一門 (已結業)

我同幾個朋友唔信邪走嚟呢間嘢度食個lunch啦, 諗住上次嚟,D服務態度都OK,點解咁多人話佢哋而家服務態度差, 點知嚟到真係見到真章。加上D食物好耐都唔嚟, 催單又唔願幫你跟單。(其實呢間嘢 好經典, 個個侍應, 不論男女都黑口黑面) 好啦, 既然今時今日咁惡劣嘅 服務態度, 試吓 唔俾tips 睇吓 你咩反映啦, 嘩!!! 真係黑面唔講多謝. 既然佢已經有計加一, 而且態度咁差, 做客嘅 緊係唔甘心再比多D 啦. 其實我都試過唔滿意而加一之外唔比額外TIPS, 而D 有誠意嘅 餐廳仍然好有禮貌咁講多謝, 然後會檢討吓 有咩對個客唔週到. 咁咪值得人再幫襯囉.再講, 佢D 嘢食都唔得, 魚生唔新鮮, 食落有怪味, 拉麵“鞋”口, 湯底淡而無味, 喺 屋企求其淥個麵餅都好食過佢.講真, 喺 銅鑼灣要搵價錢好, 服務水準高嘅 日本餐廳, 真係隨處都係, 可必貼錢買難受, 我同D 朋友肯定唔會再幫襯啦.

We booked table for 20 on a Saturday night and the manager actually forced us to finish everything within 2 hours. He was carrying bad attitude and there was actually no booking following our table. FOOD IS JUST OK AND WE WILL NOT GO THERE AGAIN!Pissed

為了九點交檯做第二輪生意，服務生經常催促點菜、埋單，態度欠佳又煩擾，食物味道則一般。唉!無論服務或是食物質素都較前退步了。

環境好~food ok ~

本人今天從這網站看到此間餐廳的介紹，並看到多名會員都讚許這餐廳，於是本人1行5人便到一門嘗試一下。但很可惜，當我們一出電梯門時，見到那名站在餐廳門外接待的四眼哥哥，他完全當我們透明似的，於是我們便說:「我地5個人呀，唔該!」四眼哥哥態度極差地說:「依家無位喎!」但他一些挽留的態度都沒有，連一張等位的飛都沒有給我們，一句說話再也沒有跟我們說，連不好意思都沒句，我們便很無奈地轉身離開此地。我覺得這餐廳完全不想做我們生意，不怪得他們連一位等位的客人都沒有，這服務態度這麼差，怎能生存在銅鑼灣呢???我以後都不會再到此餐廳用膳了!

傳統燒玉子$34蛋好香, 一層層咁, 味道好, 唔錯. 可惜入面有好多水, 搞到要整d水出先食.串燒牛舌$22一串四件, 都燒得幾靚, 好薄, 變口感差d.泡菜豚肉石頭飯$58小辣, 幾惹味. 料足, 比較濕身, 所以飯焦唔多. 幾好味.紅豆燒年糕$40係燒完d年糕再放入紅豆湯度, 年糕好煙, 正. 紅豆湯亦好濃味, 一粒粒紅豆, 好甜.環境好好, 服務都算周到. 無樣菜份量唔算多, 價錢合理抵食.

上星期五同同事食飯.是日人客不算太多.我叫了鰻魚石頭飯,貪佢熱辣辣...這兒的鰻魚石頭飯不錯,鰻魚很多幾滑口,又有滑蛋,如果D醬都由侍應撈埋就更完美勒!我的飯友叫了魚生刺身定食,看樣子蠻不錯,幾新鮮.要提提呢道的咖啡很不錯,可能我比較喜歡日式咖啡多過美式咖啡.

與爸爸媽媽阿妹姑姐工人一行七人, 訂咗位等咗3分鐘可以入得.俾咗個比較私人的cubic area我哋, 好彩! 因為行經Bar 枱旁邊煙得好緊要, 連帶周圍都好大油煙.嗌咗好多嘢食:1.) 一門沙律－個汁好味2.) 蟹肉玉子－好甜好juicy3.) 雜菇玉子－同上4.) 刺身拼盤－新鮮，仲有海膽tim!5.) 牛油果蟹肉飯卷－普普通通6.) 泡菜煎薄餅－乾咗D7.) 燒羊仔架4件－無上次咁好食，我食嗰舊仲要用支牙簽插住當羊骨8.) 炸雞軟骨－Ok，少咗D9.) 燒牛舌2串－好味10.) 雞肉湯烏冬－烏冬好味，係手打烏冬11.) 海鮮茄汁意大利粉－好味12.) 牛肉窩燒飯－好味，D飯好彈牙值得一提佢個電子叫鐘，"咁"完好快有人嚟．最遺憾無咭有折．

蟹玉子好甜好味道串燒好像退步了一門真係一個可以和朋友he he ha ha的好地方不過一定要訂心水位置因為bar個邊及近門口的位置油煙好犀利把酒時一位男子食煙!!不過好快比人制服了其實露台唔食得煙咩?仲咩要犯法~

This is my first time to go to hv dinner!! very nice food! and the staff also very nice!

尋日去cwb行街,行到9點幾...好攰啦,之前聽朋友講一門好似幾ok,甘就上去試下啦.一行4個女仔,就衝左上去,都要等位喎,不過就唔係好多人下,等左唔夠十分鐘就岩岩好有位啦.有outdoor,可以食煙,但怕有蚊,所以都係坐返indoor lu.睇左一陣,就食野食lu...1. 海膽玉子圈- 呢個真係唔錯,好嫩口,玉子香中不失海 膽味,唔錯,下次要再食.2. 泡菜豚肉石頭鍋飯- 幾好食,不過我覺得size就細左 小小,4個人食就唔係太夠口,不過好香,料亦多.3. 燒牛舌- 好香口,小小偏咸,但都好食.4. 燒牛肉- 我無食,因為太飽,朋友覺得ok5. 燒帶子- 味道ok,但帶子本身唔太新鮮,帶子肉實得黎 又散,哂左...6. 燒茄子- 唔似燒囉,好似蒸甘.我唸佢地係原隻燒,跟 住去皮拆肉上碟,所以唔似出面甘有燒既香味.7. 炒雜菜- nothing special8. 3杯beer + 一杯梅子汽酒hk$800埋單....我覺得唔貴,都幾抵食...唔錯,下次要同男朋友一齊去再食先得.

好友生日飯兼宣佈婚訊, 嘻嘻~~本菇玉子, 蟹肉玉子–覺得後者好些, 可能嫩滑細絲蟹肉和蛋卷夾些.帶子燒餅–煎得香口, 似食緊中式蘿蔔糕.炸雞軟骨–香脆惹味, 但細粒左D.燒雞翼–肉質爽而嫩, 燒得外脆而唔乾身.京燒銀鱈魚–皮燒得脆, 肉嫩滑唔乾鞋, 汁調得恰當, 唔會太甜.芹菜羊肉碎煲–偏油, 羊肉香.雞肉湯烏冬–udon嫩滑而煙韌, 清淡出鮮味來.雞蛋石頭飯–清清地, 但還是喜愛韓式石頭窩飯.玄米茶很清香.

男友仔search到呢間有幾十個笑面,覺得信得過,所以黎試下lor 海鮮茶壺湯--細細壺,不過當茶咁飲,好過癮,味道清清地又夠鮮味,仲有好多湯料tim,又蝦又帶子,good!和牛燒--好味道!自己燒特別好玩,牛肉又好食,正!雞翼串燒--一串有3舊,每舊係半隻雞翼,燒得唔乾,好食!雞軟骨串燒--燒得好香,仲好脆,好得!凍橋麥麵--其實味道都唔錯,不過唔算最好蟹肉厚燒玉子--食落其實都幾漏,下次唔叫呢個餃子--皮唔厚,有肉汁,good! 環境好暗,不過好有日本風味,食物都好有新意,服務都好好,下次都會encore 0既!

10-7-07 (二) 午餐黃金廣場三間日本餐廳，终於試了最後這間。三間中比較喜歡這裏的環境、食物和服務。雖然價錢相對較貴，但屬合理。鳗魚石頭飯：份量十足，很香味可口。壽司定食(配喬麥麵)：壽司水準没想象中好，有部份不是自己喜歡的，下次考慮試其他。喬麥麵好吃，湯清甜，麵爽滑。不過，忽然想吃冷麵，那裏的冷麵好吃呢？這裏餐茶可選橙汁和芒果汁，不錯。

男友仔search到呢間有幾十個笑面,覺得信得過,所以黎試下lor海鮮茶壺湯--細細壺,不過當茶咁飲,好過癮,味道清清地又夠鮮味,仲有好多湯料tim,又蝦又帶子,good!和牛燒--好味道!自己燒特別好玩,牛肉又好食,正!雞翼串燒--一串有3舊,每舊係半隻雞翼,燒得唔乾,好食!雞軟骨串燒--燒得好香,仲好脆,好得!凍橋麥麵--其實味道都唔錯,不過唔算最好蟹肉厚燒玉子--食落其實都幾漏,下次唔叫呢個餃子--皮唔厚,有肉汁,good!環境好暗,不過好有日本風味,食物都好有新意,服務都好好,下次都會encore 0既!