一門 (已結業)

最近宵夜連連，今次主題是「款式多羅羅，樣樣試少少」，收工已是十點幾，找間坐到又傾到計的地方數數手指，選擇其實不多。玩串燒及自家料理的小店，看過食評大概估到不會差，但亦不會好到那裡，預期中有氣氛搭救，否則亦難交功課。居酒屋設計，但就感受唔到局酒屋的氣氛，最起碼連幾張似樣的過期Poster都欠奉，是比較適合後生仔女的類型。餐牌靚靚仔仔，卻與出到來的實物相去甚遠，雜錦串燒（三文魚、牛、雞軟骨、羊架），幾油膩的，玩燒烤的話相信偶會玩得更有水準，這幅相相信更能將味道原汁原味地呈現。又叫了鹽焗銀杏，與雪村相比，價錢平一半，size亦細一半，一分錢一分貨，無死錯人呢。試完材料質素後，又試試自家製的功力，炸芝士及雞丸湯，前者油膩膩芝士溶得麻麻，偶是勉強清掉吃剩的70%，而雞丸湯聽說是手打的，幾軟熟的，但落到味精湯底，是幾失望的。甜品是紅豆湯，如友人所言，死甜．．．與隔條街的雪村相比，價錢是平少少，但質素卻是一天一地。零碎的食相：http://www.imagestation.com/album/pictures.html?id=2097020432

連續兩日都來呢度食,前日係第一次來,覺得抵食,昨日再來,想試第d.兩次都係叫sushi set lunch.對於由日本人親手做既sushi較有信心,好放心食,塊魚生又大又厚,份量好足,呢個set有埋烏冬或拉麵,烏冬好食過拉麵.服務亦好好,加埋個裝修(真係好似日本居酒屋格局),非常抵食.

聖誕後一日, 在銅鑼灣轉了兩轉, 人實在很多, 還是早一點吃晚飯, 最後揀了一門.六點上到去, 沒有訂位, 要七點半交臺, 剛好, 食飽過伊館.環境是接近漆黑一片, 在坐不少是情侶, 正好浪漫一番.傳統厚燒玉子: 9分, 將玉子沾上蘿蔔, 冷熱之間的感覺, 很美味的玉子.溫泉玉子: 8分, 這個溫泉玉子同樣出色, 文迪唔食, 我就成碗食.特色免治雞肉串: 7分, 免治雞肉串口感麻麻, 像有碎骨般, 但幾香口.香草燒羊仔排: 9分, 小小的一件羊仔排, 燒得剛好, 食落口有點點香草味同騷味. 很出色的燒物.韓風河蝦煎薄餅: 8分, 煎得很香的薄餅, 皮有一點脆, 嵌料不太多, 以蝦為主角.鍋蛋石頭燒飯: 7分, 跟韓式的沒有分別, 但相當便宜. 不夠韓式的香口.東洋卷: 8分, 有點像班戟的外皮, 內裡則是手卷般, 不俗.迷你三色彩: 9分, 三色彩包括鮮芒豆乳豆腐凍, 士多啤梨豆腐凍, 同綠茶雪糕, 是紅黃綠三色. 最美味是鮮芒豆乳豆腐凍, 豆腐凍就像豆花般, 滑滑的, 加上一層鮮芒醬在上面, 口感一流. 至於士多啤梨豆腐凍則是加上點點士多啤梨醬在豆腐凍上面, 酸酸的, 沒有芒果般匹配

我同朋友於網上搜尋良久，見呢間食評唔錯，咁就成為我地的晚飯目的地！由於我地沒有訂位，我們晚上6點左右去到踫吓運氣，waitress話8點半交枱，當然no problem啦，至緊要有得食！我地叫咗：吞拿魚腩壽司$160 太貴了！雖然都好食但呢個價錢有好多選擇。三文魚同甜蝦刺身$50@新鮮，好味！燒物：燒帶子串$22，雞肉串$18同三文魚串$18人人都話帶子最得，我就覺得其實都好一般，冇乜驚喜，都鮮甜既。厚燒蟹肉玉子$48都覺得幾有蟹味，但好溜，食完就會飽晒，食唔到其他嘢！可能本人對蛋麻麻地。東洋卷$?友人鍾意鰻魚，所以覺得好食。我就覺得這個卷最好食！配搭得宜。最好係服務，我地食咗1個多鐘，waitress竟然換咗十幾個碟...真係洗死阿姐囉...幾好service，有求必應，服務員又會面帶笑容。氣氛好，waitress講句日文，其他waitress及廚師又會一齊和應，好得意。我覺得啲燈可以tune番光啲，等我睇得冇咁辛苦。如果價錢相宜一點可能會再來。畢竟食的普通但價錢偏高，如果諗住同朋友傾吓計又作別論，因氣氛好。

晚上和男朋友去了銅鑼灣一門餐廳dinner,七點半到,因為太遲booking,结果只有bar枱,之前有friend食過話OK,氣氛很好,很熱閙,bar枱入面D日本師傅很靚仔,但小心被嚇親,我問她為什麼?她說上去試下你就知!结果真的被嚇一跳!入坐後,身後突然有個男人大叫一句不知什麼意思的日語,然後bar枱入面D師傅一齊同一時間叫得更大聲,應該是歡迎詞吧!我和男朋友真的被嚇一跳,之後個waitar無時無刻都在大叫,每次bar枱入面D師傅又一齊叫,所以餐廳裹面真的很熱閙,很日本精神,我們點了以下束西:什錦刺身--D海胆,白肉魚和甘蝦比較新鮮,但帶子比較少,三文魚不夠肥美,雜菌厚燒玉子--雜菌放很多,很香,外層軟綿綿,裹面又多汁,好好味,我們加豉油一齊食,比較咸. 盬燒牛舌--很爽口又唔韌,味道又好,串燒帶子--帶子內軟外脆,好味.免治雞肉串--很爽口.生薑豚肉石頭飯--幾香,有少少飯焦,但比較濕,可能水太多.雞肉烏冬--味道可以,但烏冬唔夠彈牙......看見bar枱裹面D靚仔日本師傅制作食品的時候個個都很嚴僅,個個都很cool,而且他們那個胖胖的主管不停走來走去視察他們的出品,所以我們食得

昨天晚上和朋友一同到"一門" 吃晚飯, 之前從報章看過介紹,所以來試一試....果然不錯...我自己最喜歡"厚燒玉子" 熱辣辣...軟綿綿...口感十分好,也充滿蛋的香味..十分好吃。另外石頭飯亦是十分好...熱辣辣,配料亦十分豐富,下次會再來的。

話說見到大家講得幾好，有晚同個兩個上去試，６點到，佢話要８點交台，都算～入到去坐低，冇招呼，冇茶，問佢ｌａｗ先俾！個ｍｅｎｕ好怪，又唔清楚，都唔知ｄ　ｉｔｅｍｓ咩黎既，仲好似好少野簡！！想走，我個ｆｄ話好，ｓｏ走左，都冇人理我地，直至走左ｏ個一刻！！上去笑笑食好過！！

睇雜誌又聽姊姊介紹話唔錯, 好朋友生日即管訂位試下, 7:15準時上到去,無人排隊亦無爆場(聽聞好爆). 地方可以話好有氣氛,環境好幽暗.叫左招牌菜:厚燒蟹肉玉子= 食唔出物感覺,只覺得係煮法特別既厚蛋, 一門沙律= 一般沙律, 豚肉石頭飯= 味道Ok, 飯焦比較少, 清酒煮蜆= 好多沙又煮得太厚老, 仲叫左D野, 成晚最好食係一個叫"紫蘇南瓜蝦", D南瓜幾好食,蝦好爽及個綠茶真係好特別.一句講哂,呢個價錢唔值得再來.p.s. 倪震同周小姐,仲有成班朋友坐我地隔離,非常噪, 幾乎傾偈都聽唔到!

上星期經朋友介紹到一門食晚飯, 叫左以下食品:1.) 雜菌厚燒玉子-- 由於鍾意食蛋, 這款非常\"正\", 唔會覺得太濕。2.) 洋風白身魚沙律-- 幾特別, D 蕃茄好甜好FRESH3.) 泡菜石頭燒-- 正, 剛上時覺得濕左D, 但由於石頭鍋仲好熱, 食食下有飯焦4.) 東洋卷-- OK. PANCAKE 皮好有蛋味, 好香5.) 韓風帶子薄餅-- OK, 不過冇乜料, 同埋個醬汁怪怪, 好似點燻蹄D醋6.) 串燒牛舌-- 由於上碟時係凍既, NO GOOD7.) 串燒雞肉芝士-- 響雞肉串上撻塊芝士, 十分怪8.) 鹽燒大蝦-- 掂, 雖然要成$32.00/只, 但蝦肉好爽,都幾鮮甜。最緊要係熱辣辣服務幾好, 時常換碟。但BOOK左9:30, 要到差唔多10:00先入得。由於時間較晏, 故唔係十分嘈。雖然不設非吸煙區, 但附近冇人食煙, 可以接受。價錢方面, 平均每人$200, 但唔係食得好飽。可接受。

兩位陳小姐去食，叫左：1.蟹肉厚燒玉子2.生羌豚肉石頭窩飯3.三文魚刺身4.免治雞肉串5.燒雞肉烏冬係咪大太食呢？個玉子好味道~~~飯都好味，有飯焦脆脆地！三文魚同免治雞肉串都ok，最唔好食係個燒雞肉烏冬，可能最尾食，開始飽飽地......入座個陣，見到好多空桌，但係又懶係多人咁，問我地有冇book位，最後先"勉為其難"安排左bar「木台」俾我地，你有幾多客jei ...仲要限我地8點9交「木台」，哦~~~~食完d野d人就極速收碟...駛唔駛咁快呀...你又知我唔再叫野食gei?! 最後先o益個個烏冬，你咪又要俾返d餐具我，盞搞　~~~唔係好明佢地咩意思，走個陣其實都未爆~~~　不過侍應服務態度幾好。

13/10 - 想找日本菜食, 上openrice 見到有幾好的食評, 就來一試. 當日下午5:00p.m. book 2位, waiter話只有bar位, 都好啦.book左7:00p.m., 但要8:30p.m.前埋單.食左:1.魚肝醋物(即安康魚肝) - 好期待, 好耐無食過, 但見到後再食埋就好失望, 好唔得, 個魚肝食落唔香, 個醋汁好唔掂, 淨係得個酸, 又無蔥, 份量好小. 唔抵食, 成$6X. 2.蟹肉厚燒玉子- 這個份量我覺得幾大份, 可能價錢要$48啦, 好好味, 唔怪得個個都話掂, 但蟹肉小, 下次叫原味都可以, 我覺得分別不大.3.三文魚次身有5片- 不過不失, 都OK.4.燒茄子- 唔得, 唔似燒, 好淡+唔好味5.燒牛舌- 好食, 有咬口, 下次會再叫6.燒雞軟骨- 好食7.燒牛肉- 唔好食, 好so8.燒雞肉京蔥- 唔好食.waiter好快收野, 有小小感覺想趕人走, 我望出門口又見唔到有人等位, 奇怪.

因為聽講呢度幾好味,所以同bf試下.叫左蟹肉厚燒玉子(好味), 餃子(幾好),燒餅(唔錯),同豚肉石頭飯(好油),d食物其實係幾好味, 但服務好差lor! 我地6點幾去, 都冇咩人,坐低左好耐水都冇杯, 直到我地order 完, 因為bf order 左beer, 個waitor先俾一杯水我! 係! 只係得我有水! 之後我地食完d野, 一放低筷子, 個口都仲趙緊,竟然有人以9秒9高速收碟! 跟手仲要我bf 未飲完既beer 都收埋! 雖然佢叫我地7:30交台, 但果時只係7點ja wor! 使唔使咁快趕客呀! 以後都唔會再去!

原本打去book 七點半, 但話full 左, 要八點半至有, 後尾都arrange 到八點. 一上到去, 見門口無人等位, 入到去見到好多枱既?坐低慢慢睇menu, 約左屋企人未到, waiters 好好禮貌同俾左杯水我, 好周到坐左上一級六人枱, 見到天花每格都有個別日本紋飾好靚，吧枱果邊有燈籠圍住, 見到有房坐添, 好靚. 雖然好黑, 但每枱都有個別既燈, 睇野冇問題今日食左:- 河蝦厚燒玉子蛋好滑, 好多隻大蝦, 好爽口- 白身魚薄餅勁好味, 又香又滑又鮮味- 海鮮茶壼好得意, 真係茶壼裡面好多海鮮, 針D 湯落功夫茶杯度飲, 海鮮足料好好味- 蕃茄海鮮意粉有兩隻勁大既蝦, 兩個大魷魚圈, 同兩隻"顯", 用好多蕃茄肉做base, 勁正- 牛肉石頭鍋飯一般, 可能真係幾common- 泡菜豚肉豆腐辣辣地幾好味, 不過俾其他野搶左風頭- 鐵觀音好香, 冇澀, 好好飲- 南瓜湯丸細細粒既湯丸好滑, 仲有麻蓉餡好好味, 南瓜蓉做base 個味好好, 有D 奶味好香- 紅豆燒年糕個紅豆base 又係勁好味, 都係有奶味, 燒年糕好煙un, 燒過脆脆地好香好味到難以形容, 全線都好好味,

聽人講d厚燒玉子好好食, 做法係日本正宗做法, 果然係好味, 唔錯, 見到一層層嘅, 其他都ok啦!!but 個環境就好黑! 好暗! 與情人食, 唔錯!!

足足遲了一個月才與老友慶生，老友話餓了日本菜好耐，就帶佢o黎食。好彩安排坐入面的卡位，比係出面靜好多，又沒有煙味。蟹肉厚燒玉子-是第一道上的菜，侍應建議要趁熱食，果然是招牌菜，蛋非常之嫩滑，不過蛋味唔重，蟹肉亦好鮮味，但亦好明顯加了味精。之後再encore多一個河蝦厚燒玉子，味道與蟹肉差好遠，蝦沒有香味，除了蝦肉不爽外，仲有一陣雪味。三文魚、章紅魚刺身-唔夠新鮮，就其是章紅魚，肉質帶點諗，唔夠”結實”。東洋卷-叫了兩客。水準不及以前，卷皮較濕，一夾就好易散。魚湯-好濃魚湯味，但亦飲到好重味精。燒牛舌-燒得夠香，牛舌亦爽口唔韌。生姜豚肉石頭飯-唔香、飯好諗好濕、又冇飯蕉，原來個石頭鍋係「假」的。雞肉烏冬-配料唔少，烏冬唔夠煙韌。牛油雜菌帶了鍋-帶子細細粒，口感以魚蛋，湯汁好”杰”身，又沒有牛油味，88蚊細細鍋，唔多值。最後再叫多兩客章紅魚壽司及鰻魚壽司，我只食了鰻魚，算肥美，鰻魚汁亦野味。今次是第三次去，水準不及以前，而且又冇o左discount，短期內都不會去第四次。