一風堂 (新港中心) (已結業)

都知道呢間拉麵店係午飯同晚飯時間會大排長龍, 故特登留肚, 下午三點半黎到, 長驅直進, 哈哈唔講咁多, 快D試拉麵~叫左白丸元味同加蛋, 佢隻蛋直接放係麵度, 係咪要同佢講分開上先有得用木碗裝住ge呢?即係撈起隻蛋先, 費事熟過頭豬骨湯味香四溢, 試一啖, 好濃但不怕太鹹但係我副心機俾隻蛋吸引住, 都係食左佢先那種感動非筆墨能形容, 而家諗起都流口水~~細麵幼滑, 都係彈牙有口感, 不過食到一半開始變軟了~叉燒有兩塊定三塊, 夠淋, 不過有點"鞋"飲埋d湯清底, 如果碗底有一風堂的圖案就好了~~包軟, 夾埋叉燒同生菜仲有沙律醬, 酸酸地幾惹味~食完碗麵飽到上心口, 差d連晚飯都唔使食~!侍應服務唔錯, 會幫你加水, 但係正如下面的各位仁兄所講, 有點吵

因為傳聞中要等上兩小時才能吃一餐，故早早在六點便前往光顧，結果，直入無阻兩個人叫了一碗赤丸，一碗白丸(加一隻糖心蛋)，還有一碟炸雞個人較喜歡白丸，赤丸的感覺很油膩麵條一碗要了普通，一碗要硬的，但不覺得有分別糖心蛋不錯，叉燒兩片也還可以，其他配料則不太多至於那碟炸雞，漿粉略嫌多，炸後已不止「脆」，甚至是「硬」......店員服務不俗，唯每當出菜、客人進入，都不住叫喊，令環境頗嘈吵

早前多次晚市經過想光顧IPPUDO卻被過百籌輪候打退堂鼓，今天我的位置在尖沙咀，黃昏時段可以到新港中心超人氣IPPUDUO碰碰運氣，五時半的IPPUDO果然不用等還很寧靜。侍應笑容滿面帶我步入餐廳，而且不斷聽到熱情的日語打招呼感覺服務挺好！目標食物～赤丸新味和叉燒角包是今次必試的，我接過餐牌再細看同時很想點一風堂餃子，可惜只有自己一人真的吃不消，唯有留待下次吧！點單後大約＋分鐘先來赤丸新味，點單時麵身我要求煮淋些，咬一口麵與我期望是相同，三小塊半肥瘦豚肉賣相像五花腩片有點過肥，加上湯底的味道略為偏鹹，令本人對整個拉麵不太欣賞。這款京菜賣相的叉燒角包若是在北京樓出現也不足為怪，打開內裡的叉燒餡看上跟拉麵的豚肉沒兩樣，至於味道有點似層相識，我邊食邊想～確實像用於北京片皮鴨的香濃沾醬味道，這種情形令我聯想到是中國包子和日本拉麵合作？耳邊出現侍應熱烈的日語打招呼聲，該是晚市時間開始，所以不斷有客人陸續入座，我亦結賬離開回去了！

Sunday solitudeBeen wanting to try ippudo since its grand opening, but I have long been discouraged because of the ultra long queue. Finally, on a Sunday, I decided to go on my own at around 2:30pm to try my luck and avoid the long queue. Lots of people were waiting despite it was after the normal lunch-time rush; but my wait was luckily relatively short due to going 'single'. Ordered a glass of Asahi - served in a very, very chilled glass which was definitely a nice touch and peaked the 'Asahi'

2個人叫左一風堂爆裂豆腐鍋 $58明太子雞亦$32豚角煮伴玉子 $48Kasane雞湯拉麵 $78札幌啤酒 $36好快就上菜了Kasane雞湯拉麵… d麵一般 拉麵黎計 一d都唔好食 !!!d湯又太甜….一風堂爆裂豆腐鍋勁細碗….. 得3,4舊仔豆腐同少得可憐既2條麵仔……個湯就ok既 少少辣不過食完唔覺食左d咩落肚明太子雞亦無特別豚角煮伴玉子即係3舊肥肉 + 半仔溫泉旦+2條筍一d都唔抵 環境又嘈一定唔會再黎

前排見到同事個facebook講過一風堂以正宗日本拉麵聞名,所以今日我同baby黎潮聖我同事講過黎親都要排一個鐘隊,所以我同baby一早一點黎到結果只係等左三個位就到一如我所料店內裝潢得好日系拉麵店feel,i'm like!!拉麵主要分三種,赤丸,白丸同辣肉,我同baby就揀左白丸同赤丸order時侍應會問你麵o既軟梗度有:軟/普通/梗選擇,彼窩心的服務白丸主要係豬骨湯味,豬骨湯好香好濃而且好有豬骨味good唯獨叉燒冇乜味...赤丸主要係加左辣醬味o既豬骨湯,反而赤丸有日式叉燒叉燒味道好好,好香口好特出!糖心蛋流心好多,我建議食o既時候放落碟度,以免流漿炸雞一d都唔油,肉質鮮嫩唔乾而且有肉汁,不過唔明佢點解改個名咁長....餃子味道一般唔算有驚喜~

個個都話要等兩個鐘，趁住男友早放工，叫佢去攞位先，5：45到達，結果都等成個鐘，真厲害！我地分別叫左白丸同赤，湯底的確係唔錯，赤丸味道濃好多，不過我個人覺得白丸口味啱d, 麵底反而有少少失望，只係覺得中上，未至於高水準。最驚喜係叉燒角包同炸雞，無諗過個包咁鬆軟，炸雞亦好嫩滑入味，好食到唔記得影相添！如果要等兩小時，我就唔會，不過係值得一試既！

因為之前試過‘一風堂’，對白丸元的美味念念不忘，事隔一個月碰巧又有假期，便約了幾個好友再去‘追風’。是日正值公眾假期，中午十二時半到達，門口居然也只有十多人在排隊；拿了號碼票，到周圍的店舖東張西望了半小時，回去時便剛好輪到我們入坐，也不是要等候得太耐。上次試過白丸元味，所以今次轉試‘赤丸新味’，我承認自己食量很大怕不夠飽，所以另加替玉（追加拉麵），麵條仍舊要普通的硬度。赤丸新味的湯底味道不算太辣，但就頗為咸，咸到蓋過哂湯底原有的味道，毫無特色可言，麵條也較粗硬，我還是覺得白丸元味更為出色。我也試了朋友點的新出品‘山葵豚骨拉麵’，味道近似白丸元味加wasabi，但wasabi的辛辣味太‘搶’了，完全嚐不到豚骨湯的鮮味，白白浪費了白丸元濃郁的湯底。見有食評推介一風堂自家釀製的菠蘿酒，於是點了一杯試試；味道不錯，淡淡的菠蘿味很清新，酒的濃度也是一般，女孩子都應該不會喝醉。另外亦點了兩款小食share食，‘一風堂叉燒角包’的叉燒十分香口肥美，件‘包皮’就略嫌厚了一點，其實我覺得所有食物加了沙律醬都會變得很美味；‘芥末蟹肉牛油果伴脆餅’，蟹肉和牛油果永遠都是最佳的伴侶，今次再加添少許wasabi

香港人對拉麵的要求越來越高.人氣急升的拉麵店.必定有他可取之處趁著中午還沒到.12點前去拿籌.只需等大約半小時便可以進店裝飾很靚.位置舒適.每張枱之間還有些許空間.不會很擠挺但可以感覺bar 台那邊好吵耳.店內其實只有3種拉麵.: 1. 白丸 2..赤丸 3. 辣肉 最後叫了白丸及辣味麵質不同平常拉麵.有點像中式麵條.跟我心中的拉麵感覺不夾.唔合我地胃口.豬骨湯底似模似樣. 看牆上的漫畫.知道一開始只有白丸及赤丸.辣味是之後才新增但他的辣味跟拉麵不夾.有點像炸醬的味道.還是想喜歡橫岡的辣蔥拉麵多一點白丸的湯裡更有蛋黃的味道.令我想起流妙包..更令前排食得太多月餅的我.感覺不太喜歡..半熟蛋.讚!!!!食落去絕對有"雞蛋脫左層衣之後"個種白滑感覺.一吃便知絕不是平常雞蛋味道.糖心做得很讚.流出來的感覺同流沙包有得比.可惜是它的木製容器.靚是靚..但感覺好污糟...........還看到像日本人的店員.說"賣單"2字也有口音的.挺有趣...店員也很勤快的添水不過這間店的味道.沒有令我一試再試的感覺..可能不會再去了.

今晚約左朋友去人氣拉麵店試拉麵，由於早早去所以15分鐘到便可以入座打開menu其實款式不算是很多，但既然是人氣拉麵店當然食拉麵，嗜辣的我就揀了辣味噌拉麵，麵身揀了普通硬度！兩個人再加了明太子雞翼及一風堂餃子！拉麵的味道的確很一般，湯底不算突出，而且湯不夠熱，但頗油！不太適合腸胃敏感的我拉麵的硬度OK，不硬亦不過林！辣味不算是很辣的，但少少辣亦能剌激食慾！明太子雞翼啖啖肉，外形亦討好，但味道過略淡。餃子真的普通普通，配上薑蓉及蔥粒，一般！埋單每人$125，應該唔會再去了......

第一次來一風堂,裝修同其它拉面店有少少不同,為了展示它的实力將几十只日本不同拉面店送的碗貼在墙上,返來正題,今次係吃赤丸,這里的叉燒是四方的,有濃濃的猪骨湯,只可惜太多味精和一層厚厚的油浮在上面,好好味,但不那么健康,煎餃子,皮就溥,瘦瘦地,薯仔沙律都几好味,叉燒角包好似台灣卤肉店的刈包和日本叉燒組合

那天我11點到旁邊無人，閘都未升起，我望入去八卦下，仲係度briefing緊。大概等到11點半，大閘開門了，我後面大概有10個人左右。入到去，每一個服務員都會用日文喊歡迎。這次 我就坐係窗邊個卡位。靚景~因為我已經黎過一次 所以都知道自己想食乜!叫左碗白丸拉麵，叉燒包 (抱歉，我地太餓 相都影唔倒就已經唔見左) ，同埋餃子。我真係好喜歡吃拉麵，尤其湯底正既拉麵。對上一次係日本吃一風堂已經有好多年前...講真有d唔係好記得了..又唔會話好回味之類今次食這個拉麵 我叫左硬麵 試下日本人既口味，麵質硬硬 連湯吃 第一啖 好食 第二啖 第三啖 就開始覺得 ok 啦... 你叫我排2個鐘食呢碗麵既話 就免啦....唔洗排隊既話 當然這個拉麵地方我會推薦 但唔係全城熱話咁講到咁好食...下一次都會再黎，不過..希望唔洗等 因為銅鑼灣都開左

日前女朋友打算約我在驗收婚戒當日，去這間人氣拉麵店吃拉麵的。其實當日較早前恰巧路經該店門口，下午2:30都已經人頭湧湧，至少要20分鐘才有位！我倆下午在附近看完電影後便立即前往，5:45都已經要等40張枱！可見因為拉麵好吃，口耳相傳才有這樣的人氣！前後輪候差不多1小時才有位子，入到店內，但見人人都手中一碗拉麵，個個都吃得津津有味！而餐具的擺設也是令人明亮一新的！我倆當然一人一碗拉麵，另加一個小吃。赤丸新味拉麵 ($68)以白豬骨湯作湯底，另加上滑嫩的半肥瘦叉燒，特色是加入了黑蒜油，香味獨一無二。一風堂辣肉拉麵 ($78)白豬骨湯湯底加上香辣的肉末，相當醒胃！只係女朋友覺得味道很辣，但我覺得味道OK。明太子雞翼 ($32)以雞翼釀入明太子炸成，炸得夠熱，食時淋上檸檬汁，清爽又易入口！唯一美中不足，係覺得雞翼較細隻。食拉麵時，記得落一些鮮磨芝麻（每一張枱面上都有），拉麵便更有香味！我倆很快就食完了（只是半小時），份量不多，不過已經飽足了！店員在我倆結帳時，又主動告訴銅鑼灣最近開了新店，餐牌與尖沙咀的完全不同，相信不久將來，銅鑼灣分店又會有我倆的足跡！

久仰久仰 !一風堂, 响日本, 紐約, 新加坡同首爾都有分店. 响7月開張既香港分店, 一直人氣高企,身在香港既我地又點可以唔去試 ?!所以就同老公禮拜六殺過去新港中心.... 再响禮拜二同表妹殺多次....原來 weekend 同 weekday 既 menu 係唔同㗎....咦... 日本既拉麵店陸續殺出日本, 豚王, 山頭火, 博多一風堂... 等等都打入香港喇喎...唔知我既至愛一蘭妹, 幾時會到呢? 我地 weekend 同 weekday 都係12點至1點既時間到達, 大概都係等左2x分鐘, 就好順利咁入座喇! 坐喺到咁耐聽得最多既就係日文歡迎同日文多謝! 一有人入黎同一有人走, 呢兩句野就响我隻耳仔邊穿梭, 仲要係好大聲, 成班員工一齊嗌! 有時都會覺得係一種嘈音....無計啦, 日本既拉麵店就係咁喇... 不過, 人地好似無咁大聲㗎喎 ?另外就係店員落單, 响某d日本餐廳, 當人客點菜既時候, 無論你係咩國籍, 點員都會踎低身幫你落單, 响日本係好正常, 因為對日本人黎講係一種禮貌....經過2次幫趁香港一風堂既觀察, 佢地一樣會踎低身幫你落單, 但只限日本人 ?!

久仰大名的博多一風堂，之前數次於晚餐時段排隊，都要等數百個位而放棄。上個月到日本博多旅遊，親身試了當地的博多一風堂，一試難忘。回到香港很想再試這間拉麵店，亦想比較一下，日本菜來到香港後，其質素是否一如以往被嚴重「打折」。昨天友人六時已排隊取票，已經要等一百個位....之後七時半再回來，仍要等十數個位...終於到八時可以吃了！店面裝潢不錯，餐桌用木做，跟日本的一樣！來到一風堂，當然要點招牌的白丸元味拉麵加半熟玉子！白丸元味是豬骨湯底加香濃蒜油，味道香而濃郁！最重要是豬骨湯底肯定是真材實料熬製而非用濃縮湯底。至於麵條，例牌是九州那種幼麵條，爽口又彈牙，口感很好，只是麵條份量好像比日本的一風堂少。叉燒，只有兩片，日本的則有四片，不過日本的叉燒是小片，香港的是大片。肉質OK，沒有特別的驚喜，但不會覺得很肥膩。還有半熟玉子，即溏心蛋，普通啦，蛋黃看上來偏熟。最後我把整碗拉麵連湯吃掉！我們還點了叉燒角包，這個很特別！但感覺像上海菜？另外還點了炸雞（風神雷神），很大件，但似乎用了很多油來炸，吃完應該會頗熱氣！總括來說，新港中心的一風堂，其拉麵質素跟日本的一風堂有八九成相似，其實已經很不錯了，唯一的問