一鍋堂 (新都會廣場)

营业中

休息中

2021年10月6號和一班老友記聚會，老友記就介紹食呢間火鍋，入到店舖後，見到地方10分寬敞而且又乾淨，很喜歡他們的雪櫃真的很大，仲放滿左好多不同的飲品選擇。另外也有很多熱食和冷盤，佢哋既鴨血煮得非常好食很野味，朋友都大鑽真的好好食😋。另外牛肉是必點的，很新鮮賣相不錯，也有豬肉都10分唔錯，我哋都點了好多碟的東西上菜時間很快。最後我們都有食他們的甜品味道🍦🍦ok 既，大家食得好開心，個個都食到肚腩大咗好多🤣🤣

呢間分店好大間啊！大到可以整個打卡位tim!最喜歡一鍋堂的湯底和自家飲料😋值得一食再食。15款湯底各有特式，今次選了養生藥膳湯，好香藥材味，而且愈滾愈濃郁，連淥條菜都好吃！飲料有自家冰糖燉檸檬😋及洛神花茶等，比汽水吸引。選了中價位120分鐘晚市放題b餐（7點前離座$198）（7-9:30pm入座$238），肉類可選美國安格斯牛肉、封門柳、美國安格斯精選牛板腱、西班牙栗飼豬、紐西蘭羊卷肉等，呢個價錢黎講質素都唔錯👍🏻 另外推介蟹子蝦膠釀冬菇、手作珍寶蝦丸、自家製鮮蝦雲吞！素類有野竹笙、紫淮山、日本紅心蘿蔔等少見的放題選擇！特別一提，海鮮新鮮有驚喜，尤其是蝦，肉質爽甜👍🏻👍🏻PS, 自助區還有小食前菜，首推黃金魚皮😄PS. 不過去廁所要行落一層，來回真係好遠好鍾意下面呢個一人一鍋位！整體都幾滿意，食得開心😃

呢日朋友請食飯嚟左一鍋堂😍呢次係我第一次食一鍋堂，聽講呢間好難book枱，仲要係嚟葵芳呢間新既旗艦店，朋友book到就梗係嚟試下啦！.一入到去入面環境好光猛！乾乾淨淨整整齊齊👍🏻👍🏻地方好闊落，而且全部坐位都係卡位，私隱度好高😍😍.飲品方面，佢有成排雪櫃牆全部都係嘢飲，佢有一樽樽既冷泡茶，但要留意全部都有糖既。如果想要無糖，都有一包包既無糖茶。因為我本身唔飲有糖飲品，但朋友話蝶豆花果個都唔錯。.食物方面，之前睇食評都話有個金寶湯湯底唔錯，本身諗住嗌但果日完全見唔到。然後一定要讚佢既海鮮都好新鮮，不論係小食既蝦定海蝦都好值得食👍🏻仲有餃子🥟同貢丸都正，肉都唔錯，重點係上菜速度都好快，QR code落單大概5分鐘就會到👍🏻👍🏻.服務方面，我哋個位係坐係最埋邊，本身諗住都驚揾唔到staff,點知佢哋都巡得幾密，要收吉碟或加湯，其實唔洗舉手都有人會嚟。.總括嚟講，呢度CP值都算幾高，值得再嚟👍🏻👍🏻

一鍋堂出晒名抵食又好食，今次去葵芳新都會廣場新開佔地9000尺嘅一鍋堂打邊爐，地方果然好寬敞好有空間感，而且好多玩味打卡位～一坐底當然係叫湯底，最近仲同金寶湯合作，可選周打蜆湯或蕃茄牛尾湯，再用app點左食物先啦，肉類、海鮮類、丸類、餃類、蔬菜都齊全，花多眼亂，上菜速度好多，佢上菜嘅份量都唔會好多，最好就係可以試好多樣啦～但記得食得晒先好叫唔好浪費呀～然後係出面嘅任食種類，魚皮鴨血都可以拎，冷盤、沙律、雪糕都有真係驚唔夠肚食呀，比較特別同必食嘅有安格斯牛肉湯（好香濃，牛肉味重夠晒腍滑）、薑醋豬手（要補補骨膠原）、牛肉有多個部份可以揀，安格斯封門柳、牛板腱食到唔停口～海蝦新鮮到不得了，生猛肉質超爽口，沙白同珍珠蜆都好乾淨無沙～粒粒都漲卜卜～

香港人一年四季都鐘意打邊爐🍲，知道葵芳新都會廣場開左人頭湧湧的「一鍋堂」旗艦店，諗住過咗熱潮冇咁多人，點知早早六點黎都要排隊，等候10分鐘到我終於有位。餐廳環境走一係日系木色路線，座位舒適，設有卡位雅座，私隱度高，同朋友聚會一流。門口有特色霓虹燈打卡位，整體感覺開陽闊落。晚市火鍋放題可以食足120分鐘，有三個簡而清嘅A B C 餐比你簡，豐儉由人，仲有15款養生湯底+兩款特色期間限定湯底比我地簡。我哋揀咗放題B餐特選安格斯牛，而湯底簡左芫荽皮蛋湯，可以下下火清熱解毒。自助食物區🍲：十分推薦泡椒鳳爪，LUN LUN 下好正，又唔會太辣，而且全部清除腳甲，感覺衛生乾淨，泡椒味濃，仲有麻辣豬耳、爽彈無比，最正有醉香麻辣豬手，充滿花雕酒味，可以補充骨膠原，重點係唔太辣同咸，啱晒香港人口味，做開胃菜一流🥰飲品🥤：有多款自家製營養花茶，有碟豆花茶，養生洛神花茶、可以安心養神，清心降火。薄荷烏龍茶就相對麻麻哋，飲落好似飲牙膏，但係同時證明佢薄荷味好😂冰糖燉檸檬🍋，都係麻麻地，主要都係飲返罐裝飲品。肉類🥩：封門柳、牛橫膈膜肌肉行油部位肉味好濃，油花較少，而且餐廳好細心用黃盒專利設計，用上竹蓆分開牛肉，

一向熱愛打邊爐🍲嘅我地，一收到風知道一鍋堂 竟然係葵芳開左間13,000 呎旗艦店🤩🤩🤩緊係要即刻去朝聖一下。果然地方夠大之餘，成個裝修環境都好有空間感🗯，坐得好舒服夠晒地方寬敞闊落。店舖仲有唔少特色霓虹燈💡打卡位😚😚，影靚相無難道🤳🏽。🍲湯底一共有足足15款，仲有兩款期間限定湯底選擇🤭，今次我哋就揀咗鴛鴦鍋，一次過可以試兩個湯底☺️。👸🏼養生藥膳湯:藥材好足料，感覺好滋潤。🇹🇭冬陰功湯:充滿泰國風情，攞嚟煮肉/海鮮啱晒夠哂醒胃。💰價錢：有A,B,C三個唔同價位放題選擇。今次我哋19:00pm黎食，中間價間B餐，$238（位）已經可以食到好多種類嘅牛肉外仲有豬肉同羊肉海鮮，CP值極高🤑🤑🤑（如果早啲嚟食或者晏啲先入座仲可以平啲添🤭）一鍋堂採用QR code自助落單夠晒方便外，出邊仲有自助bar 可以自己夾野食🤩🤩。當中仲有唔少特色小食、丸、蔬菜、麵等等選擇都好多。最特別有麻辣鴨血、凍蝦、麻辣伴面、紫羽衣甘藍、秋葵等火鍋店少有野都食到，抵讚。飲品都充足:仲左罐裝汽水/紙裝飲品、熱飲等。最特別係仲有一鍋堂自家調製嘅樽裝飲品🤩：冰糖燉檸檬、蝶豆花茶、洛神花茶、薄荷烏龍茶。🤤推薦必食：肉類、海鮮

一鍋堂在葵芳開了新分店，所以跟朋友去吃吃吧。店舖環境很大🙈，還在打卡位置挺有趣的。店舖位置葵芳新都會廣場6樓，環境燈光柔和舒適。下午時間去有三款套餐選擇，也有午市套餐供應🤔。-💥特選安格斯牛套餐 HKD$178/位，可以吃100分鐘的套餐，這個包括4款牛肉、1款羊肉及豬肉。套餐上另有11款火鍋配料可點來吃的🤩。在自助區分別有火鍋配料、蔬菜、麵食、醬汁、飲品及甜品供應。用掃碼下單方式點餐，流程方便。-湯底點了養生藥膳湯，是個既健康又養生的火鍋湯底。湯底用料十足，包括杞子、黨蔘、當歸、紅棗圓肉、蒜子及京蔥。聞到很香的藥材味，湯底味道鮮甜。我們另外加了蕃茄和日本南瓜在湯裡面，味道更香甜😍😍。-肉肉點了紐西蘭羊肉卷/美國安格斯牛肉/封門柳/美國安格斯精選牛板鍵。 每一份有幾片薄切肉肉，肉質新鮮鮮嫰，很容易就把肉肉整熟😆。 -丸類點了手打三寶丸、黑松露手打墨魚滑和蟹籽手打墨魚滑。用手手製作口感爽口彈牙🤤，味道挺鮮味的。飲品選擇了店家自製飲品，共有4款飲品選擇。每一款飲品各具特色，味道清甜鮮解渴。-

一鍋堂開咗新嘅分店位於葵芳新都會廣場，餐廳地方好大好闊落，相比起旺角店同荃灣店都更寬敞舒適。同朋友嚟午市打邊爐，揀咗個套餐B 100分鐘。湯底方面揀咗蘿蔔粟米豬骨湯，好大舊豬骨係個湯底度，湯底味道清甜，仲有胡椒粒。食物方面可以scan QR code 點肉類及其他丸類食物。而蔬菜飲品同埋更多嘅麵類，丸都可以喺出面夾，選擇非常多。飲品不單只平常飲開既罐裝及包裝飲品，仲有餐廳自家製嘅清熱滋潤特飲，好有心思嘅設計，包括有冰糖燉檸檬、蝶豆花茶、薄荷烏龍茶。美國安格斯牛肉薄薄一片帶油香，肉香鮮甜滋味封門柳即係牛嘅橫膈膜肌肉，雪花位置較少，味道香濃肉質較軟淋，鍾意肉味夠濃郁嘅唔好錯過。黑松露手打墨魚滑淡淡黑松露嘅味道，墨魚滑相當彈牙。自家製鮮蝦雲吞哈好大隻又新鮮，肉質爽口最後當然唔少得食返個乳酪雪糕做甜品。連埋+1兩個人$414 ，價錢合理有幾款肉類任食，CP值高。

一鍋堂 (新都會廣場) (葵芳)今次同一班新朋友嚟試吓一鍋堂😚 佢哋嘅晚市放題配料選擇都多，門口勁多人排隊🔥餐廳都好方便啊係用QR code落單👍🏻13,000 呎一鍋堂葵芳旗艦店 裝修極具空間感，寬敞闊落，環境舒適 特色霓虹燈打卡位 性價比極高!個人鍾意沙嗲湯底多啲！沙嗲味濃又唔去搶晒肉類嘅味道👌🏻我最鍾意嘅就係美國安格斯牛肉😚其次就係封門柳💓兩款都好重牛肉味，肉質亦好嫩滑～然之後都推介一鍋堂嘅西班牙橄欖飼豬肉🐷🐷成日話食牛肉好毒 咁豬肉啱啦掛！佢嘅牛肉同豬肉一樣咁出色 肉質好鮮嫩😻配料方面我就鍾意佢哋嘅自家製鮮蝦雲吞，蝦滑同墨魚滑🔥全部都勁鮮甜彈牙🌞最後就食咗佢哋嘅牛奶味軟雪糕❤️

今次同朋友終於試到一鍋堂！店鋪裡嘅格局設計真係要讚吓，光線充足柔和，而且每一個「卡位」都會用高嘅板相隔，疫情底下可以確保衛生啲，而且同朋友傾計嘅私隱度都高啲。而且不會有烏煙瘴氣嘅感覺，可見鋪頭嘅抽風系統做得幾好。而且落單可以用QR code，十分方便。一鍋堂嘅飲品選擇好多，有自家出品嘅茶之餘，仲有好多種類嘅紙包飲品可以選擇。如果想養生嘅朋友，仲有熱茶提供。去一鍋堂，一定要試吓佢嘅牛！今次我同朋友揀左B餐 - 特選安格斯牛。餐廳有超多種唔同嘅湯底可以簡，而且仲有同金寶湯合作，有2個金寶湯嘅湯底可以簡，分別係忌廉周打蜆湯同埋蕃茄牛尾湯。封門柳、牛脷心托等等，切得薄薄一片，睇落幾新鮮吓，而且肥瘦適中，紋路又靚又吸引。淥熟之後，肉質一啲都唔韌，牛味十足，又香又美味。好少見打邊爐會有花膠食，所以特意叫左幾塊。上碟嘅時候都幾驚訝，因為花膠好大塊，而且極富彈性。仲有好多唔同嘢食簡，蝦膠冬菇、帶子、黑松露蝦滑、八吋長蟹柳等等，應有盡有！最後再食返一杯雪糕，凍冰冰的，超級爽！

🍲高質火鍋放題X多款選擇系列 —▫️餐廳：一鍋堂▫️地點：全香港有3️⃣間分店📍 葵芳興芳路223號新都會廣場6樓601-610號舖（港鐵葵芳站 D 出口, 港鐵葵芳站 E 出口）▫️營業時間⏰：星期一至日 11:30 - 00:00▫️價錢：～$200+ —美味:🍲🍲🍲🍲環境：🍲🍲🍲+0.9🍲價錢：💰💰💰💰服務：🧑🏻‍🍳🧑🏻‍🍳🧑🏻‍🍳+0.65🧑🏻‍🍳—👧🏻👦🏻好想食火鍋🍲放題，就去咗葵芳依間成13,000 呎火鍋店🍲 裝修極具空間感，寬敞闊落，環境舒適 ，仲有特色霓虹燈打卡位👀所有食材都好新鮮🤪仲好多選擇🥰🥸性價比極高—120分鐘（兩小時）火鍋任食，湯底選擇有超過10款，推薦豬骨、沙嗲、四川麻辣👀—👧🏻👦🏻揀咗set B （$248@晚市）▪️湯底～鴛鴦湯底（+$50）～沙嗲味 + 麻辣▪️推薦配料：📍牛板健📍封門柳📍濃爆芝士丸📍手打墨魚丸📍手打潮汕牛丸📍帆立貝📍鴨血—#好西 #打卡 #甜品 #火鍋 #葵芳美食 #肥牛 #正餐 #放題 #HongKong #HK #foodie #goodwest #火鍋控 #chicken #刺身 #西檸雞 #地道美食 #amy_in_kf #雞翼控 #雞

今日中午放工，同事帶我去葵芳「一鍋堂」打邊爐，入去前先嘟安心再量體溫。服務員安排入座，提醒什麼時候截單，大多時間是自助，手機QR code Scan張單之後就選擇火煱食物及自行出去攞醬料、飲料及手機以外食物。🧃飲料種類很多，但我獨愛自家製養生茶，首推冰糖燉檸檬，感覺很獨特，味道與一般冰糖檸檬不同。酸酸甜甜既洛神花茶及淡淡清新既蝶豆花茶也很不錯。湯底選了養生藥膳湯，中藥味濃郁，夠養生，夠滋補。🐂特選牛肉套餐：牛肉非常新鮮，美國安格斯牛肉、封門柳及精選牛板腱是我較喜歡。肉丸類：雖然十大美食龍虎榜既手打三寶丸，但我個人感覺大堂既各式各樣既肉丸才是我至愛，特別是流心芝士從肉丸溢出，就是滿足。蔬菜：種類非常多，好似種植埸，非常新鮮。🥢熟食：入選十大必吃之一＂一鍋麻辣鴨血＂，同事非常喜歡吃，而我感覺若熱些會更好。🍜麵食：自家製胡椒麵，極度推介，口感彈牙，雖然已經好飽，但真的好味嚐多幾口。🍦軟雪糕：乳酪雪是我最後一道甜品，吃了兩杯才滿足離開。

一鍋堂喺呢度開分店， 急不及待要嚟試下啦。每枱好似卡位設計，遮住隔離枱， 睇唔到隔離枱嘅食客，有私穩，坐得舒服。 環境乾淨，闊落。揀咗養生藥膳煲，幾足料，味道夠， 而且有壺湯，可以自己加湯。出面嘅飲品櫃選擇多，有自家製嘅飲品，例如洛神花茶，冰糖燉檸檬，藍蝶豆花等等。洛神花茶味道酸甜適中，頗開胃。冰糖燉檸檬則比較苦澀。火鍋料嘅丸類選擇唔多，但係款款都幾特別，當中特別鍾意芝心芝士狗同貢丸，彈牙。菜嘅種類都唔少，平時出邊打邊爐比較少有嘅冰菜 同埋羽衣甘藍都有， 新鮮爽脆。出面自己拎嘅熟食，仲有黃金炸魚皮，醃蘿蔔，麻辣豬耳都唔錯， 幾適合用黎開胃。牛肉方面，特別喜歡食安格斯牛， 牛味重。封門柳，有咬口。牛小排，肉質嫩，牛味香濃。 至於牛舌心托比較un, 好難咬。真係不得了，呢一餐選擇多，而且又好味。飽到捧住個肚，仲有好多嘢想試，真係要搵多一次機會再黎，試埋其他嘢食先得啦。

同事話葵芳呢間火鍋放題店超好食，人氣很旺。適逢今日早放工，5點半左右到了葵芳，見可以直接walk in，決定入去試下！一進門就看到幾個打卡位，進到店內才發現店很大，座位闊落好坐，讓人自助拿菜、飲品、醬油、前菜等的地方也非常企理乾淨。我們點的係中價格的特選安格斯牛套餐（$238+10%）。用QR code自助落餐，食物種類非常多！連自問係大胃夫婦的我倆也只能試到餐牌一半左右的食物。湯底方面，養生藥膳湯的藥材味挺濃，不會過鹹，也沒有蓋過食材味。肉類方面，整體來講非常新鮮好味。安格斯牛肉肥瘦適中，牛味濃烈，乾身彈牙！非常好吃！西班牙栗飼豬的肉味很清香，沒有雪藏或肉腥味！豬頸肉柳很彈牙軟嫩！麻辣撈雞柳是雞髀肉，很滑！海鮮方面，蝦很大隻、挺身彈牙！非常推薦！沙白和珍珠貝也挺鮮甜!水魷很彈牙。花膠非常大塊，需且吸收了湯底，味很香。手打丸類、滑類和餃類都非常多款，而且質素不錯。我最喜歡是韭菜餸，皮很彈牙，有很香的肉汁，韭菜很多，很驚喜！自家製飲品有四種：我最喜歡清潤的冰糖燉檸檬，碟豆花茶和洛神花茶也清甜解渴，薄荷烏龍茶味濃，無糖，零負擔！菜是另一驚喜部分，其實種類很多，而且爽口、清甜，很新鮮！非常好

天氣開始有少少轉涼 就令我十分掛住冬天打邊爐既日子 見到一鍋堂同金寶湯最新研發既蕃茄牛尾湯湯底 仲要係屋企附近既葵芳分店獨家 我緊係即刻孖埋肥仔老豆去試下啦一鍋堂我已經食過不下五次 貪佢位置寬敞 食物種類多 而且環境衛生乾淨 今日可能因為人多 店員只能夠安排細枱俾我地 但係店員收盤速度夠快 所以對進食都不大影響打邊爐配料未到 我就卒先去熟食區拎啲冷盤 凍蝦非常讚 蝦頭多膏 蝦肉新鮮 我一個人未開爐已經食咗五隻配料一如以往出色 尤其係海鮮 魚無骨但又唔會太薄 蝦多膏又彈牙 另外我同老豆仲叫咗好多手工製魚蛋 墨丸最香最爽口而且細細粒唔會咁易滯 芝士腸仲識爆芝士 飲品櫃選擇仲多過便利店 自製涼茶唔怕打邊爐上火 可樂仲有最新零卡路里版本 非常適合我呢啲易肥體質. 另外最正的是一鍋堂有自家制飲品，冰糖燉檸檬同薄荷烏龍茶，值得一試。最後以自己唧雪糕為呢餐豐富既邊爐晚餐畫上完美既句號。