Le Viet

營業中

休息中

前幾日同朋友喺尖沙咀行完街 有朋友建議一齊去食越南菜 行到the one見到呢間越南餐廳門面非常之吸引 亦都有很多人等位入座 大家就決定試試佢啦一一嚟就試下佢嘅豬頸肉先啦 好juicy 面頭燒到香噴噴 配醬汁食更又好味道菠蘿炒飯好正宗 最估唔到係連佢面頭嗰幾隻蝦都好鮮甜 成個感覺好清新同出面嗰啲好唔同不過講到最good嗰個一定係串燒 一碟三個口味 豬牛雞 佢燒得啱啱好 而且這個肉味好重 同埋 份量十足 最後我哋都忍唔住要再嗌多碟最後不得不提 個椰青真係好清甜 我自己都飲咗兩個我同班朋友都食得好滿足 佢哋話啲食物仲正宗過喺越南食 真係好好味 而且價錢都好公道 諗住過一排再嚟食過

同閨蜜去食越式下午茶，下午二時去到還有lunch set，頗抵吃的。先來飲品越南滴滴咖啡 - 跟餐特飲加$8 咖啡很不錯，甜甜的煉奶配上濃濃的越式咖啡，苦中帶甜，很滿意😌。大蝦菠蘿飯 $78賣相很吸引😍，面頭有三隻蝦，炒飯入邊有菠蘿肉、豬肉鬆，還有些雜豆，酸酸的挺開胃，蠻不錯啊。😋蝦餅蝦餅很有驚喜，面頭脆卜卜，蝦肉很彈牙，還有點鹹蝦鮮味，最喜歡這一碟菜色🤤。豬頸肉米紙卷豬頸肉爽脆，粉絲彈牙，配合爽口的生菜和甜酸的醬汁，感覺10分清新。串燒 豬、牛、雞肉各一串，最適合眼闊肚窄的我們什麼都試，沙嗲汁很濃郁👍🏻。 越南綠豆拉椰糕 這個甜品也很特別，綠色的不是斑斕，而是綠豆，很有新鮮感，味道也不錯，而且是熱熱的，吃起來椰汁的香味特別濃郁。

開放式的越式餐廳，尚算舒適。建議先點一個青木瓜大蝦雞絲沙律，清清舌頭醒醒胃，給人清新甜美的感覺。主菜有超載椰青焗飯，滿載濃郁的椰青味，帶著一絲絲青甜，唯不宜吃過多份量，以免飽膩。另有海鮮炒檬粉，味道適中，配料豐富，是喜歡炒檬粉者首選。小食推介有串燒雞中翼、香茅燒豬頸肉和蝦餅等，食物精緻，配合各種精心調製的醬汁，把各食物的獨特味道錦上添花，讓人回味無窮。尚未填滿肚皮之際，來一道鹹魚椰菜苗，少許鹹香，清淡可口，是不錯的選擇。這所越式餐廳還有一些特色甜品，能一嚐當地甜蜜色彩，為一頓午餐畫上完美句號

昨晚和家人一起吃晚餐，用了OpenRice 訂枱服務，賺了25個飛行里數，看了其他人食評，所以決定來試試，因為已經訂了枱，所以很快就可以入座吃飯，我們一口氣點了招牌菜椰皇海鮮焗飯，三串串燒，酸辣海鮮湯，燒牛仔骨，越式拼盤，椰汁綠豆冰，三色冰，虎蝦粉絲煲，咖哩海鮮檬粉，超多野食，但超好食，太愛椰皇海鮮焗飯，牛仔骨，炭燒超好食，價錢不貴，味道超正，不會太咸，海鮮超鮮，服務人員超好服務，下次再和家人一起來食.

食飯食得開心其實好多時關個環境事，今次係the one搵到間覺得嘢食質素唔錯之餘，又得舒服嘅餐廳。佢個裝修係比較摩登嘅，雖然menu選擇都係個啲標準越南菜式，但起碼夠多選擇。好耐無食過泰式沙律，青木瓜真係好fresh，又襯泰式嘅酸甜汁，大蝦都算幾多。再黎要再三串沙爹串燒淺嘗，每款都好得喎，豬肉夠爽、雞肉夠嫩、牛肉夠香，唔點個醬汁都夠哂味呀！辣椒膏炒大蜆，好惹味呀，個汁都無掩飾左蜆嘅鮮味。同埋一定要嗌印度薄餅，加埋個汁食真係好夾！！本身諗住嗌牛油大蝦，點知無哂，所以轉左做粉絲大虎蝦煲，個粉絲好入味，不過多得滯食唔哂最後見隔離嗌左甜品拼盤超靚，又跟風嗌左，個芒果糯米飯好有心思，一款白糯米，一款紫糯米，焦糖燉蛋最正係面頭浸脆脆焦糖，但可以再滑啲，椰汁糕就夠煙韌

尖沙咀好多餐廳都要等位，約左幾個朋友聚會，預先卜定晚飯時間，時間一個半鐘後交台，ok fine.食物方面除左串燒半打可取少少之外，其餘可以話係垃圾，自問唔係要求高既人、味道都算，材料咁差劣唔上黎評下分都對唔住自己。海鮮酸辣湯$148做緊promotion所以試下，點知中晒伏，湯既味道其實係可以，大量菠蘿所以係甜既但蝦肉係梅架！都無期望係新鮮既，但你d蝦咁樣都比得客食，一夾就散，好過份！最過份係碟炒豬頸肉河粉，份量少都算，炒出黎無味無色都算，望落好似人地食剩撈埋一碟鑊撈咁，一上碟我地每人不約而同呆左，好想叫佢換過碟，咁既質素，我決定上黎花十幾分鐘評個分，比個參考大家😔小心好似我咁中伏。

天氣熱既時候, 特別有mood 想食越南菜, 呢日帶左女朋友黎The One 既Le Viet~餐廳以半開放式裝潢, 感覺悠閒舒適~門口有少少人龍等緊, 但等左唔係好耐就入到去啦~野食品種都好多下, 好似樣樣都幾好想試我地先叫左大蝦木瓜絲沙律估唔到份量唔細, 係比較傳統既越式沙律, 幾fresh , 帶起食慾🔥跟手黎左串燒, 呢個有分3串同6串, 不過驚食唔晒, 兩人3串share 食。但最後有d唔夠喉, 因為好野味。 唔鹹但味道好濃, 有去左越南旅行食街頭串燒既味道。之後開始上主菜, 先黎炒大蜆~~大蜆一向都係我同女朋友最愛, 但唔多地方煮得好。呢間煮得好有風味, 夠辣, 而且洗得乾淨。食完即刻要叫個椰青, 解一解渴。跟住到既係虎蝦粉絲煲, 幾隻虎蝦係面, 再加大量煮到入晒味既粉絲, 好邪惡啊。因為份量都好多, 決定唔叫海鮮飯啦～最後要點~甜品以唔係以甜品為主打既餐廳計, 呢個拼盤係一流級數! 新鮮芒果糯米飯, 唔會超甜, 唔會太酸, 一口芒果, 一口糯米飯, 無得彈。 跟住再食賣相味道都一流既焦糖燉蛋, 好滿足!

Le viet 約左朋友去尖沙咀行街，係商場入邊出面又落好大雨，心大心細，唔知揀咩好，所以就係商場入邊行個圈，揀咗呢一間越南餐廳。大家先點左一個小食：串燒雞中翼（兩串） ＄42雞翼雖然只得兩串，不過都幾大隻，而且外皮係燒得焦香，咬開脆皮，一邊雞肉依然呈現粉紅色，一啲都唔鞋，仲保留左真正嘅肉汁，好味。超載椰青焗飯＄98呢個飯稱為超載，真的沒有誇張。本身個椰青，係超大個，海鮮焗飯，排成一個小山丘，上面舖滿了豐富的椰汁，最欣賞飯內還有一片一片的椰青肉 ,非常有口感。海鮮炒檬粉＄68香茅燒豬頸肉＄72豬頸肉，絕對是必點的小食，豬頸肉的份量比想像中多，平常的泰式料理，豬頸肉是一小片，但是這裏的豬頸肉是很大片的，而且肉質很嫩滑，沒有乾身。值得一試。蝦餅＄64蝦餅也是我個人最喜歡的小食之一，金黃色的外表已經非常吸引，而且口感非常彈牙。配合泰式醬汁，是一個不錯的小吃。整體來說，這裏的價錢合理，坐得舒服，不會限時，可以和朋友輕輕鬆鬆的談天，在這個商場裏，這個價格算是10分合理的。

這晚放工同幾個同事相約食，愛上吃越南菜的好同事繼而吹水飯局坐位舒適，係casual 飯局的好地方，歺牌各式其式，種類繁多，合大眾化的歺單好迎合口味我們挑選沙嗲串燒，有豬，牛，雞串串燒即叫即燒，肉汁配答惹味，牛肉入口軟化，當然係燒汁獨家制小食拼盤係本週炎夏推介，有炸舂卷，蝦丸，豬頸肉，越南粉皮甜辣醬一點，提升味蕾呢另外有主打菜式椰青椰汁焗海鮮飯飯以炒底為主，焗飯的椰醬甘香，海鮮以大大墨魚，蝦仁等，非常好味

呢排睇電視節目見佢成日賣越南野食，都想試下果種近乎視覺與味覺的享受，所以同最愛的女朋友走左去食尖沙咀的Le Viet品味越南。尖沙咀The One 的Le Viet坐位舒適，好快我地就好舒服咁搵到位叫野食喇！素聞越南生牛肉湯麵係人都知一字棒！咁今日我同女朋友就首當其衝就叫左個特別火車頭。特別火車頭有生手肉、牛肚、豬手、蘿蔔，同埋好清甜的湯底撈埋一齊！非常飽暖！非常幸福！非常解渴！除左叫左個牛肉湯麵，我地仲叫左個非常惹味的辣椒膏炒蜆。個炒蜆用左非常香濃的辣椒膏，拼上新鮮的大蜆，每隻蜆剩計蜆肉都有5蚊咁大！另一個好有特色的主菜就係椰汁海鮮飯！呢個絕對係今餐飯的重中之重！有無見過椰漿可以夾埋海鮮飯咁match？有無見過人用椰子載住成個海鮮飯可以俾到4個人食咁抵玩？我見過！我真係見過！

本來係食隔離嗰間泰國菜，但等位條龍實在太長， 我見佢哋其實都係共用一個酒吧應該分分鐘連廚房都係一齊嘅，所以就決定排呢間短啲嘅。 點知星期四晚都要排成40分鐘。 呢度係冇得攞籌，要個人親身排喺條隊度。 不過唔知係咪接受訂枱，所以明明我地係條隊最前，但張枱都畀咗企喺旁邊嘅人。帶位果個見我疑惑咁望住佢，佢都只係講左句：下張枱到你。 其實見到間嘢都真係幾忙，唔講服務態度，員工之間合拍度都幾高，效率黎講，年紀輕的反而無年紀大少少的員工咁好，可能太忙太攰。講番食物，因為三個人入面得一個人肚餓，所以共叫咗三杯飲品(各$28)，一個主食，一個凍檬，一個炒通菜($58)，同一個小食( 豬頸肉米紙卷$38)。 本來係叫兩個招牌生牛肉湯河，點知佢哋咁快已經賣曬， 唯有轉過香茅豬頸肉撈檬($65)同海鮮炒檬粉($75)。落單時員工都有講到個炒檬粉係會耐啲，唔記得係要等15定20分鐘，但估唔到原來等得最耐亦都係最難食就係呢一個。其他食物飲品好快上曬枱。個炒通菜炒得好香，豬頸肉凍檬上面肉嘅份量都好多，可惜可能為咗做到抵食夾大件，佢下面嘅檬粉嘅量太多，又唔多其他配菜(只得少量生菜同蘿蔔絲)，即使差唔多成樽酸醋倒落黎

要係 The One 搵野食唔難, 不過要好食又價錢合理既就唔係間間都得; 今日就同舊同事黎到一間食越南菜既 LE VIET, 佢好多座位都係外圍, 可以見到其他客人叫既食物, 睇落幾吸引於是就決定呢間等位時佢有個電子餐牌係門口, 方便未有位既客人可以揀定食咩, 好方便又摼時間食物相片好吸引, 加埋外邊食客既食物香味, 未入座已經睇到好肚餓叫左個蒜蓉芥蘭, 咬起來脆口, 蒜蓉味都夠, 唔錯食越南野點可以唔叫海鮮鍋, 今晚呢個仲做緊推介減廿蚊, 望落雖然細細地, 不過D材料多到滿哂, 而且蝦蜆size唔係一般細細隻個D, 食落有咬口, 而且個湯底非常好味, 全部海鮮加新鮮菠蘿連湯底成個清哂香茅牛仔骨份量細細件, 女仔食就好方便, 男仔就成件放哂入口, 味道都夠香口當然唔少得至愛既菠蘿炒飯, D飯粒炒得乾爽唔會痴立立, 粒粒都兜勻入哂味, 加埋幾隻大蝦同肉鬆, 食完就大滿足.

今日放工約左朋友去尖沙咀the one睇戲😁為左節省時間，就相約朋友係the one食晚飯先💋我自己就特別喜歡食越南或者泰國菜🌹見到依間餐廳可以滿意哂我兩個願望之外😍佢設計好色彩繽紛🌈未食已經好開心🤗蒜蓉炒通菜好嫩口，🌶小小辣，唔錯😛依個泰式燒雞翼好好味🐥，外脆內軟😋仲有特色嘅汁可以點嚟一齊食😬食泰國嘢又點可以唔飲青檸梳打🤤店員好細心，提示我可以梳打轉七喜🍸喜歡甜嘅朋友，可以好似我咁😬😬💡不得不提依個辣椒膏大蜆👍🏻👍🏻👍🏻唔係咖喱醬咁簡單，味道好特別好好食😬而且唔識得辣嘅朋友都可以一齊食💋最後我哋叫埋啲個酸辣海鮮湯👏🏻👏🏻因為見到好多人都叫呢個，本身以為同出邊嘅冬陰公湯一樣，點知大有驚喜🌈，酸酸甜甜好開胃，🐙海鮮又多款式，而且裹面有菠蘿粒🍍，係岀面從來冇試過呀😄😄下次去到尖沙咀就多一個選擇喇🏅🏅

餐廳的座位係半開放式，感覺開揚寬敞。雖然係越南菜，但餐牌好多選擇，價錢係尖沙咀黎講算好扺 。 上菜速度亦好迅速，叫左個柚子海鮮沙律，柚子香甜木瓜絲爽口！有蝦，蜆肉同小墨魚配上酸辣的醬汁，口感清新，夏天必點。 蝦餅炸得香口，唔算油膩，上碟時熱辣辣，金黃鬆脆 豬頸肉口感滋味配上泰國酸甜醬汁更醒胃 辣椒糕炒大蜆 香氣撲鼻，汁香濃，配飯一流，一碟大約有10粒大蜆 椰菜苗好勁蒜蓉味 最後點左個甜品拉椰糕, 一層層口感綿密吃得出有香蘭葉既清香滋味

夏天最適合吃越南菜，尤其是吃撈檬，酸酸甜甜的味道有助刺激味蕾~ 香茅豬頸肉撈檬 ($65) 燒得焦香的豬頸肉大大片的，爽口好吃; 至於檬粉都頗為碎，要用匙來吃. 夏天吃碗凍檬令人透心涼~ 越式春卷 ($48) 一客5小件的春卷，香脆熱辣，用鮮嫩的生菜捲着吃，可減少熱氣且更清新! 牛油雞翼 ($68) 雞翼相當大隻，皮脆肉嫩，大量蒜蓉以及牛油來製作的雞翼，那會不好吃~ 咸魚炒芥蘭 ($58) 芥蘭相當爽脆，以咸魚來炒添加鹹味，更覺惹味! 椰青 ($40) 超級清甜的椰青，內裡也有不少椰肉，夏天喝它就對了. 越南綠豆拉椰糕 ($28) 熱辣奉上的拉椰糕，充滿椰汁香氣，且甜度適中，個人很喜歡呢!尖沙咀彌敦道100號The ONE 4樓L402舖23690422