Le Viet

849
79
29
港鐵尖沙咀/尖東站 B1/ N5 出口 繼續閱讀
所有分店 (1)
電話號碼
23690422
開飯介紹
主打新派越菜,菜式做得精緻,價錢抵食足料,越式生牛河、牛油焗大頭蝦、椰青海鮮焗飯及金不換白酒煮蜆都是招牌菜。 繼續閱讀
附加資料
限時90分鐘
營業時間
今日營業
11:30 - 23:00
星期一至日
11:30 - 23:00
公眾假期
11:30 - 23:00
公眾假期前夕
11:30 - 23:00
*最後落單時間: 22:45
付款方式
Visa Master AlipayHK 支付寶 現金
座位數目
75
其他資料
網上訂座
酒精飲品
自帶酒水 詳細介紹
電話訂座
賞訂座積分
加一服務費
當面支付
以上資料只供參考, 請與餐廳確認詳情
有關餐廳
Le Viet
Le Viet是法文,意思解作「越南仔」,法文名字道出了餐廳個性,活潑地表現出餐廳主打的形象路線-把創新的越南新派混合菜色帶給市民大眾!

這所餐廳的主理人是柬埔寨華僑的第二代,自小受越南與泰國的飲食文化所影響,如今銳意打破傳統,創出新派滋味的越南美饌。餐廳場內佈置以紅黃藍色的裝潢為主調,配以多個簡單而味道精緻的菜色,完全感受到當中別樹一格的型格氣派。

餐牌方面,種類經精挑細想,以親切的越式粉麵飯及各類小食打動一眾食客歡心。推介有特製的柚子海鮮沙律,柚子醬汁拼配秘製獨創的傳統越式魚露,味道清新獨特,一試難忘!越式牛柳沙律用上牛頸脊的部位製成,加入越式香草、青木瓜絲、青檸魚露等,集合甜酸辣的複合口味,清新惹味。

生牛肉湯粉是其招牌的越式地道菜,湯底以大量的牛骨、配以越式香料及草果等調料烹煮,用上12個鐘頭餚製而成,味道鮮甜,另一款特級牛頸脊湯粉更是升級滋味的選擇。牛油焗大頭蝦則是限量而珍貴的滋味主菜,份量十足的大頭蝦,富牛油香又脆口,口感味道一流!

其餘的精選粉麵推介有:手撕雞扎肉湯粉、特別火車頭、香茅豬扒湯粉、咖喱牛腩撈檬等。一次過,極速品味越式風情!

有關獎賞計劃
食評 (1044)
等級4 2024-02-28
617 瀏覽
餐廳:Le Viet地點:尖沙咀The ONE 菜式:越南菜餐牌:午市套餐十款主食選一,價錢由$69至$96不等,可選撈檬,炒檬,湯粉同飯。跟餐有檸茶/奶茶/咖啡,凍咖啡加$5,特飲加$8。主餐牌有招牌菜,沙律,米紙卷,越式湯鍋,海鮮,燒烤串燒,小食,咖喱,蔬菜,河粉撈檬,粉麵飯,甜品,飲品。另加一。香茅燒豬頸肉撈檬 $76 另加一香茅燒豬頸肉撈檬有七片燒豬頸肉,燒得燶邊,食落爽脆,不過唔會太肥,味道質感都唔錯。下底係檬粉加雜菜沙律。檬粉幼身滑溜。生菜,芽菜,蘿蔔絲同青瓜絲都爽脆。灑上脆脆同蔥花。魚露另上,酸酸甜甜,蒜蓉好多,非常醒胃。梛汁紅豆冰 跟餐+$8 另加一梛汁紅豆冰下底有好多紅豆,梛奶好香滑不過唔過甜,係一個好好既甜品。蝦餅 $83 另加一蝦餅一客4件圓咕碌,炸得外脆內彈牙,味道唔錯,伴有甜酸汁可解膩。墊有梛菜絲。香芒糯米飯 $66 另加一糯米飯一紫一白各一,暖暖地上枱,食落煙煙韌韌,我特別鍾意紫米,因爲真係特別有咬口。糯米飯面頭淋上豐富既香滑椰漿,食落又香又有咬口!外圍新鮮芒果兩排,酸酸地可以中和甜味。芒果+糯米飯+椰漿一齊食,有多重味覺享受,有酸甜清爽+滑溜煙韌,正! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-20
0 瀏覽
【油尖旺區】【Le Viet】喺尖沙咀行街,搵嘢食都唔容易,選擇雖然多,但係要搵間好嘅都真係要揀一揀。好彩今次同行嘅朋友係一位識飲識食嘅女仔,而且最重要嘅係佢曾經喺呢頭附近做嘢,所以我完全將個選擇權交咗畀佢。佢話 The ONE 四樓呢間越南餐廳係唔錯,就信佢啦。嗰個時間食 lunch 就啱晒,一人試一個「午市精選」套餐就啱晒,不過其實我哋都係 share 食,都冇分邊個食邊份喇。我哋試咗「海鮮炒檬粉」同「Le Viet 招牌飯」,前者炒得好夠熱,海鮮同蛋都好多,好快清晒。後者就綜合咗唔同嘅餸菜,乜都有得食。我哋仲試埋「串燒雞牛豬三串」同「鮮蝦米紙卷」呢兩款小食,都係好好味嘅,前者夠濃味,後者夠清新,相輔相成。嘢飲方面,我就飲「三色冰」,濃厚清甜,邪惡度爆錶。朋友就飲「越南滴滴咖啡」,聽佢講返都係相當具有質素嘅咖啡,佢中意就好喇。。。(地址:尖沙咀彌敦道100號The ONE 4樓L402號舖)@leviet23#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #LeViet #午市精選 #海鮮炒檬粉 #LeViet招牌飯 #串燒雞牛豬三串 #鮮蝦米紙卷 #三色冰 #越南滴滴咖啡 #1am1359 #1ambackup 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-19
0 瀏覽
同朋友係the one行街,經過見到呢間越南菜有lunch set,幾吸引又幾抵食,就試一試~.⭐️柚子沙律好清新又新鮮既沙律,有柚子肉、蝦肉、蜆肉、魷魚、腰果,好豐富!.⭐️咖哩牛腩檬咖喱汁超惹味,檬粉質地好掛汁,係偏甜既咖喱,味道一流,牛腩都有幾大舊,抵食👍🏻.⭐️火車頭 Special Noodle黎到越南菜餐廳,一定要試試最出名既火車頭,牛肉大大片,仲有牛丸、牛腩、牛柏葉、蘿蔔,湯頭夠香,河粉夠滑,唔錯~.⭐️香芒糯米飯熱辣辣既糯米飯,有紫糯米同白糯米,好煙韌,芒果香甜,加埋一齊食,有冰火交融既效果😆.⭐️熱咖啡跟餐餐飲,仲包埋咖啡提一提神🤓 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-18
0 瀏覽
Le Viet今次要介紹尖沙咀the one商場入面一間叫「Le Viet」高質越南餐廳,佢哋lunch set有飯、湯粉、撈檬同炒檬,價錢由$69至$96,套餐包檸檬茶/奶茶/咖啡(凍咖啡+$5)(特飲+$8,椰青除外)。餐廳入面非常闊落,好啱輪椅人士入去食野,食物質素又高質,非常推介比大家食!1.香茅燒豬頸肉檬粉$76(9/10)呢個香茅燒豬頸肉檬粉入面有7舊豬頸肉,燒到好燶邊,咬落唔會乾柴,下面有檬粉、紅蘿蔔絲、青瓜絲、生菜、芽菜等,再倒入酸酸甜甜嘅魚露,非常開胃!2.大蝦菠蘿飯(送餐湯)$96(9.5/10)呢個大蝦菠蘿飯份量多到滿瀉,大約分到四碗飯,面頭上仲有三隻大蝦,大蝦仲好細心幫你剝埋殼,蝦肉肉質彈牙,菠蘿飯飯粒粒挺身,當然唔少得有好多粒粒菠蘿肉,入面仲有雞蛋、肉鬆、三色豆、火腿等,份量超多,大約分到四碗,真係好高質!是日餐湯仲係冬瓜紅蘿蔔雞湯,非常清甜!3.牛油雞翼$78(原價88)(9.5/10)小食嚟講我自己就會推介呢碟牛油雞翼,雞翼外皮炸得好脆,肉質又好嫩滑,牛油味同蒜頭味非常十足,非常香口!4.青木瓜大蝦雞絲沙律$88(8/10)呢個青木瓜大蝦雞絲沙律入面蝦仁係切半,大約有十隻蝦仁幫手切半,蝦仁肉質彈牙,其他配菜有紅蘿蔔絲、青瓜、有少少偏硬嘅青木瓜絲、唔鞋嘅雞絲5.椒鹽魷魚鬚$138(7/10)椒鹽魷魚鬚個椒鹽味唔重,魷魚鬚大約有15舊,魷魚鬚彈牙!6.精選甜品拼盤$118(8.5/10)精選甜品拼盤有椰汁千層糕、一整個有少少酸嘅芒果、有軟淋煙韌黑糯米同白糯米嘅糯米飯、仲有好啱打卡心形器皿嘅焦糖燉蛋!7.椰汁綠豆冰$8(原價$32)(7.5/10)Lunch set可以加$8有一杯椰汁綠豆冰,原價都要$32,淡淡好滑椰奶味,綠豆唔係粒粒綠豆係綠豆蓉,幾好飲!8.越南滴滴咖啡$8(原價$40)(8.5/10)Lunch set可以加$8有一杯越南滴滴咖啡,原價都要$40,平時就飲得多cappuccino或latte,今次就試下越南滴滴咖啡,飲落唔會好濃郁,不過會飲到少少咖啡渣,唔錯嘅體驗!2人總共價錢$671,有加一服務費!個人口味總評分:8.43/10@hktheone地址:尖沙咀彌敦道100號The ONE 4樓L402號舖Please follow me🙆‍♂️ @wheelchaireatinhongkong 如果鍾意我嘅分享,麻煩請follow我,仲有記得Like同Share!🙏🏻🙇🏻‍♂️#LeViet #越南菜 #theone #香港美食 #尖沙咀美食 #尖沙咀好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong 繼續閱讀
(以上食評乃用戶個人意見 , 並不代表OpenRice之觀點。)
【尖沙咀•Le Viet】@ππππππππππππππππππππππππππππππ尖沙咀正到爆嘅越式料理餐廳沙爹串燒菠蘿焗飯越式車頭湯河粉燉蛋三色冰及咸檸梳打沙爹串燒:肉質鮮嫩多汁,輕輕一咬即溢出肉汁。每一串上的肉塊均勻吸附著濃郁香料,炭火的煙燻香氣與沙爹醬的甜辣味完美融合。沙爹醬滑順中帶點顆粒感,花生的香脆與辣椒的微辣激活味蕾.菠蘿焗飯:內裡藏著金黃色的咖喱味炒飯,炒飯粒粒分明,軟硬適中,咖喱香氣不甚突出卻恰到好處地襯托了海鮮和雞肉的鮮味。菠蘿的清甜中和了咖喱的濃郁,烘焗過程中菠蘿內壁略微焦脆,加入飯中更增添了一份異國情調的風味。越式車頭湯河粉:湯味中充滿了牛骨熬煮的香郁與淡淡的八角、肉桂辛香。透明的湯裡飄浮著薄片的牛腩,柔軟而入味,每一口都是對傳統越南風味的致敬。燉蛋:燉蛋軟嫩如絲,層層疊疊的蛋液口感細滑無比,每一口都能感受到溫柔的牛奶香味。三色冰及咸檸梳打:飲後不僅開胃,更讓整體用餐過程感到振奮和滿足,非常適合解膩,清新味覺。餐廳環境:🔥🔥🔥🔥🔥服務質素:⛄⛄⛄⛄⛄食物味道:🍾🍾🍾🍾🍾性價比:🎟️🎟️🎟️🎟️🎟️消費 HKD 350(加一)✨✨✨✨✨✨✨✨✨✨✨✨✨#尖沙咀美食 #Le Viet #web3尖沙咀Le Viet尖沙咀彌敦道100號The ONE 4樓L402號舖 繼續閱讀
(以上食評乃用戶個人意見 , 並不代表OpenRice之觀點。)