一風堂 (新港中心) (已結業)

於這所日式拉麵名店登陸香港後的一年多以後，是日卒之有機會親身到來一嚐它的出品了....對於一個也算是能緊貼飲食潮流資訊的饞嘴人來講，隔了這麼久的時間後才到"一風堂"好像是有點後知後覺的。特別是現在拉麵店的潮流已到達至如七仔一般，"梗有一間係左近"的時候，現在才來這裡光顧，與其他食友或為食之徒相比，實在是有點汗顏呢....不過小弟之所以這樣做倒是有原因的 ---- 第一，自己在多年前已在日本本店吃過了。小弟倒不太相信在香港分店吃到的，是會比本舖好；第二，在這裡剛開店時，若要在正常吃飯時間吃的話，要在門外拿籌等一至兩個小時亦是等閒事。不過隨着熱潮漸消且分店越開越多的關係，好像是我們一行三人在週末於一時左右到達，只等不了五分鐘便能就座。如不需要大排長龍的話，自己是很樂意的去試試這裡的拉麵的....之前聽老友說這兒的"白丸元味"豬骨湯底做得不錯，就決定選它來嚐嚐；太太要的是豬骨及雞湯的混合湯底"Kasane"；小友通常吃麵都會食得極度論盡，故此簡簡單單的叫一碗义燒飯給他已是很足夠...."白丸"在下單不久後很快便上桌。嗱嗱聲用羮掏一口湯喝，甜味是有的，但濃稠度卻不足且欠層次，比起"豚王"的是差

再次光顧, 再來一碗令我印象深刻, 上次連湯都想完成喝下的雞肉豚骨麵, 事隔半年, 其實依然美味, 湯香濃, 麵軟硬選了適中便來得適中, 依然是不會出錯的豚肉, 溫泉蛋等, 水準仍被保持鐵板上的煎餃子, 擱置了一回還未吃, 依然熱騰騰, 鐵板不是裝飾的, 還能繼續煎餃子輕微再煎香! 餡料足, 美味! 皮薄, 一面脆, 一面軟, 製作絕對不錯!服務依然ok, 不多不少, 恰到好處

有人說要看《低俗喜劇》，雖然欣賞彭浩翔導演的才華，但直覺上覺得這片子有點不太對勁，既然你盛意拳拳，我也不好意思掃你興啦。（果然讓人吃不消，但似乎深得你喜愛！）不過這次有個大發現，那戲院的邊座太好了，我超喜歡！看電影前我們了去一風堂晚膳。對呀，又是吃拉麵了，我可是個拉麵痴！有你跟我一起試不同的拉麵店，真好！就坐後，我們點了白丸拉麵和雞骨豚骨拉麵(麵條都選了適中硬度)、薯仔沙律和叉燒角包。你的白丸拉麵是正宗九州拉麵，你說叉燒很厚身。而我那雞骨豚骨拉麵的湯底很鮮甜，材料亦較豐富。我分了一半溏心蛋給「蛋怪」，然後「雪雪聲」地幹掉一整碗麵。最值得欣賞是麵內有炸過的蔥頭，將整碗麵的味道提升了不少。你後來加了麵，選了硬身的。我倆試過後，也異口同聲認為硬身更好吃！日式的薯仔沙律是我的最愛，加了青瓜和紅蘿蔔，一流！ 叉燒角包的包很柔軟，叉燒不算肥膩，容易入口。你偷偷跟我說，自己也可以弄啊，哈哈！本來你還想吃爆裂豆腐，不過見我發病了，所以放棄。下次我們再來吃，好嗎？

經朋友推介，決定與友人去一試。好多人排隊，聽講名氣幾大的。友人食白丸拉麵，而我就食辣嘅赤丸拉麵，可以選擇麵嘅軟硬程度，友人要適中，我則選擇了軟身（我係連食意粉都鐘意軟身少少的怪人）。拉麵湯頭都幾濃郁，幾順口，起碼唔似有味精嗰種死鹹，所以食完個麵連湯之後，都唔會覺得口渴。叉燒肉肥瘦適中，煮至軟淋，唔會覺得柴／嚡口。叉燒角包，個包身夠熱同軟身（好似又熱又鬆軟嘅曼頭咁）加上裡面嘅叉燒連醬汁好夾好好味，一啲都唔會覺得肥膩，我值頭有衝動想再追加多碟黎食。（可能因為我鐘意食片皮鴨，而佢就有啲似係嗰類演變出黎嘅飽肚版咁）好好食，要趁個包仲熱就好快啲食！仲有個小食，炸牛蒡，無咩特別嘅味道，好似食薯片咁，好脆。服務員好勤於幫客人添水。

我可不是第一次來尖沙咀一風堂了，可是很久沒有來過，轉眼間，原來一風堂已經登陸香港一年了。為慶祝香港一風堂一週年誌慶，尖沙咀一風堂推出了由創辦人河原成美創製，並以此獲得「拉麵大王」美譽的極新味「麵王」拉麵，只於七月供應，每日​限售一百碗。之前見有食友寫過，反正久未重訪，也就有個藉口再來一趟。入座的時候服務生提供的餐牌並沒有「麵王」的那個餐牌的，只有點了這個麵後，才會送來（因為它有介紹如何吃這個拉麵的方法）。中粗麵條加入了粗粒小麥，配料有炸牛蒡片、叉燒，半熟蛋和黑​木耳。豬骨湯底下面是茶碗蒸蛋，並附上膠原蛋白球及柚子​胡椒，根據特備餐牌上的指示來吃就可以吃到不同的層次。這個就是餐牌上介紹的進食方法了：1.首先品嚐充滿小麥香氣、咬勁適中的中粗拉麵，以及長時間熬製而成的一風堂秘製湯底。拉麵內的麥粒清晰可見，可是質感偏軟（只有普通跟軟的硬度選擇，已經選了普通），豬骨湯好像沒有以前吃過的白丸元味的濃郁，不過從另一個角度看可以是種清淡點的口味。炸牛蒡的味道怪怪的，叉燒質感比較粗糙，黑木耳反而感覺不錯。2.然後將藏於湯底內由昆布、鰹魚精製的茶碗蒸蛋弄碎與拉麵一同品嚐，感受當中的日本傳統風味。這個茶碗蒸

上次食左X王....一直都想試埋一風堂既拉麵未夠6點去到,都要等成10個字先有得食環境唔錯..其實仲有空間可以加多少少位咁就唔駛等咁耐喇其實都好濃味...不過濃味得黎唔會覺得"漏"個湯無咁稠身...就算食得慢都唔會吸晒D湯加上我至愛既幼拉麵..真係要比個gd不過一個拉麵唔夠食...要再叫多份餃子但係份餃子真係好一般雖然碗拉麵真係好岩我口味以價錢黎講成百蚊食一碗拉麵+餃子真係貴左d有機會又唔多人先會再食喇

我有個馬來西亞朋有黎左HK，同佢睇完個「幻彩詠香江」，佢話想食拉麵。我openrice左見呢間野有咁多個好評咪帶佢黎一風堂食囉。佢個攞票機好先進，入有你個電話就會大概入坐前，佢會打黎同你講仲有10分鐘剩。點知我地等左起碼20分鐘。可能我地真係太肚餓既關係，開始唔耐煩同好期待D食物。我地用等待既時間黎睇個餐牌，點知覺得D選擇好少。同埋加蔥都要加8蚊當我地坐落，我地用左9秒9既時間落單。(因為真係好肚餓)我地3個叫左每人一碗拉麵、一風堂餃子、豚肉煮。我選擇我D麵軟身，而我兩個朋友就正常。我地碗麵唔洗5分鐘就有啦，但係唔知係唔係多人既關係，我D麵仲係好硬，而我個兩個朋友個碗間直唔咁想像，硬到呢。我地係到諗如果叫左硬咪差唔多生麵咁上所長食物冇我想像中咁好味。好麻麻jer.... 個豚肉煮個碟好大，但D肉又少又細。簡直係fusion菜咁。如果你係肚餓又諗住可以食飽又多選擇題拉麵館就一定唔好選呢間但係佢地侍應個服務好直得表揚，俾我地飲水個杯好細，但係可以係D水飲哂之前一定fill滿佢。超快

一風堂推出麵王後，唯本人被調職至銅鑼灣，一直未能到尖沙咀食，是日放假，本人終能食到麵王。第一口湯濃厚豬骨味加上以小麥粒製成的中太麵，完全演繹出一碗拉麵最原本一面，當弄碎蛋後，多了一陣陣的木魚味，中和了剛才湯的油膩感覺，但加入柚子骨膠原後我覺得第三奏變化不太，可能我味覺不太好，最後加入柚子胡椒，多了一種新鮮感，我從沒想過拉麵加上胡椒是有意想不到效果。唯獨本人不喜歡放在中間牛蒡，但據說是河源成美先生故意炸到有少許苦味，並不是員工問題。根據一友員工朋友跟我說,香港一風堂是100%採用日本一風堂所用的日本麵粉,因此選擇了硬身麵,浸在湯中也不會很快變軟

我本人就去過一次日本，食過係日本嘅一蘭拉麵。我一直都好想食多一次日本正宗拉麵。可惜日本機票貴。我聽人講話有一間係日本搬過嚟，就過去食下。我叫左個白丸拉麵。一試！同日本D拉麵係一樣！D肉非常好食！仲有D汁，大家千萬唔好以為個湯底咸就係落左味精喎！因為我係日本嘅一蘭拉麵係一樣咁咸，而且一蘭拉麵係一定唔落味精！真係好食！

第二次食一風堂, 二個人安排坐響5人的長枱都算闊落可惜隔離既三個女人一個墟嘈左D...影響左小小...叫左赤丸 同辣肉味噌拉麵 炸雞麵條選左硬身口感不錯炸雞油左D...湯唔算太油膩 初初飲夠得好濃, 飲得多就好似有D漏同喊左小小...唔算一試難忘, 但也不算十分好食...

未夠12:00入座, 當然是意料之中的大把位 一入門口, 每位服務員(起碼有五、六個)都齊聲用日文歡迎你...感覺良好 但.......當不斷有客人入座時都是這樣.....就未必感覺良好啦, 反而覺得有點嘈吵添 地方舒適, 雖不至於很有特色但很整潔, 如果可以坐梳化卡位應會更正! 早前被某周刊評為"2012必食拉麵店"之一, 午市選擇不多(未知晚市如何?), 這點倒有些意料之外! 點了白丸加紫菜, 麵底硬度可選硬、中度及軟, 第一次吃最穩陣就是要中度吧?! 麵質及湯底冇驚喜不過值得一讚的是叉燒的確夠軟滑!! 自問唔算超大食, 但呢碗盛惠$88.3(加一後)的拉麵, 的確唔飽肚囉!!

下晝4、5點去，冇乜人，唔洗排隊，家人一早已食過，評價係非常普通，但我覺得都係要親身試過先知。環境唔似一般連鎖拉麵店咁，鋪頭都幾大，ok舒服。不過侍應既反應就略嫌慢左d。我同朋友都係叫左白丸，食落湯底感覺好普通，好似同超市賣的豬骨湯公仔麵差唔多咁，味精重。而麵身都太幼，完全吸唔到湯既味道，而且碗麵勁細碗，身為女仔都覺得食完唔飽。 不過最失望都係呢度既溫泉蛋，生到同隻生蛋差唔多，而且亦冇乜味，好失望，未食過咁差既溫泉蛋。實在覺得呢度唔值得要排隊去食，仲要收呢個價。

朋友生日，一行9人，由於無得book位，只好一早排隊，點知一等就等左個半鐘唯一好處係可以留電話，差唔多就有電話提你當大家餓到傻嘅時候，終於有位，大家滿心歡喜唸住衝入去，店員同我地講只可以食一個鐘，問我地有無問題梗係有問題啦，但無辦法，等左咁耐，只係大家都唔忿氣，等個半鐘食就得一個鐘至於食物，大家都係白丸赤丸，加雞翼同豆腐。大家都一至認同赤丸好味d，較濃味，但不見得會想再食雞翼同豆腐就無咩特別，不過不失如果以拉麵作主打，豚王始終略勝一籌

日本大阪嗰間一風堂幾年前已經試過，印象不錯，湯底同麵條都好，唯獨店裡面太熱，抽風好差，食到d汗不停滴。至於香港呢間，開咗一段時間，開業初期要排兩個鐘，實在無本事去等。而家開多兩間分店，尖沙咀呢間嘅客量少d。12點去到，唔洗排隊，食完大約一點鐘，外面都只得幾個人排緊隊。我地一家3口，被安排坐卡位，好寬敞，而且冷氣夠，唔會好似日本咁食到身水身汗。最近推出新拉麵，阿爸一睇就話要試。我同阿媽就試番d basic d ge, 阿媽要白丸，我要赤丸。再加一客餃子同爆裂豆腐。爆裂豆腐，size 細細，索價$58，有點貴。所謂ge爆裂係用熱石鍋上，上枱時gi gi ja ja，加上辣辣地。除咗豆腐，仲有麵條碎，洋蔥碎同肉碎，而個精華係個汁，好惹味，味濃，又辣，貴得有道理。餃子一般，無咩特別。阿爸嗰碗勁豐富，有4片叉燒、半隻半熟蛋、炸牛蒡同蒸蛋。仲有骨膠原凍同柚子胡椒。份量好多，阿爸連湯都飲埋，食完連餃子都食唔落。白丸同赤丸嘅湯底係一樣，只不過係赤丸加咗辣。豬骨湯底味道濃郁，赤丸嘅湯底多咗一層肥油，所以好似香d...麵係幼身，同其他拉麵店不同，軟硬度適中，同個湯好match。不過蔥花同日本差好遠，日本嘅

Last Thursday, I had the chance to visit Hakata Ippudo - one of the world's most famous ramen chain stores - here in Hong Kong (Causeway Bay). Having heard so many people rave about this restaurant and how they waited for over an hour just to get a table, I was curious to see what the hype was all about.Luckily by the time I went, around 9pm, dinner service was coming to a close - there was no waiting, meaning I was seated immediately. A huge relief, especially after hearing all those horror sto