The Captain's House (已結業)

A meal date at The Captain's House is always something I look forward to. With the lifting of the dining-in dinner ban after 6p.m., of course we had to come again. The long hunger craving a decent seafood meal with their creative Seafood Platter was finally satisfied!Before our feast began, we first ordered two mocktails to enjoy ourselves with some chit-chat. Fruit Punch (Orange Juice, Pineapple Juice, Sprite, Fresh Fruit, Grenadine) (left) & Peach On The Beach (Mint Leaves, Fresh Lime, Peach,

終於放寬咗堂食限制啦，即刻約朋友去食返餐好嘢，一早就book咗呢一間食海鮮嘅餐廳好耐以前都想來呢一間餐廳食，因為呢間餐廳嘅海鮮拼盤好有特色，相信大家一齊都聽過去到餐廳餐廳，地方唔算好大，幾乎坐滿左食客，嚟呢度一定要book定位嘢食方面當然主力係食海鮮啦，有各類海鮮嘅菜式，聽完店員嘅推介，我哋就揀咗以下幾樣食物路易斯安那特色蟹餅：呢款店員話係呢度嘅招牌菜，我見差唔多每一台都有點呢一度菜，蟹餅個面煎香左，以入面係用蟹肉堆砌而成嘅，一啖都可以食到啖啖肉嘅感覺，配埋佢個醬汁，真係拎個蟹肉味提升海鮮拼盤：揀咗大蝦、青口、蜆呢三款海鮮，食材真係好新鮮，配埋佢嘅檸檬牛油味，一上枱就已經聞到好香嘅牛油味，醬汁嘅濃度啱啱好，再加上佢入面仲有粟米、香腸同薯仔，超級豐富墨魚汁鮮魷魚，八爪魚意大利飯：呢個意大利飯係用墨魚汁整嘅，所以食落特別香，魷魚一啲都唔un,八爪魚嘅新鮮程度好似刺身咁雪糕蘋果批：呢個蘋果批，側面睇你可以見到每一粒蘋果都好分明，真係落足料同心機，一啖雪糕一啖蘋果批，勁享受呢間餐廳嘅服務好貼心，不時會幫你更換碟，店員仲好有禮貌

之前初七人日, 係人人嘅生日, 諗住食好啲係Captain’s House外賣左個海洋返屋企個外賣盒超吸睛, 沿途個個眼金金望住我<Seafood Platter>海鮮拼盤係Captain House嘅招牌菜, 非常適合打卡裏面有10隻蝦、10隻蜆、10隻青口, 仲有薯仔、香腸同粟米作為配菜醬汁方面有檸檬牛油汁、卡薑蒜蓉汁同胡椒牛油汁三款選擇, 大食妹就揀咗檸檬牛油汁, 食落非常清新, 有種乳酪感<Louisiana Crab Cake>呢個路易斯安那特色蟹餅都係必食之一蟹餅非常足料, 食落啖啖蟹肉, 淋上特製醬汁, 食落有少少辣辣地, 味道唔錯<Bologna’s Spaghetti>因為驚食唔飽, 大食妹再嗌左份大波波肉醬意粉 , 份量超級大肉碎超多, 仲有個牛肉漢堡扒<Sugar Kiss (左)及 Mid Summer Dream (右)>食咗咁多嘢飲番杯mocktail就啱啱好啦Mid Summer Dream 味道酸酸地, 飲落好似洛神花茶而Sugar Kiss就甜甜地, 好似水果茶

今日去了尖沙咀！同朋友食海鮮午餐！我們去了厚福街美食街！我們去了18樓"The captain's house"好有海邊餐廳的風格！好舒服，好優閒！我們點了路易斯安那特色蟹餅白酒煮活青口扒海鮮配蒜蓉包牛肉漢堡配煙肉菠蘿路易斯安那特色蟹餅真的是滿滿蟹肉，用一個熱熱的鐵板烤盤，蟹餅香濃可口！鐵板這一面焦香脆脆！😝🤤😋😋😋😋👍🏻👍🏻👍🏻👍🏻👍🏻👍🏻白酒煮活青口白酒煮青口得剛剛好！青口好新鮮！扒海鮮配蒜蓉包好多海鮮！好豐富！有小龍蝦，蝦，蜆，青口，仲有濃濃的蕃茄醬，好好味！牛肉漢堡配煙肉菠蘿牛肉漢堡扒好好味！厚的漢堡肉味多汁香濃！好豐富好滿足！👍🏻👍🏻😝😋😋😋

農曆新年當然要吃海鮮大餐慶祝，要吃好的海鮮，當然要去The Captain's House呢。The Captain's House海鮮種類多，煮法變化多端，絕對可以滿嘴饞的大家。路易斯安那特色蟹餅可謂The Captain's House招牌前菜，整份蟹餅都是蟹肉製成，幾乎我每次來必點。我建議大家先吃原味，之後再嚐沾上醬汁的部份，那麼可以同時享受兩種風味，蟹餅鮮到不行，醬汁混搭蟹肉滋味提升不少。白酒煮活蜆扁意大利粉挑選活蜆都不小顆，蜆肉相當飽滿，一顆接一顆讓人欲罷不能。扁意大利粉以白酒熱炒手法烹調，保留活蜆原有的精華跟鮮甜，扁意大利粉咬勁十足，完全吸收蜆肉甜味，吃過真的回不去了。噹噹，這藍色網球就是海鮮拼盤，裡頭擺滿了肥碩的大蝦，活青口，活蜆，香腸和薯仔，超級彭湃，我們選了卡薑蒜蓉汁。店員搖擺完這海鮮球，我們拍好照，隨即開動。看那肥嘟嘟，白玉般的活蜆，大口吞下，牛奶般滑順口感，厚實帶點彈性，真的超幸福。活青口新鮮水嫩不在話下，嚐起來彈舌無比，海味滿滿，令人回味無窮。大蝦驚為天人，吃過卡薑蒜蓉汁大蝦一定念念不忘，蝦肉不僅緊實鮮甜肥美，還有豐富的蝦膏。香腸口感脆彈，薯仔爽脆，有別一般薯仔

終於到食到☺️☺️呢間野啱啱開嘅時候已經想試，一直冇人陪我食，而家終於有個人肯同我去食啦☺️Seafood Platter $398我哋揀咗檸檬牛油，一嚟到我忍唔住錄片，打開勁香，入面好多野呀，蝦，蜆，青口，粟米，法國腸，薯仔入面有好多汁，啲汁係超級香，唔會話好滯👍👍👍路易斯安那特色蟹餅 $108我對面嗰個話要食呢個，我一直以為係蝦餅啲friend，食第一啖嘅時候好驚喜，好多蟹肉，太邪惡🥰🥰大波波肉醬意粉 $138本身怕唔夠飽所以叫多個主食，點知見佢個名好得意，大波波😛點知佢嚟到有塊好厚嘅肉，好過份呀，然後又多肉碎，勁邪惡🥰🥰🥰Cream Brûlée $78我真係好鍾意食，係一個好難唔好食嘅甜品，而且食幾多次都唔會厭Tuscany Sun：好香桃味👍Suger Kiss:好香蔓沒莓味，唔藥水

今日放假，本身諗住同朋友食同一棟大慶入面既另一間餐廳，但黎到既時候發現初六先啟市，唯有同朋友揀過第2間，最後就揀左呢一間！Set lunch 真係超級抵食！係尖沙咀地區，有齊餐湯、頭盤、主菜、飲品、甜品都只係約$100！因為聽聞呢度係主打海鮮，所以本身同朋友係諗住叫扒海鮮（$108）同埋大蝦菠菜忌廉汁闊條麵（$98），但點知落完單冇耐佢同我地講扒海鮮賣晒，最後唯有轉成炸蝦漢堡配薯條（$98）首先餐湯方面，係龍蝦湯，一啖飲落去濃濃蝦油味，有配一塊細細既麵包，一咬落去就碎晒，好脆，但浸完湯都一樣咬落去就碎晒，完全吸唔到龍蝦湯既味道，同我想像中係有所出入，個人而言麻麻地！頭盤方面，我地一個叫沙律，另一個加錢叫左個迷你蟹餅，沙律味道正常，而個蟹餅黎到既時候以為係炸既，但原來唔係，一切落去軟淋淋，而且仲要係滿滿既蟹肉！主菜方面，大蝦菠菜忌廉汁闊條麵（$98），大蝦好彈牙，而且份量都唔少，有足足5隻麵條唔會過硬或過軟，配埋d忌廉汁剛剛好！忌廉汁亦都唔會太稀或者太濃稠！菠菜亦都唔係煮到爛晒既，仍然係爽口既，撈埋一齊口感好好！推薦！至於炸蝦漢堡配薯條（$98），炸蝦係2塊細既炸蝦餅，外脆內軟，可惜冇蝦

Shake Shake 薯條就聽得多，Shake Shake海鮮真係第一次，情人節當日，老公就拎著個大紙箱回來，我仲以為佢又買咩玩具黎🙈打開原來是海鮮外賣。取出海鮮袋，Shake Shake Shake，真係幾得意，不覺意Shake多幾下，裡邊是佈滿香蒜汁的海鮮，包括大蝦🦐、青口、大蜆🐚、香腸、薯仔🥔，卡薑蒜蓉味都幾香，且海鮮都ok。小食有路易斯安那特色蟹餅🦀，好大件，咬落去啖啖蟹肉，好足料，配合表明醬汁一流。墨汁鮮魷魚．八爪魚意大利飯🐙🦑，唔好見佢黑卒卒，卻頗有內涵，帶有八爪魚的鮮味，至於意大利飯軟硬適中，又有口感。另外亦有兩杯Mocktail特飲，包括酸甜可口的Sugar Kiss以及清爽薄荷的Blue Ocean。整個晚餐都不怕整污雙手，因為盒內提供埋膠手膠、紙巾、餐貝，吃完仲冇需洗碗添。

今日同妹妹去食晏，勁耐無見，所以搵左間環境唔錯既西餐廳hea返個中午先中午時份，有日光照亮，人流唔算好多，好適合同朋友上黎嘆下lunch我地兩個唔係話特別餓，所以就先點左兩杯mocktail解解渴再睇下有咩岩食兩杯mocktail都係HKd$58+10%，妹妹既係“Peach on the beach”，我個杯就係“Sugar Kiss”，兩杯都好refreshing之後我地每人要左款前菜share：“Crab Cake”HKd$108+10%同“Saute Live Mussels”HKd$168+10%呢兩款都係店員既推介黎，一試之下果然唔錯！！青口鮮嫩無沙，蟹餅更有驚喜，每口都係絲絲蟹肉，非常足料！！！主菜方面，我地都各自點左自己想食既item妹妹要左一份勁大份既“Beef burger”HKd$158+10%配上粗薯條同開胃酸菜而我所點既“Fish and Chips”HKd$168+10%都份量不少，有兩大條脆炸魚柳外，亦配上香脆既薯條食完足料主菜後，我地其實都飽左八、九成，好彩女仔對甜品有另一個胃我地最後要左一份好有水準既“Creme Brulee”HKd$78+10%做甜

情人節日是農曆年初三， 很多食肆還未正常營業， 加上六點後晚市不能堂食， 所以 又在openrice選擇了，我們都很喜愛的 the Captain's House。紅假期悠悠閒閒在尖沙咀逛街， 早了一點來到餐廳， 不過已經五點多， 想試試可不可以在這裏用餐。經理很好，估計堂食的時間可能不足夠， 建議這個半外賣的形式餐廳內用餐。黃金焗蠔忌廉菠菜焗肥美生蠔，金黃色外表十分吸引，蠔味香濃肉質彈牙爽口。海鮮配蒜蓉包鮮味海鮮配鮮甜番茄蓉，大蝦彈牙，青口鲜味，魷魚圈爽彈。薯蓉吸收了海鮮的精華，十分美味。炸蝦漢堡 蝦肉嬋牙，配上酸青瓜和醬汁，十分惹味。加上番茄和生菜，更加清新。路易斯安那特色蟹餅招牌蟹餅絕不能錯過，啖啖蟹肉，每次必點， 非常滿足。芝士蛋糕第一次食呢個芝士蛋糕， 原來好得意， 好似布甸形狀， 非常creamy和香滑，莓果酸酸甜甜，女孩最愛。

嚟到尖沙咀當然要揀未食過嘅餐廳，呢間餐廳主打食海鮮，晚市外賣仲有折扣，非常吸引。今晚就食好啲，揀咗海鮮拼盤配檸檬牛油汁，非常juicy，我揀咗三款海鮮，分別係蝦、蜆和青口，海鮮新鮮，啖啖肉，清新嘅檸檬香提升了海鮮嘅鮮味，另外牛油嘅香味亦都將整個菜式提升層次，絕對是一個經典嘅配搭，除了海鮮外，拼盤還有很多配料，分別有薯仔、腸、粟米，非常飽肚的。我還點了特色蟹餅作為前菜和白酒煮現蜆意粉，蟹餅非常之抵食，整個都是蟹肉，烤焗至香脆的表面，配上醬汁非常開胃。白酒蜆意粉用上新鮮食材，也是滋味無窮。最後還點了兩杯飲品，Blue Ocean同Mid Summer Dream, 顏色吸引，一啖海鮮一啖mid summer dream, 確實享受了豐富而具視覺享受的晚餐！

一間好用心 好好服務態度的餐廳食物出品好食 服務細心 會主動問會唔會幫手影相蘋果玉桂薑茶好好飲 甜味適中 菠蘿汁👍🏻海鮮好鮮甜 係食到個底就有少少咸海膽多士 海膽新鮮 多士非常脆口會再去食的餐廳🤤

厚福街出名多好野食，今晚放工就去厚福街搵食。H8成棟大廈都有唔少餐廳。今日想食海鮮🦞，就去左「The Captain’s House」買外賣🥡。必嗌呢度嘅signature dish——海鮮袋同埋蟹餅。海鮮袋(seafood platter)有海蝦、青口同蜆。配菜有薯仔、粟米同豬肉腸。將海鮮放入袋shake一shake，好似食shake shake薯條咁，將檸檬牛油汁同海鮮撈勻，有得食又有得玩，創意滿分💯！👍🏻海鮮全部都好新鮮！海蝦肉質挺實。蜆肉冇沙而且肥美鮮甜～😋薯仔連皮成嚿上，比我想像中硬，較爽口，連埋塊皮食更有口感。粟米🌽好甜。海鮮加左檸檬牛油汁，聞到好香牛油味又食得出檸檬🍋嘅酸味～路易斯安那特色蟹餅成個餅都係蟹肉，蟹肉份量勁多！應該用左好多隻蟹整，$108呢個價錢超值啦～入面混入左少少洋蔥粒。整體蟹味香濃。加上酸酸甜甜嘅千島醬，食落更開胃。墨汁鮮魷魚八爪魚意大利飯八爪魚🐙 大大隻，魷魚🦑好爽脆。飯好香牛油🧈同洋蔥🧅味，食到飯入面有切成細粒嘅洋蔥，十分香口！蕃茄🍅仔又甜又多汁。甜品 New York Cheese Cake最特別係佢將餅底混入cheesecake入面，呢個做法都係

女朋友屋企人生日，即使去到年尾防疫措施都冇放寬，所以大家只好喺屋企食。女朋友本身係咁話不如買海鮮整，但我同佢講你唔好搞咁多嘢啦。點解咁講？因為佢根本從來都唔去街市同唔開火。好彩係講笑，最終佢做返佢最擅長嘅嘢，就係上網搵有咩好食，佢揀咗The Captain’s House。既然佢咁乖，我做外賣仔又有乜所謂呢。星期一差唔多放工時間，佢就喺OpenRice落定單，我即刻着返件外套就出動。果然去到一講電話號碼就有得拎，服務快夾妥。餐廳亦都為呢個外賣訂單準備妥當，一個巨盒裏面可以包含晒所有我哋買嘅外賣，一隻手拎起勁方便啊，仲可以留返隻手打電話俾女朋友報道。Seafood Platter A (85折外賣自取價$358)，套餐內容有得揀三款海鮮，我地揀左蜆，蝦同青口，因為每樣份量都多啲。三款海鮮都幾鮮味，特別係蜆，又夠大隻，但青口就相反，肉奀咗啲。除左海鮮，拼盤仲有粟米，新薯同豬肉腸。其實都幾多野食，我地自己煮多包意粉，已經好夠食。煮意粉就可以索埋個汁，胡椒牛油汁香而不辣，而且唔會蓋過海鮮味。喺屋企食最好就係手指都可以舐埋。路易斯安那特色蟹餅(85折外賣自取價$98)，蟹餅雖然得一隻，但好彩夠大

早幾日去左尖沙咀既The Captain's House 食lunch，餐廳最出名嘅就係美式海鮮袋。美式既海鮮袋係源自美國南方港口嘅流行吃法，將煮熟嘅海鮮放入膠袋，加入醬汁後搖一搖調味，然後直接用手拎著吃。今次我哋就揀咗三款海鮮嘅配料，分別係蝦、蜆同埋青口。醬汁就有三款可以選擇，我哋就揀咗唔辣嘅檸檬牛油汁。海鮮袋嘅蝦肉非常彈牙，蜆肉就全部都清甜冇沙，青口雖然比較細隻，但係都非常鮮味。而袋入邊除咗有海鮮之外，仲會有薯仔、粟米同埋豬肉腸，真係十分豐富。尤其是薯仔加上醬汁，味道唔錯。除咗海鮮袋之外，我哋另外都叫咗一個白酒煮活青口，呢份青口所用嘅青口同海鮮袋嘅青口並唔相同，白酒煮青口所用嘅青口Size比較大啲，食落口感更加厚實，而因為用上唔同嘅醬汁，所以味道都唔一樣。我自己就覺得用白酒煮青口更加能夠突出青口嘅鮮味，但冇咗海鮮袋嗰一款惹味嘅醬汁，完全係兩種感覺。除此之外，我哋重點左一個大波波肉醬意粉。呢個肉醬意粉嘅特色之處就係有一個大波波喺意粉上面，而大波波就係一個特大嘅肉丸。肉丸嘅味道比較清淡，稍為欠缺調味，但係肉醬意粉嘅味道就唔錯，酸酸甜甜，幾開胃。