605
11
19
| 餐廳: | Mokumoku Yakiton (厚福街) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
日式豚肉串燒專門店，搜羅多元化的豚肉，加入獨家秘製醬汁，主打現烤串燒。
繼續閱讀
營業時間
今日營業
14:00 - 01:00
星期一至日
14:00 - 01:00
以上資料只供參考, 請與餐廳確認詳情
有關獎賞計劃
優惠
8折
日韓式餐廳$500通用現金券 (堂食)
$400
$500
85折
日韓式餐廳$100通用現金券 (堂食)
$85
$100
| 餐廳: | Mokumoku Yakiton (厚福街) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
《Mokumoku Yakiton - 尖沙咀》同三五知己食串燒最正就係配埋酒精🤓所以如果去居酒屋食串燒，我必定會叫返杯highball又或者燒酎的🫶🏻呢一間位於尖沙咀嘅居酒屋專門食豬肉串燒，好多豬嘅特別部位呢度都有得食😌當然啦，除咗豬串之外，餐廳都有牛同雞嘅選擇的😉當日兩個人傾吓偈又飲下酒，唔覺唔覺食多咗添💁🏻♀️芥末八爪魚 $48前菜我哋叫咗一道送酒嘅芥末八爪魚，Wasabi味道微微刺激，辛辛辣辣咁幾得意💁🏻♀️豬生腸串 $34平時食生腸多數都係食涼拌嗰一種，用嚟燒嘅話個質感幾特別，有點爽口😋食落唔會有奇怪嘅味道，鹽燒嘅感覺幾原始，但係咁樣可以帶得出食材本身嘅質感同味道💁🏻♀️豬肚串 $36胡椒豬肚湯就成日飲，但係用豬肚嚟做日式串燒又係第一次試，食落彈牙同埋爽口，帶有微微甘香，不過我就覺得佢冇豬生腸咁惹味🤓💁🏻♀️豬頭肉串 $30鍾意食肥美口感嘅人應該會好鍾意豬頭肉，入口充滿油香，令人非常guilty😌 💁🏻♀️厚切白金豚肉 $48其實就即係豬五花肉，有肥有瘦嘅位置，食落多層次又有口感，同樣係由香味滿滿，不過佢肉嘅部份會多少少，食落冇咁肥膩，但係同樣好香口💁🏻♀️日本青椒芝士豬肉卷 $38食咗咁多較為油膩嘅肉類，之後就食少少含有蔬菜嘅串燒先，用咗薄切Parma Ham包住青椒同芝士，捲埋一齊一啖食香味十足，青椒嘅草青味可以有解膩作用，微微清新💁🏻♀️韭菜泡菜豬肉卷 $38同樣地用咗薄切嘅豬肉片包住韭菜同泡菜，今次呢一件豬肉卷微微帶有辣味，同樣咬落有多重嘅口感，鮮肉嘅油香，之後就到韭菜同泡菜嗰種爽口嘅質感，一啖食晒所有食材有爆汁嘅感覺💁🏻♀️鹽燒大蝦串 $98呢個大蝦真係好大隻，用咗鹽燒嘅方式製作，大頭蝦個頭入邊有好多橙色嘅蝦膏，味道甘香細滑，如果蝦肉食得出好新鮮，因為佢嘅肉質非常爽口，輕輕點鹽食已經好好味💁🏻♀️黃花魚一夜干 $258呢個係我當日嘅MVP，黃花魚經過醃製之後已經夠晒味，燒完之後再落啲檸檬汁調味，一疏疏嘅肉質食落唔會嚡但係又好有鹹香味，連啲骨頭嘅部份都燒到脆卜卜好好食，價錢會貴少少，但係絕對值得💪🏻好似話唔係成日有㗎，想食記住問咗有冇先💁🏻♀️芝士翠肉瓜 $28又係一道蔬菜嘅菜式，翠玉瓜經過燒烤之後會有好多汁水，上面放咗燒溶咗嘅芝士調味，簡簡單單已經好好食💁🏻♀️燒菠蘿 $38食咗好多鹹嘢，我哋叫咗個燒菠蘿做甜品，菠蘿嘅面層放咗砂糖在燒香形成焦糖脆脆，同菠蘿香甜嘅感覺相輔相成，令人想encore多一份啊💁🏻♀️姜汽水割燒酎 $78原來薑味嘅燒酎好香甜，酒精濃度唔算好高，不過十分解渴，食完咁多肉類同埋鹹點最適合飲返啲味碳酸嘅酒精飲品💁🏻♀️巨峰梳打 $38朋友當日唔飲酒，叫咗杯巨峰梳打，所以去居酒屋其實唔一定要飲酒嘅，飲果汁梳打都係唔錯嘅選擇，但係我個人覺得個味道比較簡單
繼續閱讀
每個月都要與好友食日本串燒，今日翻牌子到呢間啦。好幸運有吧檯！食日本串燒其中一個樂趣就係，望住師傅燒。今次嘅師傅好溫柔呀。叫左飲品先，我們心意一致，都叫左巨峰梳打，好清爽好新鮮的提子味道。前菜有蒜子番茄沙律和芥末八爪魚拌青瓜，芥末八爪魚🦑經常食啦，呢度都正正常常，第一次咁食番茄🍅，甜度都幾高。豚肉花生苗卷呢個係師傅推薦的，食個陣聞到淡淡嘅花生香味🥜，以為是花生醬。大廚話花生苗，呢嘅組合真係特別。必食呀！車打芝士巴爾瑪火腿卷超級咸香，一塊就夠了。皮蛋紅薑卷皮蛋烤過後口感偏硬，豚肉烤到脆而不油膩，與紅姜一起食，層次豐富，很驚艷的感覺白菌好的菇類簡單調味即可，大廚簡單撒幾粒鹽，已經調出菇嘅鮮美。西班牙黑豚肋骨肉不愧是以豬為主的燒烤店，呢個豬肉品質上乘，烤到外面焦脆，裡面卻仍然juicy，且有濃濃的肉香味，讚。燒明太子鯖魚明明以豬為主角，原來海鮮都燒得幾好。鯖魚好新鮮，慢火燒到表皮焦脆，魚肚撒滿明太子，明太子的少少辣味和鯖魚的鮮味，好搭。牛橫膈肌喜歡食牛不要錯過，明火烤出來確實更添煙灰味，擠一點青檸，酸味令肉質更酥鬆，牛香四溢。燒菠蘿係日本串燒鋪最喜歡的甜品，菠蘿本身已經好甜好有水分，烤製後更加逼出糖分，表面仲燒出一層焦糖。太滿足了。好有日本居酒屋的feel，好適合朋友聚會。如果你也是串燒愛好者，絕對不能錯過這裡。
繼續閱讀
尖東好多好食嘅居酒屋，所以定期約朋友去試下，今次就試咗呢間個名好得意嘅餐廳。前菜先叫咗個蒜子蕃茄沙律，醬油鹹鹹地，配上清新嘅蕃茄，再加上小小辣辣嘅蔥花，既清新又開胃。涷豬肝，估唔到原來有咁樣嘅食法，香濃豬味又唔覺得膩。芥末八爪魚伴青瓜，八爪魚夠晒彈牙。豚肉花生苗卷，一入口驚喜到叫咗出嚟，雖然冇加到花生，但係花生苗好香，花生味道濃烈，豬肉又夠肥美。白菌，好juicy，醬汁帶少少甜味。食到咁上下叫咗杯檸檬酒，酸酸甜甜，飲落清爽去油膩。日本青椒仔，上面鋪咗木魚，配合海鹽調味，令味道更加豐富。厚切金星豚肉，真係好肥好邪惡，但係值得用個quota。豚肉燒到焦香，咬落一啖肉一啖肥膏，食到好滿足。韭菜泡菜卷，濃濃嘅泡菜味，令畫風一轉好似食緊韓國菜，食落會有淡淡嘅韮菜味，同外面嘅豚肉配合得好好。豬顎骨，即係面豬登，加咗黑椒調味，肉質韌韌，肥瘦適中。沖繩苦瓜釀免治豬肉，上面鋪滿營養豐富嘅櫻花蝦，苦瓜爽口，唔會太苦。豚肉鵪鶉蛋卷，都加咗櫻花蝦，豚肉夠薄燒完好脆。芝士年糕，入面係香濃嘅流心芝士，年糕煙韌軟腍。魷魚鬚好彈牙，加上甜甜嘅醬汁，好啱送酒。真係食到飽飽喇，叫咗燒菠蘿做飯後果，上面有一層焦糖嘅，好完美嘅收結。
繼續閱讀
好耐無食過日本串燒，同朋友約了尖沙咀的Mokumoku，在厚福街實在太方便。蒜子番茄 | $28先來食冰凍的番茄，有蒜蓉及酸汁，夠開胃。日本生蠔 | $176/2隻生蠔旁邊配上的是酸汁，但即使不加檸檬汁或酸汁都可以，生蠔夠新鮮。燒帆立貝 | $148帆立貝用醬油汁，燒好切粒方便食，有鮮甜味。芥末漬四元豚 | $198點上日本蛋漿增添滑溜感，芥末味適中，不會太過嗆。豬腭骨肉串 | $38/串豬腭骨肉吃起來口感似牛肉，加了黑椒好香有點辣，有少少嚼口。豬肉釀冬菇 | $38/串冬菇釀了一些豬肉饀，有些胡椒味花生苗卷 | $38/串有香香的花生味。蒜心豬肉卷 | $36/串中間有多條蒜心，平常的串燒只卷住一兩條，但這個至少有四條蒜心，味道夠清甜又突出。皮蛋豬肉卷 | $38/串創意卷物的一種，卷著皮蛋都是第一次見。林檎紅薑豬肉卷 | $38/串用豬肉卷著蘋果，沙律有薑汁，點來食又是另一種創意。抱子甘藍 | $28/串吃了很多肉後來一個蔬菜類，感覺好清新且不油膩。燒菠蘿 | $38菠蘿搽上糖再燒，焦糖面脆卜卜，酸酸甜甜。
繼續閱讀
今日朋友生日，一齊來到居酒屋慶生。說起居酒屋，當然少不了有串燒，有清酒、生蠔各式各樣精緻既小食。一客蒜子蕃茄沙律涼菜為前菜,鮮紅的蕃茄，配以濃郁的蒜子汁，甜酸的味道，很開胃。見12月是吃蠔的季節，我們點了日本米崎生蠔，新鮮的生蠔晶瑩剔透，新鮮的海水味道，混以檸檬酸汁，入口十分綿滑帶微鹹，有大海的風味。吃生蠔及串燒，當然少不了一支上好的清酒。我們2人點了一支作惠乃智純米吟釀。清酒，易入口，小小一杯，帶點洋梨的芳香，甜甜的，回韻的旨味，配以生蠔及串燒絕配。燒豬生腸，豬生腸平時用來炒，十分爽口，想不到用來燒，豬生腸也極為爽口，燒的過程中把多餘的油份逼出來，脆中帶爽。燒蒜心卷，每串三小條，用豬肉包裏著，豬肉的肉汁為淡淡的蒜心燒增添多一份味道。而蒜心為每一口肉減少一份膩感。每一口均十分爽口，相互配合。一客味噌煮油揚，濃郁的味噌湯底，配以白蘿白及油豆腐。蘿白煮得很清甜綿滑，油豆腐吸收了味噌湯的精華，鮮味無比。最後來一客燒菠蘿，燒菠蘿甜甜的，香濃的菠蘿味道，去除一晚口中的膩感。今晚的生日飯，朋友和我都很滿足。
繼續閱讀