一杯屋 (已結業)

話說近排食多咗日本野，呢間餐廳都可以話係我近排食嘅日本野裏面，我比較上滿意嘅一間，呢間日本餐廳主要係食牛舌嘅咁當然食牛舌就梗係要食佢嘅牛舌他他啦，呢間餐廳處理得10分好，基本上我都唔使點樣點醬，就咁食落口已經好好食，另外我哋仲order左佢哋推介嘅牛舌套餐，一嚟到淨係睇過相再食落口，就已經覺得10分高質。另外佢哋嘅串燒鰻魚亦10分高質，所以如果大家想試吓正宗嘅日本野，都不妨嚟呢間餐廳試一試，仲有另一樣野提提大家，因為佢哋職員都強調所有嘢都係即叫即整，所以大家要比少少耐性去等啦，不過要食好嘢就係要等呢個係定律嚟㗎啦。

不驚不覺，原來已經幫襯左一杯屋兩年了；無論是午餐或晚餐，佢都係我同男朋友既最愛飯堂之一，留下過唔少腳毛/頭毛？男友本月生日，作為會員有免費Sake (本釀造）同雙倍積分，我哋點會錯過呀？梗係要黎食返餐好。進店後，是我們熟悉的姐姐迎接，都是一杯屋的靈魂。前菜牛舌，香蔥酸汁，我哋秒清。免費sake質素不俗，可惜個壺永遠都係容易漏酒。鹽燒開片魚，自從在北海道吃過後念念不忘，深深愛上，燒得唔錯，少許鹹香不太濃，有鮮魚肉汁。串燒盛合，精明的男友說這跟散叫差不多價錢，但係我哋好懶，次次都係叫呢個由廚師發板。雞翼燒得好香，少少鹽調味。雞腎同冬菇都冇得輸。燒番茄令番茄裡面既糖分集中，好香甜喔！呢個疑似大阪燒（個名唔係叫大阪燒）既物體，喺我地叫來當飯食。竟然係出乎意料地好好味呀！麵漿剛好熟，有油香，配料有大量椰菜、雞肉、墨魚粒、木魚絲同酸姜，唔會太濃。好快就俾我地食晒啦！鯛魚片無咩特別，凍小小會好啲。男友話葵芳某新日本餐廳的鯛魚片搞好吃，但收費係$500一條魚。最後食過原隻波羅雪葩，香甜既菠蘿味（應該有加蜜糖同大量菠蘿汁），為今晚畫上完美句號！服務貼心，環境舒服（雖然等𨋢需時），埋單唔計sake約$54

午飯時間走進這間居酒屋，可能是下雨天的關係，不算多人，環境很寧靜舒適。打開餐牌有許多不同的午市定食，實在是眼花撩亂，便請侍應為我們推介，他說這間餐廳是主打日本仙台牛舌的，老闆是日本人，曾到仙台學藝，而仙台其中一樣名物便是牛舌，所以必定要試一試牛舌～那就來份一人前的極上牛舌定食，及仙台牛舌&刺身定食吧我們沒有特別叫飲品，因為這裡是飲品自助的，都有幾多選擇，有紅茶，咖啡，橙汁，乳酸飲品等。我倒了杯橙汁喝，味道是果粒橙橙汁。等了不夠十五分鐘，食物就到了～定食內有沙律、山芋泥、牛尾湯、燉蛋、牛舌、刺身和飯。沙律菜新鮮，拌上酸酸的醬汁，十分開胃。刺身新鮮鮮甜，燉蛋很嫩滑，而山芋泥質感略帶黏性，口感細滑，加上鵪鶉蛋黃和少許的芥末一起攪拌，可以配上熱呼呼的白飯吃，不過味道就略淡，可以加一點點醬油調味。而接受不了滑溜溜的食材的人，就肯定接受不了這道料理了至於牛尾湯撒上滿滿的大葱，葱香味非常濃郁，濃郁到直至傍晚，大葱味仍在口腔內徘徊🤣 不過碗湯很清甜，有牛骨的香氣。在天色灰灰暗暗的雨天，喝一碗熱湯，吃一口飯粒有嚼勁的白飯，是種小確辛。至於主角——牛舌，有六塊，它的伴碟有一些高麗菜和南蠻味噌漬青辣椒。但高

星期六放假最愛走走吃吃午餐時間到銅鑼灣一杯屋，試試牛舌定食。見鋪頭介紹燒物用上紀州備長炭，牛舌用上仙台牛。心想應該不錯吧！店內環境佈置似日本食店，相信夜晚一定很有氣氛！我愛選擇坐bar table ，可望見廚師和店員準備食材的模樣。午餐定食有Drink bar，無限量供應飲品，有麥茶、凍烏龍茶、橙汁、Calpis、凍珈琲和即磨珈琲。入番正題，有多款午餐定食，我一心諗住吃牛舌，當然會選擇吃牛舌，餐牌內有1人份和1.5人份，也有普通和極上牛舌，我選了1人份的極上牛舌定食。味道十分好味，牛舌充滿炭火香味，爽脆的。定食跟上山竽蓉、醬菜、南蠻味噌漬和燉蛋都好好味，配上麥飯和牛尾湯加上大量大葱，真的好味。滿足最後再飲杯即磨咖啡結尾。這店我會再來或也會試一試晚上吃吃串燒，喝喝清酒！

一坐落就送上牛舌前菜， 牛舌爽口入味，細細粒好快就食晒炭燒極上牛舌呢度話晒主打仙台牛舌，無理由唔叫。牛舌上檯已經聞到好香嘅炭燒味，肉味較濃，外表有乾身香口，唔駛落任何調味已經好好食串燒帶子帶子大大隻，咬落中間帶子肉都好入味，唔會淨係得外面有味，裙邊燒到好脆口，加分！串燒吞拿魚咬落有陣陣魚油香，已經知道用嘅部位唔係普通吞拿魚身，如果唔係實係非常嚡口！燒鵪春蛋 + 炭烤和牛串 牛肉簡簡單單燒已經好好味，和牛串無烤過火，仍然肉汁十足！鵪春蛋醃過，燒出嚟帶少少甜味明太子玉子卷玉子軟熟，蛋香加埋明太子辣味，一定要趁熱食炭燒河豚味淋乾搽咗醬汁烤過後，不會難以咬開，反而好煙靱，味道甜甜哋。炭火黑雞睇佢個樣黑黑實實，完全唔起眼，咬落去就知有咩咁特別！用大火燒，表面可以快速燒熟，另裡面嘅肉汁可以鎖住，仲有獨特嘅炭香。睇下！師父真係用緊炭火黎燒架！日本黑豬蒸籠食完咁多香口野，呢樣嘢食就啱啱好。蒸過嘅半肥瘦豬肉，保留咗豬肉原味，非常柔嫩，墊底嘅芽菜正好補足今餐缺乏嘅蔬菜。牛尾湯牛舌及牛肉熬的清湯，加入大蔥絲同胡椒，清清淡淡，啱啱中和食物嘅油膩同飽滯

約舊同事午飯，他是這店的忠實粉絲，就由他訂位！餐廳細細，估不到星期五的午市接近全滿！舊同事極力推介這裡的碳燒牛舌，因此我就點了極上牛舌定食，定食的牛舌可選一份或1.5份。價錢相差$20，我們各點了一份。我點了的細定食約有十塊牛舌。舊同事點了1.5份的約有十五塊牛舌，果然是1.5倍！而飯、湯、蒸蛋、沙律和山芋泥等的份量則是一樣。燒牛舌果然好味，肉質彈牙，燒完都不會太乾，還有微微的碳燒味！讚！值得一提的是這裡的飲品是以自助形式的，有咖啡、茶、果汁等冷熱飲品。我用咖啡機弄了一杯咖啡，不錯！

去完日本食過日本串燒，一直好想喺香港再食，朋友介紹呢一間一杯屋，見得閑去試吓啦。佢都安排左我哋坐吧枱，可以直接睇到師傅燒串燒，就好似喺日本坐係師傅前邊咁坐低侍應就俾咗一碟牛舌頭盤我哋試，撤到一粒粒，落嘅醬汁好開胃，牛舌都好冧，作為頭盤非常之出色。跟住就叫咗個三文魚腩刺身，刺身都切得幾厚身，有一碟有五塊，食落好新鮮，唔點豉油會更加食到三文魚嘅鮮味。之後就叫咗串燒有炭烤極上牛舌，雞肉京蔥，雞膝軟骨，雞翼串，炭烤AUS和牛串，露荀麥豚肉卷，串燒帶子，冬菇，麥豚五花肉串炭烤極上牛舌通常牛舌燒完都UN，但呢度既火喉岩岩好，燒完入口一咬就開，係爽口既，師傅既功力同埋貨源都佔好重原因可以做到咁好SET雞肉京蔥蔥好香，配埋雞肉可以中和返D油膩感，日本個D居酒屋都會咁整，好好味~~ 串燒帶子大大粒，燒完都無乜縮水，配埋店舖既醬汁，非常惹味，帶子肉身好厚，食落好有口感炭烤AUS和牛串和牛串真係唔同d，食落去既牛味會更新鮮，有口感但唔會un同痴唔開，加埋陣炭烤味簡直係可以encore！另外其他串燒都係水準之上，燒完都唔乾身，反而帶到食物本身既香味出黎，尤其冬菇仲好juicy tim～唔怪得爆場啦！

天寒地凍，經過一日辛勞嘅工作，夜晚同男友去咗呢間居酒屋。一試之下，竟然充滿驚喜！首先，居酒屋環境唔錯，枱與枱之間都有充足距離，唔會話坐得唔舒服，亦唔會覺得冇晒私人空間。每位店員都好醒目，會主動提供需要嘅協助。例如加茶，做簡單食物簡介同埋上食物之前會先問你上得未。唔會好似一般居酒屋咁，搞到食得好趕。我地點左兩杯梅酒、12隻來自日本兵庫縣生蠔、豚肉鍋、沖繩黑糖配炸番薯條。之後再點埋澳洲和牛串燒、帆立貝串燒同冬菇串燒。最後以原個蘋果雪葩做甜品畫上完美句號。梅酒唔係用一般梅酒杯，而係用比較高身嘅酒杯，感覺幾新鮮，不過我地都係比較鍾意傳統嘅酒杯。呢度用嘅梅酒偏甜，好似我好甜嘅人來講就好啱飲啦。豚肉鍋好好味，用嘅臀肉都係唔錯嘅貨色，食起上嚟好滑，亦充滿肉味。加上，有好味嘅日本蔥同配菜，令味道更加提升。如果可以加個烏冬，就更完美。來自兵庫縣嘅生蠔亦相當唔錯，每隻都肥大肉厚，新鮮多汁。四百幾蚊有12隻，都算抵食。沖繩黑糖配炸番薯條脆脆地，又甜甜地，用來送酒唔錯。之後嘅三款串燒都有水準。和牛好香，帆立貝新鮮，冬菇嘅醬汁好味。原個蘋果雪葩好清新，為今餐劃上完美句點。

在銅鑼灣shopping後，想找個地方靜靜地同朋友傾下計，同埋食少少野。地舖既餐廳我覺得太多人，好難傾計，就算係靜既餐廳，又會因為人流太多，帶俾我地無影既壓迫感，好難暢所欲言，最後我地選佐呢間位於澳門逸園中心既日本餐廳。餐廳格調高貴，人流唔多，每一枱既位置都有足夠既空間感，讓人感覺夠哂privacy。剛剛坐下，還未落單，店員已經為我們遞上餐前小食。原來係牛舌，並唔係平時食到既花生，或者蒜頭既行貨，剛好牛舌係我其中一樣最鐘意既小食，好好味。細看餐牌，食物種類有不少，而每一款食物也會有圖文並戍，方便客人，或者旅客去點菜。峰蜜柚子soda ＄43峰蜜柚子梳打好大杯，而且價錢唔算貴，一杯可以飲足2小時，而且冰唔算多，全部溶哂都唔會變得太淡味。拖羅吞拿魚刺身 ＄268拖羅係我既最愛，而呢度既拖羅絕對有日本當地食既質素，入口即溶，非常肥美，食落有點像吃吞拿魚扒的感覺，因為真係好大塊，為我帶來非常大的滿足感。牛油果飛魚子沙律 ＄78牛油果非常健康，相信係所有人都知既事實，呢個沙律配上芝麻醬和飛魚子去帶來更多的口感，飛魚子都算幾大粒，食落爆漿既口感和沙律很match，而沙律菜亦都夠爽夠甜。串烤鰻魚 ＄

Located in Causeway Bay, a cup of house, is a main Japanese version of Sendai beef tongue restaurant. Have taken the time once, I feel very delicious, try it again today. Charcoal burning ox tongue $ 128 is the first sign of charcoal burning beef tongue. Beef tongue has the best and fine, but unfortunately the best has been sold out, had fought Genghisai it. A total of more than a piece of beef tongue, each piece of charcoal cooked thoroughly, charcoal nostril, micro-focus side, smooth meat, smo

呢幢大廈有好多有質素嘅日本餐廳，今次我哋就決定去呢間久仰大名嘅一杯屋餐廳內唔算好大，但環境算安靜，坐得舒服。前菜係牛舌粒，配上蔥花好開胃牛油果份量十足，而且麻醬亦毫不吝嗇，牛油果沾上濃香麻醬後咬入口軟滑之餘仲感覺到有一粒粒嘅飛魚子，口感十分豐富。蕎麥面同日本食嘅質素不相伯仲，麵條較硬身，醬油鹹味適中，配上蔥花以及芥辣味道清新牛舌係呢間餐廳嘅主打，黎到梗係要試吓，牛舌係整塊燒完之後再切片，厚薄適中，唔會乾身，而且有咬口甜蝦實物比相中更加肥美，鮮甜嫩滑，鮮味十足帶子好巨型，燒完之後塗上甜甜嘅燒汁一啖咬落令人好滿足五樣串燒滿足晒貪心嘅我，可以樣樣試吓，好欣賞呢度嘅串燒唔會燒到太乾，冬菇食落口仲好juicy雪葩有好濃郁嘅蘋果香味，而且兩個人share分量啱啱好埋單每人約400港元，以高質串燒黎講價錢好合理

今次朋友帶咗我去食一杯屋，對呢度嘅牛真係依依不捨因為真係實在太好味。餐牌上面有好多各式各樣唔同嘅串燒，煮物，日本小食等等，你呢度我梗係要試佢嘅牛舌！先會送上兩碗牛舌嘅小食，未點餐先有嘢食實在吸引。先叫咗沙律同埋天婦羅，同軟殼蟹。軟殼蟹炸得外皮非常之脆，入邊既肉真係好多。唔會炸到縮埋一舊，為左減少油膩感隔離仲會有生菜可以伴上嚟食。另外牛油果沙律定牛油果好大粒，而且是配埋孩子非常之清新。另外天婦羅都幾多款，我哋叫咗雜菜因為嚟緊我會叫勁多牛食！另外叫咗串燒例如年糕，燒雞皮燒雞肉。呢度燒法用左炭火果然咩都唔同啲，仲會有炭香。我哋叫咗牛舌，一個係刺身牛舌，另一個係豆舌餐！超鍾意佢入邊除咗有湯之外仲會有飯同埋生藥可以撈埋一齊食，呢度嘅牛舌係香港入邊我食過最好食嘅，而且價錢亦都唔貴百幾蚊就有一份。最重要係燒得有炭香又有牛味，口感都唔錯。呢個叫若雞之黑燒，啲雞皮俾佢燒到黑哂佢又唔會食到濃味反而仲會有炭燒嘅香味，配合埋雞油喺口入邊爆出黎嘅感覺。出邊比較少食到！呢度嘅雪芭都好出色我哋就叫咗菠蘿同埋蘋果，甜品必叫呀！

下班後，靜靜坐下，喝杯酒，聊下天，是最愜意之事。無疑，居酒屋向來也是相聚的好地方。是夜，和Y先生同行，選址銅鑼灣一間居酒屋。甫入餐廳，可能太早的關係，仍然清靜，像包了場一樣。不過，大約七點半後開始有客人，大概大家也喜歡晚一點來居酒屋，或會更有feel，哈哈。這裡食物主力以串燒為主，場內亦設有Bar枱，可以看着師傅大顯廚藝呢，來到此餐廳前亦做了小小功課，得知這裡的牛舌也挺有名，不過剛好友人不吃牛，自私吃也不太好，為有下次來時再點。幸好，前菜每人就是一碟牛舌了。用了蔥花及醃料，令味道更開胃，其中主角的牛舌，極為軟腍，腍得幾乎感不像是吃牛一般，入口只咬一二口就能嚥下。點了一份三文魚/$108過刺身口癮，單看賣相已夠吸引，就是用了中脂，即三文魚的中腹部，半脂半脆的口感，入口質感嫩滑，不會太肥膩，但又保持了少量油脂感，不過一份只有五至六片，非常珍貴呢。吃串燒當然不少得啤酒。這裡供應的不是到處也找到的普通啤酒，而是札幌生啤/$48杯，小妹大愛其清甜口感，濃度大約算是中度，但清甜之感略帶生啤苦澀味，不太嗜酒的人亦可不妨一試。小妹就認為生啤配上炭燒黃貂魚翅/$75，極之匹配。這魚翅就像平時佐酒吃的魚乾

喜歡吃日式料理，而今次的一間更特別，除了主打菜，炭燒食物之外，還有沖繩料理和台日 fusion 菜。前菜，$30/位是涼菜版的茄子。茄子切了中間的茄肉，伴上木魚醬汁，茄肉不會煮得淋pat pat，加了木魚汁，清清的很開胃。六舟，吟釀來來來，未吃之前要先點清酒啦！ 這清酒夠清爽，入口溫婉，很香的米味。同行的日本友人一直說很喜歡！ 意式鯛魚刺身，$98一上菜便是驚喜。除了黃黃紅紅的甜椒令賣相更精美之外，酸甜的醬汁更醒胃。配上鯛魚刺身，魚肉爽甜，比點醬油更豐富。 炭燒極上牛舌，$158主菜來了，就是所有串燒食物都是炭燒的。牛舌厚燒，可咬到內裡的肉汁。土鍋三文魚親子飯，$148很少在街吃飯會點米飯，但侍應極力推介，是沖繩特產呢！ 土鍋連蓋上，焗了一會，日本米的香軟甜糯，加上三文魚的魚油，淡淡的油香更好吃。日本產黑豚蒸籠，$168沖繩特產，豬肉下放洋蔥芽菜，上放韮菜，豬肉有很濃的韮菜味。熱呼呼的，蒸起的黑豚肉可吃到材料的原味，日本的食材資源豐富新鮮，很適合吃到原味的煮法，但我較喜歡燒的黑豚肉。

友人說這家的牛舌物超所值，是這個價位內優質的日本餐廳，今天便帶我專門到訪一試。我們被安排到BAR枱就坐，可以叫到師傅現場燒串燒，好有日本風味我們分別點了極上牛舌和上等牛舌以便識別兩者分別。另外點了牛舌刺身，兩隻生蠔以及店員誠意推介的黑豬蒸籠和土鍋三文魚親子飯。生蠔都好大隻，肉質新鮮，食落有淡淡既海水味~ 不過少食多滋味，忍住唔叫多幾隻，下次再黎~原來極上牛舌是牛舌中間部位，這個部位較軟熟，每條牛舌只能切出兩至三塊，非常罕有，因此每天限量十碟左右，想試要早點去吃！而上等牛舌則是舌頭旁邊的部位，比較有口感，但亦非常好吃。另外不得不提的是土鍋三文魚親子飯，即日式煲仔飯，三文魚甜美，飯煲得好香，同三文魚好夾，魚子好有鮮味，粒粒都好大粒，魚子加熱飯都幾特別，實在意料之外，相比之下黑豬蒸籠較為遜色，味道上雖然都好味，但就唔算太特別。但總括而言，這間餐廳非常值得再來。