Mimila (已結業)

今日同朋友去沙田新城市廣場行街，正喺度苦惱緊晚餐食咩嘅時候，係七樓見到間新開又好sharp嘅馬來西亞餐廳，朋友話未試過馬來西亞菜，就一齊入咗去食啦！麻雀雖小，五臟俱全，裝修簡單，燈光開明，坐低食嘢傾計都非常舒服。我哋比安排坐坐係一張四人枱。我地叫左「咖哩喇沙手撕雞湯 粗米粉$88」，咖哩配合喇沙，有濃郁既椰香味同喇沙既辣度，配合得好好，手撕雞份量多，雞條又幼嫩，好好食啊！之後叫左「白毛豬撈面$88」，呢個撈麵非常之有驚喜，首先白毛豬數量都幾好，咬落好軟腍，個撈麵好彈牙爽口，可以按照個人的喜好加上清湯食，落左湯一齊食之後，撈面非常之入味，加埋大量鮮橙色既蝦子，又開胃，鮮度大大提升。未試過馬來西亞菜嘅朋友，呢間餐廳值得一試！！！

放工想去睇波鞋，但又唔想熱辣辣去波鞋街行，所以叫Honey陪我去新城市廣場行吓。行街前當然要醫吓肚先啦，原來呢度開左好多新餐廳﹗而我哋睇完餐牌後就被呢度嘅喇沙吸左入去﹗😋咖哩喇沙手撕雞湯麵 - 馬來西亞喇沙著重咖哩湯底，而呢個湯底嘅咖哩係超級香濃，材料十足﹗魚片彈牙，雞絲同豆卜份量算多，我揀左滲滲，即係油麵加米粉，啖啖麵都索晒湯汁，好好味﹗馬來辣蝦白毛豬肉湯麵 - 食麵最重要先呷一啖湯，第一啖湯已經好重蝦味，可想而知係用左好多蝦去熬湯﹗而且蝦嘅份量又好多，整體都好好食﹗榴槤芝士蛋糕 - 我自己唔係榴槤愛好者但都試左一啖，我覺得好重榴槤味，仲有榴槤絲，但鍾意食榴槤嘅Honey話唔夠濃，無乜味🤷‍♀️ 美綠可可 - 通常食馬拉野都會有，但覺得呢杯唔夠濃，可能美綠粉唔夠多所以味道有D淡。

友人又添丁，難得來到沙田，跟朋友探完bb，就去新城市廣場逛逛。現在租金高昂，商場內的餐廳都唔平得去邊，見到Mimila這間馬拉菜館，定價不貴而且幾多人幫趁，就去試下。＊＊＊＊＊＊＊＊＊＊＊＊Mimila店內以淺藍色作主調，個人覺得有點地中海風格。店面不大，所以桌與桌距離會較近，但不算太擠擁，都可以接受。午市沒有套餐，但飲品都有半價。蝦麵、喇沙、串燒、肉骨茶等馬拉招牌菜都有。左: 荔枝茶($13)荔枝茶以茶味為主，荔枝味比較淡，但會聞到荔枝清香味。右: 美綠暴龍可可($14)香港較少地方飲到美綠，大多都只有華田，但星馬反而美綠較受歡迎，所以食馬拉菜點都要點一杯美綠恐龍。美綠味不算特別濃郁，味道普通。串串貢($68)串燒有豬牛雞可選，可選其中兩款，每款兩串，我們點了牛和雞。串燒每串跟星馬份量差不多，長度約等於一隻手指。串燒燒得剛剛好，不會過乾過韌，蘸上沙嗲醬吃很惹味。網蝦春卷($58)春卷皮外還有網狀炸皮，入口非常香脆，中間蝦肉份量都不少，香口美味。馬來辣蝦湯($88)因為想試其他小吃，所以只點了一個麵來share。在喇沙和蝦麵之間爭扎，最後我都是選了沒有椰漿冇咁飽肚的蝦麵。蝦麵一碗都幾大

好耐冇入沙田逛街，今晚約咗朋友去到新城市商場行一田百貨，去到先知裝修緊，便行了其他店舖，到咗晚上時間，大家都覺得是要醫肚的時間，便去到（MIMILA）食飯， 餐廳不是太大 ，但裝修設計都光猛舒服。咖哩喇沙湯-海鮮摻摻$118 材料豐富，份量十足， 用了30斤海蝦殼再慢火淆製出來做湯底，加上爽口彈牙的蝦、流心蛋、魷魚、豆卜等配菜， 食起時麵及配料索哂湯的精華，非常惹味。馬來辣蝦湯-白毛豬$98， 同樣地用鮮蝦殼淆製成的湯底，再配以嫩滑的白毛豬肉片、虾及牙菜等的配菜，帶出另一種口味來，超正。

泰國菜我就食得多，星馬菜喺香港反而少見，難得係屋企附近商場開咗間餐廳，就同朋友落去食個lunch咖喱喇沙配白毛豬喇沙味道好濃好香，但又唔會蓋過左啲咖喱味，除咗白毛豬，仲有好多配料，有豆卜、雞蛋、芽菜等等，一啖食落去好有口感，非常惹味馬來辣蝦湯配油面呢個係店員大力推介，全部都係海蝦，食落又真係好甜，人手去殻同埋腸，啲面都索晒湯味，非常好食有唔同嘅面料可以揀，我就揀咗河粉，啲粉好薄，值得一讚老爸利雞翼

我好少特登會入來食馬拉野，如果唔係某人堅持想試，我都唔會理佢囉。不過嚟左無失望，真係好好味。馬來辣蝦湯我見Menu上直接推介，仲介紹埋每天用甜海蝦熬8小時的湯底，甘大工程點可以唔試下呢。一望就知落左唔少功夫，湯底充滿蝦味，有少少辣，d蝦好彈牙，新鮮，麵配上濃味湯底，吸收湯嘅精華，好惹味。雞牛串串貢串燒的每串有3塊，唔好睇炸得好干身，但食落仍好多汁，唔點汁都已好香口，亦可配上干蒜粒。新加坡白胡椒肉骨茶未飲湯已聞到好香肉骨茶味，排骨好淋，湯底香濃同埋充滿胡椒味最後，只能說個鋪頭比較細，但人流好多，比較不好意思坐太久。

There are so many Malaysian style noodles about but this place has these exclusive prawn roe noodles tossed in sauce.saw that people had the delicious pandan cake. Unfortunately, they only had the durian cheesecake, the pandan cake has been discontinued.I was really pleased because I love thin noodles and they serve prawn roe noodles which give it an even more prawny taste. I forgot to take a picture of the hot soy sauce but a few drops to the noodles made them wonderful as the chili in it gave

位於新城市廣場7樓,直上長電梯第一間餐廳就是Mimila了,飲品選擇多又夠特色!老巴剎雞翼$58,4隻外層又香又酥脆的雞翼,好像芋頭酥點心般鬆鬆酥脆的,很欣賞仍保持到嫩滑的肉質及肉汁！！香菇肉脞腸,白毛豬米粉$88,湯底以豬骨同雞熬煮~非常清甜,貢丸爽口彈牙,豬肉片又淋又滑,仲好香豬肉味,豬肉碎也不少,夾著滑口米粉食一流!!香菇片已由蠔油等調味,魚片也不錯呢,仲有通菜,芽菜,蔥花!!馬來辣蝦湯美國牛肉油麵$98,湯底好香蝦味,辣辣地好醒神~好鮮味呀!美國肥牛半肥瘦,海蝦爽口,同樣有通菜,芽菜～湯底同配料一樣咁正,好快食哂!

放工已經八點幾決定近近地喺沙田食埋晚飯先返屋企新城市廣場 選擇最多我就去咗7樓 Mimila 簡單食馬來西亞菜同事點了店員推介的招牌 馬來辣蝦湯麵 $88仲追加了墨魚丸好彈牙我就貪心啲除咗蝦之外我仲鍾意食牛所以我就揀咗馬來辣蝦湯配美國牛肉 $98第一件事飲兩啖湯底先因為睇到門口嘅雜誌介紹店家每日嚴選三十斤鮮甜海蝦經過一輪手工功夫處理海蝦然後再用六小時慢火熬制真係唔怪得湯底咁鮮甜而且材料十足抵食除咗有海蝦之外仲有幾塊美國牛肉一個女仔食真係好full差不多最後店員仲推介左個甜品俾我哋佢話係必食個喎好彩信佢我哋都叫咗個貓山王芝士蛋糕 $58濃郁嘅榴槤香味加上清甜嘅芝士蛋糕配搭齒頰留香的美味甜品

My wife wanted to go New Town Plaza to do some shopping and after we were done, it was already lunch time. We walked to the top level to find something to eat and seeing Mimila, we decided to enter. It was a restaurant selling mainly Malaysian food, which appealed to us. They served their signature prawn noodles soup, laksa, bak kut teh, appetizers and drinks etc. Coffee - It was sweet and fragrant, with strong coffee taste. It was smooth as well. Iced barley lemon - It was sweet and clear, with

去過星馬旅行一定有食過當地特色美食，係咁多美食當中佢嘅粉麵必定有品嚐過，而且湯底亦係賣點之一，再加上其他配料就咁已經好好食，而且一定食得滿足，講左咁耐又係時候去回味一下，是日就去了呢間星馬食肆開飯餐牌有齊粉麵飯連小食甜品同特色飲品，係咁多美食當中點都要食碗招牌湯麵，好友同我各自點咗一款連小食先有小食老巴剎雞翼(4件），入口外層食落好香脆惹味內裏肉質又香嫩啖啖肉，真係眨吓眼食晒輪到主角分別有兩款口味，先有馬來辣蝦湯，配料有海蝦、青菜同芽菜，麵底當然係摻摻咁食先夠地道，湯底用左鮮甜海蝦煎湯同手工炒料熬製而成，飲到湯味特別香、鮮、辣又食到啖啖爽彈鮮蝦肉真滋味到另一款係咖喱喇沙海鮮湯，配料有蝦、墨魚仔、墨魚翼、帶子同蟹棒，仲附送埋半蛋、魚片、豆卜及芽菜真係份量十足先飲番啖香濃咖哩喇沙湯口感十足，又可以一次過食到各款食材，再食啖摻摻吸收埋湯汁已經夠晒滿足又咁快品嚐完一餐星馬風味。

沙田新城市的食店真係多不勝數, 近期也有一些新食店開張, 早前我就去了位於七樓的Mimila食嘢. 我試了這裡的馬來辣蝦麵配美國牛肉. 而麵選了摻摻, 即係米粉配油麵. 吸引我的原因係每日嚴選三十斤海蝦, 加上八小時手工炒料, 六小時慢火熬制. 上枱時香味撲鼻. 對於只食得微辣的我, 這個辣度尚可接受. 湯多了一份蝦的味道, 特別鮮味. 蝦肉尚算彈牙. 估唔到牛肉份量咁多, 肉質唔會太乾身. 飲品點了熱桔子蜜飲. 這個可以起中和作用, 又可以滋潤一下喉嚨. 食東南亞嘢, 見到有榴槤甜品, 一定要試下. 試了貓山王芝士蛋糕. 入口有香濃的榴槤, 加上淡淡的芝士, 雙重口感. 質感好幼滑, 而且甜度適中, 唔會太甜.

跟朋友在新城市廣場兜兜轉轉最後決定過來試試看，不知道是不是新店 下午來都要排一下隊 價格不算便宜，也沒有套餐提供馬拉辣蝦湯油麵餐牌說湯底是師傅用上三十斤海蝦殼、再加上八小時手工炒料慢火熬製，湯頭的確味道鮮甜，很重蝦味 帶點微辣，非常惹味 鮮爽彈牙的原隻蝦肉麵底選了油麵非常有飽足感美國牛肉蝦子撈麵配料有芽菜，蔥花，菜，可按個人喜好加湯，湯頭味道濃郁麵條彈牙，面上蝦子，更把整體的鮮味提升不少 沙田沙田正街18號新城市廣場1期7樓704號舖

最近個個都要換iPhone 新手機，我預約左夜晚去Apple Store拎新機，拎完順便系沙田食埋晚飯，沙田新城市美食眾多呢次食馬拉菜。串串貢選擇了雞和牛全部都唔使點醬汁已經好野味又香口又不會韌。新加坡白胡椒肉骨茶，排骨肉夠淋，湯底好香濃又好香白胡椒味。馬來辣蝦湯湯底好濃厚，仲有5隻大大隻已去殼的蝦，蝦肉爽口彈牙又新鮮，仲有通菜和芽菜，河粉都索晒湯底的味道咖哩喇沙海鮮湯（摻摻），摻摻即是米粉和油麵幾特別，有豆卜，魷魚，蝦，蟹柳，糖心蛋等。咖哩喇沙好香濃又不會太咸。

味道不錯飲落吾會覺得好重味精淡淡的湯底令到白胡椒嘅味道更加突出 肉都好入味 😋不過同傳統馬來西亞嘅肉骨茶就爭得太遠啦因為佢冇咗本身應該要有嘅當歸等等嘅藥材味🤔佢似一個普通嘅胡椒湯並吾系我所認識嘅肉骨茶 😳😳白飯要另外加的 我選左銀針粉都幾軟同幾滑 ok👍🏻至於湯底呢…就非常非常濃烈嘅curry味都算辣嘅飲完呢個湯直頭覺得肉骨茶冇咩味🙈刺激味覺 ~不過,,我都系中意傳統嘅喇沙多啲 雞肉都幾諧口 😶當然 又吾系好難食嘅 😂一般一般咁啦 🤣