LAB EAT Restaurant & Bar (T.O.P This is Our Place)

營業中

休息中

早已試過Lab Eat尖沙嘴和旺角兩家店，覺得食物都不錯，周六下午就相約朋友於旺角再次光顧。我們點了兩個午餐，包括湯或沙律、主食和飲品。廚師沙律- 材料一點不馬虎，藜麥有咬口而且調味佳，焗薯甜粉，蔬菜爽脆，健康美味。廚師餐湯- 南瓜蓉湯香甜，真材實料，湯順口幼滑，不會太稠太膩。如果配有脆多士更好。特級橄欖油煎紐西蘭石斑魚- 石斑魚煎得皮香脆，肉質鮮嫩啖啖肉，配搭的燒蒜忌廉汁帶一點兒creamy，口味清爽，加點檸檬汁更帶出魚的鮮甜。炭燒美國安格斯西冷扒- 我們點了五成熟，牛扒外牆攤銷得焦香，扒周邊的熟度好像有一點超過了，但肉質依然是不錯，有咬口得來不硬，能保持肉汁。伴碟的酸瓜沙律能消除吃肉的油膩，感覺變得比較輕盈。炸薯格亦不能錯過，炸得外層香脆，裏面的薯蓉口感軟綿、粉粉的，滋味十足。最後慢慢學完一杯熱咖啡，非常寫意的享用完美味的午餐。

如果係旺角想搵間坐得舒服，有feel而食物又唔差嘅我會推薦lab eat👍🏻最適合大家幫朋友情人慶生啦，因為佢嘅嘢食同環境都好適合打卡😝🍴炭燒蘆筍紅菜頭藜麥沙律 $138配烤新薯，牛油果及藍啤梨黑醋汁呢個沙律健康又好味，所有菜都好新鮮，最有驚喜係個醬，唔係普通嘅沙律醬，食落酸酸甜甜好開胃～😆🍴香草蛋黃醬焗蟹肉，牛油果，鮮蘆筍配溫泉蛋 $148呢個真係牛油果愛好者必叫!牛油果中間有焗蟹肉，加埋流心嘅溫泉蛋😍完全係perfect math！而下面嘅帶酸嘅蛋黃醬剛好中和左牛油果嘅膩👍🏻🍴溫泉蛋卡邦尼扁意粉 $168配香脆乾火腿，義大利煙肉，溫泉蛋及即磨芝士呢個意粉就係經典嘅配搭，意粉煮得剛剛好～而煙肉夠脆😝個醬都夠creamy，加埋溫泉蛋更加加分👍🏻🌟佢地送嘅餐包都十分用心😍係紅菜頭包，熱辣辣外脆內軟真係好正🥳食完餐包都估到佢嘅嘢食應該唔錯👍🏻而且佢嘅特色cocktail都唔錯😛慶祝黎呢間應該唔會失望

是晚用左OpenRice 既訂檯加有75折優惠入到去個環境好靚 好岩情侶/girls talk 黎！如果食煙都可以出去露台食 唔錯既!黎到即送餐包（一陣介紹埋）第一道黎既係白酒煮西班牙青口$198份量都多既 味道好鮮甜！個汁都適中 唔會搶左鮮味由於唔好洋蔥 所以冇點食到 但經理話配菜先係主角而且仲好貼心甘俾個大碗你裝殻！甘見有汁我地就追加包 原來呢到既包冇refill 要加就要俾錢 同埋得兩款包左邊係紫薯紅包豆 鬆軟唔太甜既右邊係法包 都係好鬆軟既 價錢就冇問啦🙈之黎就上好多人都推薦既海膽多士$216/3pcs包就係岩岩既法包 佢仲加左少少香草既 中和番海膽既濃味海膽係好新鮮好大舊既 都唔水 仲唔散最後我地仲叫左西班牙極品橡果黑毛豬$398/2pcs煎得岩岩好既 肉中間係粉紅調味如果覺得淡加少少鹽就夠而且咬落唔硬 好鬆好多汁後面兩個椒都煮得岩岩好 冇焦但又全熟而且係配紫薯 不過我鐘意傳統煮仔多少少而我地都有加配菜兩個既第一個係蕃薯條$52薯條偏幼同有d過老 口痕可以食下既！另一個係牛油燒野菌$52份量夠大夠多 而且好多汁味道唔會太咸 牛油味香菇既種類都多！

由於旺角最就腳，所以同一班朋友約咗喺旺角食飯！上網見到呢間野有很多好評，特登約去試吓！座位是圓形設計，所以同朋友傾計距離剛剛好！青口味道清甜，略有少少酒味！龍蝦意大利飯非常推介！沙律尚算新鮮，由於當日幾位朋友聚會，所以可以嘗試很多不同的主菜！主菜味道都很突出，食物水準很好！海膽多士沒有怪味，非常新鮮！很推介！生蠔口感比較creamy!總括依然，這間餐廳服務同食物水準都不錯，雖然價錢不算便宜！人均消費大約600左右！價錢包括紅酒&白酒一支！但食得出廚師的用心！

餐廳係旺角Top樓上5/f, 好方便，一出地鐵站就到。餐廳非常之大，而且裝修好漂亮，位置非常舒適。叫咗兩個餐，一個牛一個羊，個餐附送湯或者沙律。沙律菜好新鮮。牛扒- 牛肉味濃，叫左5成熟，上碟時應該有六成，可以再生少少，同埋份量好大，好夠食。羊 - 有三件羊扒，燒到啱啱好，好juicy。不會乾，好味。另外薯格都好脆。甜品- passion fruit cheese cake，熱情果味有少少酸酸甜甜，中和左個甜度， 反而不會太膩。托肥雪糕泡芙-雪糕味道好濃烈，好滑，不過有少少偏甜。

同好友放工想傾下計談下心就搵左間好有格調既西餐廳環境都幾舒服 仲有outdoor食物種類都多 仲係好創新既菜式先黎個餐前包跟住叫左兩款生蠔分別係New Zealand rock  同 TatihouNew Zealand rock肉質爽口 海水味淡而Tatihou 口感層次分明先是一段海水咸味之後甜味再慢慢滲出 回甘味長久北海道帶子刺身薄片又名叫「初戀」係餐廳老細創作出來一種分子料理既食法配上海膽 青檸及溫泉蛋撈起來食食落好有初戀既感覺酸酸甜甜的青口好新鮮 大大粒食海鮮配白酒係最佳配搭揀左pinot grigio 清爽酸甜味跟住就到熱盤洋蔥湯 非常鮮甜入味西班牙極品橡果飼黑毛豬即叫即燒 燒得非常入味肉質好軟淋 最後叫上甜品甜品亦都非常出色 好靚比利時朱古力做外殻內裡是焦糖咖啡加甜酒既果凍口感好特別很回味的一餐 而且菜式好精緻

而加星期五想找地方同閏蜜聚會談天不容易，很多地方也限時1.5 hrs晚飯時間。 聽朋友介紹這裡地點交通方便，食物質素高，最重要係沒有限時！海膽多士，必點items!啖啖海膽，好滿足！呢個海膽蟹膏意粉，每口意粉也好香濃蟹味！和牛肉眼扒，肉質唔錯，雖然係和牛但唔會太肥太油，炭香肉味加少少海鹽令味道提升不少呢個朱古力波波絕對係呃like之選，可惜我地個波加了糖漿也唔溶....有d失望...朋友生日，預早請餐廳給一個小小surprise...綠茶甜品很好吃，超濃郁綠茶味，綠茶迷表示好正！

喺旺角行咗成日 已經無心機再去搵有咩好食基於最後一站係T.O.P 就search下有咩好食啦見到呢間質素幾高咁 而喺OpenRice book位仲有主餐牌75折 所以就決定食佢啦餐廳環境幾好 燈光同座位都舒服嘅不過有啲不滿係員工拉到我哋同隔離枱太近 呢樣就有啲小扣分嘅Menu有單點都有一個5-course嘅dinner set但唔係太餓嘅關係最後都係揀散嗌喺揀緊野食嘅中途 就有店員送上免費嘅餐前麵包紫色嘅麵包睇落幾吸引 食落都好味嘅 但就食唔出有咩特別嘅味喇最後決定嗌1個appetizer 1個pasta同1塊steak再加2杯野飲Appetizer係玉桂脆煎法國鴨肝鴨肝嘅油香非常之香 配埋燒菠蘿同藍莓醬就更加中和咗個油膩感不過作為鴨鵝肝嘅fans 我就鍾意直接感受個油香多啲喇Pasta係鮮蟹膏海膽扁意粉意粉面鋪咗大概4-5嚿嘅海膽色澤嚟講好靚 味道都唔錯但當然唔好expect係啲好鮮甜嘅貨式啦除咗喺面嘅海膽外 意粉食落都有好濃烈嘅海膽味 完全感受到係真材實料嘅不過可能海膽太濃味 就真係食唔到蟹膏味Steak就揀咗美國肉眼扒上枱見佢燒得好靚同好香要求五成熟都一樣做到不過個扒對比頭兩樣野

今天相約朋友午飯，於 OpenRice 訂枱，其實相當方便，由於朋友有些事情要找我傾談，訂坐時特別要求靜一點的位置，店員安排角落位置，真的免受打擾，一讚。LabEat 尖沙咀也有分店，旺角店就在從前的旺角中心第二期，現在名為 T.O.P 的商場五樓，現在改建成年青人商場。午餐由$88-$158 ，還可以加錢餐湯升級項目。只需加$50 ，無論湯、沙律、甜品，通通升級。磨菇忌廉湯~夠杰身，香濃滑溜。西班牙黑毛豬火腿凱撒沙律~沙律醬可以少一點就更完美。煙三文魚及茄子番茄醬粗意粉~味道不錯，只是㕑子橄欖油過份重手，吃完整碟粉後還淨了一大湯匙的油。西班牙依比利亞黑毛豬肉眼(七成熟)伴BB甜薯及紅酒汁~驟眼看最初以為是牛，原來是黑毛豬肉眼，餐牌上註明是七成熟，朋友給了一點點吃，七成熟是剛剛到位，除了牛之外，另一個不錯的選擇。藍梅芝士餅伴吉士忌廉焦糖合桃~值得一讚是那三個組合配搭很夾檔，將平凡中帶出甜品的層次，味雷上帶出不同感受，尤其那焦糖合桃，筆者很喜歡。海鹽焦糖意大利雪糕伴檸檬果仁丸子~檸檬果仁丸子比預期中過甜，焦糖雪糕香味嫩滑，甜度尚可接受，如將所有甜度減兩個級別就更完美，但兩款甜品配上桑子無

三年前好友與我到尖沙咀的”LAB EAT Restaurant & Bar”吃過晚飯後一直都念念不忘，想不到三年後好友再次相約我到”LAB EAT Restaurant & Bar”用膳。雖然今次用膳的地點是他們的旺角分店，但感覺依然有意思!尖沙咀分店總給我一種酒吧餐廳的感覺，但是今次到了他們的旺角分店就有種截然不同的感覺。由於我們用膳當日都比較多人，所以不便拍下餐廳內的環境照，但是我可以說這裏的裝潢是走較為有格調和優雅的路線，感覺fancy一點，整體感覺相當不錯!坐下不久後，我們便看看餐牌，發現他們不論是提供的食物還是飲品的款式都相當多。Pina Colada平時都比較少飲有酒精的飲品，但是喜歡菠蘿汁和椰奶的我一看到餐牌上有Pina Colada都忍不住要把它點下來。這杯Pina Colada口感冰凍之餘，菠蘿汁和椰奶的比例調校得非常好，每喝一口Pina Colada都想得到菠蘿汁的味道，而菠蘿汁的味道又沒有蓋過椰奶的味道，兩者味道之間又嚐得到一絲絲的酒香味，真的不錯!American Pearl, La Reine, Lambert好友知道我一向都喜歡吃生蠔，所以特意點了三款生蠔，

三五知己放工後聚一聚，第一次到呢間餐廳試吓，位置相當方便，旺角地鐵連接出口落雨都唔使怕。一直上到5樓就見到，餐廳環境一般，一般分兩個時段，一攞枱就開始計時，90分鐘要完成及離開。如果你要和朋友要詳談，你要考慮時間問題，又要講嘢又要食嘢，根本都唔夠時間叫咗個煮「青口」賣相幾好，但食落去就知道唔係新鮮嗰隻，好啉⋯⋯係冰鮮嗰啲。水牛芝士沙律配一片脆芝士、龍蝦尾煮意大利飯、醬燒烤深海八爪魚🐙⋯⋯係幾好食，不過個價錢一d貴。

今日出T.O.P商埸取團購，當然去嘆番個HIGH TEA 先啦，我地選了一間高檔的地方食TEA 消磨時間，我地4:45 左右入座可能比較遲，門口每無帶位，我便自已行入餐廳不夠5步，突然有個男經理無禮貌地問我有位未，我同佢講未(起初我都以為自已不對自行入了餐廳，所我都無特表情)，之後坐下睇了個 menu就叫了二份cake十 pancake set ，非常好食，而且仲有磨姑湯跟，都只是$68/set ，因環境好舒服同老公吹下水，好快就5:45我地見到員工己set 晚餐枱，我地都自動叫結賬，個經理黑面問咩事，我老公話唔該埋单，要講三次先有反應，雖只是食tea 都不應此態度 ，而且我地不是最後一枱下午茶走，仲有幾枱客仍吹水中，所此餐廳只可說食物環境高質，服務就超低質

終於完咗個大project,即刻同同事去旺角食返餐好既，搵咗呢間有酒飲環境又好既餐廳。落完單之後，侍應就送上熱辣辣嘅紫薯麵包，感覺好健康又美味😋叫咗兩杯白酒，邊飲邊等美食來🥂首先來四隻生蠔，份量十足，用料新鮮！還有兩種不同口味的醬汁。原來晚上9點後有多款西班牙精品小碟，叫了一碟炭燒香辣海蝦，用來送酒非常適合，蝦肉爽脆，煎得很香另外一碟是西班牙辣肉腸炒蜆，配搭非常新穎，有鹹酸菜，辣肉腸及炒蜆法國傳統熱溶流心芝士，侍應會先送上一碟有火箭菜，火腿，車厘茄等，然後會即席在你面前切下熱容了的芝士，呢個真係要趁熱食啊！脆薯格慢煮美國帶骨牛小排，呢個牛小排煮得好出色，肉質嫩滑，配上特製的醬汁更能突顯牛的味道。最後以呢個好有仙氣的比利時朱古力甜品作為晚餐的總結，外層是濃郁的朱古力外殼，內裏有雪糕。非常滿足的一餐！

又係一年一度既生日飯朋友問我想食咩🤔上OᑭEᑎᖇIᑕE 見到呢間位於旺角分店《ᒪᗩᗷ EᗩT》評價甚高，所以提議試下～由於是星期二人流不算多，7:30好快就安排入座，朋友於Openrice 訂位仲可享有88折餐廳座位有圓形梳化，私隱度極高又坐得舒服，外面還有室外露台位，可以一班朋友飲野食水煙。先黎麵包，點黑醋好好味😋麵包外脆內軟北海道粟米濃湯伴輕煎帶子Sangria 🍹~紅酒味濃Ginger Pineapple 🍍Litchi & Roses🌹美國一級肉眼扒🥩～5成熟岩岩好，有陣陣炭燒味鮮蟹膏海膽扁意粉濃郁海膽味超正西班牙龍蝦尾配茴香酒煮有機意大利飯～龍蝦🦞肉多又爽口配菜～牛油燒野菌～牛油味炒得好香配菜～薯條🍟朋友訂了呢個甜品拼盤給我適合4人食用，尢如仙境一樣影相打卡一流份量款式都好多，有馬卡龍，拿破崙，各種蛋糕🍰敲碎外面特濃朱古力裡面係雪糕好好味呀

食物味道比預期好食!但問飲咩時,好似被逼要支still water 咁要俾成$35服務生態度欠佳,完全問非所答,感覺賴高級咁,但完全唔理解個客想要咩,本想叫甜品,但唔見有dessert meun同服務生咁之後,食完兩個main course就走