Le Viet

營業中

休息中

出得去尖沙咀睇戲，就預咗係附近食埋晚飯，俾我搵到依間價錢同食物都ok嘅越南餐廳，話灑間餐廳係商場裏面初初以為價錢會偏貴D，但又唔會喎兩個飲埋嘢都係3佰幾蚊算唔貴。我哋叫咗一份串燒有6串豬，牛，雞各2串，一份炸蝦餅個蝦餅都厚身有蝦味脆得脆，最緊要叫埋牛油雞翼，佢哋個牛油雞翼一放底就聞到牛油+蒜蓉嘅香味，個皮又炸得脆雞翼本身個醃料唔算太濃令我邊食隻雞翼，邊聞到同食到牛油跟蒜蓉嘅味，當然2個人唔可以只食小食，要叫個澱粉質嚟招呼吓我老公，所以我就揀咗個菠蘿炒飯，依個飯又做得幾好，賣相ok面仲有3隻蝦，個蝦唔會梅梅爛爛，仲係爽口個飯底炒得乾身裏面仲有新鮮嘅菠蘿同埋有D紅腸粒，仲有黃薑嘅香味唔錯，再叫咗杯咸檸7依杯係俾有少少喉嚨痛嘅老公飲嘅，佢覺得杯嘢飲同食物都可以，食飽飽兩個就去拖手仔睇戲。