一杯屋 (已結業)

知道朋友鍾意食仙台牛舌, 所以帶佢嚟試下。落單時只有“上等牛舌定食”, 原來極上牛舌係要預先訂定先有得食。個女侍應較Concern去Sell我哋Join餐廳個Membership多過落單哈哈。茶碗蒸係蒸到老哂, 但又唔太熱, 差。兩份牛舌都燒到十成全熟而且薄切, 頗硬, 極差。相中咁樣已經係1.5份, 份量頗細。後來睇返另一位師兄食評原來轉咗個廚, 可能因為咁燒得差咗咁多啦。唯有用個芋蓉撈飯食, 唔駛回頭嘅一間餐廳。

同朋友行到銅鑼灣,見到呢間裝修充滿日式風嘅居酒屋,覺得幾有特色,就選咗呢間一杯屋嚟食晚飯!餐廳環境唔錯,整體佈局好,菜式亦有幾多選擇。赤身-呑拿魚$120,天然赤身，野生的質感同平時食開養殖的彈性好大分別，第一次試。帆立貝配明太子串$58,師傅燒得啱啱好，外面少少脆入面好嫩。 甲羅燒$48,佢地話加埋燒飯團好夾味，特登叫左個明太子燒飯圑，正。山椒味噌煮牡蠣$78,好濃好入味，食得出用新鮮生蚝煮冇腥味蚝肉入口即化。 加埋個北海道牛奶雪糕$28......好飽。埋單侍應話做埋會員享九折優惠,真係超值,下次有機會再嚟試!

幫襯咗好幾年，每個月都會去食一兩次，因為呢度嘅牛舌味道同響日本食到嘅好相近，加埋長芋蓉麥飯、多蔥牛湯、日式拌菜，響冇得去日本食嘅時候完全止到渴。不過最近再去所有嘢都唔同哂，一個set價錢加咗差不多30%都算，味道local哂，牛舌只係食到好咸同好多胡椒粒，個多蔥牛湯變成勁hea麵豉湯，日式拌菜變成一堆蔥絲。真係好失望，一問之下，原來換左廚師。以後想食正宗仙台牛舌定食真係唔知可以去邊，因為一直以來呢度係唯一，而且係最好嘅。要變都唔好變個招牌菜吖大佬呀！

之前已經嚟開Dinner食炭燒，近排聽佢地啲Staff 話轉左Lunch Menu 就同果fd 嚟試下。間鋪主打牛舌及炭燒，但今日我地叫左我至愛的羊架同雜錦海鮮烏冬定食。個餐都豐富嘅基本野有齊做足沙律刺身沙律配左個冲繩香草沙律汁，入囗清清地香草味幾特別日式蒸蛋蛋好滑，入面雞肉老左少少。基本野收貨前菜南瓜甘煮有驚喜，煮到好軟，㭈子一夾分到。第一次食凍南瓜汁燒紐西蘭羊架My favour, $188.00 3件俾足料！最緊要炭燒啲香味出哂。我食開5成師傅個火候都prefect. Lunch 都冇乜到水準。嗰fd叫左個海鮮烏冬，可惜要自己起蝦殼。用料有蝦帶子蜆等，用稻庭烏冬有誠意。上餐都好快lunch可以入飯堂list。

作為一個日料忠實fans，鐘意到處去嘗試新既日料店。呢次搜到呢間一杯屋，名幾得意，所以就走黎試一試口味。菜單有好多野食，睇到人流曬口水。唸住假如好食，以後就一個個菜打卡食勻。果然都無令我失望，吃貨又穩到間好店。下次一于帶埋朋友過黎食。

来香港找朋友玩，朋友带我偶然间进到了这家日料店。装修和氛围都很喜欢喔，比较有日式的风格。盲点了几款，味道都很不错，很合我口味，比较正宗。上来的每道菜，不仅外观很精致，味道也很鲜美独特。吃过很多家日料店，这家店给我印象最深刻。如果还有机会来香港，会继续光顾。希望在内陆也能开一家分店，这样我就不用跑那么大老远去吃啦哈哈。

呢間居酒屋之前同朋友嚟吃過，呢次再嚟覺得裝修好似變咗，感覺唔錯，都幾舒適，好中意墻上D和風海報。菜單相比之前都有幾大變化，多咗好多新菜，朋友都忍唔住試咗好幾款。 值得推薦！鯛魚外焦裡嫩，而且好神奇咁仲保留到刺身時的些許嚼勁，帶子都好鮮美。 一直係店鋪嘅招牌，口感非常好，風味絕佳，次次嚟必點。 烏冬口感好好，彈牙，龍蝦好大隻，一吃就知道食材好新鮮，真係好抵食！ 湯底清甜，D蜆size好大好新鮮，清酒去腥，入喉仲有醇香。[刺身沙律 $98] 都幾多刺身下，沙律的醬汁貌似是特製的，特別突出刺身的鮮甜，好中意食上面D海葡萄哈哈哈哈...有機會下次一定要試埋其他菜式!

已經唔係第一次黎，覺得呢間餐廳好好一啲都唔嘈同姊妹相聚一流. 最鍾意食佢嘅牛舌，佢地既牛舌好彈口好入味. 每次嚟到一定追加幾次. 魚生都係好新鮮，所以都係每次會叫嘅. 個人喜歡梅酒. 到日本餐廳都一定會order.今次試咗佢嘅燒鰻魚都好好味，每次黎都無失望.

超扺食的牛舌套餐！大大件牛舌全部都係中間部份！炭燒後的香氣加上鹽，放入口𥚃的感覺超正！呢間日本餐廳門口打正招牌話用日本備长炭作為燒物的主要材料，特別在店內燒烤時，唔會整到成間食店都係油煙滿佈的效果！我們一直在用餐的兩個多小時裡，真係索唔到有BBQ嘅味！真係最怕食完嘢件衫同個頭都留低Ｄ炭燒除一路跟到你返歸的感覺！！！淨係呢樣好處、我又多左一個飯堂用餐嘞！

約咗朋友相聚一下，喺openrice 搵到呢家餐廳。去到餐廳見到好有日本居酒屋風格，環境舒服，好啱姐妹嚟傾計聚會。我地一行二人叫咗個omakase set, 前菜有刺生&軟殻蟹沙律, 主食有牛舌,串燒&天婦羅。麵食我地就揀咗冷蕎麥麵。食物質素&味道都好好，店員都好有禮貌

放左工同朋友黎居酒屋啤啤佢🍻呢度最主打係炭燒牛舌👅諗住一場黎到，就試下貴啲嘅極上牛舌點知賣哂，得返上等牛舌唔緊要啦，都嗌黎試下啦嗌左定食，連一碗飯一碗湯同一細碗生嘅淮山生淮山黏黏嘅口感我真係麻麻地😫但其實味道唔錯的牛舌好嫩滑同彈牙，真係好好食👍🏻而且燒得好香下次一定要再黎試下極尚個款另外仲嗌左豬頸肉串燒、雞軟骨串燒、燒蠔串燒啲串燒真係食得出炭燒味👍🏻好好食而且火喉都好好👍🏻👍🏻👍🏻呢度嘅串燒唔會落太多調味，食得出食材嘅鮮味👍🏻

服務員不但用心介紹，而且食物質素不俗。環境安靜，是一個與知己暢談的好地方。食物推介方面，有三文魚魚子釜飯及烤魷魚，佐酒一流。另外明太子玉子燒亦值得一嚐。不得不得的是烤牛舌，味濃、質感厚實卻不失柔韌，唯需預早預訂或及早下單。總括來說，是一間值得再度來訪的餐廳。

應該係好難得食完會嬲嘅日本野 所有嘢都可以係凍嘅食咗成餐飯得碗湯係熱嘅特別係個牛脷呢間應該落咗好多廣告 完全冇牛味都算 你起碼都幫我攞返啲鹽啊 仲要好似擺咗成個鐘先serve俾我嘅咁 搞到我俾啲廣告fake以為係正野啲串燒好似冇調味咁 反而成餐飯最好食係個前菜 雖然都要$30一份 但起碼個味道係OK嘅重點係其實佢都唔平 唔明白點解佢可以喺銅鑼灣生存左咁耐服務態度就正正常常冇乜特別啦食咗六百幾蚊但係俾啲咁嘅質素我真係貴又唔抵食 兩個人去銅鑼灣600幾蚊可以有更加好嘅選擇

大多是幫襯午市，最近改了餐牌。飲品不再免費，要加$20。set lunch 也少了款式，當然也加價了。我常點的刺身牛舌餐（$168)，不再有了。自行點一個牛舌餐+刺身三品，跟從前的刺身牛舌餐差不多份量，現在要$208。百物騰貴。當了會員：（會費$100）可有九折、飲品免費、$100 coupon （消費500才可用）。雖然會員是終身，會費也可說被coupon 抵銷了，但會員咭不是apps ，要隨身帶會員咭，真是有點落伍。

一入到泥就好有去左日本既感覺店舖小小好熱鬧一坐低就有牛舌前菜同老公一人一碟唔洗爭 酸酸既好開胃叫左牛舌定食：牛舌一碟好香准山蓉+鵪鶉蛋好黏黏既 加入飯再加豉油好似雞蛋撈飯咁大葱湯淡淡的 清甜 入面都有牛舌 鰻魚好香好香好好味 同埋串燒：雞皮大蒜 豚肉 雞pat pat炭燒的味道加上生啤 絕配野食泥得好快下次慢慢叫就唔怕食得慢會凍蘋果雪糕做結尾完美仲有好多食物想試 做左會員仲即有9折店員好好 態度親切有禮物好笑容係香港食野成日都似要受氣但呢到唔會度過一個好舒服好似去左日本旅行既感覺好味又開心滿足