Steak Bar (已結業)

星期六中午在中環搵食，之前食過銅鑼灣分店，掛住佢的牛排，所以又來試這間。我地由蘭桂坊行上去，其實原來行藝穗會上更易搵到。先來了美國啤酒，淺色的是有果香味的Wheat Ale, 有些似Perrixx, 但較P 多了一層香味。而另一樽係Brown Porter, 帶朱古力及焦糖味，似黑麥汁，幾好飲。想試此啤酒，係因為見佢有USDA organic 及Non-GMO認証, 所以都係 '健康' 之選今次叫了石燒薄切牛肉，有6塊牛肉，質素不錯，有牛味又嫩滑，而且有點厚度，估唔到這個薄切都不是太過透光的薄，有口感。安格斯西冷牛扒（要了5成熟），佢的牛膏係我至愛，我還特別把切出來的牛膏在爐上再煎香，香脆好味！而牛扒有牛味，5成也沒有血水了，很嫩滑。有拌飯素的飯也是這餐廳吸引人的重點，好易就KO一碗。而我地次次都係忍唔到，要先食肉餸飯，沙律及豆腐都係最後先食。這間的服務很好, 女侍應好貼心服務，所以後來她給我們做意見調查，服務給了她滿分兩個人食牛又飲酒都係$608/兩位，算好抵。

今日同朋友喺中環食飯，揀左呢間steak bar。位置喺街嘅盡頭，沿住酒吧街一直行上去。餐廳嘅格局幾靚，有兩層，坐得都算舒服。我地一共叫左1個餐2個小食，份量唔算多。雞軟骨餃子 ($45)5隻軟子，外皮炸得幾脆，入面係菜同雞軟骨。石燒薄切牛肉($178)可以自己燒牛肉，跟餐仲有個沙律同一塊細豆腐。牛肉味重，另外有乾蒜同汁點住食。和風紫菜薯條($48)啱啱炸起所以食落口好好食，味道就同老麥薯條一樣。今餐三樣野食都唔錯，店員嘅服務態度都好好，會親自推介野食，教我地點燒，仲幫我地燒埋。埋單大約150一位，如果以中環區嚟講唔算貴，但份量偏少，都值得一試。

💁🏻‍♀️Steak Bar (中環)🍴-朋友系中環返工，於是搵咗一間喺蘭桂坊附近嘅Bar & Restaurant食飯，本身以為食西餐，點知原來係日式料理，幾特別。石燒薄切牛肉🥩($178)系menu見見到佢已經覺得好吸引，當然要試吓啦！一上菜已經好吸引眼球，🤩有一個石盤可以自己燒，😝最唔話得嘅就係呢度嘅侍應好熱心，可以幫我地燒，啱晒我哋呢啲懶人。侍應教我地將燒咗嘅牛肉點一啲岩鹽再夾住蒜片嚟食，牛肉好重牛味，食得出係高質牛🧐跟餐仲會配飯加沙律，我本人覺得個飯都好高質，加咗啲飯素，好送飯🤪和風紫菜薯條🍟（$48）價錢算平，薯條新鮮熱辣，加埋紫菜變咗shake shake薯條味🤣雞軟骨餃子🥟（$ 45）一碟有四隻餃子，皮薄多汁，如果可以加多幾隻就好啦兩個人夾埋食咗$300左右，中環食野來講都算抵📍Steak Bar (中環)#中環 蘭桂坊雲咸街31號地下#小丸子搵食記 #小丸子中環-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoo

剛去完旅行,趁還有一天假期。一於放縱多1日搵d好野食下。朋友介紹中環有間食牛扒唔錯,於是帶埋老公一齊試試佢。地點唔難搵就係蘭桂芳附近,藝穗會對面。店舖睇落唔算大,但又唔會令人覺得好擠迫。侍應安排我們上2樓。安排我們坐下後,便友善地向我們推介佢地食物。見到有炸吉列牛扒覺得幾得意,另外見到有一款限量的頂級板腱牛扒。老公再點了一份德國腸拼盤。食牛扒又點少得配酒呢～點套餐可加$58配澳洲shiraz紅酒或美國Ariel無酒精紅酒??第一次見無酒精紅酒,侍應話飲落飲梅味咁,我點左1杯俾唔飲酒既老公。另外,我自己點左1支手工啤酒。等左10分鐘都唔洗,食物就陸續黎到。先上既就係吉列炸牛扒餐。吉列牛扒跟一個爐上旁邊配沙律,麻醬豆腐,一碗充滿味素的白飯,好日式的感覺。侍應告知等爐上的牛油溶化大概1分鐘。吉列牛扒黎到大概4成熟,放上微熱爐上只需燒10多秒就食得,雖然係炸過又再燒但咬落一點都唔乾,配上碟邊的炸蒜片一齊食,簡直香!軟!鬆!!!成個set配上味素白飯真係既西式又充滿日本風味。到老公的頂級板腱牛扒黎到真係嘩一聲。大大件,一切開正如我們點的剛好5成熟。由於我唔食太生的牛扒,老公切開放係我既爐上幫我燒

吉列炸牛扒🥩$188 (套餐)牛魔王又出沒🐮之前響CWB食過佢地一次😛已經好想食多一次🤓今次咁啱經過中環分店，就即刻坐底order一份套餐😋上菜時，已經覺得好吸引🤤厚厚既牛扒，炸左一成熟左右☺️然後放上熱辣辣既正方小鐵板上一煎，已經抵擋不了😋生熟度完全可以自行調教🤩肉質鮮嫩，牛味香濃🤤配埋日式香鬆飯🍚口感豐富🤩套餐跟埋沙律同胡麻醬豆腐🥗蜜糖蒜香雞翼+柚子蜜 (跟餐+$25)店員話午餐優惠，加$25就可以揀薯條或者雞翼同一杯飲品😎可惜薯條太好賣🙈結果食左雞翼🐔有驚喜🤩味道唔錯，夠脆亦夠惹味☺️不過杯柚子蜜就甜左少少🙈雞軟骨餃子🥟$45叧外叫多左小食試試😎好多汁，味道尚可😆位置都幾好，直頭響蘭桂坊，食完去玩去蒲好方便😂

人氣極高嘅steak bar原來中環都開咗分店，格局與老銅截然不同，入座後店員好主動為我地介紹餐牌，態度殷勤！頂級板腱牛扒😋😋😋套餐配有沙律、麻醬豆腐和加入飯素嘅飯牛扒點了五成熟，熟度剛好，表面微帶焦香，肉味香濃富肉汁，脂香四溢，可沾醬油或鹽作調味。吉列炸牛扒🤤🤤🤤另一款幾乎每枱客都有點嘅吉列炸牛扒，附有石爐可自由決定生熟程度。石爐上有一小塊牛油，只需要放上去略略燒幾下，就已經能夠做到外層香脆裡面保持鬆軟，而且肉汁非常豐富，再沾上燒汁和蒜鹽，更加惹味！食過有不少restaurant bar都不設茶水，點餐時店員貼心提醒，點了一杯蘋果汁解膩👍👍👍喜歡食日式牛扒😍😍😍

曾經 “蘭桂芳” 是一個我時常出沒的地方 (唔好諗多左, 只因公司喺嗰度啫)! 眼見不同店舖的變遷! 琳琳種種的食肆, 我到而家都未試齊! 今次試 Steak Bar! Hard Rock 再上 d, Fringe Club 對面, 好易搵的! Menu 有多種選擇, 不過我喜愛Deep Fried Beef Cutlet 吉列炸牛扒 $188 ~ 一次過滿足多重口感! 牛扒份量頗大, 用上美國牛 Chunck 部位, 切成2cm厚, 先用麵包糠包裹外層炸至外表金黃, 肉約一成熟, 再由客人經小鐵板爐燒至喜愛熟度! 小鐵板預先放置一小片牛油, 待燒溶塗滿鐵板後, 再放上牛件燒至自己喜愛生熟度! 火力夠猛能鎖住肉汁, 肉味香濃, 不論是牛扒還是薄片牛肉都係一絶! 入口一咬即釋出滿滿油脂及牛肉香, 唔沾任何醬汁或鹽都好夠味! 而牛扒有一特式係中間會有一條筋, 好有嚼頭! 另一套餐係 Stone Grill Beef 石燒薄切牛肉 $178 ~ 同牛扒一樣用上美國牛 Chunck 部位, 不過係薄切成1mm厚! 同牛扒感覺唔同, 肉質細嫩, 入口即溶, 牛肉味超豐厚, 好想食多一碟套餐伴有新

今次落蘭桂坊和以往有些不同， 平時為了填補心靈空虛， 今次就為了填補肚裏的空洞！在這裏走到盡頭， 藝穗會的交界， 發現了這間樓高兩層的餐廳。 昏暗的外圍， 暖色系的內籠， 輕鬆的音樂，營造出高級格調。翻開菜單，發現除了主流扒類外， 還有一種驚喜菜式-- 炸吉列牛扒。炸吉列牛扒set，包一碗飯，另有一個烤爐用來烤熟牛扒。烤好的牛扒外面有吉列的鬆脆， 裏面是鬆軟的牛肉，啖啖油香， 每一口都是滋味。這裏的小食也很有質素， 這次點了炸魷魚。 鹹香鮮味，佐酒一流。價錢合理， 性價比夠高， 肚裏的空虛一掃而清。

之前都有講過 因爲喺東京食過吉列牛🐂又係好食到念念不忘 番到黎香港係咁search邊度有得食 所以呢間野都有喺網上見過🤓不過佢個炸漿睇落唔係我鐘意個種 我自己鍾意平滑啲少啲麵包粉嘅 所以之前都無揀佢黎食🙈今次好好彩有呢個機會黎試下究竟岩唔岩我口味喇🧐🧐#hanako_多謝邀請🏵️/首先一定要叫個吉列牛set試試佢啦💲188黎到見到個飯有啲飯素 覺得幾吸引 唔係得白飯咁悶🍚然後即刻整啲吉列牛黎試店員話大約要整一分鐘😲喺東京我大約整10-20秒🤓不過呢度大舊啲又生啲🐂🐂 整耐啲都合理嘅🤔食落都係外脆內軟嘅😊 但個吉列皮同肉好易鬆開 而且無咩牛味😢/另一個set叫左頂級板腱牛扒💲215 話係每日限量供應叫左五成熟🖐️ 切開岩岩好 流晒口水🍽️呢件扒就真係有番啲牛味喇👍點少少鹽已經吊到味🧂可惜中間可能咁岩有條筋 係非常難o趙嘅😖最後每食一舊都要吐番條筋出黎 好影響成個感覺☹️☹️/不得不提餐廳嘅環境鋪置都好好 燈光音樂嘅配合🎵🎶 好岩輕鬆嘅聊天👯‍♀️而且樓上嘅店員態度十分之好 熱心又友善 為呢餐飯都加唔少分🙆‍♀️呢間嘅食物客觀黎講我會覺得普普通通啦 自己首先唔好expect到會好似日本嘅咁先😐 而個人係

今日同朋友過黎中環呢邊，見到有呢間專食牛排既店，就同朋友試一試。佢呢間店都幾大間，有成兩習，而且中午時間唔算好多人，坐得好舒服。呢度係專食牛排既，有唔同既選擇，我見到餐單上有吉列牛排，係可以自己燒既，夠哂特別，所以我同朋友就點左呢個套餐。呢個餐係包括前菜、沙律、同有飯素既飯。吉列牛排係預先煎左少少既，旁邊有爐，可以自己煎牛排，牛排夠厚，煎完之後可以鎖住啲肉汁，好juicy，而且牛肉味亦都好濃。我地仲叫左薯條同雞軟骨餃子！

對，你無睇錯，我呢篇係steak bar食評，但我無叫到牛😂今次午餐去到中環食飯，揀咗「應該」比較少人揀嘅 <Set F> 香煎魚柳 $195再加了個side dish炸魷魚 $78。價錢稍貴，但係考慮埋地段同埋質素 (獲選OpenRice最優秀新餐廳開飯熱店)，都合理嘅，雖然事後我發現銅鑼灣店價錢更加優惠🤦🏻‍♀️香煎魚柳比起menu嘅圖更加正，表面係煎到金黃色，配有鹽、檸檬、兩款醬，其實個魚配少少檸檬汁/鹽已經好足夠，因為佢肉質鮮嫩👍🏻 但我都好鍾意黃色個醬，有濃濃嘅蒜味，我拎咗佢嚟點炸魷魚😂需加一服務費，埋單1人約$300。⁣如果你鍾意睇我嘅食評，不妨關注我，支持吓我，謝謝你☺️💕

「Steak Bar」位於雲咸街角，彼鄰蘭桂芳，旺中帶靜。一如附近其他餐廳，「Steak Bar」預留了一定位置供酒客 Happy Hour，提供多款香口佐酒小食。另外，餐廳亦以牛扒作招牌菜，吸引一眾牛魔玉前來享用正餐。餐廳樓高兩層，地下樓層面積不大。小編未有往一樓查探，未知確實環境。翻看餐牌，食品選擇簡單。牛扒主菜佔四款，另有羊架及魚柳各一款可擇。整份餐食以和式定食模式設計，前菜「田園沙律」及「凍豆腐」未見特別。反而「紫菜芝麻飯」調味用料份量慷慨，食味亦佳。 參考店員介紹，「安格斯西冷扒」是餐廳大熱之物。西冷扒選用 Prime Grade 牛肉製作。要求Medium 熟度火喉控制準繩，切面呈酒紅色，並有少量肉汁溢出。一如預期，西冷扒擁有甚富嚼勁的口感。近邊位置連著一小段牛脂，少量連肉品嚐份外搶香。 另一主菜「吉列炸牛扒」屬特色食品。與西冷扒一樣，同樣採用了Prime Grade 牛肉。部位選用牛頸脊，油花含量較高。出菜前廚師先將牛扒上粉油炸至外皮金黃酥脆，內裡呈 medium rare 狀態。出菜時跟上一個明火小爐，食客可依照個人喜好把牛扒進一步煮熟。相比西冷扒，這客牛頸脊肉味更濃

講起蘭桂芳實係諗飲嘢，點知原來行上啲有咁多嘢食。黎到steakbar,門口裝修別樹一格， 原來餐廳分上下兩層 樓上樓下都有吧檯位置， 啱曬鍾意飲酒嘅朋友。三個人各自嗌咗三個set， 安格斯西冷牛扒，吉列炸牛扒同埋羊扒。十分鐘唔使三個餐都已經送到。 炸吉列牛扒 要等鐵板上嘅牛油溶曬先放上去， 塊肉一放上鐵板度已經jaaaa一聲， 煎香肉嗰邊就食得， 配埋每個定食鋪上滿滿嘅紫菜嘅白飯， 真係一流。 用石板煎完嘅牛扒香氣滿瀉， 外脆內林， 雖然牛味唔算太重， 但係好香口， 對比傳統煎牛扒係一個新嘅食法。安格斯西冷牛扒記得嗌五成左右， 唔好太熟， 上枱時先得啱啱好，又有肉汁， 配埋牛扒上嘅乾蒜片， 更可以帶出牛扒既肉味。羊扒份量唔算多， 煎得火喉亦都啱啱好， 唔會有羊騷味。 配埋份量足夠嘅紫菜肉鬆白飯， 絕對令你走嘅時候 有飽飽嘅滿足感。和風紫菜薯條算係有少少驚喜， 唔似麥當勞用嘅紫菜粉包， 每條薯條上面都有足夠嘅紫菜， 用嚟送啤酒一流。總括而言喺中環地段裏面， 絕對係價格合理，而性價比又高嘅餐廳。

今日假日去左中環覓食 行過見到哩間啲牛好似幾正-套餐包左前菜沙律 冷豆腐個白飯仲配左日本飯素食十碗飯都得-🌸安格斯西冷牛扒 HK$258店員推介想食脂肪多啲既就揀安格斯西冷牛同埋最好就五成熟我地就跟佢推介咁叫返五成熟切開都幾juicy 但可能因為影左陣相先食所以凍左少少🤔食落口 有啲筋 旁邊有啲汁 同鹽可以自己調味-🌸香煎魚柳 HK$195魚柳煎得幾香脆 同埋脂肪夠好香口 都係配左醬汁 應該係蒜蓉汁黎不過最好食係加鹽 因為唔會蓋過本身魚油香味😍-題材話 店員好細心推介 值得一讚👍🏻

steak bar 今次尼間steak bar 佢個menu大部分都系牛 除左一個羊之外 所以我諗佢都應該會做得幾好 而近排又好興吉列牛 所以我就叫左尼試下 佢系一個set有沙津 有飯 我好欣賞佢個飯因爲佢上面加左飯素 仲有好多添食到最尾都仲有😍 佢個吉列牛性價比都幾好 佢雖然吾系用和牛 但佢個口感同和牛有啲似好嫩 入口好快溶 牛味都比較重 似和牛所以食左幾舊就開始有啲膩所以加埋佢個碗飯就岩岩好 仲要系用珍珠米 佢比左鹽同燒汁去’點’ 我個人覺得燒汁好食啲 雞軟骨餃子尼個佢有5舊 佢啲雞軟骨都好細粒 所以大家吾洗擔心食嘅時候咬親 而都好入味 點埋佢個醬汁就一流啦炸魷魚即叫即嘅炸魷魚 雖然系即叫即整 但佢都勁快上到比你 佢個魷魚系無乜點會炸粉👍🏼 啲魷魚都幾彈牙 食嘅時候大家記住小心啲因爲好熱嫁