！食埋都好飽！呢個set都幾抵。朋友就叫左個吉列黑豚豬扒蕃茄烏冬🐷見佢個蕃茄烏冬好濃味咁！！好重蕃茄味！鐘意食蕃茄就岩哂。而且烏冬個麵質都幾好。幾有彈性，口感唔錯。而佢個吉列豬扒都炸得幾好味。唔會話炸到好誇張，所以食落唔會覺得好熱氣。豬扒肉質幾好，有少少脂肪。炸粉唔會好厚！佢本身配左燒汁醬，但我都係鐘意食沙律醬多d!👍最後仲送埋幾粒一口紫薯仔，💘幾好味，夠哂甜呀！😀

跟朋友J約在銅鑼灣吃午餐，想吃日本料理但總覺得銅鑼灣的都很貴，便宜一點的又沒什麼質素。朋友J說發現銅鑼灣SOGO旁有家新開的日本料理，看了看MENU好像也很化算，而且星期六也有LUNCH，實在太好了。*壽司刺身蕎麥麵 $98我去到那都是吃壽司+麵餐，感覺好像更豐富更飽！*壽司雖然只有4件，但都不是HEA野，如果是玉子鰻魚之類的我應該會很失落，好險不是呀，有吞拿魚、三文腩、油甘腩和八爪魚。兩件魚腩的感覺都很新鮮肥美，而且最不吸引的八爪魚竟然也是鮮甜爽口的。*旁邊的兩大粒/片(?)的三文腩，也不錯，很厚身但咬下去沒筋，跟壽司的三文腩一樣好吃。*重點推薦這蕎麥麵，麵質是幼細的但很爽口，麵條夠凍沾起麵汁吃起來很爽。鋪在面的紫菜絲，上碟時是脆的，還有點咸香的味道，不是一般的便宜貨色。*鍋燒湯烏冬 $68朋友J點的鍋燒湯烏冬，賣相也真的很不錯。配料有美美的太陽蛋、天婦羅蝦、金菇、蟹棒、冬菇和蔬菜。朋友特別想提的是金菇的份量是超大，以為很難咬但結果不會，是爽口的，這讓她印象很深刻。我只吃了一口烏冬，它們的烏冬的肥而且長方形的那種，煮得剛剛好很彈牙，不知道怎麼可以形容，總之感覺「很日本」哈哈。*芝麻雞

銅鑼灣SOGO隔離的永光 成棟都係餐廳今日偏偏唔上樓 向下走🤗多款選擇 裝潢好傳統日式感覺食物選擇好多 鰻魚炒飯好足量惹味特別欣賞呢個明太子玉子燒 嫩滑唔會過老明太子份量十足 十分惹味🤤炸軟殻蟹好香口 送酒一流！

喺銅鑼灣呢頭有唔少美味高質既餐廳，我同朋友都好中意過海覓食～ 今日晏晝同朋友小聚，心血來潮又想食日本菜，見到有人推介三川居酒屋，啲相睇落又好吸引，咁就一於去試下，睇下係咪真係色香味俱全。😜餐牌好簡潔，一張兩面，包攬曬多款美食，有丼飯、刺身、定食等不同選擇。餐廳既風格充滿日本風味，店舖細小精緻，除左普通餐桌，仲有溫馨既小包廂。枱面一早佈置好，放左餐具、熱茶、醬油、牙籤等，一應俱全，非常貼心飯前開胃既小菜必定係沙律！每個丼飯套餐都配有沙律、小食同埋味噌湯。清甜爽口既生菜🥗 配上香甜多汁又紅彤彤既番茄🍅，令整個沙律色彩鮮豔 😍 最後淋上香濃既芝麻醬汁，酸甜既醬汁令沙律更美味，亦同時令人胃口大開！小菜方面有醃黃瓜🥒同埋鮑魚邊，既爽口又彈牙，鮑魚邊既味道好正，香口惹味 😋角切魚生丼 $88餐牌上每一個丼飯都非常吸引，經過一輪爭扎，我最後決定點角切魚生丼😝 因爲各樣既魚生都有啲，可以同時滿足我多個願望。不久，期待已久既魚生飯終於出現！😍😍 。魚生種類包括三文魚、牡丹蝦、油甘魚等等，味道鮮美，充滿魚油香，仲有蟹籽作點綴。呢到既角切丼比起一般食開既魚生更新鮮，一啲雪藏味道都冇，亦唔似啲冇味既魚生，真

趁未返新工前要周圍搵好西食 今次聽朋友介紹食銅鑼灣既三川居酒屋🏮 朋友話餐廳裝潢有特色 平日午餐🥣價錢中上 但質素係上上之選 叫我不妨一試 當然我就聽佢講 同朋友一齊食返個lunch☺️地方都算好易搵 B出口一出左手邊直行就係 我地跟住餐廳出面既指示同宣傳牌就落樓梯搵入口 入到去都好快有位 裝潢好有風味 隨處都見到日本🇯🇵特色設計 有部分座位更加係設計成居酒屋感覺 認真有心思 希望下次可以坐到 扮下去咗日本旅遊🤟🏻主食會附上前菜 合共有幾樣 包括麵豉湯 沙律🥗 同埋漬物 味道都唔錯 屬於開胃小食 份量亦唔吝嗇 特別係沙律 有兩款沙律菜配上芝麻醬以及小蕃茄 新鮮開胃 而漬物調味剛好 唔會過咸過辣🔥
作為海膽迷既我 邊可以唔嗌個海膽三色丼🍣($138) 包括咗三款刺身 海膽 三文魚同埋三文魚籽 海膽相當鮮甜 三文魚厚切夠肥美 鮮味十足 三文魚籽粒粒晶瑩飽滿 集合起上黎賣相吸睛 味道同口感都有層次 各款材料都岩哂做丼飯🍚🍱
汁燒魷魚🦑筒($55) 係我好鐘意食既小食 照燒汁味道濃郁 調味做得出色又醃得岩岩好 魷魚咬落口感夠哂彈牙 唔會太韌 新鮮唔會有海水或者腥味 份量都幾多 屬於性價比幾高既

友人終於有拖拍 要慶祝下 XD今次來到一間underground嘅居酒屋小妹幾鍾意underground餐廳 有與世隔絕嘅感覺8pm大概坐滿一半食客大家都好有公德心 說話細細聲 環境清靜 係坐好耐傾偈嘅好地方仲有VIP房 有得坐榻榻米一入座 店員主動送上熱茶友人遲到 店員好識做 只斟一杯 免得攤凍哂Lunch同dinner menu有啲分別 只有lunch嘅主食附送味增湯和前菜小妹要咗「海膽三式丼」即係海膽、三文魚、三文魚籽飯海膽讓人一試難忘！因為佢好鮮甜起初以為佢一夾就散好唔新鮮... 其實此言差矣！將佢攪爛之後質地非常creamy 適合用來撈飯 更可辟走魚子嘅腥味三文魚籽晶瑩通透 又圓又大 甚有彈性有5片薄切三文魚——唔好諗住薄切好似得好少 計埋魚籽同海膽 份量剛剛好！友人order咗「京都玉子鰻魚飯」製作需時 比起小妹嘅丼飯 要等多10-15分鐘小妹試咗少少覺得蛋皮鬆軟薄身炒飯爽口唔油膩鰻魚夠大塊夠嫩滑份量十足 友人都食唔哂...食物質量絕對配得起呢個價錢但如果下午來一定更划算！

見咁多朋友都讚好、成日幫襯，今日終於可以黎一探虛實！😋去到坐左一陣，就見到已經座無虛席，喺銅鑼灣黎講，cafe地理位置又近地鐵站，極易揾，lift都唔洗搭，上到去環境氣氛都好有feel ，有寧靜又清優，可以同人促膝談心，朋友多仲可以坐房，點傾都得。如果同約心儀對象，都係必推之選，不太拘謹，又有小小純音樂做background Music，氣氛唔錯，又唔會太噪。侍應嘅服務態度唔錯，幾有禮貌。我地今次就食左個海膽三式丼，海膽唔錯，一定唔係差野，三文魚一食就知係靚野，而三文魚籽就夠晒新鮮，夠晒脆。魚生方面，三文魚夠肥美，油甘魚嘅切法，加上佢嘅用料，真係一絕，有回味。最，最，最，最值得一讚就係個蠔，肥美，甘香，係夠晒rich果種，令人想再食多次。而最最最最最底食之最就係，雞肉丸串，$30可以食兩串，六粒，無論個醬汁、丸子嘅肉質、丸子嘅大細，都冇得輸，平過食宜傢。😋😋😋

在書店打完書釘後，肚子還是不太餓，附近逛逛走走，倦意來襲，上了一家居酒屋歇息。 第一次光顧，點了簡單幾樣慢慢品嚐。三文魚70雖然不是大厚切，刺身還是色澤分明，肥美新鮮的。汁燒雞丸30燒汁令免治雞肉口味濃縮提升，每啖都有嚼口。燒京蔥30串燒的京蔥加了木魚賣相好，而且外烘微脆，入面還很清新帶燒烤香呢！火之夢壽司山108名字已很能吸引人，這份壽司山包括海膽吞拿魚蓉蟹肉，先說蟹肉吧，蟹籽爽口，蟹味相當。吞拿魚蓉入口軟綿，帶有一點點魚香。最後吃海膽，新鮮無腥味，是三者最濃郁的一道。下面的卷物簡單只是青瓜，清淡一些。三文魚籽壽司山64好靚哎，每粒魚籽都晶凝通透，吃上口卜卜應聲而响，嘴內還滲有些許咸香。食後感：環境舒適，價格中上，味道不錯。

每次係呢個位既餐廳都做唔長，可能地理位置唔好⋯⋯同朋友諗住做gym前食少少野，唔好太heavy, 日本野就岩哂，經過見到門口都幾靚就入左去試。落到去都唔知邊一度先係門口，怪怪地。有店員見到我地就開左門帶我地入去。我地各點左一個lunch set: 鰻魚飯同刺身飯前菜都幾特別，有一份係好似墨西哥脆片既前菜，幾香口刺身飯就都幾足料，亦好新鮮。不過佢無同我講就轉左d吞拿魚做三文魚子。問佢先話因爲無哂吞拿魚。鰻魚飯就都算稱得上差。唔期望佢會燒，不過都叮耐少少呀，好硬，好似食擦膠咁總結，合格啦。個鰻魚飯失唔少分，有改善空間

朋友帶路來到這棟好多餐廳的商業大廈, 從沒留意原來地牢也有一間餐廳, 走下去後, 由職員帶路, 走進神秘的天地, 感覺很有日本氣氛。紅酒蕎頭漬$42喜歡上紅酒蕎頭漬, 味道酸酸甜甜, 又爽口, 是一個頗特別的前菜, 亦不是間間吃日本菜都有的。豚汁$38即是豚肉湯, 主要有豚肉和豆腐, 豆腐滑滑的, 湯的肉味濃, 混合著麵豉味道, 鹹度剛好, 份量也不少呢。厚燒牛舌$48三件牛舌, 分成大中小的, 夠厚夠爽的口感, 燒得不錯。鳥手羽燒$42燒得出色的雞翼, 將雞翼打開來燒, 更能掌握, 吃得也方便, 雞翼燒得皮脆肉嫩, 又多汁, 而且有兩串, 抵食!辛味豚肉鐵板豆腐$72嫩滑的豆腐, 配上非常惹味的甜甜辣辣豚肉醬, 是可以配飯吃的組合呢。高菜蟹膏蟹肉炒飯$128驟眼看是蛋炒飯的樣子, 不太找到蟹膏, 蟹肉細心留意則見到, 雖然沒太濃蟹味, 但炒得幾香幾乾身, 不油膩。紫薯雪糕$32本來想要豆腐口味, 但沒有, 換來紫薯味, 也不錯, 很香甜, 雪糕質感濃稠帶黏性, 有點像gelato, 很實在, 味道也濃郁, 不會像一般雪糕像吃風一樣。

相信不少朋友也喜歡去居酒屋喝喝酒，吃吃串燒。如我沒記錯的話，我記得 Wyman 曾經在電台節目講過以前日本的居酒屋只有男性才可以光顧，女性是不可以入內的。 隨着時代的變遷，現在當然男女都可以去啦，一班朋友在居酒屋暢談一番，樂事。 今回到在銅鑼灣 Sogo 隔離的「三川居酒屋」食 lunch，經常經過這裡卻未光顧過，室內裝修頗有「三顧草廬」的感覺： 店內一系列清酒： 先叫「五點刺身盛」$88，集齊油甘魚、吞拿魚、八爪魚、帶子、三文魚腩刺身： 這個要做得好，要求很簡單，就是一定要新鮮，整體它是做到了。當中我最喜歡來自日本的油甘魚，肉爽味甜，可以加些少 wasabi，成件刺身放入口，不點豉油，享受原有鮮味： 肥美厚身帶子，甜得來甚有黏口的感覺： 因為是中午時份，我沒點清酒或要等待的串燒。店員推薦我另一燒物「極上厚燒牛舌定食」$98。先附麵豉湯、蔬菜沙律、漬物及帶子裙邊小吃： 沙律 dressing 是酸汁，只要蔬菜新鮮，基本是沒有失手的理由，在夏天蠻醒胃的。 主角上場。牛舌只用中心軟熟的部分，先用網燒，後用蒜片及燒汁煎熟，令焦香多一重層次。厚切有質感，柔軟度不錯，相當纏綿，好下飯！ 吃完之

喺銅鑼灣lunch, 抬高頭就望到林林總總嘅食肆, 排部lift上樓上有時都係一種torture(尤其今日熱成咁). Why not去basement嘅地方食呢？喺Openrice Search到li間好就腳嘅店, 就在SOGO行過小小. 落樓梯時已感受到日式店家嘅細心, 每一級樓梯都拖過黎👍🏻入到去好有居酒屋🏮feel, 枱唔多, 最鐘意係li款日式卡位🤣(亂改名). *亮點*上面啲酒🍾攞酒黎!!!!!原來lunch嗌大部分野食都會配前菜, 漬物, 味噌湯. 相當抵食💰前菜沙律🥗用料一啲唔馬虎, 又俾我食到li種好似好多水珠chi喺面頭, 口感勁爽脆嘅菜了😋; 漬物係帶子裙邊+醃製嘅酸瓜, 帶子裙邊好多條, 醬汁豐富好開胃; 味噌湯嘅海苔當然係唔少得的👍🏻極上厚燒牛舌 (HKD98)一口Bite Size牛舌, 佐以蒜片燒得香味撲鼻而來, 旁邊加了沙律🥗中和油膩感. 牛舌咬落有爽爽的口感, 肉味濃, 雖是一口一口卻啖啖肉(肥美). *厚切的說* 用來送白飯🍚一流👍🏻平常食開嘅牛舌大部分都係薄切而且部分燒到乾乾的. Li個set推薦!!!!什錦天婦羅 (HKD75)蝦🦐, 冬菇, 蕃薯

今日約咗朋友過海食飯好多時大家喺銅鑼灣食飯都會諗住去SOGO隔離有幾楝集中食飯嘅大廈今日搵咗一間都特別嘅餐廳去食其實都係喺SOGO隔離不過就近銅鑼灣一期嗰邊平時路過唔細心都可能未必見到😂😂入邊主要用木去做裝修地方細細地但幾骨子仲要有卡位㗎餐牌都好靚㗎....唔係求其㗎正常日式居酒屋擺設叫咗個刺身拼盤三川雜錦魚生(並)入邊有油甘魚,生蠔,三文魚,帶子同埋吞拿魚隻生蠔正呀油甘魚同帶子好鮮味!!!叫左兩款串燒煙肉燒年糕同埋燒大蔥雞串舊年糕燒到軟綿綿好好食重點係唔會好油同埋有膩既感覺燒大蔥雞串一嚟到超香啲肉燒到啱啱好唔會太老跟住諗住叫個卷物食點知落單同事搞錯咗老闆話整咗出嚟又唔可以收返所以送咗俾我哋食而真正叫嘅卷咪就係鰻魚牛油果加州卷舊鰻魚好香好好食同埋佢哋係大大嚿唔係薄切食完已經好飽啦整體感覺幾好同埋價錢唔算太貴如果想同朋友仔食飯下次可以考慮吓呢度同埋我見到佢哋有房應該可以book房同D朋友仔一齊食飯傾計又唔怕嘈親隔離枱淨係等嘢食嘅時間比較長如果上菜時間可以再快少少就更好啦

餐廳在銅鑼灣SOGO附近, 整體的環境與氣氛都非常不錯, 裝修充滿日式居酒屋特色呢, 不需要到日本都有置身日本的感覺, FEELING GOOD!鳥手羽燒, 三兩下就能骨肉分離，咬下口感油脂豐富多汁且充滿嚼勁，完全顛覆手羽肉少難啃的印象紅酒蕎頭漬, , 一股紅酒既香氣, 加上甜中帶酸又開胃爽口, 一個不錯的前菜鰻魚牛油果加州反卷, 有著鮮豔的色彩和濃郁的醬汁, 味道细腻, 配上香甜鰻魚同牛油果, 層次丰富, 紫薯雪糕, 香濃幼滑. 甜度適中，口感細緻富奶香，讓誰也無法抗拒塩燒車海老, 燒得火侯恰到好處, 蝦肉味道鮮甜

車爸爸近來工作時間好他條！這天又早收那便來個拍拖晚餐，身在銅鑼灣都不知吃什麼好！上OR看看見到有間新開的日式居酒居，價位合理仲有9折OK一於就去吃這間！ 這間三川居酒屋位於繁忙的銅鑼灣鬧市中，行落地牢便是所在地感覺即時寧靜不少！ 全餐廳都以木作主調感覺挺舒適自在的！ 熱辣辣的天氣不來枝可口可樂對不起自己，而且餐廳供應枝裝感覺更加稱心！ 先上的是鳥手羽燒＄42，一客二串雞翼燒得皮脆肉香，只用少許鹽作調味已很好味道！ 另外點了我倆也愛吃的燒茄子＄68，鋪滿木魚碎在茄子上賣相是靚的，茄子本身沒甚調味可自行點上醬油風味更佳！ 吃日本料理刺身質素對我們來說非常重要，點了三川什雜錦魚生(上)＄338，有齊池魚、三文魚、吞拿魚腩、油甘魚、帶子及牡丹蝦，擺盤未算精美但刺身看得到新鮮光澤感相當不俗！ 六款當中以三文魚最肥美甘香，另外牡丹蝦頭的膏比肉身更具吸引力，帶子開了邊口感稍遜否則也是美味之選！ 主食選了京都玉子鰻魚飯＄138，是用蛋包裹著鰻魚飯包得好公工整！！ 玉子吃下都夠蛋香，內裡的鰻魚也軟熟沒帶腥，只是飯粒有點結塊影響了口感，不過襯上香甜的鰻魚後可以加上不少分數！吃飽飽後我倆便走到附