一門 (已結業)

一門不嬲都好full，之前食過一次覺得d食物真係唔錯，雖然係貴左d不過都叫物有所值既.今次約左大學友人ww先生，坐低等佢既半個鐘我當然唔會待薄自己，叫左燒牛舌同汁燒牛肉慢慢嘆! 牛舌味同質感都對板，但係d香料勁得滯有少少嗆喉要小心食，汁燒牛肉就夠滑唔會過老。ww黎到後因為佢已經食左野打底我就唔叫咁多野食啦~ 都係叫番d我食過覺得好食既野，再加一支700ml既純米吟釀。海鮮沙律-- 個dressing好得而且刺身都唔少! 我都食左好多菜呀~ 好味!!海膽玉子卷-- 好好味，玉子夠嫩有蛋味配埋海膽真係正!!!!卷物-- 唔記得個名，用蛋皮包住有蟹子，鰻魚，牛油果，暖暖地咁好好味!!!!鹽燒三文魚串燒-- 呢個反而麻麻，燒得過火左少少! "和"sake -- 飲到我好high，個味都ok易入口既. 咁當然如果有純米大吟釀更好! 野食俾完分，要講下service喇，話說ww黎到都差唔多9點，9:15我地食梗野岩岩開左支酒既時間，waitress問我地仲有冇野要order。我好驚訝話乜咁快last order?! 佢話我地張枱要9:30交.. =_= 冇人同我地講過喎!!!! 得果半個鐘，支70

朋友介紹這裡的玉子好味,便來試試.....試過後覺得一般...沒有特別...其他食物也设有特別...可能和民更好吃!

yummy!!!

之前post唔到相，很想介紹番d食物。

末打完sendtim,唯有再打過。看了openrice介紹，不論食物同店內裝修都非常吸引，於是book了這店同朋友慶祝生日，真係冇選錯，今餐大家都讚不絕口，下次一定再來過。

11 May 2007 (Fri) - 晚飯久未造訪，好朋友說來此吃，我亦無異議，皆因我也喜愛這裡的室外氣氛！好大沒有訂枱，他說沒有訂枱多數也沒有位，我身在CWB，忙上去看看，並告訴好友他們有個室外露台位置，有機會有位！上到去門口的waiter告知訂座已滿，我問他室外有沒有位，居然又有，我想可能大部份人都不會坐室外，沒有冷氣，所以他絕少提及有室外位！連我的好友亦不知道，但因我曾坐過，環境不俗，天氣不太熱時，確是一個好選擇！今次叫了很多特別的食物，最起碼上次我沒有吃過！叫了刺身沙律，立魚刺身，日式炒蛋，燒青椒仔，燒羊扒及帶子翠玉瓜！刺身沙律好好大碟，超正，加埋少酸的沙律汁，好味道！立魚刺身的酸汁也很好，調校得剛剛好，不過稍為多葱，可能為的是要用作蓋過立魚的猩味！日式炒蛋好好正！！一定要食！燒青椒仔，味道OK，燶咗啲，唔夠惹味！燒羊扒聽講是這裡的出名燒物，最起碼很多人order！帶子翠玉瓜都頗大碟，少辣，翠玉瓜很淋及美味，帶子隻隻都好大隻！我們又order 了兩支細凍sake，味道不俗，清清地易入口，飯後再來一個藍莓茶，但我個人認為太甜，並不太美味！這裡無論服務，環境，及食物依然都很好！！

二匯一門，屈指一算，七月已過。心裡總念著首次造訪的情景：滑稽的接待男、振奮人心的歡迎語、細心體貼的待應生、和善純良的壽司學徒……還有一個個在口中爆發的驚喜。這趟實太教人失望。野菜烏冬－－鹹，但烏冬相當有彈性、質感；蟹肉厚燒玉子－－鹹、神蟹見首不見尾；軟殼蟹沙津－－鹹醬油極鹹、軟殼蟹極軟、配料極少；歡迎言失蹤、侍應生笑容欠奉、煙霧瀰漫（受到烤肉味圍攻，我小命幾近不保）。唯有東洋卷，堅守到底。

尋晚同傻瓜男友一起，與好友K食飯，本來想訂七點半，可惜已滿，要訂八點半才行！一上到去就已經有位，真好！第一次來到，見裝潢很特別，只略嫌嘈吵了一點。因為大家都肚仔餓，結果一口氣點了很多東西。溫泉玉子：不錯，蛋黃部分剛剛好，不硬不軟，但很想知做法。刺身三拼：一般，但尚算新鮮。燒羊仔排、燒牛舌：一流！一點也不覺得騷，肉汁很豐富！事後傻瓜男友說，是他吃過最好的羊仔排！牛舌也不錯，燒得剛剛好！壽司拼盤：我最愛就是這件牡丹蝦壽司，十分彈牙！可惜不可以單叫一客，否則一定添食！韓式河蝦薄餅：一般，略嫌有點油膩。海鮮意粉：有點像我自己動手做的！呵呵！牛油果蟹肉壽司：蟹肉不足啊！服務不錯，時不時有人換碟。傻瓜男友說，下次只食燒羊排也值回票價！哈哈！

一定要book位先有得食.價錢貴左d, 但係品質味道佳, 貴d 都抵, 絕對係value for money.最好食係帶子刺身同埋燒牛舌, 食得出係用心之作, 唔係粗製濫造.服務員好有禮貌.讚!!!

同朋友M來到銅鑼灣, 朋友仔又剛好放工, 就約埋三個人一齊食飯, 地點係朋友仔選, BOOK左7點但要8點半交檯.和牛燒- 同朋友一致認為唔係和牛, 似肥牛多D, 有一個鐵板比自己燒, 牛肉用醬汁醃過, 味好濃同入味, 唔錯.魚肝- 魚肝沒特別, 反而墊底既青瓜就好爽口.壽司拼盤- 魚生算新鮮, OK.溫泉蛋- 糖心與全熟之間, 幾滑.冷烏冬- 烏冬腍左少少.牛舌串- 牛舌無燥味, 咬落有肉汁. 雞軟骨串- 香口.叫侍應介紹清酒, 侍應諗都唔諗就指左支最貴既, 唔太化算, 改叫左支$450/720ML.總括來講呢度D食物都唔錯, 但酒既價錢就偏貴.

第一次响香港食到咁有水準既串燒,覺得抵食, 兩個月唔夠已經同女朋友食咗三次. 一定會再來.推介:蟹肉玉子一門沙律串燒(種種都好味)服務好好,加埋裝修一流.

好好味充滿脂肪~女士可能唔係咁中意肥的感覺不過真係好正其他的串相比下去了這裡是一個可談心或閒聊的好地方招呼好好~

又一碟勁新鮮既刺身！超勁肥美既ｔoｒo！好正！但都係有ｄ根...本人１０分推介溫泉玉子！蛋白部份滑到好似布甸咁！南瓜沙律...好行咁講句...大家都有意識想再叫多碟呢！熱辣辣既炸蟹肉忌廉...又係一個好字！岩晒鍾意食炸野既我！至於鎮店之寶：厚燒玉子...我地叫左蟹肉口味同埋雜菌口味...唔知係咪太大期望...反而覺得有ｄ普通...不過佢又真係同平時食果ｄ甜蛋好大分別...呀叔爆左句..." 有ｄ似茶餐廳ｄ炒蛋"...其實佢誇張左姐...我諗最失色應該係個海膽炒飯...一句講晒...無味！甜品...合桃茶湯丸+燒年糕紅豆沙+芒果豆乳豆腐凍...都不錯呀...

上兩個星期六,因為靚女i要買衫,所以走去銅鑼灣行街,夜晚我book食一門,好彩有book,我聽到要等,打開菜單,見到d價錢都幾貴,但係我實在太肚餓啦,所以我一氣叫好多食,好似蒸蛋, 叫普通同蟹肉兩種,蛋好滑,甜甜,蟹肉食得出唔係用蟹柳,係用新鮮蟹肉,加分,蒸豆腐,比d蔥,木魚絲比你自己加.d豆腐都好滑,鴨沙津,唔係落沙津醬,係加D醬油,唔酸,甜甜,石頭飯,幾多料,不過無乜飯焦, 柚子牛肉湯, 好甜,但飲唔到有柚子味, 仲有魚生, 夠新鮮, 但都幾貴,成$10一舊,都唔係好大舊,一路食一路聞到D串燒味好正,我就叫南瓜,蕃薯同雞軟骨,都成廿幾蚊串,得三,四舊,但係真係幾好食,食到鹽味同牛油味,最後我仲叫甜品,雪糕,布甸同糯米"池",都OK,同埋度D氣氛幾好,如果一大班FRIEND HEA就OK,如果想拍拖仔我就嫌佢嘈D啦!不過總括講D食都OK!

樓下凋零的店舖加上門外藍藍的燈光和店內仿日本古代的裝修為這餐夜深的晚飯帶來一絲的陰森可幸走進去的環境氣氛並非如此靜靜地反而適合傾偈半生熟蛋吃過不少多數都是蛋白硬而蛋黃軟例如康龍拉麵(2006-04-22食評)的和上次日本通h在池袋帶我們吃的”二而”拉麵的炸半熟蛋這裡的溫泉蛋卻是蛋白和黃都像是流質奇怪的卻是當用匙羹切開浸在豉油中的蛋之際蛋汁又不像生蛋般四散而是乖乖留在原位等你單是玩這個部分已值回票價軟滑加上蛋香當然已是錦上添花炸蝦卷像春卷的做法三文魚刺身夠厚煮蜆近乎白灼但肉質鮮嫩有鮮味第一輪唔多夠食要再加壽司六點加埋牡丹蝦其實係七點款款都新鮮蟹肉玉子令人想起築地話晒係招牌貨當然不俗蟹肉被蛋重重包圍加上蛋漿的調味恰到好處兩者味道相得益彰另外兩杯飲品一般與和民的差不多咁大個人第一次行入黃金似曾相識只因為一句歌詞黃金廣場內分手在時代門外再聚…邊個知重聚之時發生咩事縱使要分手日後再重聚的雙方都是你摯親的人何不鼓勵他們給自己退一步的海闊天空?