OPPA韓國燒肉店

營業中

休息中

星期日，行完旺角我們這一家三缺一吃好西，揀咗食韓燒，老公特別喜歡正宗同道地的韓國食物，所以呢度好啱佢，先講裝修，係韓國常見的店鋪格局，仲有色彩繽紛的牆壁作點綴，一系列的不鏽鋼枱櫈餐具，原汁原味韓系風格～食物方面，除咗有烤肉類，仲有韓式料理同埋小食，現烤肉類嘅種類分別有豬丶牛丶海鮮同埋雞。蒲坐低已經送上前菜丶醬料同生菜，這些都可任吃的。再來店員就喺烤盤放泡菜和倒蛋汁~看燒來講我鍾意豬多D，所以叫咗黑毛豬拼盤，拼盤有豬鞍丶西冷扒同埋五花腩～我地先燒西冷，好厚一塊~油脂分布均勻，色澤鮮艷。咁厚身，梗係烤制需時，所以叫咗個部隊鍋拉麵飽下口福先～部隊鍋梗係唔少得午餐肉，仲有泡菜同雞蛋~拉麵夠爽口，而且咸度適中，三扒兩撥就ko了，說時遲那時快，塊西冷已經食得，好腍滑，入口即化。跟住就燒豬鞍～連骨上，又厚又大件，外型像極斧頭扒，豬鞍口感比西冷爽實，不用夾生菜吃也👌～另外我地仲叫咗個oppa四太子，即係燒蒜蓉凡立貝，一份四只，也是大大隻，好新鮮，燒好後份量仍然澎湃，又鮮又甜又有蒜香~最後我地先燒五花腩，有兩件，五層分明， 是燒肉最佳的層格，吃落又爽滑又香口。我地吃7：30，不用等位，但坐好已經有客人排

OPPA韓國燒肉店朋友帶我到呢間OPPA餐廳, 裝修同擺設都好有韓風感覺,而且樂旺場都要訂位4太子即係扇貝有四隻,扇貝會配上蒜蓉同牛油,直接放係爐上面燒，係上面加蒜頭調味，兩邊都燒至差不多，就可以係上面加牛油，扇貝大大隻好好味什錦牛肉 分量頗多的，(牛排骨、牛肋肉、M6和牛肩胛肉、日本和牛脷)。牛肋骨脂肪比例較高，油香相對較重。牛肩胛肉質較結實，一定冇令人失望啦, 好厚身, 肥膏同牛肉比例適中, 入口即溶的和牛味，肥瘦適中，由於廚房師傅早已醃製過，所以煎的時候已經香味十足，不用再配搭醬汁都可以。。牛脷雖然切得非常薄，但依然有Q彈口感，超薄切的牛舌, 燒完帶爽口, 喜歡咁薄, 不會有牛羶味。每邊各煎20秒就食得。我最愛係牛肋肉, 指牛的腰部, 好嫩滑, 而且因有醬汁醃料, 好味, 而且還可夾生菜，還有其他蔬菜, 菇、洋蔥及脆肉瓜, 中和一次過肉食加拿大牛排骨醃制好嘅牛排骨好入味，就算燒完出黎都係好正還有每枱也有抽油煙系統, 不致烏煙瘴氣, 食完唔怕有油煙味，店員和食物都一直保持高質素的服務態度，盼有機會再來吃一番。#foodie #hkblogger #foods #hkfood #hk

天氣凍食烤肉就最開心！成日見到人地食一盤盤用牛牛盤一次過試晒唔同部位嘅牛肉，今次終於約埋朋友一齊去試下！坐低之後會有幾款小食同有籃生菜用黎包肉食。另外，仲會有泡菜爐邊蛋，邊烤肉邊等食，大概烤到半路就開始食得！就係呢款牛氣沖天！和牛拼盆喇！一盤有齊9款牛肉！分別有美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、韓牛肉眼、澳洲和牛頸脊、澳洲和牛舌！澳洲和牛頸脊最好食！每件肉我都會用一塊生菜，蒜粒，再配少少醬！咁嘅配搭真係食多幾件都唔覺漏！另外仲叫咗豬皮～佢會配黃豆粉！最可愛係因為啲豬皮烤烤下會跳舞，所以要用野罩住佢！烤到2邊啡啡地再沾啲黃豆粉就食得！有粒粒果肉嘅提子汁亦係我最愛！每次去韓國餐廳都會叫！提子味香濃又唔會太甜，仲有得食果肉！雪到凍一凍，又清夾解膩！

燒肉店就真係去得多，好多店聲稱自己係韓式既燒肉店，但食落就一d都唔韓式，但黎到呢間oppa，比其他燒肉店既感覺就好唔同喇，首先係有大電視播住K pop先喇，韓迷就一定好鐘意，而且店舖裝修周圍都貼左韓國海報，仲有大公仔口壁畫，入到黎真係feel到陣韓風係到嫁。本人最鐘意係佢個爐既設計，正選所謂打邊爐最緊要係個爐呀嘛，佢個爐唔洗得普通圓形爐咁，係長方形既，而且仲係斜落去既，所以多餘既油就會流走，減少食物既油膩感，另外就當然唔少得佢個近吸式抽油煙機喇，食完都唔會週身臭。食物方面就好高質，和牛拼盤係本人最鐘意既，用一塊牛狀木板上枱，清楚知道自己食緊咩部份，仲好過用字黎解釋，因為知個字都唔知邊個位！呢個好推介大家叫！

好耐都未黎過OPPA燒肉喇~ 平時見到門口成日都大排長龍…唔想等… 終於比我等到今次人唔太多喇hahahahaha一如以往, 坐低左之後就serve韓式小菜比我地.. 今次有既係泡菜、芽菜同海帶…呢度既泡菜好爽口，唔會太辣而且唔會酸~ 芽菜就落左麻油去調味~ 紫菜就相對比較咸喇… 可能淹得唔夠均勻~睇下menu見到價錢其實真係幾friendly.. 而且有時候有D唔同既promotion做緊... 我當日去到就見到有啤酒買一送一… 但唔飲酒既我都係飲番可樂算喇.. 哈哈哈落單後店員會先係鐵板上加入泡菜蛋漿。呢度既泡菜蛋同出面既有D唔同, 入面好似加左章魚…因為咬落會有唔同既口感, 同一般既泡菜蛋唔同，好香好惹味!<<五花腩>> $98極邪惡既五花腩!! 賣相好唔錯! 係8成肥2成瘦既五花腩呀~ 燒香左之後可以將佢剪成4小塊，之後夾埋生菜同埋泡菜黎食好懷絢去韓國既日子呀!<<Oppa 四太子>> $108其實呢四太子就係4隻嘅大扇貝！配上蒜蓉同牛油~ 有D似係busan食果D烤扇貝咁…店方唔會預先將牛油放係扇貝表面，啱晒我呢

又到聖誕又到聖誕，公司突然間放早，在冇預約任何餐廳嘅情況下約老婆出嚟食韓國燒烤！因為呢間鋪頭我早就想試，但係一路都冇時間！因為今日聖誕節所以我叫我老婆5:00就過嚟等位，時間今早當然唔駛等就有位啦！可能真係好耐冇食行情有啲our,他們現在的燒烤板設計幾好，斜斜地可以令到啲油直接溜走，咁就唔會令下一個食物咁多油！另外仲有一個位用來煎蛋！又幾好味！講返最重要嘅食物先，首先叫咗個加拿大牛排骨，用韓國醬料醃製過，味道比較濃郁同埋香！我最鍾意就係食韓國燒烤呢個味道！澳洲牛脷，牛脷屬於薄切很大片，建議唔好煮得咁熟，頭兩塊自己煮有啲過火冇咁好食，之後員工幫我地燒味道好好多！豬腩肉：去親韓國燒烤都會必叫的，唔知點解覺得燒烤食豬肉特別好食！呢間的份量不錯肥肉瘦肉均勻，由於上菜的時候是沒有調味過的，點小小汁已經夠晒好味！特別讚一下他們的員工態度服務都很好，見到我哋燒得冇咁好都嚟幫手一下，仲不時幫我們清潔燒烤爐整走啲油！服務值得嘉許

OPPA 燒肉次次食完過一頭半個月都硬係想再食… 因為除左抵食之外,D質素真係好高! 呢日又黎到旺角既OPPA, 都係事前先BOOK 位,因為都驚冇位要等, 未夠7點都坐滿左大半間鋪,真係好難唔BOOK! OPPA 正既原因係佢D 裝修都好人性化, 條吸煙既管可以拉上拉落黎吸走D煙, 咁樣你就唔會俾煙攻到, 而張椅又係可以打開個蓋放番D袋入去,咁又唔怕個袋吸哂燒肉味又唔駛放地下整污糟! 因為想食海鮮同牛既關係,我地主攻呢兩樣, 同埋食其實佢D二人餐或者係餐既野係好抵, 大家到時真係睇定計哂數先叫咁就最抵啦~ 我地叫狙4太子,海蝦,鵝肝同和牛拼盤,原本仲想叫啤酒但驚飲埋唔駛食所以都係飲茶解滯算~~ 4太子其實即係扇貝,4即係有四粒,扇貝會配上蒜蓉同牛油,建議離殼就咁放落去燒,咁樣會好D,快D 熟,如果放埋個殼落去應該有排都唔熟~ 鵝肝就好快熟,要係咁睇火又唔好成日反~ 最好燒到個皮脆脆地就最理想!~~~~ 好正呀!海蝦相對上就有少少失色,本身以為好大隻點知唔係~ 不過都好鮮味既~! 和牛拼盤真係必點,有哂牛既咁多個部份, 真係充滿油香,兩個人食一個拼盤真係絕對可以應付到! 值得一讚既係

臨近聖誕，就想同媽媽提早食翻餐好既咁記得之前食過大埔分店既oppa燒肉，食得津津樂道，而且印象中又抵食，咁今日收工就順便嚟旺角分店同媽媽預祝聖誕-罐裝飲品都係韓國貨-前菜3款都好惹味心心眼呢個芝士泡菜爐邊蛋😍😍-神戶水飼黑毛豬 $130真係唔可以睇小呢150克嘅份量兩大件黑毛豬，燒完都仲好juicy果然係黑毛豬，肉質香口👍🏻👍🏻-加拿大牛排骨 $128牛排骨捲起身，攤翻開真係夠三個人食餐廳將牛排腌得好入味🤭肉質嫩口，牛味又重～～私心推介！🥰🥰-想燒海鮮既話呢度都有！因為同媽媽得兩個人，一人兩隻大大隻扇貝已經飽哂🤭🤭-好肥美～～-四色雜錦菜籃 $58食到咁上下點都要有翻d蔬菜落肚翠肉瓜同南瓜燒耐少少真係好好食！令我呢個食肉獸無咁大罪惡感😂-兩個人咁樣食法原來已經令到成張枱都係食物😂呢餐好滿足，韓燒既話一定會再黎！

之前已經去過呢間燒肉兩次，今次帶埋男朋友一齊去食當慶祝聖誕節😆.我地被安排坐係餐廳正中央嘅枱，座位與座位之間都有啲距離，所以唔洗擔心會好嘈同好逼👍🏻坐嘅凳可以打開個蓋擺放個人物品，咁就可以兩手空空盡情享受燒肉樂趣啦！.一坐低店員就會送上凍水，三碟泡菜，泡菜同紫菜都好好食，我地之後都有追加當你落完單，店員就會幫手開爐同幫你加泡菜同蛋漿去旁邊嘅蛋格整泡菜蛋，泡菜蛋味道好好，記住留肚食！另外，值得一提係個佢地嘅燒烤鐵板係向下微斜，所以多餘嘅油會流走，呢個設計幾貼心，咁就唔洗擔心會食到成口油我同男朋友總共叫左四樣食物:「豬肋肉醬腌」豬肋肉份量好多，我鍾意燒嘅時候將佢地剪成細細粒，容易燒同食落會方便啲。味道帶甜，最啱用黎包住生菜一齊食「A4日本和牛」一上碟見到雪花網紋就覺得好吸引，因為切得好薄嘅關係，每邊燒一陣，好快就食得！食落油香味十足，牛味都好濃烈，好味！「Oppa 四太子」所謂四太子就係四隻肥美嘅大扇貝！店員教我地燒扇貝燒得好食嘅方法就係將扇貝肉從殼抽出黎，直接放係爐上面燒，係上面加蒜頭調味，兩邊都燒至差不多，就可以係上面加牛油，燒出黎嘅扇貝肉果然又香好juicy。「和牛脷」呢到嘅和牛脷係

同閨密去完韓國之後，一直都對韓燒都念念不忘於是返到香港唔夠一個月，我地就相約一齊係香港食返次韓燒，閨密揀左而家勁hit既OPPA KOREARESTAURANT！同時可以滿足我哋對韓燒同OPPA既思念 XD我地3個都好準時，由於book左枱既關係，一去到就已經有位，提提大家，要齊人先可以入場喔～坐低之後就有工作人員幫助set枱，倒kimchi蛋，KIMCHI蛋無限量供應，酸酸辣辣甜甜，yummy!有四種唔同醬汁～韓式豆瓣醬，鹽油，甜醬油，蒜頭，仲有生菜無限量供應(唔記得左影相）韓燒一定要食牛，我地叫左US ANGUS RIBEYE，睇下塊扒幾靚仔，油脂分佈平均，我地煮到medium，入後好香油味，亦都好香牛味，好軟熟食肉時又食下海鮮，叫左個OPPA 4太子，大大隻，好鮮甜，非常之新鮮，旁邊係303雞肉，都好好味呀泡菜餅，大愛，因為佢除左有粒粒KIMCHI係入面之外，佢係有一定既厚度，仲要係煙煙unun的！有小小似麻薯咁，有驚喜～我地三個都話，一定會返黎搵OPPA～

最近交通恢復正常，梗係要出旺角行吓購物下，順便買聖誕禮物黎交換！行完新世紀買完野天橋落去利苑見到一間韓國燒肉店排緊隊，我哋就八卦下睇下有咩食！見到價錢都幾抵仲有和牛食，就入去試吓啦！餐廳裝修時尚型格，韓國風！同當地一樣有條大通抽油煙，餐廳一啲都唔覺得好油好煙，食燒肉來講好舒服！最少件褸唔會吸晒啲味先啦！講返食物，我就係比佢哋嘅和牛套餐吸引左，和牛拼盤$458，首先價錢夠吸引，裏面個部位都有，油花夠多又香，好香牛味！入口即溶！一開始嘅時候員工仲為我地整咗泡菜雞蛋，呢個唔使特別俾錢，味道不錯，如果想再添食就要加錢！另外叫多一份豬腩肉，本身冇調味過，燒出嚟外邊小小燶，入邊仲係juicy就最好味!豬的肥油已經夠晒香！整體十分滿意，價錢都抵食！

朋友喜歡吃烤肉， 所以我們久不久都會來這吃。餐廳雖然不大， 但枱與枱之間的空間很足，而且可能因為時間尚早， 所以沒有很大油煙或烤肉味。我們只精點了幾款牛肉： 牛脷、牛肋肉及肉眼扒。餐廳的生菜、泡菜小菜都可無限添食。生菜用來包烤肉， 健康又美味， 還挻解膩的。朋友特別喜歡這家的泡菜， 說酸度很適中。店員幫忙開爐火時會順便倒上一份泡菜雞蛋， 烤半熟吃又香又滑。烤牛很自然會點牛脷， 肉質香滑， 如果是厚切更美味。朋友最愛啖啖肉， 所以要了兩塊肉眼排， 肉味濃郁又多汁， 怎麼烤都好味。我喜歡海鮮， 我點加了份Oppa四太子。大大隻扇貝以牛油及蒜泥調味來燒， 特別鮮甜。主食我們點了韓式海鮮煎餅跟泡菜豆腐湯， 吃完烤肉來碗熱湯感覺很爽！

最近天氣開始轉涼最啱食韓燒暖下身子，咁就係旺角近近地揀左依間韓燒店，啱啱好唔需要等位就可以入坐。店內環境幾乾淨，兩人坐都唔會覺得逼，而且唔會太大煙，唔會薰到個人好辛苦。食物方面叫咗和牛拼盤同羊架。和牛拼盤有齊牛既唔同部位，可以試食哂各個部位既口感同味道，而且每部分食落好有牛味又唔會痴牙感覺好好羊架味道相對上就無牛咁出，但都好厚肉好足料。值得一讚係店員服務真係幾好佢見我唔係好剪得開d 羊架時，有店員主動問我同我女友需唔需要幫忙剪，而且仲會主動幫我地清理燒板非常好服務，成餐飯我地都食得好開心。埋單兩個人加埋大約670蚊。有和牛有羊而且服務態度好，依個價錢唔算貴，值得再去

喺旺角呢個美食集中地 ，見到一間韓式烤肉店，氣氛極濃烈嘅，非常之熱鬧，而且充滿聖誕氣氛！OPPA 4太子～ 其實就係四隻「帶」子，玩食字，幾攪笑呀！而且有宵夜夢遊套餐， 確係一個好地方！！入座前是用已經set好曬枱，唔少得嘅就係韓式前菜，包括泡菜、 豆芽同埋 海帶～另外，醬汁都有三款，外加蒜片。 烤盤仲會有一條坑，係用嚟放上蛋漿， 見到啲蛋漿喺面前熟， 的確別有一番風味，而且係免費refill 的。雜錦豬拼盤$298～ 好多人都想食多種唔同嘢嘅心態，呢個拼盤絕對啱曬，豬嘅唔同部位，同埋唔同嘅脂肪比例，的確係有唔同口感， 可以用一個拼盤，滿足曬你所有願望嚟形容！雞肉$78～ 女仔通常都會食雞肉，貪佢脂肪比例少，而且又嫩又滑。個烤盤非常之大，可以容納唔少嘢， 而且一啲都唔黐底， 烤盤設計係傾斜嘅，可以將啲油瀉走！特別想highlight嘅係4太子， 食得出佢係非常之新鮮，而且蒜蓉、牛油及檸檬比例，可以自己調教，正呀～除咗烤物之外，仲有唔少熟食可以選擇， 梗係揀韓式炸雞啦！！炸雞粒$88～ 呢份炸雞粒嘅炸漿係用咗炸魷魚鬚嗰種鬆脆型嘅炸漿， 選擇炸雞粒係因為唔會有骨，方便一啖一口！！yummy

呢間韓燒我已經幫襯過幾次架喇， 印象唔錯， 大埔店放題性價比非常高。今晚咁啱早收， 於是就約朋友去旺角店食。我地其實唔係好肚餓，所以只係單點三款牛， 牛脷、牛肋肉同肉眼扒。我地為左嚟緊嘅一連串聖誕大餐，所以都好克制冇點我至愛嘅豬五花同豬大腸， 有點遺憾😝。店嘅生菜、小菜都係任refill嘅。生菜都幾新鮮幾爽脆， 我特別鍾意佢地嘅Kimchi， 辣度適中唔會太鹹， 我地忍唔住refill左幾次。跟餐附送一份泡菜蛋， 非常香滑， 想encore就要加錢啊。因為朋友喜歡食海鮮， 所以我點左份Oppa四太子俾佢食。扇貝自己動手用牛油同蒜泥烤， 特別惹味鮮甜。每次烤肉都必點牛脷， 呢度嘅都幾香滑，不過都係薄切。我最欣賞係塊肉眼扒， 又厚又大塊， 牛味濃又juicy，一份有兩塊，查實兩個人食有點多。我地最後仲點左份泡菜豆腐湯， 豆腐超級滑， 其實佢做法同我係韓國飲嘅唔同， 唔算正宗，不過唔知點解又好好味喎。