Le Viet

營業中

休息中

今日同朋友慶祝生日，朋友又特別鐘意食泰越菜，我就同佢去左一間越南餐廳食飯啦！Le Viet總店係尖沙咀，今日去左旺角新分店，環境都好大好靚！我地坐低就有杯水，服務都幾好！朋友見到menu咩都想食，我地叫左4樣食物試下分店水準！先來一個柚子海鮮沙律，柚子好鮮甜開胃，入口好多汁，海鮮份量仲有好多添！好鐘意食大蝦和魷魚，夠哂鮮甜爽口，夏天食的確好開胃！之後黎左一個小食，越式牛油雞翼，雞翼炸得香脆又唔油膩，充滿炸蒜香，牛油味道好香濃！雞肉外層脆卜卜，中間肉質夠香滑，仲有肉汁！朋友大讚好惹味！之後我地叫左兩個主菜，先來一個海鮮炒檬粉，我幾鐘意食檬粉入口夠香口彈牙，海鮮份量同樣好多，而且仲好新鮮！如果調味可以再重啲就好啦！之後到左重頭戲，超載椰青焗飯，椰奶多到滿瀉，好重好香濃椰奶香，我好鐘意，味道微甜好香口，飯粒吸哂椰奶香味，入口濕潤滋味！充滿提子乾和海鮮，的確是重口味既選擇！朋友大讚餐廳食物味道好高！

同男朋友兩個人黎食，夜晚7點左右到~ 門口個經理黑口黑面咁叫我地排隊，等左陣又黑口黑面咁帶我地入座 我地因為之後有活動，諗住隨便食少少就走，所以淨係叫左個越式拼盤 同埋個椰汁飯~ 等左大概20分鐘，個越式拼盤先到。味道一般，完全唔值$98... 我地食晒個拼盤，之後等左大概一個鐘！個飯都沒到，跟著諗住問下咩事啦，係咪漏單etc, 點知個waiter好無禮貌，係咁話唔關佢事因為廚房好忙... 我地隔離嗰臺個人遲過我地好多到 但係已經食完！☹️咁我就話，好啦你叫廚房快少少，我地趕住走... 個waiter哦左一聲跟著完全無理過我地張單最後係坐左喺餐廳1個半鐘食左一個拼盤，埋單走！我地話cancel個飯嘅時候個waiter一點歉意都無，就咁OK跟著俾張單我地😤 超angry!!!! 坐左咁耐無野食仲要受氣😡😡😡😡

話說去完Vietnam 旅行仲係好掛住佢既美食上open rice search左 me viet有好高評價就決定去trytry😋收工時間等左一陣位，都好快入得好既我地嗌左個牛油雞翼，炸得好脆身，一上菜已經好大陣牛油味😍係我最愛既一道菜另外仲嗌左個串燒，有得揀牛豬既，我就每樣一半啦！燒得唔會好乾，而且都好入味，推介！最後仲嗌多個牛肉鍋😋夠哂飽，辣辣地夠開胃食越南野嗌椰青是常識吧🥥🥥🥥好滿足的一餐😊

今晚要出尖沙咀買化妝品，行到甘上下，去平時食開的越南餐廳(Le viet)！一來我叫左杯紅豆冰涼下先，好香椰奶味！生牛肉湯河$64來到個牛肉岩岩熟，超滑，一點都唔會食到韌,蘿蔔甜，河粉份量岩岩好，不會令個湯好乾，佢另外有配辣椒粒，鐘意食辣的我一定有放幾粒上去！不知不覺個湯我都飲左一大半大蝦菠蘿飯$88又食呢個菠蘿炒飯，佢飯粒粒金黃，d蝦好彈牙，配上肉鬆加波蘿肉，好正！邪惡炸蝦餅$64，炸野一向都係我至愛，肉質彈牙第一次試呢個牛油雞翼$68，冒住爆蒼危險食左幾件，內裡煎香過先炸，最惹味上面鋪左蒜粒，好熱氣小食總結：服務不錯，我一定會食完再去食！

今日又去到The One同好耐冇見過既朋友食飯見到呢間越南野好似幾多人食 款式選擇又多 就決定食呢間啦睇menu之後覺得呢度價錢唔算貴 米紙捲都係$38😱 喺尖沙嘴嚟講都算抵我地三個為食既女仔叫到成檯野食 食得超滿足海鮮酸辣鍋 $148呢個鍋原價$168依家做緊promotion平左$20個鍋入面有好多海鮮 配料好豐富個湯唔會好辣 甜度比酸度多 飲落好開胃 我自己都飲左兩碗😋去d魷魚仔好有口感 食落有d煙韌青木瓜絲鮮蟹肉雞絲沙律 $88面頭既雞絲同埋蟹肉份量好足 蟹肉帶微微清甜既味道青木瓜好爽口 落埋汁食好開胃扎肉薰蹄米紙捲 $38米紙捲既皮好煙韌 入面包左好多配料同菜 有好豐富既口感扎肉薰蹄既鹹香味同埋清甜既菜配合得好好再加埋d酸酸地既汁 就多d味道啦牛油雞翼 $68呢個係我今餐最鍾意既 隻隻雞翼都好大隻佢個皮唔會炸到好厚粉或者好硬 咬落去係鬆化既 而且帶好香既牛油味入面d肉好有肉汁 而且好滑就算佢好夠牛油味 都唔會有好油膩既感覺 真係推薦呢個👍🏼串燒沙爹半打 $85串燒有三串/半打選戰 我叫左半打就牛雞豬各兩串我自己淨係食左一串雞肉je佢個沙爹醬好香 唔會好辣而且帶dd甜味雞肉好嫩

今天來到the one, 想試呢間越南菜。一出lift, 已見到呢間超多人排隊，心諗平日都咁多人，應該幾唔錯，於是我地都排。等左差不多半個鐘,終於有位了。間餐廳真是很多人，座無虛席，我哋被帶到一張和人家share既四人枱，都尚算OK。睇咗餐牌， 好多都很想食，而且價錢也很合理。我哋叫咗：1. 扎肉雞絲湯河湯底很清，很好味。扎肉及雞絲也不錯，河粉也很滑，非常美味， 很快已吃完， 所以如果份量可以在多啲，就更好了。2. 椰皇海鮮焗飯賣相已經我滿分啦！真係好靚好震撼。食落去，無論飯或海鮮，都充滿椰汁味，好香好濃呀。飯的份量真是超級多，相信有幾碗飯，真的食唔晒。開先也不錯，這款真的推介。3.牛油雞翼熱辣辣，外脆內軟， 食落翠翠聲。而且，好重的牛油味，好香好濃，真係好正呀。4.三文魚米紙卷由於唔知什麼叫米紙卷，加上價錢真是好抵，只需三十多元，就叫來試吓啦。來到，原來是類似冷吃的，三文魚加上冷金邊粉，加埋生菜、花生等，口感好豐富，食落涼冷冷，好新鮮好特別。還有，金邊粉份量也相當多，做對可以當主菜。5. 串燒沙嗲見隔離枱有碟串燒，好似好好味,加上好少餐廳有串燒食，所以我哋亦都叫來試吓。果然冇令我地失

一行六人，一班朋友仔想試吓食啲新嘢，嚟咗呢間位於The One嘅餐廳。對於呢間餐廳食物嘅份量有點猜不透的感覺...例如我哋叫咗碟菜，但係每人只係可以分到一兩細條，如下圖（上菜就係得咁多）。味道係偏鹹同偏油，但係好食😂大蜆如果冇記錯係$128，數完得八隻，唔清楚咁樣係咪算正常價？但個汁d朋友仔話好嘢未，不過唔知係咪我呢排食得濃味左，就冇咩大感覺。佢哋話有啲辣，我就食唔出...下圖嘅金邊粉好似係餐牌上有推介既，不過味道出奇地平平無奇，可以用黎填肚..而個椰汁飯就幾香椰汁味，不過同預期中的一樣，都係得面果層有汁，椰殼入邊係冇汁㗎，所以大家唔好見到就好開心咁食面上面既汁呀😂😂😂豬頸肉燒得幾香脆好食，而且份量都驚為天人咁多(比起岩岩既菜式😂）圖下有豬牛雞三種串燒，食上去好似冇咩分別，大家撈亂折開食都係估下估下架咋，味度ok，可以唔使點醬汁。

-.🔺越式咖喱牛腩鍋配印式薄餅 $105原本配法包既，因為越南比法國統治過，所以越南人都係食法包大嘅。轉咗印色薄餅，點解咖哩汁一流！牛腩夠淋，不過肥左少少咁多，咖哩汁好味，整體都好好。.🔺串燒 半打 $85兩牛兩豬兩雞。雖然我嘅味覺係分唔到牛同豬嘅(蠢😂)，沙嗲汁好食，串燒亦烤得好入味，眨下眼就清曬六串😋。.🔺越式拼盤 $108當中包括炸春卷、蝦餅、燒豬頸肉、扎肉蒸粉包。蝦餅好味，熱辣辣大大件。烤豬頸肉同樣keep到水準。扎肉蒸粉包係咩黎呢？好順蝦餃皮包住豬肉碎、黑木耳等材料，又估佢唔到幾好食(我係越南未食過).🔺三色冰 $28.

⭐️2018-8-29⭐️ 紅雨☔️《玩味十足之東南亞餐館》❤️🧡💛💚💙整整一個星期太陽伯伯都休假去了，換了我最討厭的雷雨姨姨當值，心情也隨之變得異常地差。雖然如此，也阻擋不了我對美食的追求。下班後便相約好朋友到the one會合。由於雨勢太大，我們選擇了Le Viet 這間好評餐廳享用晚膳。《環境》🍽餐廳的設計很具玩味，以紅黃籃三色作門面，相當搶眼奪目。發光的餐廳招牌更懸掛在當眼位置，離遠都能清晰可見。為了貫徹一致，餐廳內的皮椅也是色彩繽紛的，歡樂感十足。相信食客在這裡用餐一定更有胃口。1.柚子海鮮沙律 ❤️3.5/5泰式沙律當中我最喜歡吃柚子沙律🥗柚子和青木瓜絲都非常新鮮，又脆又甜。它們的酸味成功打開了我的胃口。海鮮方面，八爪魚的味道有點怪，而且海鮮的份量不算多，有待改進🙈2.海鮮炒檬粉 ❤️4.5/5這碟炒檬粉剛來至時，我們仨都嘩言為何賣相如此失色。但一入口，異口同聲說好吃😋果然餸不可貌相。檬粉炒得既彈牙又入味，配上韭菜更野味。海鮮包括鮮蝦，八爪魚和蜆肉，份量足又香口，值得推介的菜式。3.精選拼盤 ❤️2/5拼盤包括了四樣小食，當中有炸蝦餅、豬頸肉、春卷、扎肉蒸粉包。憑心而論，拼盤

出得去尖沙咀睇戲，就預咗係附近食埋晚飯，俾我搵到依間價錢同食物都ok嘅越南餐廳，話灑間餐廳係商場裏面初初以為價錢會偏貴D，但又唔會喎兩個飲埋嘢都係3佰幾蚊算唔貴。我哋叫咗一份串燒有6串豬，牛，雞各2串，一份炸蝦餅個蝦餅都厚身有蝦味脆得脆，最緊要叫埋牛油雞翼，佢哋個牛油雞翼一放底就聞到牛油+蒜蓉嘅香味，個皮又炸得脆雞翼本身個醃料唔算太濃令我邊食隻雞翼，邊聞到同食到牛油跟蒜蓉嘅味，當然2個人唔可以只食小食，要叫個澱粉質嚟招呼吓我老公，所以我就揀咗個菠蘿炒飯，依個飯又做得幾好，賣相ok面仲有3隻蝦，個蝦唔會梅梅爛爛，仲係爽口個飯底炒得乾身裏面仲有新鮮嘅菠蘿同埋有D紅腸粒，仲有黃薑嘅香味唔錯，再叫咗杯咸檸7依杯係俾有少少喉嚨痛嘅老公飲嘅，佢覺得杯嘢飲同食物都可以，食飽飽兩個就去拖手仔睇戲。

朋友知道我鍾意食越南美食，所以我經開尖咀開工，就約埋一齊收工去呢個商場既越南餐廳度開餐，食完閃人都方便大家。店面個招牌粉紅色好colourful，又藍又紅咁，望落好sharp醒。我地6點45分前已到，都要排左陣等枱點左兩個熱辛辣辣既菜，一個係海鮮酸辣鍋，另一個係粉絲虎蝦煲黎個海鮮酸辣鍋，分量唔細，有蝦、蕃茄、蔥花、蜆等等個湯底酸酸甜甜帶有濃濃既蕃茄味，幾開胃，我地邊食邊飲個湯底仲叫左個粉絲虎蝦煲其他都係點晒小食，所以唔想點飯類會太飽，粉絲食多幾撮都唔會覺得漏~ 呢好夠獲氣~有D似嘟嘟煲風格牛油雞翼雞翼好大隻，炸得好香脆，仲有好香牛油，面頭d香蒜好惹味咬落入面仲有肉汁，一D都唔鞋身，呢味唔錯薄餅非吃不可，好香軟，我點落去個海鮮酸辣鍋到當點醬食, 幾好味我同朋友都鐘意食香口野，點左串燒過下口癮，燒得好香，沾埋醬食仲正食飯又點可以無野飲既呢，揀左咸檸梳打同椰青~~解下暑是日食到飽肚又滿足~~無滯膩感，正。

尖沙咀the one呢個shopping mall真係好多野食，同媽咪睇完戲食得太多pop corn, 又唔係太肚餓，於是揀左食完唔會覺得好滯嘅越南菜！大蝦柚子沙律，開胃醒神，柚子清甜，大蝦爽口、彈牙札肉春卷檬粉，札肉爽口，春卷juice炸得火喉剛剛好，唔會太熱氣，檬粉彈牙、唔會淋pat pat 咖哩牛腩配法飽，個法飽暖笠笠夠脆又唔un，咖哩香濃，牛腩夠淋，必食之選最後叫埋至愛既越南滴咖啡，咖啡味香，飲落好滑👍🏻

The one食肆多, 之前食過the cambo覺得佢既咸食同甜品都好食, 見佢隔離都有間類似餐廳, 所以今次就食下呢間, 原來都唔錯~ 好彩早啲去, 因為八點已經有唔少人係出面排隊等食了~~ 對於越菜/泰菜沙律情有獨鐘, 次次都揀唔到要柚子沙律定木瓜沙律, 最後朋友就話why not both? 哈哈無錯, 揀哂唔洗爭~ 兩個沙律都幾大盤, 附上魚露比我地自己想落幾多都得。 柚子沙律原來都有唔少青木瓜絲, 反而柚子唔係話太多, 最多份量竟然係海鮮, 又有蝦又有魷魚仔, 幾足料喔。而我最中意就梗係雞絲沙律, 因為我係雞控嘛~~雞絲份量都多, 唔會好嚡口。唔夠喉所以就叫左雞絲撈檬了~ 睇落同雞絲沙律好似, 哈哈, 檬粉比較幼身具彈性, 不過唔會好大碗, 係女仔食量既Portion~米紙捲係越南野食必點的~~ 難得呢到有咁多款揀, 平時我都愛食燒豬頸肉或者係扎肉大蝦, 今次有三文魚幾特別就叫左。一客切左4件比想像中大份, 米紙幾有韌性唔會太厚或者太薄食唔到, 不過三文魚就薄身左D, 味道較啖。朋友叫左佢最愛既椰青, 本身我都唔好椰青, 但偷飲左佢一啖之後就不停咁飲佢XDD 因為真係好清甜

今天和老婆行街去咗The One睇戲，睇完戲肚餓落到樓下4樓有間餐廳，坐滿了人而且門面不錯就決定食這間我們叫了一個海鮮酸辣喎，賣相吸引海鮮滿滿的，等食是令人十分肚餓的，經過10多分鐘嘅時間，海鮮已經煮熟，芬香撲鼻嘅味道令人食指大動，橙紅色嘅蝦身，大蝦嘅蝦頭滿是蝦膏一食落口甘香回味湯底酸酸辣辣十分開胃香茅豬扒湯河亦10分好味，湯底清甜河粉滑溜豬扒咬落口很林到超正超正嘅牛油雞翼雞翼面頭炸得很脆，而且表面灑了炸過的生蒜片，一口咬落去首先是脆嘅感覺，食真一點有很香嘅牛油香味還有脆脆的生蒜片，撕開之後肉身嫩滑，食到停唔到口非常好味，🗣🗣推⋯⋯⋯推介最後加埋一杯紅豆冰，椰汁奶味香濃甜度適中，而且紅豆大大粒十分有咬口，這間餐廳絕對有下次性價比很高

今晚同朋友去咗尖沙咀行街，去咗the one 行商埸，發現依間係4樓叫Le Viet的越南食店。已有客人在排隊等入座。生意十分之好。於是同朋友一齊等侯入座。店員很有禮貌地帶我們入座。食店地方頗大，已坐滿客人，裝修已很舒適。看完餐牌，有很多食物選擇，最後叫咗炸蝦餅，好爽好脆，口感一流，另叫牛油雞翼，雞翼配牛油，好好味道，十分難忘。另叫串燒沙爹，同樣做到很出色，好好味道。大蝦波蘿飯賣相好吸引，胃口大開，最後叫埋海鮮酸辣鍋，熱辣辣，酸酸辣辣，好入味道，海鲜份量也很多。飲品方面叫咗椰青，青檸梳打。椰青好冰凍，好正。青檸梳打都夠冰凍。综合環境，服務，食物質素及價錢。絕對值得介紹给喜歡食越南食物的朋友。我個人必定再次光顧這食店。