一鍋堂 (新都會廣場)

营业中

休息中

一鍋堂開咗新嘅分店位於葵芳新都會廣場，餐廳地方好大好闊落，相比起旺角店同荃灣店都更寬敞舒適。同朋友嚟午市打邊爐，揀咗個套餐B 100分鐘。湯底方面揀咗蘿蔔粟米豬骨湯，好大舊豬骨係個湯底度，湯底味道清甜，仲有胡椒粒。食物方面可以scan QR code 點肉類及其他丸類食物。而蔬菜飲品同埋更多嘅麵類，丸都可以喺出面夾，選擇非常多。飲品不單只平常飲開既罐裝及包裝飲品，仲有餐廳自家製嘅清熱滋潤特飲，好有心思嘅設計，包括有冰糖燉檸檬、蝶豆花茶、薄荷烏龍茶。美國安格斯牛肉薄薄一片帶油香，肉香鮮甜滋味封門柳即係牛嘅橫膈膜肌肉，雪花位置較少，味道香濃肉質較軟淋，鍾意肉味夠濃郁嘅唔好錯過。黑松露手打墨魚滑淡淡黑松露嘅味道，墨魚滑相當彈牙。自家製鮮蝦雲吞哈好大隻又新鮮，肉質爽口最後當然唔少得食返個乳酪雪糕做甜品。連埋+1兩個人$414 ，價錢合理有幾款肉類任食，CP值高。