Mimila (已結業)

我好少特登會入來食馬拉野，如果唔係某人堅持想試，我都唔會理佢囉。不過嚟左無失望，真係好好味。馬來辣蝦湯我見Menu上直接推介，仲介紹埋每天用甜海蝦熬8小時的湯底，甘大工程點可以唔試下呢。一望就知落左唔少功夫，湯底充滿蝦味，有少少辣，d蝦好彈牙，新鮮，麵配上濃味湯底，吸收湯嘅精華，好惹味。雞牛串串貢串燒的每串有3塊，唔好睇炸得好干身，但食落仍好多汁，唔點汁都已好香口，亦可配上干蒜粒。新加坡白胡椒肉骨茶未飲湯已聞到好香肉骨茶味，排骨好淋，湯底香濃同埋充滿胡椒味最後，只能說個鋪頭比較細，但人流好多，比較不好意思坐太久。