影片
开饭介绍
年轻时尚的任饮任食火锅店，每日以60斤猪骨熬煮汤底，并供应十多款口味；另外自助区设有多款火锅配料、饮品等。
继续阅读
营业时间
今日营业
11:30 - 16:00
16:30 - 23:00
星期一至四
11:30 - 16:00
16:30 - 23:00
星期五至日
11:00 - 16:00
16:30 - 23:30
公众假期
11:00 - 16:00
16:30 - 23:30
公众假期前夕
11:00 - 16:00
16:30 - 23:30
以上资料只供参考，请与餐厅确认详情
有关奖赏计划
相关文章
平时下昼都会嚟跟同事来帮衬，已经好抵食。今晚见有时间，就约个friend嚟葵芳新都会试吓佢新出嘅冬瓜盅汤底同A4黑毛和牛火锅放题套餐。佢个场够大、坐得够舒服。以木系设计为主，同最好系每一个座位，都有板隔住，好有私隐度。出面有自助吧台，自选蔬菜、肠、丸及熟食。雪糕、熟食、饮品都任拎。最正系有自斟任饮生啤，同见到有提供京都限定日本啤酒。餐厅最近超有心思，创作茶酒系列。一定唔好错过。🔶洛神花茶配上Tequila同Gin。🔶鸭屎香柠檬茶配上Vodka同Rum。🔶罗汉果菊花水蜜桃配上Gin。🔶水蜜桃有子乌龙茶配上Gin。独有冬瓜盅锅底，真系超足料成个冬瓜围住个锅。仲有员工上到你面前先帮你切开啲冬瓜，方便你煮熟分来食。叫得和牛放题，当然会丧叫A4黑毛和牛啦。和牛脂肪比例平均，食落非常浓厚牛肉味，只要煮20秒，就可以上水食得。啱晒我呢啲，非常肚饿嘅人。最近好多火锅店都有得叫嘅伊利诺伊猪肉，当然都要叫来食下。猪肉煮完上水，非常之嫩口，唔会嚡，无咩肥膏，非常健康。纽西兰羊猪肉，亦都不要错过非常浓嘅羊味又唔会过数值得叫来试试。仲有好多海鲜叫做新会员，有迎新着数优惠及积分升级餐厅每月定期回赠现金卷、折扣卷、食物卷及延长时间券。黄卡每月有9折优惠券；金卡每月有85折优惠券；白金卡每月有8折优惠券。
继续阅读
🥳努力左成个礼拜👩🏻💻又系时候出动食餐丰富晚餐🥣今日我哋去咗打边炉🔥呢间好多野食又抵食💯由其系个汤底😍今次叫左虾米瑶柱冬瓜锅汤底🔥呢个汤有清甜😍入面有好多材料🥢有 虾米、素翅、冬瓜、瑶柱、虫草花等食材配搭❤️口感好丰富呀🥰汤底配埋鲜甜嘅海鲜汤底真系爆鲜味添🥳🥬自助区都超多野食✅蔬菜、热盘、生啤、啤酒、各式饮品、甜品都好有选择😋钟意饮啤酒就更加开心呀🍻大满足😌✍🏻呢啲系我哋最喜欢💕仲会encore添▫️日本黑毛和牛A4+ : 嫰滑又有牛味🐂▫️极上安格斯牛小排：睇个牛肉颜色都知佢新鲜🐃▫️鲜甜桶蚝：肥美又大只，好juicy🐚▫️矶煮鲍鱼：好有咬口，仲可以任食添🦪▫️澳洲M6和牛牛腹肉：大大块，灼两下就最好味🐮▫️串串鲜海虾：最钟意食大虾，够弹牙🦐▫️龙趸班头腩：厚肉又鲜甜🐟▫️蟹籽墨鱼滑：大爱呀，爽口鲜甜🐙▫️鲜虾虾云吞🍤
继续阅读
收工同朋友食一锅堂～好耐无食一锅堂了，发现原来好抵食。任食2小时火锅，set D日本黑毛和牛A4+~晚市都系六百几，性价比超高！自助吧的熟食、火锅配料等都好丰富。金汤椰子鸡锅椰子鸡味香浓，清清甜甜～肉类：日本黑毛和牛A4+：必食!!油花靓，喜欢油脂香唔可以错过～澳洲M6和牛牛腹肉：脂肪比例平均，重牛肉味。极上安格斯牛小排同伊比利亚黑毛猪肉质都有惊喜，encore咗好多碟～海鲜：桶蚝、鲍鱼、原只帆立贝、海虾、鲩鱼片、蚬等海鲜都系大大只，一啲都唔悭！特别系桶蚝，大只饱满，食落鲜甜唔腥～食多几只都回本～自助区选择好多，目不暇给～有好多种食材选择饮品有自家冷泡茶同茶酒～味道都唔错！！水蜜桃乌龙茶配Gin＆鸭屎香柠檬茶上Vodka同Rum～雪糕系香港制造牌子，亦有雪糕机，可以自己唧雪糕几好玩 ～
继续阅读
“120mins晚市火锅放题D”($338/位)之前同frd都食过几次一锅堂火锅放题🍲原来宜家多咗几间分店今次去开葵芳顺便又打返个边炉先😛葵芳店空间够哂大坐得好舒服喺自助区拎嘢食都唔会同其他人逼埋一齐👍🏻我地拣咗最多嘢食嘅Set D最正系有日本黑毛和牛A4+🐃汤底就拣咗特浓沙嗲锅😙呢个餐嘅肉类嘅选择多到试唔哂🤭除咗A4和牛,仲点咗澳洲M6和牛牛腹肉,伊比利亚黑毛猪,纽西兰羊卷肉等各款肉嘅品质都好好,又唔会劲薄切🤣海鲜选择都好多,例如桶蚝,虾,水鱿等我地仲食埋花雕醉鲍鱼😍自助区就有小菜,蔬菜,丸,面,饮品,雪糕饮品入面最有特色一定系餐厅自家制嘅茶酒食到最尾拎埋雪糕食够哂满足😝朋友话如果成日食一锅堂一定要做会员一入会就有会员迎新优惠,仲可以用积分升级最正系每月都有定期回赠畀会员😍好似现金卷,折扣卷,食物卷,延长时间券黄卡每月有9折优惠券,金卡每月有85折优惠券而白金卡每月有8折优惠券🤑我今次食完都即刻登记做咗会员啦🤣
继续阅读
行过葵广，又想食打边炉，呢间冇食过，而且见到唔需要等位情况下入左黎，不过好似标题咁讲，系第一次，但亦都系最后一次。未入黎之前，见到餐牌价钱CP值都几高，个人好钟意食牛小排，又咁岩见到有个极尚版牛小排，当然系拣左个话最贵果个餐$338+1，而且放题时间系120分钟，如果质素高牛肉有水准既话，绝对系抵食，值得推介既！可惜呢件事话比大家知咩叫做事与愿违，呢件事上面如果系可以比负分，佢一定系负分！首先，入座起计头15-20分钟，除非你自己去夹，否则系唔会有野食架，同埋见到你无论系舖头外面banner，还是系广告，我都好深信主打既系牛肉？应该都预左客人系入黎食牛肉架系咪？讲紧放题两个钟，坐等一个钟。讲紧去到就快一个钟时，食得六碟牛，讲紧平均每人三碟，大家可以睇相，一碟牛并唔系好多，唔系一盘！绝对明白你牛肉成本贵你要控制份量，明白不过唔可以过分，系寥寥可数并且未感觉到饱既情况下，就已经叫我埋单啦。当时我真系忍唔住同你员工讲，叫埋单但系野食黎唔齐，叫左比单我果位「四眼」少少红红金金地头发既员工去帮我睇下，唔够1分钟，拎住两碟牛肉行过黎，用果d睇唔起人既眼神，块面黑过坑渠盖既面口讲：其实都只系5至10分钟姐！我都嬲佢仲嬲过我㖞？！喂！你记得你自己系返紧工架可？你记得自己系收一服务费架系咪？咩态度同人讲野，定系间公司你有份开？抑或系我食多碟牛你份人工系会少左架？有冇谂过其实个客叫得你去睇，就即系唔系5至10分钟既事啦！一系你就拎你张单俾我睇，究竟你系出紧第几轮？唔通我同你讲其实我系叫紧第八轮？而点解叫紧第八轮，因为你连第四轮既嘢食都未上到阿！其中叫咗四碟莴笋，最终只系黎左一碟五旧，如果唔知道既话会以为系天上摘落黎。成餐里面最好食就系花雕鲍鱼，入味弹牙。叫左咁多轮，食到最后22:17，系佢21:32上左两碟牛之后，再冇上过任何野食！餐饭基本上食到背脊骨落，如果呢个系你地令到客人食得少既策略，咁你地个策略非常成功！到最后真系饱阿，成肚气阿依家！仲有你收我+1，除左上野食果阵时系有服务之外，但系加汤执碟都系自己做返，基本上系「全自助式放题」，态度差劣，唔明白凭咩收+1！食物质素未如理想，或者系觉得自己唔好彩，最多下次叫其他餐其他分店试！你竞争对手「牛大x」，其实大家CP值或者价钱都系差唔多，但依家你咁样既态度，系唔会再有下次！人地员工真系有礼貌同会帮手架！其实呢d系连带关系，绝对唔会推荐俾任何人！更甚系如果你地员工系觉得自己咁高尚，真系唔好意思，食唔起！另外，环境欠佳，一路食一路有大大只乌蝇与你共进餐，其实你都已经开系商场里面，如果你讲只乌蝇系间舖养既宠物，咁就讲得通，不过系食肆咁奇特就真系接受唔到。一间公司既口碑好难建立，但摧毁好容易，如果你地发展方针就系咁，公司上下同员工决心系用呢d态度去对人，我都好希望你地生意兴隆！
继续阅读
您可能会有兴趣的...