一目日本料理 (已結業)

最近屯門置樂開左一間新既日式餐廳 🇯🇵一開張 已吸引到吃貨既注意😎 一直都好想試下 今日終於去左試啦👻先點了一個好豐盛既八點刺身盛🙊刺身新鮮 金目鯛 吞拿魚 油甘魚 劍魚腩 池魚 帆立貝 牡丹蝦 海膽鮮甜 另外點了兩個刺身丼 海膽爆丼🤩 一目爆丼！每個丼都有一隻半熟蛋 店員話呢個係日本正宗丼飯食法🤭 有幾特別喎！ 🥚實夠飽啦🤡 手握壽司🍣相當精緻 火炙三文魚 肥美 燒得好香！左口魚壽司爽口 海膽是最愛❤️無限♾encore

今日好幸運有朋友帶咗我嚟呢一間叫「一目日本料理」的餐廳，入到餐廳後，職員熱情地歡迎我們入座，並送上熱茶，與朋友商量後，決定每人選擇自己喜歡的丼飯😀呢間餐廳有好多款不同種類的丼飯，真係花多眼亂！最後我們選擇了其中三款。每一款當飯都會附送麵豉湯和糖心蛋（原隻)麵豉湯內有海大和豆腐喺裏面；糖心蛋的蛋黃亦特別jelly👍🏻👍🏻一目爆丼(三文魚、牡丹蝦、帆立貝、深海池魚、劍魚腩、吞拿魚、油甘魚和三文魚子）$168呢個丼飯真係好豐富，有好多樣珍貴食材的刺身鋪喺飯上面，呢個質素嘅化絕對對得住呢個價錢！帆立貝果然非常鮮甜，池魚、劍魚腩、吞拿魚都有魚味，三文魚子卜卜脆和爆汁❤️❤️雜錦爆丼(三文魚粒、鯛魚粒、吞拿魚粒、甜蝦、蟹子) $98已經切好粒狀的刺身的確好方便，加上壽司豉油就可以撈埋一齊食，仲有一隻大甜蝦，甜蝦十分爽口彈牙！甲羅爆丼(甲羅燒、碎蔥三文魚蓉、三文魚、海膽) $138甲羅燒全隻蟹蓋上，刺身蟹肉同蟹膏富有層次，蟹膏十分濃郁和creamy，蟹膏與壽司飯mix埋食就唔會太膩，之後再加埋碎蔥吞拿魚蓉、三文魚一齊食，而且海膽鮮橙色，色澤均勻！

位於屯門的一目日本料理裝修走日本居酒屋風格，天花掛滿日式旗幟，更有各式各類的清酒放在當眼處，整體環境非常舒適，是與朋友聚會的好地方。這家日本料理的刺身種類繁多，更有我最愛的金目鯛，金目鯛薄切$128竟然有10片，呢度嘅食材更係日本運送到港，所以刺身特別新鮮和帶有鮮甜味，更驚喜的是金目鯛會配以一款淡淡的蔥花醬油，特別滋味另外刺身我們更選擇了活赤貝(一隻) $48，赤貝切成兩邊，口感極高，而且非常大隻；油甘魚非常厚切，魚味好fresh，會想食唔停！熱食方面，安格斯牛肉鍋$88亦是一個不錯的選擇，安格斯牛肉肉質嫩滑，牛味非常濃厚，有一隻生蛋打左落個鍋度，溝埋個湯底更加香，而這個鍋底更有雜菜、粉絲，菇🍄類係入面！清酒煮大蜆$78 大蜆無沙，大大隻，好鮮甜，清酒味道岩岩好，帶一點點辣味，出色！整體黎講，呢間餐廳既食物質素是上品，採用新鮮日本直送的食材，職員有禮，更主動添茶，服務態度很好👍🏻

今日嚟到置樂附近搵嘢食無意中發現咗一間新開嘅日本料理所以同朋友決定試一試炸一口芝士我同朋友都好鍾意食芝士所以對呢個芝士係十分之高評價雖然唔係好大粒但係好重芝士味鍾意食芝士嘅朋友唔可以錯過大推大推！ 豆腐和風沙律啲豆腐好滑不過如果可以切薄啲會更加好沙律醬嘅份量都好足夠好味！另外我叫咗一個親子爆飯唔好睇個碗好似好細咁份量都幾多下架而且啲飯有加紫菜加分最後啲飯都食唔晒朋友就叫咗北海爆飯刺身好多朋友話啲刺身都幾新鮮值得一試我哋都覺得啲飯可以少番少少最後仲叫咗兩隻海老天婦羅添炸得啱啱好食落唔會好粉呢間餐廳價錢唔算太貴份量都好足會係回頭嘅餐廳推薦比大家食

媽媽打電話給我，說她的朋友來了香旅遊，不過姨姨首來香港，不會乘車，現在住在她的姐姐置樂家中，媽媽想與姨姨在置樂附近吃晚餐，她問我有甚麼好提議，我建議吃日本菜，因為姨姨日常都吃東南亞菜，來到香港當然要吃點與眾不同。吃日本菜一定必吃刺身，我們超幸運，最後一份三文魚腩刺身也被我們吃到，另外我們點了一份真鯛刺身。三文魚腩及真鯛刺身誠意十足，切得厚厚的，三文魚腩油花豐腴，真鯛肉質爽彈，各有千秋。吃畢刺身，是時候吃壽司，火炙油甘魚壽司熟度剛好，入口即化，一口把它塞入，盡是幸福。鰻魚壽司表面油亮富脆感，內裡魚肉嫩彈，底下的壽司醋飯酸香開胃，跟鰻魚超對味。帆立貝壽司碩大具彈性，鮮美度不禁讓媽媽直呼太棒了。明太子控的我，看到明太子雞翼完全沒有免疫力，忍不住點了兩隻明太子雞翼。雞翼非常飽滿，裡頭塞滿明太子，一口咬下超飽嘴，明太子微微香辣，好不過癮。至於怕辣的，芝士雞翼亦是另一個好選擇，我特意點了一隻給媽媽。牛舌賣相極好，沒有烤得過焦，撤上些許胡椒，把牛舌最美好的一面呈現在我們眼前，牛舌口感彈牙，姨姨挺驚艷的。金菇牛肉卷百吃不膩，水嫩的金菇搭配脆中帶軟的牛肉嚼感層次豐沛，讓人一口接一口吃過不停。看見安格斯牛

一目日本料理 (屯門)屯門青山公路351號彩華花園地下11號舖屯門彩華花園附近都有唔少食店係個隱世搵食好地方 而我哋就搵咗一目入到去會比牆壁上嘅富士山吸引住一邊食一邊幻想就喺富士山下係富士山下又邊少得刺身嗌咗個三文魚腩刺身比起三文魚 我更喜歡腩 口感更好仲有小小掂到口水就會溶嘅感覺由於三文魚腩印象很好所以跟多個火炙三文魚腩沙律酸汁加黑醋都令人好開胃而經火炙燒過嘅三文魚腩亦無令人失望半生半熟 好得意 值得一試牛油果鰻魚卷無諗過最令人驚喜係嗰卷到嘅飯又黏又軟熟 而且壓得好實而牛油果跟鰻魚係好好嘅配搭大家都無搶走彼此浸味黑松露海鮮炒烏冬黑松露好香 調味合宜好炒烏冬唔乾 加埋菜絲同海鮮就好完美牛油炒大蜆味道偏重 牛油炒落洋蔥好好味 好似變咗另一款零食咁而啲蜆就大大粒 好滿足

一目爆丼 $168材料豐富，有三文魚、牡丹蝦、帆立貝、油甘魚、深海池魚、吞拿魚、劍魚腩、三文魚子，材料新鮮，肉質爽口。清酒煮大蜆 $78有淡淡既清酒味，帶出大蜆既鮮味，蜆肉冇沙，食唔停啊。燒日本魷魚筒 $78七十八蚊大大隻魷魚筒，相當抵食，燒好再淋上秘制醬汁，好惹味，係一流既佐酒小食，可惜我同朋友都唔飲酒。深海池魚刺身 3片 $88口感非常爽脆，脂肪比例適中，一點腥味都沒有，魚片透明，加上厚切，過足癮。海膽手卷 $38有2大塊海膽，出手闊綽，新鮮好味道。

屯門彩華花園附近日式食肆有兩三間，最近新開嘅一目日式料理，舊址以往亦係日式食店，所以格局亦差不多，但試過後無論服務同食物質素則進步太多，絶對值得一試我哋兩個人點左好多款式嘅食物，包括刺身、壽司，鍋物同串燒等等，各種類都做得相當唔錯，先講刺身，點左三文魚腩、油甘魚腩同埋北寄貝，本身仲想點埋活赤貝，可惜已經賣晒。三文魚腩同油甘魚腩夠新鮮，厚切，魚油味香，正。北寄貝正常水準壽司點咗十貫，由廚司發版，有海膽、吞拿魚赤身、鰻魚、燒左後邊魚、油甘魚、蟹膏鯛魚、虎蝦、甜蝦、魚子拖羅蓉，火炙三文魚等等。海膽量多，鮮甜冇腥味。吞拿魚赤身，唔乾軟諗無筋。蟹膏油甘，味道非常特出，喺口內久久不散另外重點咗蟹籽沙律，份量夠多，青瓜爽口，感覺清新。雞骨雞肉腸，係我嘅至愛，鹹鹹地，好香口，夠惹味。價錢都算合理，而水準服務都好好，所以應該會再回頭

屯市、華都、置樂嘅日式小店唔多，我地今日近近地揀左呢間應該開張無耐嘅一目日本料理，位於彩華花園地下，上手都係日本菜，而家座位少左，重新裝修過，更加cosy餐廳約有30多個座位，一般日本料理裝潢，木色枱櫈，枱櫈間有適量空間，牆上有唔少「日本風情畫」。入座時剛好8點，正直餐廳高峰時間，全店9成滿座，幸好坐到最後一張枱，到9點打後會鬆動啲。聽講今日有位店員放假，喺人手不足嘅情況底下，一位店員真係盡哂力招待，有禮亦都盡責。menu選擇多，除左沙律、刺身、壽司、小食，仲有串燒、炸物、鍋物、刺身飯、飯麵等，價格合理，而且質素唔錯新開張關係吧，like店家嘅fb專頁可享全單9折，即like啦刺身方面點左三文魚腩、北寄貝、油甘魚腩三款，原本仲想點活赤貝，剛好賣哂呢。三文魚腩雕花咁，好靚架，而且厚身油甘魚腩係店員推介，是日新鮮到貨，味道果然讚揀左肥美腩位，入口甘甜，而且爽，好鮮味北寄貝刺身中規中矩，性價比不俗。蟹籽沙律份量足夠2-3人，除左青瓜，仲有生菜、車厘茄，均勻撈滿沙律醬，唔需要再自行攪拌，蟹籽脆卜卜，青瓜夠爽，開胃呢！蔥花吞拿魚腩壽司、火炙帆立貝壽司唔錯啊前者入口軟腍，紫菜夠脆；後者大粒，輕輕火

朋友住彩華花園附近，今晚帶我吃好東西，又是屋苑隱世小店，但質素不錯。座位寬敞舒適，樓底夠高，不會覺得焗促，正好抒發一天上班的辛勞。急不及待要吃了。刺身點了活赤貝$48和有頭甜蝦$58,上桌賣相漂亮。活赤貝原來挺大隻的，切成花形，更容易入口，而且質感爽口，味道鮮甜，這是我喜歡吃海產刺身的原因。甜蝦非常新鮮，喜歡他肉質滑滑的口感，新鮮令甜蝦更添香甜味。三文魚海膽手卷$38,主菜未到，但飢腸轆轆，先來個手捲醫肚。 海膽新鮮之餘有海水微微鹹味，香甜沒腥味，滑溜口感真的是人間美食！三文魚脂肪分佈均勻，入口即溶，喜歡他的油香，與海膽鮮甜味道非常配合， 加上壽司飯微微酸的醋味，煙韌口感，脆卜卜的紫菜，很好吃！非常推介這個手卷呢！照燒雞扒烏冬$78, 別以為烏冬一個份量很少，因為有一塊大雞扒已很夠飽。雞扒燒過後皮很脆，肉質較乾身。烏冬湯底清甜，配濃味的照燒雞扒最適合。喜歡他的溏心蛋，有一隻，平時通常得半隻。烏冬煙韌有口感，放在湯裏浸久了也沒有變淋。泡菜豚肉鍋$88,這個超抵食，因為有很多蔬菜在鍋裏，豚肉份量也不少，雖然薄切，但已經令你吃個夠。泡菜湯酸辣味，食得好開胃，裏面還有韓國粉絲，根本就是一個主菜

«服務加分»巴士站對面落車後，8:00pm入座，原來8:30pm係餐廳peak hour，差唔多全場爆滿，但餐廳lady仍是有效率服務，每10-15分鐘就會主動添茶一次，中途冇偷懶。 餐廳內有男女洗手間，都保持得好乾淨。抵讚! 食物一碟一碟上枱，好窩心。« 真鯛三切 68元 »切工鋒利，紋理清晰，比平時食的刺身更大片，厚切白魚« 深海池魚三切 88元 »切工鋒利，紋理清晰，比平時食的刺身更大片，厚切紅魚泡菜豚肉鍋 88元 （建議兩人share）熱熱熱! 材料多而唔會食濟，主要係雜菜煲，小棠菜，白滑豆腐，泡菜，粉絲，金針菇，薄切豚肉，仲有心思星狀紅蘿蔔，湯底清得黎又滲透左泡菜既微辣。吉列和牛餅 18元 好夠熱，即炸好即上枱，食落似地瓜餅，但就白白地。黑松露海鮮炒烏冬 88元好夠熱，上枱時仲出緊煙，食材多，足，紙魷魚， 菠菜 ，洋蔥 ，紅蘿蔔， 墨魚 ，蠔仔 ，蟹柳， 鳴門卷 ，大量黑松露粒，食落好滋味。蔬菜串燒 3串 18元 *3秋葵三條，以去走最苦嘅頂部香菇兩顆， 爽口京蔥3粒， 串燒整體都乾身，上面灑上 大量紙魷魚，感覺健康，食完京蔥記得要用埋牙線。

屯門少有高質用心小店...今晚喺屯門市中心搵食，但周圍都排長龍，唯有行多兩步去置樂睇吓有乜好食...好耐冇嚟呢邊咯，轉彎角，我記得以前係印度餐嘅呢個位，原來轉咗做日本餐，一於試吓～金目鯛薄切魚生刺身，新鮮鮮甜，配上鮮磨芥末，利落、剛好～甲羅爆丼，材料豐富，吞拿魚蓉清甜，三文魚、海膽樣樣新鮮，甲羅燒，蟹膏、蟹香出眾，再三回味～最唔起眼嘅溫泉蛋，但又好好味喎，簡單嘅食材，做出出眾嘅味道，盡顯師傅功架～足料蟹膏，越食越滋味～食過碗中海膽鮮甜，再嚟一個海膽手卷encore～😋清酒煮蜆，香濃清酒味，大蜆隻隻新鮮、鮮甜～原本以為佢哋唔喺旺區，唔夠客源，會放棄選用新鮮食材，誰知，佢哋不惜工本，堅持用新鮮食材～看似不拘小節嘅小店及店員，同一般日本餐拘束風格不同，卻又堅持做好食物，只係俾客人多一分自在感，食得開心～🥳總括而言，全餐完全無落差，每款食物都高質，選材用心，師傅一流～😍

屯門愈開愈多，就好想食哂禁多間日本料理！今日黎到置樂，見新開了 一目日本料理，就想試試新野食裝修樂似日本居酒屋，較為光左啲，佈滿日本既旗子，有創意！師傅亦好好客，會主動介紹番新鮮食材，讓客人有選擇食到最新鮮又美味既美食薄切金目鯛大約十片的金目鯛刺身，油脂唔算好豐富，味道較為淡，但係咬既過程係有魚油滲出黎！又係想自己獨食的美食壽司十件壽司分別有三文魚、吞拿魚、八爪魚、赤貝、虎蝦、北寄貝、三文魚籽、火灸三文魚、火灸油甘魚、火灸金目鯛。原先呢個壽司十件係無得選擇，師傅好人，我話想轉火灸就比我轉火灸真係有求必應牛舌係厚切，並唔係普通的薄切牛舌，我個人鐘意厚切，因為口感爽脆，油脂味濃，一串真係唔可以同朋友分享，實在太好味！炸芝士炸芝士並唔係用拉絲芝士，面係較濃味的，口感外脆內軟，軟滑既芝士實係一口一口禁食落肚，雖然好邪惡，但鐘意芝士的實係唔可以錯過！整體黎講，一目日本料理作為新進餐廳，真係唔錯，服務更是有日本味道，以客為先

去咗置樂探朋友，順便晚餐，佢話想試下一間新開既日本菜，聽說質素不錯，當然要試吓啦！先來蟹子沙律$58份量足，蟹子青瓜絲十分爽口！厚切三文魚刺身$58，甜蝦刺身$58三文魚新鮮肥美🍣，甜蝦甘甜😋質素很高👍三色爆丼$118用上油甘魚、三文魚和吞拿魚刺身，一樣係厚切、新鮮肥美，比很多大餐廳質素還要高～加州卷$78配上牛油果，蛋、蟹柳等味道很夾！蟹子軍艦、鰻魚壽司質量亦不錯！呢度既侍應服務亦都好好，有禮貌～ 下次要試下活赤貝、金目調先！

整完車老公話附近食嘢比我選唔洗問一定係日本菜😂😂😂😂有我最愛的金目鯛薄切刺身⭐️⭐️⭐️⭐️好多塊過足口引我乜鯛都鐘意食😂😂北海道牡丹蝦刺身⭐️⭐️⭐️⭐️叫了兩份一人兩隻勁大隻又鮮甜唔錯唔錯💕💕💕蒜片一口牛⭐️⭐️⭐️⭐️⭐️最高分因真係好好味入口即溶嘅感覺煮功出色👏🏻👏🏻👏🏻👏🏻燒魚頭⭐️⭐️⭐️⭐️好大個魚頭岩晒我地兩人口味我地好鐘意燒魚頭當晚無三文魚頭好彩有油金魚魚頭😏黑松露海鮮炒飯⭐️⭐️⭐️⭐️⭐️全晚最好味乾身松露味重滿意呀店員好落力招代客人用心的小店