LAB EAT Restaurant & Bar (T.O.P This is Our Place)

營業中

休息中

疫情之下都好少出街食飯，有事出黎旺角不如就食下好西啦餐廳都好細心預備口罩袋俾我哋我哋兩個人叫左兩杯cocktail, 原來佢會喺你面前整，好得意呀！岩哂打卡一杯係ginger pineapple , 一杯係lychee& rose，兩杯都真係好好飲！酒味剛好高度推介！之後我地叫左個前菜raclette cheese, 佢會係你面前整溶個cheese成pat放落去，淨係望住已經留哂口水佢入面有火箭菜，車喱茄，pama ham 全部夾埋一齊食，大滿足主菜我地叫左個m6牛柳伴鴨肝我可以話牛柳煎得perfect, 剛好係我想要嘅4成熟，牛柳唔肥都可以做到滑口嘅効果同埋唔好以為佢好細，我們兩個人都覺得夠～最後甜品waiter推介我地叫左Apple pie ，果然有驚喜，佢上層係用左蘋果肉做成嘅啫喱，中間夾住吉士下層係蘇皮，我覺得有fine dine 嘅水準，令全餐飯升華不少。總結，我覺得呢度不論係環境定食飯，都高達90分，我會再來

出左糧又想食餐好西，係OpenRice見到呢間餐廳好似唔錯，又幾好feel，就同男朋友黎撐枱腳!Menu的款式很多, 想試的東西亦實在太多, 因為懶得揀就要左set dinner, 之後就黎左兩塊法包，面包仲係暖暖地既，外皮好脆， 可以加欖欖油同黑醋食，好好食！！Set dinner已經有齊頭盤, 湯, 主菜同甜品~餐湯係磨菇湯～薄切煙燻三文魚配三文魚子之前係歐洲食過CAPACCIO 都覺得好好食, 呢個係三文魚CAPACCIO都係第一次食~三文魚有陣煙燻味真係好香，平衡番三文魚既膩, 又清新Ｄ～慢煮黃雞配鵝肝平時多數係食燒雞都好鞋，呢個慢煮黃雞真係好滑，鵝肝既油份好香，又滑溜，配埋雞肉就BALANCE番,唔會覺得好HEAVY~甜品係蘋果拿破崙，雖然睇落同平時食開既蘋果批唔同，不過呢個入口軟綿又香甜。仲有脆脆千層酥皮同吉士醬，加埋雪糕都好好食!

今日老公話放工去旺角買玩具，陪佢行完一間又一玩具店買到心頭嗜之後老公就提議食餐好獎勵吓我，帶一我到間有空中花園嘅西餐廳，可以座得舒舒服服。餐廳坐落於旺角T.O.P. 五樓，非常方便，餐廳門面好大，流線型的牆壁以木條鑲嵌裝飾，配上天花射燈，座位都以粉藍色為主，配雲石紋餐枱，整體簡約風格好舒服。餐牌食物選擇多元化，由前菜到甜品都一應俱全，花多眼亂之下由老公發板。黑松露菌泡沫濃湯 $88黑松露湯表層的泡沫好棉軟，泡沫和湯一同入口感覺好creamy，而黑松露香和菇菌味非常突出，每一口都能吃到菇菌，口感非常豐富，好好飲。煙燻法國鵪鶉脾 $128前菜係煙燻鵪鶉脾，第一次吃煙燻鵪鶉，煙燻味好香，鵪鶉肉質嫩滑之餘十分結實，配上檸檬香草調味更惹味。火箭菜獨特的菜味能清新味蕾，提升整道菜式味道的層次。焗智利白鱈魚柳配八爪魚薯餅 $348主菜份量好足夠，擺盤和賣相都非常吸睛，鱈魚柳好厚，表面魚皮煎得香脆，魚肉保持嫩滑多汁，入口魚油的甘香在口腔回蕩，配上特製醬汁更惹味。八爪魚薯餅炸得香脆，八爪魚粒增加口感，配菜都十分出色，不論色香味都好出色。液態氮冷煙分子甜品拼盤 $328甜品送上枱時侍應會倒出液態氮，之後就

近日疫情稍為緩和，趁星期二同老婆都係旺角呢邊收工，決定打去T.O.P. 5樓呢間Lab Eat訂位嘆返餐。Lab Eat裝修時尚有格調，座位非常寬敞，更附設平台用餐區，非常適合Fine Dinning。😁Ginger Pineapple $98我地各點左杯餐前飲品，呢杯Ginger Pineapple唔會太甜，果味清新自然，店員會把煙燻球放上飲品，令賣相非常吸引。😍空運直送生蠔Lab Eat今日都有提供時令直送生蠔，今日呢款由法國空運到港嘅LA FINE de Claire(Crystal)，肉質較薄，蠔汁豐富，入口海水鹹味適中，口感相當清爽。😙黑松露焗法國田螺 $148除左生蠔之外，我地頭盤點左焗法國田螺，田螺舖滿黑松露，殼中更釀有香草醬，田螺肉質嫩滑而且富有彈性，配薯蓉脆包食，味道非常有層次，一客6隻，份量十足。👍🏻煙燻法國鵪鶉脾 $128鵪鶉脾肉質彈牙，富有油香，外皮烤香，配上檸檬葉車厘茄，味道配搭唔錯。👍🏻焗智利白鱈魚柳配八爪魚薯餅 $348焗智利白鱈魚柳非常有驚喜，魚皮既薄又香脆，魚肉鮮嫩而且有豐富魚油，沾上特製，非常惹味。八爪魚薯餅外層鬆脆，餡料有薯蓉同八爪魚粒，味道唔錯。

今晚去咗TOP嘅LAB EAT restaurant食好嘢。先飲嘢relax吓熱吓身，呢度有cocktail同mocktail。【Purple Pear】香甜梨汁，酒味較輕。加上蝶豆花漿嘅紫色配搭梨汁顏色幾charm。【Narcissus】有玫瑰糖漿、檸檬汁、荔枝汁同雪碧，店員喺上面用整個汽泡出嚟，又係「相機飲先」嘅時間～兩隻生蠔係嚟自美國嘅【American Pearl】。好大隻，肉質肥美，幾水潤creamy。【海膽多士】大堆海膽喺香脆多士上面，大啖鮮甜海膽，大滿足。鍾意食芝士嘅我就睇中咗【熱熔法國流心芝士配香草烤薯及意大利煙火腿】，店員真係攞一大條芝士出嚟扒一大堆流心芝士落去薯仔、火腿、露荀上面，畫面好治癒。芝士軟滑香濃，芝士迷必點。主菜食【西班牙橡果飼黑毛豬】，烤出嚟好香口，黑毛豬軟腍兼juicy，肉味濃郁，再加埋用橡果飼養另肉味帶啲香甜，好高質。配有香梨果漿，鹹甜交錯又另一番風味。

太耐冇出街啦，所以同朋友約喺附近食餐飯。😀呢個我覺得方便仲有少少隱蔽嘅地方。👍🏻其實有得坐室外望街景夜晚幾好feel，但係我哋就懶得行出去，留喺窗邊位坐就算數啦。我哋叫咗一個凱撒沙律，黑毛豬，同埋一個液態氮甜品。凱撒沙律啲菜好新鮮，咬咗落去十分之爽口，仲有一隻蛋，食落去夠晒營養。😋至於個黑毛豬，夠晒大份，表面亦都煎得香脆，配埋蘋果蓉嘅甜味，好夾呀。🤤至於個甜品，用嚟打卡一流，原因係佢啲液態氮一到落去嘅時候，嗰種夢幻嘅感覺，唔止相機影出嚟會令人驚嘆，親眼見到都覺得好驚訝。咁中間就有一個朱古力波，然後側邊有四款的的骰骰嘅甜品，例如馬卡龍同埋小蛋糕，正。😍😍😍爭啲唔記得，佢個嘢飲好得意㗎，上面會整一個泡泡波波，然後等你影完相之後，就會自動爆咗，個波波甜甜地幾得意㗎。

前一日已經穩定去旺角食咩西餐好，咁啱見到呢間餐廳好似環境唔錯，所以就選擇左喺OpenRice book位，仲有七五折優惠添！由於我哋只有兩位，所以叫嘅嘢食唔多！總共叫咗一個頭盤同兩個主食！另外叫咗兩杯嘢飲服務員態度好好，同我哋解釋餐牌上面邊啲係有折扣優惠，而且上菜都好快！菜式精緻又好食😋首先我哋叫咗個冷盤！元貝加海膽，口感非常好，下面底層都係冰，可以保持刺身嘅鮮味烤羊架一睇都覺得賣相相當精緻，而且唔會太生亦都唔會太熟慢煮八爪魚伴蟹膏意大利飯賣相一睇都覺得相當精緻！口感都好好，煩佢有黑色同黃色，食落味道唔大分別另外叫咗兩杯Mojito😆唔錯

旺角TOP商場算係旺角區旺中帶靜嘅商場，相連港鐵站，幾方便，行得又舒服。五樓嘅LABEAT Restaurant環境都係好舒適，仲有室外坐位。網上訂位單點餐牌有折扣，記住訂位先，著數啲~先叫咗兩隻生蠔做頭盤，American Pearl都幾鮮甜，加少少醬汁更好食。海膽多士 多士香脆，海膽粒粒分明，叠到高高。熱溶法國流心芝士即席刨出半溶芝士，份量好大。 下面有烤薯、小蘆筍、煙火腿、蕃茄、火箭菜等，一碟已經好飽。西班牙橡果飼黑毛豬好高質素，肉味香濃有口感。 醬汁帶果香味，可減低油膩感。Purple Pear 用咗豆蝶花做出紫色，夢幻得嚟又幾靚。 入面有梨汁、ABSOLUT Vodka、梳打、檸檬汁，酒味唔算好濃，女仕都啱飲。 

雖然來過這兒多次，但只是吃過午餐和晚餐，下午茶還是第一次。肺炎疫情仍未過去，T.O.P.商場內不少食肆都已結業或停業，就連地庫的 Food Court也只得兩間店舖在做生意，生意實在慘淡。這間位於商場最上層，地點有點隔涉，但好評不少的西餐廳，雖然座上客不算太多，起碼，仍能吸引到客人拾級登上最高一層，前來光顧。餐廳下午茶餐牌選擇不少，不想吃得太飽，只是點來「自選輕食拼盤」（$62）做下午茶。其實這兒的下午茶是幾抵食的，除了主菜外，還有餐湯或沙律可選。當然，冷熱飲品也是必備的。在田園沙律與南瓜湯兩者中揀了「南瓜湯」，橙黃色的南瓜湯，裝在白色圓形的湯碟上，驟眼看，就像一隻荷包蛋一樣。喝一口，味道甜美，口感順滑，不錯呢！「自選輕食拼盤」中的輕食其實有多款可揀，客人可在其中任選三款，而我就選了「炸芝士」（兩條）、「炸魚柳」（兩條）和「英式豬肉腸」（一條）。「炸魚柳」和「炸芝士」跟「英式豬肉腸」都是長條形的，「炸魚柳」的魚肉不夠軟熟，兩條「炸芝士」的芝士就分佈的不太平均，一條有，一條沒有，不過味道就還可以。意想不到地附上的「酸忌廉」，則是意外之喜。飲品點來一杯冰凍涼快的「可樂」，透心的涼，透心的爽

TOP商場幾年前還是政府大樓，忽然變成一個有格調既商場，入面都幾多野行，仲有唔少餐廳。適逢紀念日，怕落雨就來到TOP商場，見到有lab eat restaurant and bar，成日係openrice都見到蹤影既餐廳，set dinner 5百蚊起，環境都相當不錯！紀念日當然叫杯cocktail，選擇都幾多。頭盤係薄切煙燻鴨胸配酥皮卷，鴨肉好香，配埋酥皮脆卜卜，有點食tapas感覺，不錯。餐湯是蓆磨菇湯，好creamy，又帶點粒粒👍🏿主菜要了牛排，5成熟，都合格，而且調味唔錯，帶出牛味又不太咸，同埋份量都幾大👍🏿甜品可自選，呢個朱古力球玩味十足，倒完吉士醬就會溶開，甜甜的朱古力為晚餐畫上句號😍😍😍

今日嚟呢間好多人食過都話正既西餐廳，環境唔錯而且食物質素真係一流! 服務亦都非常好，性價比高!叫完野食就會有麵包serve，個包軟硬適中而且麥味好濃，唔係就咁叮熱咁簡單，似係新鮮整起，因為一D都唔會韌同埋難咬!藍青口呢個作為頭盤真係好吸引，因為藍青口整得好香又完全冇腥味，蒜頭同埋辣椒調味令成個青口既鮮味都好突出，食完之後好開胃!和牛肉眼呢個真係好好食，肉味濃郁再加上肉質鮮嫩，叫咗5成熟而廚師真係處理得岩岩好。冇筋同埋調味適中，和牛既牛味再加上少少鹽同黑椒已經好香。拌菜有烤蘑菇同埋番茄，可以中和到一直食肉既油膩感。整體嚟講非常好食!另外仲叫咗一杯ice tea，上台後有個少少乾冰造成既汽體，主落好得意而且飲落亦有好香既茶味，解渴一流!

母親節快樂！！！其實都係藉口去食餐好嘢啫呢間餐廳環境都唔錯，不過今晚都全場滿座啊！一開始先有熱辣辣嘅餐包之後就係一個重量級嘅前菜同埋一個都幾飽嘅湯。洋蔥湯味道唔錯，好濃郁，應該真係煮咗好耐！呢個熱熔芝士好好食！侍應會拎一舊熱辣辣嘅芝士去你枱面，慢慢咁刮留去！勁多芝士！呢個要趁熱食㗎之後就到main course! 我哋要咗羊架同埋蕃茄意粉。羊架係必食推介，擺盤精美，羊架肉質鮮嫩，生熟程度控制得啱啱好意粉係比較粗身嘅品種，唔係好掛汁，味道略為淡啲啲。最後當然要有甜品。視覺效果一流嘅甜品，朱古力波波上枱嘅時候好完整㗎，侍應淋啲熱嘅熱情果糖漿，慢慢整溶個朱古力波波，好睇又好味呢間餐廳啲嘢食唔錯，下次有啲慶祝活動可以又來呢度。

Litchi & Roses飲品黎左先，同事知我鍾意荔枝味所以幫我點左呢杯Litchi & Roses，淡淡粉紅色既外表本身已經令我心心眼，但原來仲有驚喜~店員會拎支槍係飲品上吹成一個波波，用叉吉穿個波波就會化成煙，非常有趣!急不及待試下個味道，果然荔枝味好濃，飲落口甜甜的，非常順喉。熱溶法國流心芝士配香草焗薯及意大利煙火腿店員首先將香草焗薯及意大利煙火腿奉上，然後手拎一大舊燒好表面既芝士刮一大份落黎~芝士微焦熱溶哂，香味冇得頂!忍唔住就咁食一口芝士~外脆內軟既口感加埋拉絲效果，再試下連埋焗薯及意大利煙火腿一齊食，口感更加非常豐富，對於平時唔好芝士既我都忍唔住口食唔停!慢煮八爪魚伴蟹羔意大利飯黎到果陣覺得幾驚喜，因為未食過咁大隻既八爪魚爪，跟住就係度幻想隻八爪魚本體應該都幾巨~XD切開d八爪魚腳，口感軟稔度唔似食緊八爪魚，超易咬，呢個就係慢煮既威力!意大利飯被蟹羔同墨魚汁染成兩種色，食落creamy但又唔會滯。72%朱古力球伴高溫熱情果汁 香草雪糕及椰糖脆脆又係我最期待既甜品環節，店員擺低個朱古力波波，等我地影完相就淋上熱情果汁，跟住面層既朱古力就會溶化哂~入面係雲呢拿雪糕，見到有一粒

疫情關係都有兩個月無同朋友聚舊加上朋友生日，朋友提出要求食西餐同時要有舒服環境和好食，我就揀選左LAB EAT Restaurant & Bar，餐廳感覺環境好舒服合符我朋友的要求，疫情關係餐廳人流不算太多，服務員態度親切，未開始叫嘢食已經提供餐前麵包配欖油加黑醋，因為我太貪食，每樣都想試下，因為餐前麵包好食，叫左一份，黑松露菌泡沫濃湯，好濃厚黑松露味好正，托斯卡尼海鮮湯，原來是龍蝦湯底加海鮮，味道都不錯，熱溶Raclette芝士配香草烤薯及意大利煙火腿，視覺同味覺同時享受，濃厚芝士溶放落去，暖暖芝士配上烤薯仔煙火腿火箭菜好食， 白酒忌廉汁煮藍青口  ，有淡淡忌廉味酒味不濃烈，實再太好味，所以再來一份，12小時慢煮美國一級牛小排，肉質柔軟，味道都不錯，美國和牛西冷(五成熟)，肉質柔軟，有濃厚肉汁，好食，到我最鍾意食嘅甜品，傳統吉士流心法式甜多士伴意大利雪糕，雪糕好香雲呢拿味好滑，有D失望多士並無流心效果，蛋白梳乎里伴雲呢拿忌廉，好重蛋味好滑，好食好满足

臨近母親節，又有藉口去食餐好嘅！今晚嚟咗旺角呢間好熱門嘅餐廳。可能疫情關係，唔使排隊。先食麵包，外脆內軟，點啲醋同橄欖油，幾開胃。每人點左一杯cocktail，上面整咗個夢幻嘅泡泡，一督穿就化成一縷輕煙飄走左 成件事真係好夢幻頭盤要咗呢個，芝士焗牛油果蟹肉釀蘑菇。呢個頭盤好清新，仲有我最愛嘅牛油果！見到menu有熱熔法國流心芝士，雖然知道好肥膩，但芝士控都忍唔住食！侍應好重手，加咗勁多勁多芝士食完呢個已經飽咗一半！肉類我哋要左羊架，肉質好細嫩我哋要medium，就真係做到medium嘅水準！擺盤好精美，色彩繽紛，見到都已經覺得開心最後當然要食甜品。溶咗一半先影相，其實佢本身賣相好靚。呢個朱古力波上面淋咗啲熱情果汁，酸酸甜甜好味！入面係香草雪糕。今晚每樣食物都好味，而且好精美；價錢雖然唔係超平，但真係色香味俱全。偶然食一次好嘢冇所謂啦