Le Viet

營業中

休息中

原本同老公想去金寶食點知一上電梯見到Le Viet 門口 椰子焗飯嘅圖片就被吸引左轉左去 le Viet.唔知係咪而家香港所有嘅餐廳真係好難請人所以啲服務真係No comment. 都係講返啲嘢食啦！我哋兩個人叫咗個小食拼盤，一個炒大蜆，同埋門口主打椰子焗飯。再加一杯三色冰同埋一杯越南滴滴咖啡！真心講炒大蜆味道好出色不過我諗個廚師因為冇時間炒熟啲蜆所以就先烚熟再炒，搞到啲蜆 over cooked 有啲硬扣左分。個小食拼盤中規中矩同普通越南餐廳差唔多！再嚟就係主打嘅椰子焗飯真係好失望，除咗上面有三粒蝦幾粒墨魚仔同埋幾粒細蜆仔之外其餘裏邊一啲餸都冇，有一大堆雜菜。總括嚟講下次都係試金寶

成日出街食，諗食乜都諗到腦閉塞，天氣凍就揀雞煲火鍋，天氣回暖返少少就想起泰國或越南菜，酸辣香脆有齊食落特別開胃，朋友話係THE ONE開餐，食完可以行個圈幫助消化精選拼盤四合一，越式春卷既肉碎粉絲同炸洋蔥真係好香口，用生菜﹑香草包住鬆脆既越式春卷，再點埋酸may may既蒜蓉醋，簡直係絕配炸蝦餅個蝦膠打得很勻循，入口彈牙配上酸甜醬汁真係十分惹味炭燒豬頸肉有少少炭燒既味道，唔會燒到乾爭爭咖哩牛腩鍋個牛腩炆得很軟綿綿，咖哩不算太辣，配上麵包美味程度滿分綠豆拉椰糕唔算好甜，煙煙靭靭有口感，如果淋埋熱辣辣既椰汁係面仲正紅豆冰真材實料，椰奶香濃加咗冰都唔會淡茂茂，而且紅豆大大粒，夏天飲實勁消暑

上星期同朋友喺the one買完嘢，經過四樓，發覺呢度都好多嘢食，其中最為搶眼 就係呢間 LeViet 嘅越南菜。餐廳佈置，色彩繽紛，感覺很有活力，唔似得一般傳統嘅越南菜館咁單調！放工時間，裏面都坐滿了人，我們喺門口睇左陣menu，發覺食物種類很多而且價錢易唔算貴，於是我們就入去試試！我們二人點了一個越式 酸辣海鮮鍋，上枱時真係嚇一跳，虎蝦大大隻，仲有青口，魷魚同蜆仔都頗為新鮮， 入口美味！最讚嘅係酸辣湯底，裏面有很多細小嘅菠蘿粒、芽菜、蕃茄等配料，酸酸甜甜十分醒胃！咸魚炒芥蘭很入味，芥蘭啱啱好， 保持爽脆！越式紅豆冰，紅豆大大粒，正好中和一下酸辣嘅味道！芒果糯米飯，係我嘅至愛，芒果香味濃郁 而且相當甜美，糯米飯煙韌能很有水準！綠色嘅拉椰糕很軟熟，係唔錯嘅飯後甜品！

係The one行街行到攰，見到呢間野越南野都幾滿座就決定晚餐食呢間。一坐底坐位比較逼少少，但商場食肆大多數都係咁就無咩所謂啦。嗌野食之前上左嚟睇食評，見大家都推薦牛腩煲，我就決定會一會佢，同時再嗌多幾樣小菜填肚。首先上既係扎肉蒸粉包，每個粉包都鋪上好多配料同有一塊蝦片墊底，成舊食落去除左有粉包既軟糯外仲mix埋爽脆既口感，感覺好新奇，好食！牛腩包果然一如傳聞般好味，牛腩軟淋入味，咖哩味好香，但個人麻麻地食法包所以就無蘸埋嚟食，不過成個汁拎嚟送飯真係一流！菠蘿焗飯當然會有好香既菠蘿味啦，但係再加埋紅蘿蔔同青豆就令到味道更加fresh 更加豐富，而肉鬆除左好味外亦提升左口感，簡簡單單已經好足夠蒜蓉西蘭花雖然份量比較少，但味道唔錯，唔會煮得過淋，屬正常水平～

尖沙咀宜家好多地方都被自由行攻佔左，揾食變得相尚之艱難，好想揾D唔洗同人迫既餐廳，早早地去THE ONE揾食，應該無問題。呢間餐廳我去過旺角果間，朋友都一致好評，未知尖沙咀呢間分店如何? 不過去到已經好多人，得左一陣就有位。叫左一個生牛肉河、一份蝦餅、同埋串燒豬牛雞。第一樣野要讚好的一定係個生牛肉河，個湯底真係好鮮好濃郁(我宜家打緊字時D口水都流緊)，牛肉份量足夠，幾片洋蔥做點綴，真係一絕。然後個蝦餅亦係一流，做到彈性十足，配上泰式辣醬，一啲都唔熱氣。值得一去再去的餐廳。

有感上次食過旺角分店不錯，今次同朋友的尖沙咀飯聚，就推介朋友一齊試這裡的越菜！前菜照舊，蝦餅一人一件不用爭蝦餅外皮鬆脆，那裏色誘滿滿的蟹肉，口感一流！香噴噴的蝦餅再加酸辣醬一併吃，永遠冇得輸的前菜！very good再來是咖喱牛腩鍋配法包！這款菜第一次試，咖喱幾濃，又唔辣，我自己幾喜歡！牛腩和薯仔都炆得好淋好入味把牛腩和薯仔放入法包一齊食再點少少咖哩，又香口又有口感很好吃呢最後我們點了一個菠蘿海鮮炒飯淨係睇相就知有幾大個，超抵食！值得讚的是除了炒飯外，餸菜材料也很多，菠蘿，蝦，肉鬆等等，色香味俱全！我們四人點三個菜已經很飽了，朋友都說又好食又抵食

講真，泰國菜我就食得多，越南菜真係好小食！之前經過The One見到依間環境唔錯，靜靜地，座位又唔侷促，價錢亦合理，所以同朋友試下先！2人點：Pomelo & Seafood Salad $76牛油雞翼 $68香茅燒牛仔骨 $88咖哩牛腩鍋配法包 $105❤️首先，頭盤柚子海鮮沙律我已經鐘意，個汁唔酸，柚子新鮮，食落好開胃，而且海鮮都唔算小，蝦係大粒彈牙！❤️喜歡雞翼既朋友必食牛油雞翼呀！炸得香口大大隻之餘，有勁多蒜溶，我最愛喔！❤️牛仔骨都好正，牛味重，調味剛好，點埋個汁更正，唔會太咸！❤️而咖哩真心驚喜，咖哩汁香濃，牛腩煮得好淋，入面仲有牛筋都煮得好淋，勁入味！點埋咖哩食法包，就算已經好飽都想再食多啖😂🙈依間要收藏，一定會再去呀！

排隊排了很久，約一小時。前面有3張枱插隊，他們不跟隊伍排隊，站在門口，但經理仍視而不見，排隊制度有待改善。 建議增加拿號碼籌，像其他餐廳一樣。食物還可以，衛生很好。

今日放工約左朋友去尖沙咀the one睇戲😁為左節省時間，就相約朋友係the one食晚飯先💋我自己就特別喜歡食越南或者泰國菜🌹見到依間餐廳可以滿意哂我兩個願望之外😍佢設計好色彩繽紛🌈未食已經好開心上菜速度亦好迅速，叫左個柚子海鮮沙律，柚子香甜木瓜絲爽口！有蝦，蜆肉同小墨魚配上酸辣的醬汁，口感清新，夏天必點。椰青超級清甜的椰青，內裡也有不少椰肉，夏天喝它就對了.最後我哋叫埋啲個酸辣海鮮湯👏🏻👏🏻因為見到好多人都叫呢個，本身以為同出邊嘅冬陰公湯一樣，點知大有驚喜🌈，酸酸甜甜好開胃，🐙海鮮又多款式，而且裹面有菠蘿粒🍍，係岀面從來冇試過呀😄😄下次去到尖沙咀就多一個選擇喇

之前去過旺角個間，今日放工黎左the one試吓，我7點前到，唔洗等，不過過左一陣有好多人排隊。餐廳個樓底好高好舒服，枱與枱又唔會迫。menu 睇到花多眼亂！ 🤣有好多都想食最後叫左煙三文魚米紙卷，入面包有青瓜檬粉，生菜，煙三文魚好新鮮，沾左酸酸甜甜嘅越式汁好開胃，加埋上面D花生碎，完全係完美配撘。青木瓜大蝦雞絲沙律D蝦同雞絲完全係同D木瓜絲比例1:1，蝦好新鮮爽口，加入後面嘅沙律汁同入面大量嘅花生碎！正！因為朋友唔食粉麵飯類，所以叫左D主菜越式火車頭酸辣鍋入面有牛丸，牛肉，牛腩，芽菜，菠蘿，湯底酸酸地，好醒胃。仲要用gas 爐上枱😍辣椒膏炒大蜆呢個最好有碗飯😆其個D洋蔥，金不換，紅椒對我黎講先係主菜👻 浸住D汁好好味，D蜆一D沙都冇，又好新鮮。最後叫埋最最愛的牛仔骨，上次食過好味，今次都一樣好味，朋友都話正，肉好Juicy ! 好香香茅味😍😍點埋後面個汁，簡直絕配

今晚同個朋友係九龍公園游完水就去左the one 4樓間le viet 果度食晚飯，食過幾次覺得唔錯，於是帶朋友來食！我地叫左個超載椰青焗飯$ 98，份量足，海鮮種類繁多，個飯有椰奶香，而且椰子好嫩滑，應該有兩大碗飯甘多！蒜蓉炒椰菜苗$62 叫左個菜食健康d,呢個菜好嫩囗！香茅豬頸肉米紙捲$38 上面灑上香口蒜蓉粒，透白米紙卷包住雲耳同豬頸肉碎，口感不錯！同埋香茅燒牛仔骨$88 呢個牛仔骨燒到好香，味道甜甜地沾上辣椒醬，好惹味！食完豐富一餐，第日先有動力再做運動！

🥗 柚子海鮮沙律 $76 (4/5)🍲特別火車頭 $78 (4/5)🍤大蝦菠蘿飯 $88 (3.5/5）之前經過尖沙咀The one見到呢間食越南菜既餐廳都好想試，今次揾到人陪我食啦，哈哈😁餐廳唔算大，枱與枱之間好窄，張枱又細，叫多幾樣野都差啲唔夠位放。老實講，環境就唔算太舒服，不過野食都幾好味既😋同埋價錢係呢個地段都算係咁💸💸💸柚子沙律好食又大碟，海鮮份量都唔少，有🐙魷魚仔、🦐蝦，仲有好多好甜既柚子同腰果！開胃又清甜👍🏻推介特別火車頭有牛腩、牛丸、牛肉，蘿蔔，牛腩幾淋，牛丸彈牙爽口，湯底夠鮮甜，都值得試下。大蝦菠蘿飯我覺得不過不失🤭飯炒得幾乾身，有啲雜豆、紅腸、火腿、肉鬆。大蝦肉質結實彈牙，菠蘿好甜，食到尾狂挖啲菠蘿肉，正！🤣😍但下次會有興趣想試椰青焗飯，見到都幾多人叫，好似唔錯😛

一早book左位6:15收工去食 晏就餐廳有打黎confirm 不過hold枱只係hold 5分鐘 用餐時間都係得90分鐘 不過都夠我地食 去到得一兩枱 不過7點鬆d就full場了見倒門口有介紹海鮮鍋 不過我吾太好海鮮 所以見倒餐牌有牛肉鍋就叫左一個越式火車頭酸辣鍋$138 不過個鍋肉吾算多 個底全部都菠蘿黎個人覺得一般之後再叫左d小食 因為夜晚兩個人食吾倒甘多 而且比佢d甜品吸引住 所以要留肚食甜品小食叫左串燒 牛 豬 雞名2串$85呢個值得推介比大家 燒到岩岩好 吾會太熟 而且汁醬都好好食另外再叫左一個春卷 春卷配生菜食 點d泰式汁🤤🤤熱辣辣食👍🏻👍🏻👍🏻不過有d扣分既係等左好耐 差吾多食晒先黎最後就緊係叫甜品🍮拼盤有芒果糯米飯 綠豆拉椰糕 同埋焦糖燉蛋焦糖燉蛋吾會太甜 另外綠豆拉椰糕上枱既時侯仲熱既 而且每層都分得開吾會整到痴埋一舊👍🏻最後芒果糯米飯真係太飽所以食淨左小小 不過芒果好甜 另外仲有心太軟散叫 可以下次試下

越南菜很啱我哋香港人口味，調味豐富帶些香草芬芳，而且選材新鮮，口味講求嫩滑，而我就最喜歡吃扎肉粉卷、越式咖喱及芒果糯米，正正擁有這些特色。今日我就帶著台灣來港的舅父舅母到尖沙咀一間坐得舒適開揚的餐廳品嚐。Le Viet 只有英文店名，時尚的簡約風格，餐牌圖文並茂，睇住個樣揀一定唔會錯。今日食咗七款食物，大家一致最喜歡扎肉蒸粉包，粉包紮實半透，皮滑餡靚，味道豐富，配合炸蒜、青蔥及魚露吃，非常越南口味！排行第二咖喱鮮雞鍋配法包，椰奶滑咖喱香，雞肉入味，新鮮香脆的法包好好味！海鮮酸辣鍋比想像中好，酸辣味道唔錯，冰鮮海鮮亦食得過。香茅烤豬頸肉香惹鬆軟，鹹魚炒芥蘭都幾好。大家對甜品十分滿意，尤其喜歡香芒糯米飯用黑白糯米兩種口味，芒果香甜完全不會酸；拉椰糕暖暖地，煙煙韌韌口感好，又唔會太甜。

因為轉新工未返工，現在是空閒的日子，我同妹妹在尖沙咀The ONE行街，才知道尖沙咀的Le Viet越南仔，不妨一齊去食下有幾滋味。晚飯時段，我巳預早訂座，來到即時可以進食呀，姊妹來談心都很有情調。我是(椰汁紅豆冰)迷，多冰美味，入喉微涼，感覺好Fresh，入口立即是一股椰汁香氣。個人非常欣賞這一道(串燒沙爹半打)，牛雞豬好香好好味，睇得又食得，沙爹醬汁很match，食完會豎起兩隻手指公的佳作。(越式拼盤)有魚柳，炸蝦及春卷，蒸粉卷及豬頸肉，多款炸物小食，炸蝦及春卷香口，蒸粉卷及豬頸肉非常嫩滑，豬頸肉唔韌，更能突出味道。(芧燒木棉魚)肉質香稔，配上醬汁口感獨特，有少少鹹味，絕不會吃得飽飽滯滯。妹妹要(大蝦菠蘿飯)，菠蘿飯是香熱，味道尚可，旁邊的菠蘿香甜，食完很飽。