Mimila (已結業)

Mimila位於沙田新城市廣場七樓，店內佈置走上簡約風格，只有少量裝飾擺設，梳化、椅子均用上寶藍色，充滿海洋氣息。再睇睇餐牌，餐牌的種類除左喇沙麵、馬來串燒外，原來仲有特色甜品:貓山王芝士蛋糕、斑蘭戚風蛋糕🍰。我地今次點左馬來辣蝦海鮮湯 摻摻、咖哩喇沙湯配手撕雞同美祿暴龍可可。馬來辣蝦海鮮湯摻摻 $118不講不知，將油麵和米粉混合埋就係摻摻，果然有不同口感👍🏻。湯底做得非常出色，係用上鮮甜海蝦慢火熬制，湯底既香辣又鮮甜。配料也份量十足，有蝦、墨魚仔、魷魚翼、帶子、蟹棒，食完大滿足。咖哩喇沙湯配手撕雞 $88湯底呈金黃色，椰奶味濃郁，入口非常惹味，油麵麵質相當彈牙，份量也不少！當然手撕雞整煮得相當嫩滑，吸收埋微辣嘅咖喱濃湯，再配上半隻雞蛋及魚片作點綴，值得推薦！美祿暴龍可可 $32美祿暴龍就係將濃濃嘅美祿（可可）加上冰粒，再在冰粒上灑上美祿粉，因睇起來似暴龍嘅背脊而得名。

平日比較少接觸馬來西亞菜，只知其代表菜式有Laksa，今次來到Mimila，反倒一嚐馬來蝦麵之風味，特此分享。蝦麵是最能代表檳城傳統華人飲食的麵食之一，製法講究心思耐性。此辣蝦湯是廚師每天嚴選三十斤鮮甜海蝦，經人手去殼、挑蝦腸、煎蝦等過程，再以八小時手工炒料，六小時慢火熬制而成，心機十足！先呷一口湯，香濃惹味有層次，雖說是辣蝦湯，但一點兒也不覺得辣。麵底選擇了傳統的摻摻，即是油麵和米粉的混合，加上爽口芽口更添口感👍🏻配料豐富鋪滿表面，有蝦、墨魚仔、魷魚翼、帶子和蟹棒，海蝦新鮮彈牙，整體鮮味十足！吃完濃郁惹味的蝦麵後，再來一杯馬來薑汁奶茶，順滑易入口，薑味沒有太突出，甜度適中。原來薑汁與奶茶也可以是好拍檔😋休息一下，又到甜品時間😝身為榴槤控當然不可錯過貓山王芝士蛋糕，蛋糕體結實，配以消化餅底，味道不過不失，榴槤味沒有想像中般濃郁，可以一試。

係香港想食馬來西亞菜既地方真係唔多，唔似泰國菜咁成街都係，難得沙田新城市廣場開左一間馬來西亞餐廳，咁就梗係要試下啦。黎到剛好重係 Tea Time 時間 (點麵送飲品)，叫了馬來辣蝦湯海鮮河粉、咖喱喇沙湯海鮮油麵、新加坡白胡椒肉骨茶、貓山王芝士蛋糕，飲品叫了熱馬來檸茶同凍桔子蜜飲。馬來辣蝦湯海鮮河粉 ($118) : 有鱈場蟹柳、帶子、魷魚、墨魚仔、大蝦、芽菜、油麥菜。 麵上枱時就已經聞到陣陣香味，所以就即刻試試個湯底先，湯底真係不得了，超超超超超正，有好濃郁既蝦味又鮮甜，而且帶點辣，非常惹味 ; 河粉質地幼身，晶凝通透，而且份量都幾大碗。咖喱喇沙湯海鮮油麵 ($118) : 食材大約同馬來辣蝦湯海鮮差不多 ; 這款係朋友叫既，不過我就試咗佢個湯底，都係一樣咁出色，椰香同喇沙味都好濃郁。新加坡白胡椒肉骨茶 ($78) : 肉骨茶主要分為新加坡及馬來西亞兩種，餐廳既係新加坡所以湯色較淺，採用大量胡椒調味，所以湯底帶有濃濃既胡椒香味，入口時帶有微辣的感覺同較清甜，而豬腩排肥瘦適中，肉腍嫩滑。貓山王芝士蛋糕 ($58) : 見到呢個甜品，真係覺得好邪惡，不過又好想試最後都係叫左 😂 😂。榴槤

最近沙田某大型超市裝修重開，見星期六放早，閒逛之前先順道到新城市來一個午餐。但午餐不想吃太飽，找了一間馬來西亞餐廳吃一個喇沙湯麵。餐牌有不同的食物供大家選擇。點了一份美國牛肉蝦子撈麵，裡面有牛肉及有一些青菜、芽菜，這碟麵除了重點是蝦子夠外，不得不提它的蔥油非常香濃，每吃一口都加一點蔥油，味道提昇不少。沙沙撈魷魚翼每件都只有翼的部份，魷魚相當新鮮爽口，這個沙茶醬的非常濃郁，令每一口魷魚翼都變得非常惹味價格不算平，係勝在不用排隊

因為沙田間一田開咗，所以想黎行下，就順便喺度食埋飯。不嬲都知道新城市廣場多嘢食，不過成日食嚟食去都係日本野韓國嘢嗰啲，難得見到有間馬來西亞食肆，就決定試一試一開始我哋去到都未好多人，所以唔使等位不過入到去冇幾耐就開始勁多人，全場爆滿，估唔到原來我哋隨便入嚟坐低嘅呢間餐廳都幾受歡迎首先嚟到嘅係串燒，我哋一開始係比佢個名「串串貢」吸引左。可以揀雞牛豬嘅其中兩款，每款有三串，我哋就揀咗雞同埋牛。店員一放低碟野，我哋就聞到勁香，拿拿林影咗幅相就即刻食！佢一串唔算多，一兩啖就食得晒，但係就燒到啱啱好，肉質唔會話太乾身，再點少少沙嗲醬嚟食就啱晒之後就有呢碗白毛豬河粉，一睇到就知道佢豐富，有好多餸鋪滿係河粉嘅上面，湯底嘅濃度適中，而豬肉嘅肥瘦都適中蝦子撈麵嘅餸相對上就冇咁多款式，但係蔥、芽菜等等都係落足料，個撈麵都唔算話太鹹，撈得到幾均勻最後仲有一杯馬來奶茶，相對港式奶茶，馬來奶茶嘅味道清淡一啲，茶味比較重，我哋叫咗小冰，不過我覺得唔叫小冰凍啲咁飲應該會比較好

沙田新城市廣場有好多唔同嘅餐廳揀，但係好多都偏貴， 今日行過7樓嗰陣見到呢間馬來西亞菜， 裝修唔錯，再望一望個menu發覺啲價錢都唔貴喎，一於試一試先。餐廳既櫈以藍色為主調，唔知點解令我覺得有去左幼稚園食飯既感覺，有身心舒暢又愉快既感覺。至於食物方面叫左咖哩喇沙湯配手撕雞油麵，湯底少少辣同埋有陣陣既喇沙椰香，惹味得黎又好香味，我仲差唔多飲哂成個湯，手撕雞份量夠多又嫩滑，仲入哂湯底既味，正！新加坡白胡椒肉骨茶，少少辣好重胡椒既香味，飲到停唔到口，豬肉好淋勁入味，配埋白飯一齊更加係完美，一定試！最後叫左幾串串燒，3串牛3串雞啖啖肉而且燒得好香，佢個醬特別配合埋一齊食特別好食，真係想問佢可唔可以賣個醬俾我拎番屋企。呢個Mimila絕對係沙田區馬來西亞菜首選，下次黎新城市廣場一定要encore!

其實我一向都好少食馬來西亞菜，我記得對上果一次食係係新加坡。今次我就去咗mimila————————————————馬來辣蝦麵 $88（7/10）原來呢個係佢地招牌泥嫁，湯底鮮甜，不過味道清淡，因為用左海蝦去煲而且辣辣地好開胃，麵質都好彈牙！。串燒6串（雞，牛） $68 （8/10）個汁好惹味！係純肉，冇咩肥肉。不過好油，唔太似燒，似炸多D。招牌青檸蝦串$68 （6/10）好油呀！落左青檸好少少， 但係都好油。

昨天是星期日, 又正值秋天了,見有空就帶媽咪到沙田行下公園在沙田新城巿廣場樓上的公園坐了一會吹吹風後媽咪說肚子餓, 於是我們入回室內找間食店揾揾食~ 行了一會後, 我們最終決定來一間叫- MIMILA 食蝦麵,MIMILA地方唔算太大, 有時會客人太多, 要等等才有沙發位坐, 但環境都幾舒服乾淨~價位方面, 個人覺得唔算太便宜, 中價水位, 蝦麵約八十多,如海鮮麵就算百二蚊左右~不連飲品,而且亦冇下午茶, 連加一、飲品每人約百五元落樓~ 我們點了馬來辣蝦湯(配摻摻)、咖喱喇沙飯、翠如三寶 馬來辣蝦湯(配摻摻) - 摻摻是指油麵 + 米粉, 不能否認湯底係做得相當出色, 好有海鮮既甜味, 再加少少辣, 又香又夠口, 摻摻都彈牙爽口,油麵 + 米粉入口比單米粉/麵條多了很多口感, 另外足有5隻大蝦, 蝦肉可能索了湯的闗係有少少淋淋地, 唔太爽口,但都好鮮甜~ 咖喱喇沙飯 (配)西班牙粟飼白毛豬) - 本以為咖喱汁會係杰身一點, 可以用來淋落飯度, 但原來咖喱比較稀身, 有啲似咖喱湯, 不過味道都幾香滑,西班牙粟飼白毛豬 好好食! 肉質好嫩滑, 雖然每塊都有大塊肥膏, 但食落去一啲

週日想食個下午茶，去新城市7樓有不少餐廳，想食特色風味餐，可以去Mimila，專食馬來西亞菜。用彩藍色撞木枱木椅和水泥牆，感覺relax又醒神。 麵檔檔好正咁，平時食過好多喇沙，其他麵都未試過，甚好有特色，有三蝦撈麵、香菇肉脞湯。熱自家制檸檬薏米水($28)真材實料，味道清潤。馬來辣蝦湯($88)附加材料白胡椒肉骨($28)海蝦有5隻，店家都幾大方。白胡椒肉骨唔會骨多肉少，配油麥菜和大量芽菜，幾健康。麵揀左馬來特色摻掺，米粉油麵兩溝，好啱我胃口。個湯都好正，每日用三十斤甜蝦人手去殼挑蝦腸，再煎蝦，8小時手工炒料，再熬6小時，湯底蝦味極濃，推薦！熱南洋薑汁檸茶($28)，茶底個味好特別，同一般檸茶好唔同，鍾意試新野的朋友可以試下。蝦網春卷($58)新鮮炸，脆卜卜，蝦味可以增強。

假日來到沙田，人山人海的，想在這裡找個好地方食個午飯原來也不易...我們先到了連城廣場找找看，平日沒有太多人吃的餐廳，現在都要排隊吃；好吃的要排更久的隊吃...最後我們放棄在這裡午飯，到了新城市廣場七樓的食肆集中地。看見這家不用排很久的隊而我們也沒有嘗過的餐廳，就決定進去試試！我們點了店員推介的「白胡椒肉骨撈麵」，另再點了「馬來辣蝦湯檬粉」筷子🥢好特別，蠻好拿的🤓白胡椒肉骨撈麵看起來很有心思的一個撈麵，四份配料中間放了蝦子麵，拍起來挺好看的😆 芽菜跟麵也剛好煮熟，麵身偏軟但條條分明，一點也不糊，我把麵、蝦子粉、蔥花及部分的芽菜撈在一起吃，挺惹味口感又豐富的👍🏻胡椒肉半肥半瘦的，肉質很軟身，像淆過湯的豬肉般，味道還不錯。馬來辣蝦湯檬粉湯真是挺香的，喝起來有鮮蝦淆過的味道，可是對不太能吃辣的我來說，這個湯檬真有點辣，寶寶就蠻喜歡的。蝦新鮮彈牙，吸了微微的辣湯，吃起來更惹味！這家餐廳是蠻特別而且好吃的，一分錢一分貨。

關於沙田區的新城市廣場，是區內食肆最集中的其中一個地標, 引入了各式餐廳, 店子之中, 其中一間Mimila, 是的喜愛的馬來西亞餐廳, 這晚就去見識一下。店舖內的裝潢較有時尚感, 座在其中也甚舒適。坐下來, 先點飲品, 選了菠蘿梳打，飲落酸酸甜甜又幾清涼,還帶些菠蘿味。餐牌上有一味令我有興趣的小食老巴剎雞翼，每隻都炸得外層香脆, 但內裡的雞肉還是嫩滑和肉汁豐富，加上小許辣味, 吃得過癮。也試試海鮮馬來辣蝦湯, 個人選了傳統正宗的「摻摻」溝面製法, 以油麵配合米粉，油麵口感滑溜爽口, 而米粉就能吸收湯汁的精華，所以口感特別豐富, 辣蝦湯是以大量海蝦熬煮而成，湯頭濃郁鮮美，原隻大蝦爽口鮮甜，其他海鮮同樣鮮味十足, 配上辣味就更加惹味。這是一間馬來西亞口味的店子，店員服務態度親切, 而且整體食物質素也是滿意的, 值得支持。

沙田-Mimila: 馬來辣蝦麵摻摻（hk$88) , 馬來拼盤（$128）Weekend 下午茶時間來到Mimila ，都幾乎滿座呢！我衝著湯底而選了這個辣蝦麵，據介紹是用上30斤海蝦+8小時手工炒料+6小時慢火熬製，香味幾好，食落隱隱帶著一絲鮮味，微辣，仲有5隻蝦。而麵底我選了馬拉既特色摻摻，我第一次食🤣，原來係油麵+米粉兩溝，都幾得意。馬來拼盤的小食炸得唔錯，最喜歡的是炸雲吞😋雞翼都好香脆惹味，外脆內嫩！

今日放工見到黎沙田新城市行街食飯, 順便行下重開嘅一田。 星期五晚嘅新城市周圍都好多人~ 7樓呢層有好幾間餐廳， 呢間開咗大約半年有多嘅馬來西亞菜就第一次食。 餐廳座位唔算多，不過餐廳嘅裝修佈置好有馬來西亞風格~ 主要以鮮藍色傢俬為主。 未夠7點已經坐滿人，要等一陣先有位~ 人氣都幾高~餐牌都算幾多選擇，有成本雜誌咁厚。 大部分菜色可以選配多款麵例如油麵撈米粉嘅摻摻， 銀針粉， 檬粉，河粉等等。招牌青檸蝦蝦串，一客有三串， 每串有三大隻蝦~ 啲蝦幾鮮味，肉質爽甜， 仲要有蝦膏架~ 一共有九隻都幾有誠意! 蝦串本身冇青檸味， 喺客人用新鮮嘅青檸自己隨意加上青檸汁。馬來辣蝦海鮮湯材料非常豐富， 有三大隻蝦， 兩條蟹棒同埋兩粒帶子， 魷魚同埋墨魚仔。絕對係名副其實嘅海鮮湯，食材一啲都唔吝嗇。 $118呢個價錢絕對冇收多~西班牙栗飼白毛豬咖哩喇沙飯 一上台就好香~ 聞到陣陣咖哩配上喇沙香味~ 唔好以為個飯係白飯上面加少少蒜片，其實佢成個飯係蒜香飯, 白飯配上蒜油去炮製。 絕對比平時普通油飯更香! 咖哩味嘅喇沙就第一次食, 味道比平時食嘅喇較辣, 好野味。 薄薄一片嘅白毛豬肉質幾嫩滑, 冇乜肥膏

同朋友到沙田新城市廣場閒逛，時不時都會留意是否有新食店試試，今次就發現到這間位於新城市7樓的星馬菜餐廳Mimila餐廳主打星馬菜，當然要試試招牌菜馬來辣蝦麵（$88），據餐牌所說，湯底是每日以超過三十斤蝦用八小時手工炒料，再以六小時慢火熬製。一試湯底，果然有水準，有濃香蝦味，而且夠辣，坊間一般餐廳為遷就香港口味，會將辣度調至淡淡的，但Mimila卻能堅守星馬菜精髓，十分難得麵底選了摻摻麵，即星馬地區獨有的油麵加米粉朋友點了手撕雞咖哩喇沙麵（$88），咖哩味十分香，而且帶有淡淡的椰汁香味，配上吸盡湯汁油麵，讚點了芒果沙冰（$38），很有驚喜，分量大之餘，還加上新鮮芒果肉朋友點的凍馬來咖啡（$30）亦不錯，帶有香滑泡沫推介大家一試！

·最近見沙田一田岩岩裝修好就去行吓睇吓~ 行行吓睇到一間裝潢幾別緻嘅餐廳~諗起食嘢已經肚餓, 於是決定醫個肚再繼續行街😆今次食馬來西亞菜,店員好親切👍餐廳環境整體感覺溫暖舒服🎑價錢好親民食物質素又幾好唔錯👍 ··🔼招 牌 馬 來 辣 蝦 湯 🍜 ⭐⭐⭐⭐招牌菜必試! 可以配米粉/河粉/油麵/銀針粉/摻摻食~摻摻好少見, 原來係油麵 + 米粉嘅半半配搭海蝦大大隻好好味😋 建議加埋啲炸蒜一齊入口食~加上14小時手工炒料同慢火熬制嘅湯底好鮮甜👍👍 ··🔼馬拉拼盤 ⭐⭐⭐⭐ 呢個拼盤我幾鍾意❤有串燒豬/雞 一款, 叫咗串燒雞肉串雞串燒得唔錯,外脆內嫩好好味!老巴剎雞翼食落有啲似炸鹵水雞翼仲有蝦網春卷, 魚肉墨魚卷,炸蝦雲吞都好好食~配埋附上嘅酸辣醬同沙茶醬食又另一番滋味😋 ··🔼馬來奶茶 ⭐⭐⭐⭐清清地唔太甜,奶茶幾滑唔錯👍 ··🔼貓山王芝士蛋糕 ⭐⭐⭐⭐個人感芝士量有點多顯得榴槤味不太重榴槤新鮮幾香甜, 蛋糕鬆軟整體都算幾好食❤