Mimila (已結業)

好麵自然想多看你幾面，相反嘅一面都嫌多，講緊嘅係位於沙田新城市廣場一期七樓嘅Mimila馬來西亞麵食喇。依曾樓有好多食市，要係咁多食市中特圍，就一定要有自己特色，馬拉麵或者係其中之一。今日人也滿多，坐了八九成，好在下午才去，不然一定爆滿。睇下食咩先，有麵有飯，難得咁緊係要叫啲招牌野喇，今次就叫左"馬來辣蝦湯-摻摻"，三蝦撈麵，馬來奶茶。馬來辣蝦湯-摻摻，配有海蝦，青菜，芽菜，湯低十分濃郁海鮮味，蝦爽口，再配有特色摻摻，即係米粉加油麵，份量足，十分飽肚。三蝦撈麵，蝦炸過香脆可口，撈麵蝦子味很重，還有碗清湯味道鮮味，變相多種食法。馬來奶茶，比傳統港式奶茶較重奶，偏甜小朋友也喜歡飲。同場還有愛麗絲展覽，有得食有得玩十分滿足。

今日同女朋友來沙田新城市廣場，諗住專程影聖誕裝飾。行到咁上下，有啲肚餓，就上7樓的美食街搵食。上到7樓，一離開扶手電梯，就見到一間好醒神的馬來西亞蝦麵專門店。見到餐牌介紹，蝦麵湯底係餐廳每日嚴選30斤鮮甜海蝦，去殼、挑蝦腸、煎蝦、切片、再加上8小時手工炒料、6小時慢火熬製，湯底鮮甜。既然咁誠意推介，當然要試一試招牌菜啦。我點了一客馬來辣蝦海鮮湯，配油麵。湯底果然一如 Menu 所言，十分鮮甜，果然冇推介錯。湯料方面，有蝦、墨魚仔、魷魚翼、帶子、蟹棒，算係非常足料。女朋友點了一客咖哩喇沙湯，配摻摻。大鄉里出城，我問店員咩叫做摻摻，店員表示摻摻即係米粉同油麵雙拼。喇沙湯底辣辣地，幾開胃惹味。湯料係配西班牙栗飼白毛豬，仲有喇沙湯底基本嘅豆卜、魚片、芽菜，仲有隻蛋添，正宗馬來西亞風味。兩個人埋單，$250都唔使，真係10分滿足。

今日去左沙田新城市，同朋友濕平，因為午餐食得太full，晚餐唔想食飯，朋友建議不如去吃麵。作為麵痴的我倆，車仔麵、魚旦河早已食厭，上openrice 就發現到這間馬來西亞麵食專門店─Mimila，兩位麵食專家決定一於試下。店舖面積不算很大，但環境舒服，光猛，枱與枱之間有一定空間。馬來辣蝦湯滲滲一場來到，當然要試招牌菜馬來辣蝦湯滲滲，所謂滲滲，原來是油麵撈米粉，據店員解釋，這是馬來西亞當地人的的最愛。湯底蝦味很香很濃郁，加配的香料有效吊起湯的蝦味，淡淡的香辣亦令湯頭味道豐富，幼滑的滲滲有效掛起湯汁，每口麵都嚐到湯汁，覺得不夠的話，用湯匙盛一口湯，一喝而下，很過癮！麵的配料也很足，大大隻蝦，爽口彈牙，吃下去十分滿足！白胡椒肉骨撈麵肉骨肉質幼嫩，因為用白胡椒調過味，吃下去味道充滿胡椒香。麵質爽口，旁邊的蔥花用滾油調過味，把麵、芽菜撈來吃，令撈麵不會太乾，同時又保持到口感爽脆，更嚐到濃厚的蔥花香。薏米水吃完濃郁的主菜，用這杯熱飲去中和實在不錯。大量薏米令熱飲喝下去有一陣茴甘的清甜，間中吃到一粒粒的薏米，口內又再泛起一陣清香。美綠暴龍可可一杯涷美綠加上可可粉，飲到美綠的朱古力奶，又吃到實體可可的

難得呢個月份仲未開始凍, 假日抓緊好天氣, 同朋友入沙田踩單車, 中途站嚟到呢間位於新城市廣場1期7樓嘅馬來美食 - Mimila。食馬拉菜當然唔少得喇沙！咖哩喇沙湯海鮮摻摻 $118 配料: 半蛋、魚片 、豆卜、芽菜先呷一口喇沙湯, 湯底比想像中的辣味較重, 椰奶味不算太強, 湯中埋藏著3大隻原隻大蝦、魷魚翼、帶子、蟹棒, 仲有爽嫩彈牙嘅墨魚仔。麵條揀咗摻摻, 混合油麵和米粉, 一啖有兩個口感, 係馬拉嘅地道吃法。香菇肉脞湯美國牛肉銀針粉 $88 配料: 香菇、貢丸、魚片、芽菜、青菜朋友揀嘅香菇肉脞湯, 菇菌味突出, 加上濃濃肉香, 味道經典。油麥菜 $28 清脆爽嫩, 唔會太多油, 健康之選！

估唔到呢間餐廳睇落細細 原來咁好食😸😸 價錢喺沙田新城市廣場黎講又唔算好貴😸 食得過既😼最好食係呢個蝦蝦海鮮bowl😻😻😻 真係連個湯都飲埋 飲得出落左勁多勁多🦐去熬個湯底 亦熬製左好耐 湯底好清甜透底！ 😻 應該係用慢火悉心烹調先可以清到見底！雖然睇落好稀 但飲落去超濃郁！😻😻 我飲咗一大半咁滯😹😹海鮮有四款左右 有蟹棒（唔係蟹柳!!!😽）吸晒啲蝦湯食 正😻😻仲有4-5粒元貝 都幾甜😸 4隻蝦（有啲仲有蝦頭膏）無數既魷魚仔🦑 好多海鮮食呀 記得飲埋啲湯！😼😼我仲試咗個招牌青檸蝦蝦串 $68有三串😼蝦係稍微炸過的 都幾新鮮有蝦味😸 不過青檸同我想像中有啲分別😹 原來係比青檸自己唧落去 而唔係一早已經調味既😹😹 不過就算唔落青檸汁食都ok😸下次食試下串燒先 叫串串貢😹😹有六串都好似幾抵食咁😼

好耐冇行過沙田新城市廣場，好多店舖都轉晒行到上7樓見到好多新食店，噤啱又到下午茶時候又有d口痕，又想找地方hea吓我噤喜愛尋食，一定要找d好食嘅美食見到有中、日、韓、泰和馬來西亞噤多國家選擇，馬來西亞好似冇乜食過，就入去試吓啦！我選左個：馬來辣蝦湯海鮮摻摻，賣相好吸引配料有：帶子、墨魚仔、魷魚翼、蟹棒、蝦，首先試吓個湯先，入囗辣辣地但好鮮甜而且好濃海蝦味蝦肉好彈牙，帶子和蟹棒肉嫩甜美，墨魚仔和魷魚翼彈牙爽囗最鐘意食摻摻就係可以一啖有兩種囗感，油麵和米粉，米粉索左湯更加入味更加可口貓山王芝士蛋糕，入囗軟滑甘香芝士味香濃，之於貓山王味甘甜兩者都冇蓋過大家味道，恰到好處馬來薑汁奶茶（熱），入口香醇幼滑我就覺得薑汁味少d，可能怕太濃好多人受唔到，茶味都好香，不過未夠甘香濃厚。但呢間店我都覺水準中上，因我食完個麵飲晒佢d湯，整曰都冇囗渴想狂飲水，有d唔係真材實料落好多味精，食完會勁口渴

馬來辣蝦湯 - 海鮮 配摻摻個湯底真係好濃郁, 食得出用左好多蝦煮出泥真材摻妝實料，上面重放左4,5隻蝦, 都算新鮮幾彈牙唔會晦. 麵我就揀左摻摻, 一路都唔知摻摻係咩意思, 成日都好出奇點解食食下油麵會食到幾條米粉, 原來呢個係配搭就係叫摻摻, 係馬來西亞傳統食法, 兩種麵都索晒辣蝦湯嘅味, 但食到兩個口感所以都幾特別. . 貓山王榴連蛋糕作為榴槤愛好者, 見到佢有榴連蛋糕就當然要試喇, 呢個貓山王芝士蛋糕好得呀, 有好濃嘅榴槤咪, 食落去唔會好甜,無好膩嘅感覺. 好彩我同朋友都食榴槤, 如果唔係實有排都唔洗旨意同佢講野呀

Mimila (沙田)沙田沙田正街18號新城市廣場1期7樓704號舖食物：馬來辣蝦湯白毛豬肉摻摻首先個湯底係勁重蝦味用30斤蝦去榖去腸慢火煮6個鐘所以勁重蝦味 果種味就好似蝦湯白毛豬肉線條分得靚 好爽口 而摻摻就係油麵加米粉 正正常常不過碗野辣味就唔夠馬來串燒飯（雞）雞串好香 夾埋獨有既汁 好juicy成個飯既精髓就係隻荷包蛋蛋汁配飯原來咁好食 佢隻米同一般食既有小小分別類似雞油飯 幾香口 翠如三寶呢個小食 如果唔睇圖真係唔知乜黎個魚肉墨魚卷好出色 烤到好香 食得出入面有魚肉味道 馬來奶茶我個人覺得呢杯野係好飲岩口味但對於鐘意飲甜野既人 就應該麻麻地因為杯奶茶係偏向淡 所以對於小甜既我就岩哂同埋呢間野會自己炒辣椒油加落個摻摻到會勁香落小小夠啦 因為真係幾辣下位置：餐廳地理位置非常方便係沙田火車站一出 （注意：係火車站 ）新城市廣場7樓 十分方便環境： 鋪頭環境有bar 枱同普通枱今次有幸坐bar 可以睇到個廚房價錢：馬來辣蝦湯白毛豬肉摻摻 $98馬來串燒雞飯 $88翠如三寶 $48馬來奶茶 $30

📍沙田📍超級惹味🤤馬來辣蝦麵🌶🔥之前嚟沙田多數都係食拉麵，但最近天氣涼咗，就想食啲辣辣地嘅嘢🌶見到呢間招牌菜係辣蝦麵🦐就想入去試下🤣所以就叫咗個馬來辣蝦麵同香菇肉脞湯配手撕雞河粉☺️個馬來辣蝦麵真係有啲驚喜😍估唔到個湯底咁惹味🤤🤤本身已經微辣，不過我再加咗啲辣椒🌶️即刻將個層次提升咗🤣🤣超濃味嘅蝦湯💕‼️真係落足料去煮個湯底👍🏻👍🏻反而個香菇肉脞湯配手撕雞河粉嘅湯底就比較清，份量都多，爭啲食唔曬🙈仲有個老巴剎雞翼😎炸得好香脆🤤如果再加啲七味粉應該會更加惹味🤣🤣食完啲偏重味嘅嘢，再叫咗杯檸檬薏米水😍清下喉嚨😎仲要無冰嘅，夠曬健康❤️

週末嘅新城市廣場逼到唔識形容，商鋪林立，食肆不少，有好多選擇，今日我地食左呢間名叫Mimila嘅餐廳，主打馬來西亞菜。兩個人一人點左一個麵、一份小食同一杯飲品，連埋加一人均就百二蚊左右，好滿足馬來辣蝦湯 88裡面有五隻蝦，蝦肉爽口，當然精華都係湯底，招牌蝦湯底味道香濃又夠辣度之餘，比較惹味醒神。香菇肉脞湯配西班牙粟飼白毛豬肉 88配料眾多，有魚片，肉丸、冬菇、同白毛豬肉，湯底清淡，冇乜味，成碗麵比較清，屬於唔鐘意重口味嘅人嘅選擇。老巴剎雞翼 58雞翼炸到外皮脆，冇乜醃過，幾香口。菠蘿茶menu

沙田新城市廣場真的是一個很熱鬧的商場，店舖多人流很多，好吃的餐廳也不少。逛街累了，去找個餐廳意用晚餐。7樓有很多餐廳，它有兩條快速的扶手電梯可直到達7樓。可能太肚餓的關係，就選了在電梯口的Mimila。看餐牌選擇也很豐富有飯麵，甜品，飲品一應俱全。今天兩個人點了馬來辣蝦湯，白毛豬肉摻摻。摻摻是油麵和米粉的組合。辣蝦湯不太辣，大蝦的鮮味很重，配合這個白毛豬肉完全很配合。另外油麵和米粉組合起來也不會覺得太油膩。另外一個咖喱喇沙湯，手撕雞油麵。喇沙湯濃濃的，很香和油麵非常配合。由於好吃的關係，想多試一些，所以還追加了干撈炸蝦雲吞和馬拉奶茶。炸蝦雲吞裏面的蝦肉很豐富，剛剛炸起熱辣辣脆卜卜的。奶茶也很有星馬的風味，這個餐廳的食物真的很地道，下次會再來試試他的肉骨茶和其他美食。

與客戶開會過後已接近七時；沙田是一個繁忙的市鎮，人來人往，我獨自一人走到Mimila吃摻摻。來一客招牌馬來辣蝦麵！麵條多款選擇，可選河粉；米粉；油麵；摻摻等等。有五只炸大蝦，感覺挺不錯的！湯底也不錯，以蝦來熬製；不過摻摻就跟我平常吃的不同，可能是沒有加添色素的關係吧～而配料有芽菜及生菜，挺好吃。可惜的是，本想吃貓山王芝士蛋糕，但已售罄；那我點同樣是榴槤的榴槤糯米糍。但⋯糯米粉團實在太硬，根本就不是糯米糍，非常失望，希望有待改進。

今天去了沙田新城市廣場的mimila，這𥚃供應馬拉菜式食品，裝修新凈清雅，七點去到，大部份已經坐滿食客，目測大部份是年靑人，連服務員也是年青小伙子，充滿青春活力！很新淨的裝修，格調清爽而不落俗套！看餐牌點咗馬來辣蝦湯米粉，咖哩喇沙湯-手撕雞河粉，仲有一客串串貢（有鷄串，同埋豬肉串燒）辣蝦湯米粉（其實可以自由配搭油麵或河粉）！先嚐湯底，感覺清香鮮甜，雖然叫辣蝦，但感覺不算辣，蝦肉新鮮彈牙，份量都唔少！咖哩喇沙手撕鷄畧辣但不是大辣果種，鷄肉亦鮮甜，河粉也是幼滑！鷄肉串燒同埋豬肉串燒亦是可口的小食，配以沙嗲醬一齊，更加好食！來一枝冰凍啤酒，更加very good !

去開沙田新城市廣場行街，搵食梗係要去頂層嘅美食街啦！原來有間新開、主打馬來西亞🇲🇾菜嘅餐廳—「Mimila」，「Mi」是馬來話「麵」嘅意思，顧名思義，餐廳梗係主打馬來麵食啦！咖哩喇沙湯配美國牛肉（$98）咖哩湯底濃稠，摻摻（油麵+米粉）好掛湯，口感豐富，美國🇺🇸肥牛份毫不吝嗇，肉香十足，又不失嚼勁，正！😋其他配料仲有半蛋、魚片、豆卜和芽菜，半蛋七成熟，蛋味香，豆卜、芽菜超吸湯，滋味非常！👍🏾馬來辣蝦海鮮湯（$118）有蝦、墨魚仔、魷魚翼、帶子、蟹棒，材料好豐富！😍海鮮湯微辣鮮香，摻摻（油麵+米粉）有多重口感，米粉吸晒湯嘅精華～👏🏻蝦有三隻，好足料，口感都算爽彈；墨魚仔和魷魚翼新鮮爽口，帶子個頭大，鮮甜味美，最令我喜出望外！☺️整體來說，「Mimila」嘅菜式多樣化，除咗有咖哩湯、馬來辣蝦湯，還有香菇肉脞湯、蔥油蝦撈麵，飯、小食全部都幾吸引～👏🏻榴槤迷最不可錯過店招牌貓山王芝士蛋糕，傳聞話好好食！好想試！😳不過一人一款湯粉已經夠晒飽，有機會下次再黎過！😌

今日同媽咪去左新城市，就諗住上7樓搵下有咩好食。搭完兩條長電梯上到7樓，一上到去就見到呢間新開既馬來西亞餐廳（可能我太耐無上黎）。加上係門口已經聞到陣陣嘅蝦湯香味，我地就決定一試。<馬來辣蝦湯 - 海鮮 配摻摻，$118>以前食星馬菜，多數都係食喇沙，但係近年來好似興起左辣蝦湯。而我而家都對辣蝦湯比較有興趣，今次就點左海鮮馬來辣蝦湯，麵就揀左摻摻，姐係油麵加米粉。辣蝦湯唔算話好辣，我食得辣既就覺得好少好少辣。但係好有蝦嘅鮮味，唔會一味得個鹹字。最重要嘅係配料好多而且全部都好新鮮，包括有大蝦、墨魚仔、魷魚翼、帶子及蟹棒，每款都有兩件或以上，十分足料。大蝦同魷魚翼都好爽口，帶子好鮮甜，完全令我喜出望外。<馬來串燒飯配雞串，$88>由於媽咪唔食辣，餐牌照片好似唔錯，所以就揀左呢個串燒飯。串燒飯有煎蛋、蝦兩串、豬/雞兩串。一黎到，個賣相都好得，雖然就好似簡簡單單嘅嘢，但又整得幾靚。除左睇得外，味道都好好。個飯原來係蒜蓉飯，食落好香，但係又唔會好似油飯咁油。蛋煎得唔係全熟，蛋黃汁流出，撈飯都好正架。至於蝦串同雞串都好好食，蝦炸得唔乾之外，仲好爽口同有鮮甜味。而雞串